Манай улсад дотоод шүүрэл, тэжээлийн бодисын солилцооны өвчлөлийн 41.2 хувийг чихрийн шижин эзэлж байна. Тус өвчний тархалт сүүлийн 20 жилд 3.1- 8.3 хувь болтлоо өсжээ. Судалгаанаас харахад насанд хүрсэн 20 хүний нэг нь энэ өвчнөөр өвчилсөн байх ба өвчний оношлогдоогүй тохиолдол 71.3 хувьтай байна. Түүнчлэн эрүүл мэндийн зардлын хэмжээ 2019 онд 52.1 сая ам. долларт хүрч 2045 он гэхэд 12 хувиар өсөх хандлагатай байгаа аж.

Энэ жилээс 2023 он хүртэл Чихрийн шижинтэй тэмцэх дэлхийн өдрийг

• инсулины хүрэлцээ
• уух эмийн хүртээмж
• өөрийн хяналтыг сайжруулах
• энэ өвчний талаар бүрэн дүүрэн мэдээлэл, боловсрол, сэтгэл зүйн зөвлөгөө авах
• эрүүл хоол хүнс, дасгал хийх аюулгүй орчин бүрдүүлэх зэрэг суурь тусламж үйлчилгээний хүртээмжийг сайжруулахад чиглүүлж байна гэж Эрүүл мэндийн яамнаас мэдээллээ.

Түүнчлэн Дэлхийн диабетын сангаас 11-р сарыг чихрийн шижинтэй тэмцэх алхалтын сар болгохыг уриалсан. Чихрийн шижинтэй тэмцэх дэлхийн өдөр дэлхийн олон улс “Одоо л биш бол хэзээ” уриан дор чихрийн шижингийн эсрэг алхах нэг сарын хөдөлгөөнд нэгдэж эхэлжээ. НЭМҮТ-өөс алхалтын гарааг 10-р сарын 1-нээс эхлүүлснээс хойш даруй 5500 орчим хүн 12000 км алхаад байна.

Улсын хэмжээнд он гарсаар /2021.08.02/ нийслэлийн 2 дүүрэг, 35 аймгийн 47 суманд үерийн усанд автсан 236 тохиолдол бүртгэгдэж, 6 иргэн /том хүн 4, хүүхэд 2/ нас барж, 848 мал /бод мал 0, бог мал 848/ хорогдон, үерийн усанд 2 гэр нурж эвдэрч, 45 байшин, 235 гэр, 75 автомашин усанд автсан байна.

Мөн Цаг уурын байгууллагын ирүүлсэн мэдээллээр Орхон голын адаг, Хөвсгөлийн уулсаас эхтэй Бэлтэс, Хангай нурууны өврийн Богд, Яруу, Шарга, Заг, Шаргалжуут, Цагаантуруут, Увс нуурын Баруунтуруун, Алтай нурууны Төгрөг зэрэг голуудын усны түвшин өмнөх өдрийнхөөс 10-50 см нэмэгдэж Сэлэнгэ, Бэлтэс, Идэр, Хэрлэн, Онон, Улз, Байдраг, Баруунтуруун, Хархираа, Ховд голууд үерийн түвшинг 5-55 см давсан байна.

Харин Халх, Орхон гол Орхонтуул сум орчмоор үерийн аюултай түвшинг 10-60 см даван хүчтэй үерлэж байна.

Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялж зугаалж яваа иргэдийг үерийн аюулаас сэрэмжтэй байхыг онцгойлон анхааруулж байна.

Монгол Улсын стратегийн ач холбогдолтой салбар болох батлан хамгаалах, хил гааль, дэд бүтэц, эрчим хүч, харилцаа холбооны салбарын ажилтан, албан хаагчдыг ДЭМБ-аас хүлээн зөвшөөрсөн АстраЗенека вакцинаар дархлаажуулж байна.

Энэхүү ажлын хүрээнд Батлан хамгаалах салбараас дархлаажуулалт эхэллээ гэж Засгийн газрын хэвлэлийн газраас мэдээллээ.

Нийтийн тээврийн үйлчилгээний газраас “Тусгай үйлчилгээ”-ний 21 чиглэлд найман аж ахуйн нэгжийн 180 автобус өнөөдөр үйлчилгээнд гарсан байна.

Өглөөний 05:30-09:30 цагийн хооронд 3951 зорчигч тээвэрлэжээ. Харин “Нэг хаалга-Нэг шинжилгээ” үйл ажиллагааны явуулын шинжилгээнд 50 автобус, инженерийн байгууллагуудын захиалгат тээвэрлэлтэд 68 тээврийн хэрэгсэл, ЭМЯ-ны хүсэлтээр 20 тээврийн хэрэгслийг үйлчилгээнд гаргаад байгаа юм.

Үйлчилгээнд гарч буй автобуснуудыг бааз дээрээ мэргэжлийн байгууллагуудаар ариутгал, халдваргүйтгэл хийж байгаа бөгөөд Улаанбаатар хотын таван бүсэд хөдөлгөөнт болон суурин 16 байршилд хяналт шалгалт хийж байна.

Дорноговь аймагт нийслэлээс замын ажил хийхээр очсон хүний шинжилгээний хариу түргэвчилсэн оношлуураар эерэг гарч, PCR шинжилгээгээр өчигдөр (2021.01.30) баталгаажсан. Тухайн иргэн нэгдүгээр сарын 29-нд нийслэлээс Сайншанд руу ирэх замдаа 14.00-16.00 цагийн хооронд Говьсүмбэр аймгийн “Гоё амтат зоог” хоолны газарт хоол идсэн байна. Тиймээс Говьсүмбэр аймгийн Онцгой комиссоос өнөөдөр Дорноговь аймгийн Онцгой байдлын газрын орлогч, Онцгой комиссын нарийн бчигийн дарга, хошууч Батболд, тус аймгийн Эрүүл мэндийн газрын дарга Ц.Мөнх-Одмэдэээл хийлээ.

Эрүүл мэндийн газрын дарга Ц.Мөнх-Од “Дорноговь аймагт батлагдсан тохиолдлын ойрын хавьтал болох 63 хүнийг гэрт нь тусгаарлаж хязгаарлалтын дэглэм тогтоолоо. Мөн аймгийн нэгдсэн эмнэлгийн эмч нар “Гоё амтат зоог” хоолны газарт ижил цагт хооллож таарсан. Тиймээс аймгийн Нэгдсэн эмнэлгийн дотор, мэс заслын тасагт 30 өвчтөн, 2 эмч, эрүүл мэндийн 4 ажилтан тусгаарлалтад орсон. Эдгээр хүмүүс долоо хоногийн хугацаанд тусгаарлалтад байна. Зөвхөн 2, 3 дахь өдөр эргэлт оруулна. Хэвтэн эмчлүүлж байгаа хүмүүсийнхээ хоолны порцыг нэмж, өдөрт 5 удаа хооллоно. Тиймээс ар гэрийнхэн нь эмнэлэг рүү заавал хоол оруулах шаардлагагүй.

Батлагдсан тохиолдлын ойрын хавьтлын 91 хүнээс шинжилгээ авч, өчигдөр ХӨСҮТ рүү илгээхэд хариу нь сөрөг гарсан. Эхний шинжилгээний хариу сөрөг гарлаа гээд тайвшрах асуудал биш. 6-7 хоногийн дараа давтан шинжилгээ авч түүний үр дүнгээр хязгаарлалтын ажлыг зохион байгуулах ёстой. Ойрын хавьтлаар тогтоогдсон иргэд 14 хоног гэрийн дэглэмийн хязгаарлалтыг мөрдөнө.

Говьсүмбэр аймгийн хэмжээнд сүүлийн тохиолдлыг оролцуулан түргэвчилсэн шинжилгээгээр 13 орчим мянган иргэн, PCR шинжилгээнд 5000 орчим хүнийг хамруулж байна. Өнөөдрийн байдлаар Говьсүмбэр аймгийн хэмжээнд гэрийн хязгаарлалтад 175 хүн байна.

Аймгийн нэгдсэн эмнэлгийн зарим тасгуудын үйл ажиллагаа ийнхүү хязгаарлагдаж байгаа учраас онцын шаардлагагүй бол иргэд эрүүл мэндийн байгууллагаар үйлчлүүлэхгүй байх хэрэгтэй. Өнөөдрийн байдлаар аймгийн хэмжээнд гэрийн хязгаарлалтын дэглэмд 175 хүн байна. Дундговь аймгийн Цагаандэлгэр, Баянжаргалан сумдаас манай аймагт ирж, эрүүл мэндийн үйлчилгээ авдаг иргэн олон бий. Үүссэн нөхцөл байдлаас шалтгаалан иргэд өөрийн орон нутгийн эрүүл мэндийн байгууллагаас тусламж, үйлчилгээ авах зохицуулалт хийлээ” гэв.