Category: нүүр-хуудасны-шинэ-оцлох

Архангай аймгийн онцгой комисс өнөөдөр /2021.01.11/ хуралдаж дараах шийдвэрүүдийг гаргалаа. Үүнд зочид буудал, фитнес, цанын баазын үйл ажиллагааг 1-р сарын 12-ны өдрөөс халдвар хамгааллын тусгай шаардлагын дагуу нээх, аймгийн хэмжээнд архи согтууруулах ундаа худалдан борлуулах түүгээр үйлчлэхийг 10.00 цагаас 20.00 цаг хүртэл зөвшөөрөв.

Үйл ажиллагааг нь хориглох байгууллага:

• Өргөтгөсөн хурал цуглаан
• Урлаг соёлын арга хэмжээ
• Бүх төрлийн спортын тэмцээн, уралдаан
• Сургуулийн спорт заал
• Бариа засал,Гоо сайхны газар
• Алжаал тайлах төв, Амралтын газар
• 5-аас дээш хүнтэй танхимын сургалт

Улаанбаатар хотоос гарах хөдөлгөөн:

• Хүнсний бүтээгдэхүүн тээвэрлэлт, туслах жолооч /ажлын үнэмлэх,хүнс нийлүүлэх гэрээ, баримт/
• Шатахуун /шатахуун тээвэрлэгч компанийн гэрээ, ажлын үнэмлэх, туслах жолооч/
• Эм, эмнэлгийн хэрэгсэл, эрүүл мэндийн үйлчилгээ /эмчийн магадалгаа/
• Мал,амьтны өвс тэжээл тээвэрлэлтийн үйл ажиллагаа /туслах жолооч/
• Мөн орон нутгийг чиглэсэн оршуулгын үйл ажиллагаанд оролцох иргэн нь Улсын онцгой комиссын Шуурхай штабт хүсэлтээ гаргаж шийдвэрлүүлнэ. Дээр дурдсан шаардлагаар Улаанбаатар хотоос орон нутагт зорчих иргэд PCR шинжилгээний хариутай байна.

Улаанбаатар хот руу орох хөдөлгөөн:

Сэлэнгэ аймгийн Сүхбаатар сум, Дорноговь аймгийн Замын-Үүд сумаас зорчиж байгаа иргэн PCR шинжилгээний хариутай байх ба бусад аймаг орон нутгаас ирэх иргэдийг эрүүл мэндийн асуумжаар нэвтрүүлнэ.

Эх сурвалж: Архан

БЗД-ийн 17 дугаар хорооны хоёр иргэнээс халдвар илэрсэн хэмээн ХӨСҮТ-ийн Тандалт, судалгааны албаны дарга А.Амбасэлмаа “БЗД-ийн 17 дугаар хорооны Эмнэлгийн гудамжны хоёр иргэн халдвар авсан нь өчигдөр орой батлагдсан. Тухайн иргэд нь батлагдсан тохиолдлын хавьтлууд байсан байна.

Иймд тухайн иргэдийн ойрын хавьтлуудыг тусгаарлаж, тухайн гудамжинд анхаарал тавьж, хоёр дахь хавьтлуудаас шинжилгээ авах ажлыг нийслэлийн Эрүүл мэндийн газар өнөөдрөөс эхлэн зохион байгуулж байгаа.

Тэнд халдварын хариу арга хэмжээ зохион байгуулж, иргэдээс шинжилгээ авах ажил хийгдэж байна” гэв.

Манай улс тусгай үүргийн нислэгээр гадаадаас ирсэн болон корнавирусийн халдвараа эмчлүүлж эмнэлгээс гарсан иргэдээ тусгаарлан ажиглах байр болон гэрт нь тусгаарлаж байгаа. Өнөөдрийн байдлаар улсын хэмжээнд 44 байранд 1814 хүн тусгаарлалтад байна. Өчигдөр 2917 иргэний гэрийн ажиглалтын хугацаа дуусчээ.

Дорнод аймгийн Цагаан-Овоо, Баян-Уул суманд архи, согтууруулах ундаа худалдах, түүгээр үйлчлэхийг түр хугацаагаар хориглолоо.

Учир нь он гарснаас хойш дээрх сумдад ахуйн хүрээнд архидан согтуурснаас үүдэлтэй хүний амь хохирсон хэрэг гарсан юм. Аймгийн Онцгой комиссоос ийнхүү шийдвэрлэсэнтэй холбоотойгоор сумдын Цагдаагийн байгууллага тусгай зөвшөөрөлтэй ААН, дэлгүүрүүдийн эрхлэгчидтэй уулзаж, холбогдох арга хэмжээг авч ажиллаж байна гэж мэдээлэв.

Өнөөдөр аймгийн Онцгой комиссын дарга М.Бадамсүрэнгээр ахлуулсан бүлэг тус сумдад ажиллаж, автозамын хяналтын цэгүүдийн үйл ажиллагаа, Эрүүл мэндийн төв, тусгаарлах байрны бэлэн байдалтай танилцан зөвлөмж чиглэлээр хангасан байна. Цагаан-Овоо сум нь Хэнтий аймагтай хил залгаа тул Норовлин, Баян-Овоо сумтай ойр нутаглах малчин айл өрхүүдтэй сумын Засаг даргаас хамтран ажиллах гэрээ байгуулан зөвшөөрөлгүй зорчигч болон ачаа тээвэрт хяналт тавьж ажиллахаар тогтжээ. Мөн суурин болон хөдөлгөөнт постуудын тоог нэмэгдүүлэх, цагдаагаас алба хаагч нэмэлтээр ажиллуулах, тусгаарлах байранд камержуулалт хийх зэрэг асуудлыг газар дээр нь шийдвэрлэсэн байна.

Нийслэлийн онцгой комиссоос 15 салбар, чиглэлийн үйл ажиллагаа явуулж буй албан байгууллагын алба хаагч, ажилчдад QR код олгож, замын хөдөлгөөнд оролцуулж байгаа билээ. Тэгвэл хуурамч QR код үйлдэх болон зөвшөөрөгдсөн байгууллагын ажилтан биш байж QR код авч ашиглах зэрэгтэй тэмцэх үүднээс ажлын үнэмлэхгүй хөдөлгөөнд оролцож буй автомашины QR кодыг хураан авахаар болжээ. Иймээс үйл ажиллагаа нь зөвшөөрөгдсөн 15 салбар, чиглэлийн алба хаагч, ажилчид өөрсдийгөө нотлох ажлын үнэмлэхээ биедээ авч, замын хөдөлгөөнд оролцоорой.

Хөл хорионы үед дараах 15 байгууллага ажиллана:

• Эрчим хүч, дулаан, шахмал түлш
• Хүнсний хангамжийн үйлдвэрлэл, түгээлт, тээвэрлэлт
• Газрын тосны бүтээгдэхүүн, түлшний хангамж, түгээлт, тээвэрлэлт
• Малын өвс тэжээлийн түгээлт, тээвэрлэлт
• Улсын онц чухал болон стратегийн ач холбогдол бүхий объект, хүч хэрэгслийн хангамж, тээвэрлэлт
• Нийтийн тээвэр, зөвшөөрөлтэй такси үйлчилгээ
• Хот суурин улсын хангамж ариутгал, татуургын ашиглалт
• Эрүүл мэндийн байгууллага, эм, эмнэлгийн хэрэгслийн хангамж
• Банкны салбарын үйл ажиллагаа
• Хэвлэл мэдээлэл, харилцаа холбоо, шуудан
• Тусгайлсан чиг үүрэг бүхий байгууллагууд
• Хууль тогтоох байгууллага, шүүх, прокурор, өмгөөлөл, нотариатын үйлчилгээ /Тодорхой журмаар зохицуулагдана/
• Төрийн захиргааны байгууллагын үйл ажиллагаа /Төрийн захиргааны албаны ажилчдын 10-15 хувийг ажиллуулна/
• Хүүхэд хамгаалал, асрах хамгаалах байрууд
• Буян,оршуулгын үйл ажиллагаа

Монгол Улсын нийт нутгаар хүйтний эрч чангарсан энэ үед Байгаль орчин, аялал жуулчлалын газраас өвс, тэжээл, хужир, давсыг амьтдын идээшлэх нутагт тавьж байна.

Тухайлбал, Булган аймгийн Зэд Хантай Бүтээлийн нурууны дархан цаазат газрын хамгаалалтын захиргааны байгаль хамгаалагчид хариуцсан бүс нутгийн ойн туруутан амьтдын 10 байршилд 1.8 тонн давс, 1 тонн тэжээлийн будаа тавьжээ.

Өвөрхангай аймгийн ихэнх нутгаар цас их унаж хүйтэрснээс зэрлэг ан, амьтан тэр дундаа нэн ховор амьтад байршдаг газраар өвөлжилт хүндэрсэн тул Баруунбаян-Улаан, Хайрхандулаан сумын нутгийн 40 гаруй цэгт аргаль, халиун буганд өвс, хужир тавив.

БОАЖЯ биотехникийн үйл ажиллагааг цаашид ч үргэлжлүүлнэ гээд одоогоор зэрлэг ан амьтад хорогдсон тохиолдол гараагүйг цахим хуудаснаа мэдээллээ.

Эх сурвалж : БОАЖЯ