Category: нийгэм

iPhone 6 болон iPhone 6 Plus утаснуудын борлуулалт худалдаанд гарсан эхний 3 өдрөө 1000 илүү гарлаа.

Өнгөрөгч баасан гарагт Монголд албан ёсоор худалдаанд гарсан iPhone 6 болон iPhone 6 Plus гар утас борлуулалтаараа Монголын гар утасны борлуулалтын түүхэнд шинэ амжилт тогтоогоод байна. Худалдаанд гарсан эхний 3 өдөрт 1000 гаруй ширхэг худалдаалагдсан нь өнгөрсөн жилүүдэд худалдаанд гарч байсан iPhone 5, iPhone 5S гар утаснуудын борлуулалтаас илүү гарчээ.

2014 оны 11-р сарын 14-ний өглөө 9 цагт Тэди төв нээгдэхэд дэлхий дахинд борлуулалтаараа тэргүүлээд байгаа шинэ гар утсыг худалдан авахаар хэдийнэ дараалал үүсээд байсан бөгөөд энэхүү дараалал одоо ч үргэлжилсэн хэвээр байгаа юм.

Мобиком Корпорацийн хувьд албан ёсны баталгаатай гар утаснуудаа бусад худалдааны газрууд, сайтуудаас харьцангуй хямд үнээр санал болгосон нь хэрэглэгчдийн эрэлтийг бий болгоод байна. Мөн хэрэглэгчдийн талархлыг хүлээгээд байгаа бас нэг арга хэмжээ нь Мобикомын дугаарыг 10-н жилээс дээш барьсан үнэнч хэрэглэгчиддээ iPhone 6 утсыг Мобикомоос худалдаалж байгаа хөнгөлөлттэй үнээс дахин 10% хямдруулж, 1,450,000 төгрөгөөр авах урамшууллыг 10 хоногийн хугацаатай зарлажээ. Үнэнч хэрэглэгчиддээ зориулсан энэхүү урамшуулал энэ бүтэн сайн өдөр дуусна.

Дашрамд дурдахад, борлуулагдсан нийт утасны 74%-ийг iPhone 6, 26%-ийг iPhone 6 Plus эзэлж байгаа юм байна. Өнгөний хувьд Gold (алтлаг), Silver (мөнгөлөг) болон Space Grey (саарал) гэсэн сонголттойгоор худалдаалагдаж байгаа бөгөөд Space Grey өнгөны сонголт тун удахгүй дуусах төлөвтэй байна.

Мобиком Корпораци Apple-ын шинэ загварын утаснуудаа борлуулж эхэлсэнтэй холбогдуулан iPhone 5, 5S, 5C гар утаснуудыг худалдан авч 1 жилээс дээш iPhone багц ашигласан хэрэглэгчиддээ iPhone 6 гар утас авах цоо шинэ боломжийг тун удахгүй танилцуулах болно.

Хөгжлийн бэрхшээлтэй хэрнээ Монгол орныхоо баруун аймгуудаар 5500 км аялах зорилготой нийслэл Улаанбаатар хотоос гараагаа эхэлсэн Ч.Мөнгөндалай тун удахгүй нийслэлдээ буцаж иэрэхээр болжээ. Тэрбээр 6000 км аялаад Шарын гол суманд ирчихээд байгаа юм. Нийслэл рүү ирэх замдаа Зүүнхараа, Борнуур сумаар дайран долоо хоногийн дараа гэхэд ирсэн байна гэдгийг мэдээллээ.

Ч.Мөнгөндалайг явсан газар бүрт Монголын Залуучуудын Холбооны салбар холбоод хүлээн авч, хоол ундаар дайлж, зочид буудал, хоноглох газрыг шийдэж, мөнгөн хандив өргөж байсан байна. Дугуйчин маань аяллынхаа туршид өөрийн Facebook хуудсандаа мэдээллээ тасралтгүй хийж МЗХ-ны хамт олондоо баярлалаа гэсэн үгийг харамгүй хайрлаж байсан юм. Зургаан сарын турш унадаг дугуйгаар тасралтгүй аялж байгаа тэрээр нилээн турсан харагдсан гэхдээ явсан газар бүртээ эмнэлгийн тусламж авч, дусал залгуулан эрч хүчээ сэлбэн туулах замаа үргэлжлүүлсээр байсан эр зоригтон юм.

Хүн ардынхаа эрэлт хэрэгцээг олон төрлийн амт, чанар, шим тэжээл сайтай эрүүл хоол, бүтээгдэхүүнээр хангаж, хоол үйлдвэрлэл, үйлчилгээний салбарт өндөр ур чадвар гаргаж яваа тогоочдын дунд “Аймгийн аварга тогооч шалгаруулах” тэмцээн болж өндөрлөлөө.

Энэхүү тэмцээн нь тогоочдын авъяас ур чадвар, мэдрэмжийг сорьсон, харилцан туршлага солилцох нөхцөл боломжийг бүрдүүлснээрээ давуу талтай байв. Тэмцээнийг аймгийн Засаг даргын Тамгрын газраас МХГ, Сүхбаатар МСҮТөвтэй хамтран зохион байгууллаа. Ажил мэргэжлийн гэж хэлж болох тэмцээнд Сүхбаатар сумын зоогийн газруудын тогоочдоос гадна Сайхан, Цагааннуур, Ерөө, Шаамар сумдын тогоочид ирж оролцсон юм. Хоол үйлдвэрлэлийн шилдгүүд энэ удаа 5 шалгуур үзүүлэлтээр өрсөлдөж дүнгээ гаргасан бөгөөд тэмцээний тэргүүн байранд “Сэлэнгэ” зоогийн газрын тогооч Э.Сумъяа шалгарч “Аймгийн аварга тогооч” боллоо. Удаах байранд “Сэлэнгэ” зоогийн газрын тогооч н.Батбаатар, “Монголжин” зоогийн газрын тогооч н.Энх-Амар, “Монгол зоог” зоогийн газрын тогооч н.Энхтөр нар шалгарлаа. Тогооч хүний ур чадвар, сэтгэл зүтгэлээр бүтсэн зоог хүн ардынхаа хэрэгцээг хангаж, эрүүл, эрч хүчтэй амьдрах үндэс суурь нь болж байдаг билээ.

Монголын Залуучуудын Холбооны дэргэдэх Залуучуудын Гэр бүлийн хөгжлийг дэмжих хорооноос залуу гэр бүлийн үнэ цэнэ, үүрэг хариуцлагаа ухамсарлахад чиглэсэн сургалт, зөвлөгөө өгөх, залуу гэр бүлийг дэмжих зорилготой “Тогтвортой гэр бүл” өдөрлөгийг өчигдөр зохион байгуулсан аж. Өдөрлөгт МЗХ-ны УХАГ-ын дарга Б.Эрдэнэбат, МЗХ-ны дэргэдэх Залуучуудын Гэр бүлийн хөгжлийг дэмжих хорооны дарга, УБИС-ийн Гэр бүл судлалын тэнхимийн эрхлэгч Б.Оюун-Эрдэнэ, ХАХНХЯ-ны Хүн Амын Хөгжлийн Бодлогын Хэрэгжилтийг Зохицуулах газрын Залуучуудын хөгжлийн хэлтсийн дарга Г.Мөнхтүвшин, Залуучуудын Гэр бүлийн хөгжлийг дэмжих хорооны тэргүүлэгч гишүүн, гэр бүл судлаач Ц.Одгэрэл нар оролцсон байна.

Энэ үеэр залуу гэр бүлүүддээ “Гэр бүлийн үнэ цэнэ, үүрэг хариуцлага”, “Хэвлий дэх хүүхдийн тань хэлэх үг”, “Залуу гэр бүлд өгөх сэтгэлзүйн зөвлөгөө” сэдвээр сонирхолтой сургалт, зөвлөгөөг хүргэсэн аж. Түүнчлэн оролцогч хосууддаа “Даймонд” гэрэл зургийн студи, “Мишка” орос өлгийн дэлгүүр, Нярайн асаргааны зөвлөмж DVD, хүүхдийн угаадаг даавуун живх, Тод дэлгэц эмэгтэйчүүдийн эмнэлэгт үйлчлүүлэх зэргийг хөнгөлөлтэй үйлчлүүлэх эрх гардуулан өгчээ.

Гэр бүл гэдэг нийгмийн хамгийн бага нэгж ч гэлээ асар их үүрэг, хариуцлага үүрч улс эх орны үндэс, суурь нь болж өгдөг. Гэр бүлийн хүчирхийлэл, салалт нэмэгдэж энэ хэрээр хүүхдийн хүмүүжил доголдож асуудалтай гэр бүлийг үүсгэх нөхцөл бий болоод буй өнөө үед тогтвортой гэр бүлийг бий болгоход залуусын үүрэг оролцоо чухал байгааг сануулсан сонирхолтой арга хэмжээ боллоо хэмээн уг өдөрлөгт оролцсон залуус маань онцоллоо.

Дашрамд дуулгахад, “Тогтвортой гэр бүл” өдөрлөг цаашид үргэлжилэн Улсын Нэгдүгээр амаржих газарт очиж дээр дурьдсан төрөл бүрийн хөнгөлттэй үйлчүүлэх эрхийн бичгүүд болон Залуу гэр бүлд зориулсан гарын авлагыг хүргэх аян өрнүүлэх ажээ.

Авлигатай тэмцэх газар авлигаас урьдчилан сэргийлэх чиглэлээр 7 аймаг, 123 суманд ажиллах үеэр авлига, ашиг сонирхлын зөрчлөөс урьдчилан сэргийлэх хууль тогтоомжийг зөрчсөн албан тушаалтнуудад хариуцлага тооцуулах асуудлаар 54 албан бичгийг холбогдох дээд шатны байгууллагад хүргүүлэв.

Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг зөрчсөн 24 албан тушаалтанд хариуцлага тооцсон талаар хариу мэдэгдсэн байх бөгөөд ИТХ-ын төлөөлөгчөөр сонгогдсон боловч төрийн захиргааны албан тушаал хашиж байсан 10 албан тушаалтныг давхар эрхэлж байсан ажил үүргээс нь чөлөөлжээ.

Түүнчлэн авлига, ашиг сонирхлын зөрчлийн эсрэг хууль тогтоомжийг зөрчсөн 7 захирамж, тушаал болон хүнд суртал, чирэгдэл үүсгэж буй 34 журмын зохих заалтуудыг хүчингүй болгуулах арга хэмжээг авлаа.

Гурван жил тутам зохион байгуулагддаг Олон улсын ардчилсан холбооны гишүүн намуудын удирдлагуудын уулзалт БНСУ-ын Сөүл хотод энэ сарын 20-ний өдөр эхэллээ. Баруун, төвийн үзэл баримтлалтай улс төрийн намуудын энэхүү холбоонд АНУ-ын Бүгд найрамдах нам, Британи, Канад, Норвегийн Консерватив нам, Германы Христийн ардчилсан нам, Австрали, Шинэ Зеландын Либерал нам, Солонгосын Сэнүри нам зэрэг нөлөө бүхий том намууд багтдагийн дотор Монгол улсаас Ардчилсан нам гишүүнээр элссэн байдаг.

Ардчилсан намыг төлөөлөн энэ удаагийн хуралд Ерөнхий нарийн бичгийн дарга Ц.Оюундарь, Ардчилсан намын Гүйцэтгэх зөвлөлийн гишүүн, УИХ-ын гишүүн Л.Болд, намын гадаад харилцааны зөвлөх А.Батпүрэв нар оролцож байна.

Хурлын эхний өдөр болсон Ази, номхон далайн бүсийн ардчилсан холбооны уулзалтын үеэр УИХ-ын гишүүн Л.Болдыг тус бүсийн Ардчилсан холбооны дэд даргаар санал нэгтэй сонголоо. Мөн уулзалтын үеэр бүсийн хэжээнд ирэх онд зохион байгуулах гол ажлуудаа төлөвлөсний дотор Монгол улс болон зүүн европын орнуудад өрнөсөн ардчилсан өөрчлөлтийн 25 жилийн ойг тохиолдуулан Улаанбаатар хотноо олон улсын ардчилсан намуудын өндөр түвшний уулзалтыг зохион байгуулах Монголын төлөөгчдийн санал дэмжигдлээ.

Нийслэлийн Засаг дарга “Алтан-Өлгийн оршуулгын газрын үйл ажиллагааг сайжруулах тухай” А/971 дугаар захирамж гаргалаа. Захирамжаар Алтан-Өлгийн оршуулгын газар болон түүний хамгаалалтын бүсийн тохижилтын ажлын зураг төслийг Улаанбаатар хотын хөгжлийн ерөнхий төлөвлөгөөтэй уялдуулан хийж гүйцэтгэхийг нийслэлийн Зураг төслийн хүрээлэнд, тохижилтын ажлын зураг төсөлд хяналт тавьж ажиллахыг нийслэлийн Ерөнхий төлөвлөгөөний газарт, батлагдсан зураг төслийн дагуу гүйцэтгэж, өдөр тутмын арчлалт, хамгаалалтыг хариуцан ажиллахыг Нийтийн үйлчилгээний Улаанбаатар нэгтгэл ОНӨААТҮГ –д даалгалаа.

Алтан-Өлгийн оршуулгын газрын эргэн тойронд 300 метр зайд зөвшөөрөлгүй буусан айл, өрхийг нүүлгэн шилжүүлж, газар чөлөөлөх ажлыг зохион байгуулах юм. Энэхүү үйл ажиллагаатай холбогдон гарах зардлыг хянаж, жил бүрийн нийслэлийн төсвийн төсөлд тусгаж ажиллахыг Нийслэлийн Засаг даргын Санхүү, эдийн засгийн асуудал хариуцсан орлогч Н.Батаад, Цаашид Алтан-Өлгийн оршуулгын газрын оршуулгын үйл ажиллагааг оршуулгын үйлчилгээ эрхэлдэг мэргэжлийн байгууллагад холбогдох хууль, журмын дагуу хариуцуулж, захирамжийн хэрэгжилтэд хяналт тавьж ажиллахыг Улаанбаатар хотын Ерөнхий менежер бөгөөд Захирагчийн Ажлын албаны дарга Б.Бадралд тус тус үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монголын Залуучуудын Холбооны дэргэдэх Залуучуудын Гэр бүлийн хөгжлийг дэмжих хороо нь залуу гэр бүлийн үнэ цэнэ, үүрэг хариуцлагаа ухамсарлахад чиглэсэн сургалт, зөвлөгөө өгөх, залуу гэр бүлийг дэмжих зорилготой “Тогтвортой гэр бүл” өдөрлөг өнөөдөр амжилттай зохион байгуулагдлаа.

Өдөрлөгийн нээлтэнд Монголын Залуучуудын Холбооны УХАГ-ын дарга Б.Эрдэнэбат, МЗХ-ны дэргэдэх Залуучуудын Гэр бүлийн хөгжлийг дэмжих хорооны дарга, УБИС-ийн Гэр бүл судлалын тэнхимийн эрхлэгч Б.Оюун-Эрдэнэ, ХАХНХЯ-ны Хүн Амын Хөгжлийн Бодлогын Хэрэгжилтийг Зохицуулах газрын Залуучуудын хөгжлийн хэлтсийн дарга Г.Мөнхтүвшин, Залуучуудын Гэр бүлийн хөгжлийг дэмжих хорооны тэргүүлэгч гишүүн, гэр бүл судлаач Ц.Одгэрэл зэрэг хүмүүс оролцож өдөрлөгийг нээсэн юм. Үүний дараагаар өдөрлөгт оролцож буй залуу гэр бүлүүддээ “Гэр бүлийн үнэ цэнэ, үүрэг хариуцлага”, “Хэвлий дэх хүүхдийн тань хэлэх үг”, “Залуу гэр бүлд өгөх сэтгэлзүйн зөвлөгөө” сэдвээр сонирхолтой сургалт, зөвлөгөөг хүргэсэн нь оролцогч залууст үр өгөөж сайтай байлаа. Түүнчлэн оролцсон хосууддаа “Даймонд” гэрэл зургийн студид 20%, “Мишка” орос өлгийн дэлгүүрт 15%, Нярайн асаргааны зөвлөмж DVD 30%, Хүүхдийн угаадаг даавуун живхийг 20%, Тод дэлгэц эмэгтэйчүүдийн эмнэлгээр 10% хөнгөлөлттэй үйлчлүүлэх эрхийн бичгийг гардууллаа.

Гэр бүл гэдэг нийгмийн хамгийн бага нэгж ч гэлээ асар их үүрэг, хариуцлага үүрч улс эх орны үндэс, суурь нь болж өгдөг билээ. Гэр бүлийн хүчирхийлэл, салалт нэмэгдэж энэ хэрээр хүүхдийн хүмүүжил доголдож асуудалтай гэр бүлийг үүсгэх нөхцөл бий болоод буй өнөө үед тогтвортой гэр бүлийг бий болгоход залуусын үүрэг оролцоо чухал байгааг сануулсан сонирхолтой арга хэмжээ боллоо хэмээн уг өдөрлөгт оролцсон залуус маань онцоллоо. Дашрамд дуулгахад “Тогтвортой гэр бүл” өдөрлөг цааш үргэлжлэн Улсын Нэгдүгээр амаржих газарт очиж дээр дурьдсан төрөл бүрийн хөнгөлттэй үйлчүүлэх эрхийн бичгүүд болон Залуу гэр бүлд зориулсан гарын авлагыг залуу гэр бүлүүддээ хүргэх аян өрнүүлэх аж.

08:30 цагт Санхүүгийн зохицуулах хорооноос санхүүгийн салбарын нэгдсэн чуулга уулзалтыг Чингис зочид буудалд зохион байгуулах гэж байна. Чуулга уулзалтаар үнэт цаас, даатгал, бичил санхүүгийн салбарын зохицуулалт, хяналт, чиг хандлагын талаар хэлэлцэнэ. Утас: 99277963

09:00 цагт “Ертөнцийн шинжлэх ухааны дүр зургийн өөрчлөлт ба философи” сэдэвт симпозиумыг Соёлын төв өргөөний III давхарт байрлах Шинжлэх ухааны Академийн Их чуулганы хурлын танхимд зохион байгуулна. Утас: 99337722

09:30 цагт Мэдээлэл, Технологийн Үндэсний паркад “Сэргээгдэх эрчим хүчний салбарт хэрэгжүүлж буй хөтөлбөр ба стандартууд” сэдвээр семинар болно.

09:30 цагт “Уур амьсгалын өөрчлөлтийн нөлөөлөл, эрсдлийн шинэчлэлийн үнэлгээ” сэдэвт бага хурал “Бишрэлт-Плаза” зочид буудлын “Бишрэлт” хурлын танхимд болно. Утас: 99106727, 260718

10:00 цагт Нийслэлийн 2013 оны Эрүүл аюулгүй байдлын индексийн тайлангийн хэлэлцүүлэг семинар Хангарьд ордонд болно. Өнгөрсөн онд нийслэл, дүүрэг, хорооны эрүүл аюулгүй байдлын явцыг танилцуулна. Утас: 88054500

10:00 цагт Хөдөлмөрийн яам, Хүн ам хөгжлийн яамны төлөөлөл, Сүхбаатар дүүргийн Засаг даргын дэргэдэх хэлтэс албад, дүүрэгт үйл ажиллагаа явуулдаг аж ахуй нэгж байгууллага, ажил олгогчид, хувиараа хөдөлмөр эрхэлдэг иргэд оролцох “Нийгмийн түншлэл – баялаг бүтээгчдийн анхдугаар чуулган” Нийслэлийн Иргэний танхимд болно. Утас: 99767480

10:00 цагт Олон улсын хөгжлийн бэрхшээлтэй иргэдийн эрхийн өдрийг тохиолдуулан “Тогтвортой хөгжил, Технологийн оролцоо” уриан дор зохион байгуулагдах Спортын арга хэмжээний нээлтийн үйл ажиллагаа Спортын төв ордоны “А” зааланд болно.

11:00 цагт “Хуулийн яармаг өдөрлөг 2014” МҮХАҮТ-ын Их зааланд болно. Энэ үеэр хуулийн нөхөрлөлүүд хууль зүйн зөвлөгөө, МОУҮАрбитр нь арбитрын онцлог, давуу тал, давагдашгүй хүчин зүйл, хүнд нөхцөл байдал /вальютын ханшийн өсөлт бизнест нөлөөлөх/-ын талаарх зөвлөгөө, Бизнесийн Маргааныг Эвлэрүүлэн Зуучлах Төв эвлэрүүлэн зуучлах үйлчилгээ, Монголын Нотариатчдын Танхимын дүүргүүдийн нотариатчид нотариатын үйлчилгээг тус тус үнэ төлбөргүй үзүүлнэ. Утас: 99020785

11:00 цагт “Зууны мэдээ” сонины Үндэсний мэдээллийн төвд Улс төрд шинэ манлайлагч төслийн Аюу багийнхан “Үндэсний үйлдвэрлэгчдийн уялдаа холбоог нэмэгдүүлье” төслийнхөө талаар танилцуулна.

11:00 цагт Хуульчийн мэргэжлийн шалгалттай холбогдох хэвлэлийн бага хурал Хууль зүйн үндэсний хүрээлэнгийн Хурлын танхимд болно.

11:00 цагт Монголын Үндэсний Музейн түр үзэсгэлэнгийн танхимд “Эгийн голын түүх соёлын дурсгалууд” үзэсгэлэнгийн нээлт болно.

11:00 цагт “Олон улсын боловсролын нээлттэй өдөрлөг” Д.Нацагдоржийн нэрэмжит номын сангийн байранд байрлах “Америкийн Соёл, Мэдээллийн төв”-д болно.

12:45 цагт “Зууны мэдээ” сонины Үндэсний мэдээллийн төвд “Женко тур бюро” ХК-аас Чингис хааны төрсөн өдөрт зориулан энэ сарын 23-нд “Чингис” фестиваль зохион байгуулах болсон талаараа мэдээлнэ.

13:00 цагт “Ажлын байр-Амьдралын баталгаа” сэдэвт ажил хайгч иргэдийн нээлттэй өдөрлөгийг монгол улсын Хөдөлмөрийн төв биржтэй хамтран тус биржийн байранд зохион байгуулна.

14:00 цагт НҮБ-ын Хүүхдийн эрхийн тухай конвенцийн 25 жилийн ойг тохиолдуулан Монгол улс сүүлийн 25 жилийн хугацаанд хүүхдийн эрхийг хангах, хамгаалах тал дээр гаргасан ололт амжилтын талаар Монгол дахь НҮБ-ын Хүүхдийн сан, Дэлхийн зөн, Хүүхдийг ивээх сангийн суурин төлөөлөгчид хэвлэлийн бага хурал “Монгол Ньюс” Мэдээллийн төвд болно. Утас: 99112652, 88025675

17:00 цагт Монгол Улсын 15 дахь Ерөнхий сайд, Хөдөө аж ахуйн ухааны доктор, гавьяат агрономч Шаравын Гунгаадорж “Монгол Улсын хөгжилд Хөдөө аж ахуйн салбарын үүрэг” сэдвээр лекц уншина. Утас: 96006901, 99109004

Монгол Улсын 2015 оны Төсвийн тухай хуультай холбогдуулан 186 албан тушаалтны цалин, холбох зардлыг нийслэлийн төсвийн төсөлд бууруулж тооцохоор болжээ. Тодруулбал, өчигдөр Нийслэлийн ирэх оны төсвийн төслийн анхны хэлэлцүүлэг болсон бөгөөд үүгээр улсын нэгдсэн төсвийн үзэл баримтлалтай уялдуулан нийслэлийн харьяаны төрийн албан хаагч болох 186 ажилтны цалинг ийнхүү бууруулах талаар танилцуулсан юм.

Ирэх оны улсын нэгдсэн төсөвт хэмнэлт гаргаж ирэх жил төрийн албан хаагчийн тоог нэмэхгүй, төрийн албаны чиг, үүргийн давхардлыг бууруулах, дэд орлогч, зөвлөх, гэрээт ажилтны орон тоог бууруулна гэж буй. Ингэхдээ зөвхөн шинэ хөрөнгө оруулалтын улмаас боловсрол, эрүүл мэнд болон бусад салбарт төрийн үйлчилгээний цар, хүрээ нэмэгдэхтэй холбоотой орон тоо, урсгал зардлын нэмэгдлийг төсөвт тусгахаар болсон. Бусад тохиолдолд орон тоог нэмэхгүй гэж байгаа. Энэ хүрээнд ирэх онд төрийн албаны нийт 345 дэд, орлогч, зөвлөх, гэрээт ажилтныг цомхотгохыг төсөвт тусгасан. Тэгвэл нийслэлийн хувьд ч гэсэн ийнхүү хэмнэлт гаргахаар болсон байна.