Category: үндэсний-бөx

Categories
мэдээ нийгэм үндэсний-бөx

Шинэ үндсэн хуулийн 30 жилийн ойд зориулсан бөхийн барилдаан болно

Монгол бөхийн өргөөнд нэгдүгээр сарын 13-нд Шинэ үндсэн хуулийн 30 жилийн ойд зориулсан Улс, аймгийн алдар цолтой 256 бөхийн уламжлалт барилдаан болно.

Өнгөрсөн жил “Ковид-19” цар тахлын улмаас өнжсөн бол 2020 онд улс, аймгийн алдар цолтой 128 бөх зодоглоход Завхан аймгийн Яруу сумын харьяат, “Хилчин” спорт хороо, “Жем-Интернэйшнл” ХХК, “Аварга” дээд сургуулийн бөх, цэргийн арслан М.Лхагвагэрэл аймгийн заан цолтойдоо түрүүлж, Хөвсгөл аймгийн Галт сумын харьяат, улсын өсөх идэр начин Ч.Хөхчирэнгэр үзүүрлэж байв. Их шөвөгт улсын харцага Б.Бат-Өлзий, улсын начин Э.Даш нар шалгарсан юм.

Шинэ үндсэн хуулийн энэхүү уламжлалт барилдаанд дархан аварга Б.Бат-Эрдэнэ 4 удаа түрүүлж, 2 удаа үзүүрлэж хамгийн дээд амжилтыг тогтоосон юм байна.

Жич: Барилдах бөхчүүдийг нэгдүгээр сарын 11, 12-ны өдрүүдэд 10-17 цагийн хооронд бүртгэнэ.

Categories
мэдээ үндэсний-бөx цаг-үе

Улсын заан Д.Анарын хүндэтгэлийн барилдаанд Харцага Н.Золбоо түрүүллээ

Дорнод аймгийн Дашбалбар сумын харьяат, ОБЕГ-ын “Аврагч” биеийн тамир, техник-спортын хороо, “Степ голд” ХХК-ийн бөх, Монгол Улсын заан Доржийн Анарын хүндэтгэлийн барилдаан Дорнод аймагт өчигдөр болж өндөрлөлөөө. Тус барилдаанд улс, аймгийн цолтой 64 бөх зодоглож, улсын харцага Н.Золбоо түрүүлж, улсын заан Б.Батмөнх үзүүрлэлээ. Шөвгийн дөрөвт улсын харцага О.Хангай, улсын начин Б.Чимэдвандан нар туналаа.

Categories
мэдээ үндэсний-бөx

МҮБХ: Бөхчүүд зодог шуудгаа зургадугаар сарын 15-ныг хүртэл бүрэн бэлдэж бүх төрлийн барилдаанд оролцоно


МҮБХ-ны Цэцдийн зөвлөлийн ээлжит хурал өнөөдөр буюу 2022 оны нэгдүгээр сарын 08-ны өдөр болж, танхимаар 37 гишүүн, цахимаар 4 гишүүн оролцож, 41 гишүүн буюу 61 хувийн ирцтэйгээр хуралдлаа.
Хурлыг Цэцдийн зөвлөлийн дарга дархан аварга Г.Өсөхбаяр, МҮБХ-ны тэргүүн, улсын заан Ц.Магалжав нар удирдаж, тооллогын комиссын даргаар улсын начин Р.Цоггэрэл, гишүүдээр улсын начин А.Хатансайхан, аймгийн арслан С.Ерөөлт нар ажиллав.
Хурлаар дараах асуудлуудыг хэлэлцэн батлав.
1. Барилдааны дүрмийн зарим заалтуудад нэмэлт, өөрчлөлт оруулахыг тодорхой хугацаагаар хойшлуулах,
2. Удааширсан барилдаанд хөлийн цэц болон засуулуудын дүрэмд заасан эрх үүргийг бүрэн хэрэгжүүлж ажиллах,
3. Зөрчилтэй өмсгөлийг 2022 оны 03-р сарын 15-ны дотор арилгахыг бөхчүүдэд үүрэг болгох, (Үүнд: давхар ширсэн, зодогны ирмэгээр мяндсан утас гүйлгэж оёсон, нарийн элэг бүс бас шуудагны уяа гэх мэт)
4. Барилдааны дүрэмд оруулсан шаардлагад нийцсэн (Үүнд: Бөхийн зодог. Зодогны ширээс нь 17 эгнээ буюу 8.0 см-ээс илүүгүй байна. Ханцуйг гурав бөгжилж ширэхийг зөвшөөрнө. Ингэхдээ их биеийн дээд ширээснээс 3.0 см зайтай байна. Ширээсний өргөн нь 5 эгнээнээс хэтрэхгүй. Зодогны элэг бүсийг мяндас, хөвөн утас, хадгаар бөөрөнхийлөн сүлжиж, 1.5 см-ээс багагүй голчтой хийнэ. Зодгонд өөр нэмэлт ширээс хийх, үндсэн ширээсийн дундуур давхар ширээс хийх, дотор талд нь утас зангидах, өнгө дотрын хооронд хатуулга хийхгүй.
Бөхийн шуудаг: Шуудаг таван ширээстэй байна. Гуяны арын ухлаадас нь өгзөгний махыг таллаж дарсан байна. Уяаны зай нь ширээснээсээ 1.5 см-ээс багагүй зайтай байна. Шуудагны ар ба өвөр талд нь босоо ширээс гаргахыг зөвшөөрнө. Шуудагны уяа гаргах нүхийг савхи буюу илгээр хийж бөхөлж болно. Шуудагны дээд, доод уяаг элэг бүсийн адил зөөлөн эдээр гурваар сүлжин хийх бөгөөд ерөнхий голч нь 1.5 см-ээс багагүй байна)

Бөхчүүд зодог шуудгаа 2022 оны 06-р сарын 15-ний өдөр гэхэд бүрэн бэлдэж бүх төрлийн барилдаанд оролцоно.

5. Өмсгөлийг шалгах комиссын гишүүнээр:
-Улсын арслан Д.Ганхуяг
-Улсын заан Д.Бумбаяр
-Улсын заан Д.Баасандорж
-Улсын харцага Т.Өсөх-Ирээдүй
-Улсын начин С.Багахүү нарыг томилов.
6. Өмсгөлийн стандарт шалгах журмыг хавсралтаар баталж, мөрдүүлэхийг МҮБХ-ны ажлын албанд даалгав.
7. Хурлаар хэлэлцэх бусад асуудлаар Цэцдийн зөвлөлийн гишүүдийн саналыг сонсож, МҮБХ-ны удирдлагууд тодорхой асуултуудад хариулж, мөн зохих мэдээллийг өглөө.
МОНГОЛЫН ҮНДЭСНИЙ БӨХИЙН ХОЛБОО
Categories
мэдээ нийгэм үндэсний-бөx

МҮБХ-ны Цэцдийн зөвлөл энэ сарын 8-нд хуралдана

Монголын үндэсний бөхийн холбооны Цэцдийн зөвлөлийн ээлжит хурал 2022 оны нэгдүгээр сарын 8-нд 11:00 цагаас Монгол бөхийн өргөөнд болно.

Тус хурлаар “Үндэсний бөхийн барилдааны дүрэм”-ийн зарим заалтад өөрчлөлт оруулах, бөхийн өмсгөлийн стандарт тогтоох болон бусад асуудлыг хэлэлцэнэ.

Categories
мэдээ нийгэм үндэсний-бөx

Монгол Улсын заан Д.Анарын хүндэтгэлийн барилдаан энэ сарын 8-нд болно

Дорнод аймгийн Дашбалбар сумын харьяат, ОБЕГ-ын “Аврагч” биеийн тамир, техник-спортын хороо, “Степ голд” ХХК-ийн бөх, Монгол Улсын заан Доржийн Анарын хүндэтгэлийн барилдаан болно.

Тус барилдаан Дорнод аймгийн Биеийн тамир спортын хороонд болох бөгөөд үүнд улс, аймгийн цолтой 64 бөх зодоглох нь ээ.

Хүндэтгэлийн барга хэмжээ энэ сарын 8-нд болох агаад түрүү бөх тав, үзүүрлэсэн нь гурав, их шөвөгт шалгарсныг тус бүр нэг сая төгрөгөөр байлах аж.

Зохион байгуулагчаар Дорнод аймгийн Биеийн тамир спортын хороо ажиллаж байгаа юм байна.

Categories
мэдээ үндэсний-бөx

Нэгдүгээр сарын барилдааны хуваарь

Монгол бөхийн өргөөнд 2022 оны нэгдүгээр сард болох барилдааны хуваарийг та бүхэндээ хүргэж байна.

  1. Нэгдүгээр сарын 09-нд Талх Чихэр ХК-ны нэрэмжит “Хэвийн боовны баяр” аймаг, цэргийн цолтой болон залуу 256 бөхийн барилдаан
  2. Нэгдүгээр сарын 13-нд Шинэ үндсэн хуулийн 30 жилийн ойд зориулсан улс, аймгийн алдар цолтой 256 бөхийн барилдаан
  3. Нэгдүгээр сарын 15-нд Завхан аймгийн Их уул сумын харьяат, С.Лхагваа начны нэрэмжит аймаг, цэргийн цолтой болон залуу 256 бөхийн барилдаан
  4. Нэгдүгээр сарын 16-нд “Жем интернэшнл” группийн нэрэмжит, улсын харцага цолонд хүндэтгэл үзүүлэх улс, аймгийн алдар цолтой 256 бөхийн барилдаан
  5. Нэгдүгээр сарын 21-нд “Манба дацан” хийдийн нэрэмжит аймаг, цэргийн начин цолтнуудын барилдаан
  6. Нэгдүгээр сарын 22-нд “SPS” телевизийн нэрэмжит “Бахдам гарамгай” барилдаан
  7. Нэгдүгээр сарын 23-нд үндэсний бөхийн лигийн барилдаан
  8. Нэгдүгээр сарын 29-нд “Тарвалин” хийдийн нэрэмжит Сар шинийн баярт зориулсан Сумын цолтон залуу бөхчүүдийн барилдаан
  9. Нэгдүгээр сарын 30-нд “Дашчойлин” хийдийн нэрэмжит Сар шинийн баярт зориулсан аймаг, цэргийн цолтой болон залуу 256 бөхийн барилдаан тус тус болно.

2021 оны сүүлийн барилдаан болох Үндэсний эрх чөлөө, тусгаар тогтнолоо сэргээн мандуулсны 110 жилийн ойд зориулсан “Ерөнхийлөгчийн цом”-ын төлөөх барилдаанд 128 бөх зодоглосноос улсын харцага Б.Бат-Өлзий түрүүлж, Монгол Улсын Ерөнхийлөгчийн шилжин явах цомын эзнээр дахин тодорч, тус цомыг үүрд хадгалах эрхтэй болсон. Харин улсын гарьд М.Бадарч анх удаагаа тус барилдаанд үзүүрлэсэн бол их шөвөгт улсын заан Д.Анар, улсын харцага Т.Баасанхүү нар шалгарчээ.

Categories
мэдээ үндэсний-бөx

Улсын харцага Б.Бат-Өлзий Монгол Улсын Ерөнхийлөгчийн шилжин явах цомын эзэн боллоо

Үндэсний эрх чөлөө, тусгаар тогтнолоо сэргээн мандуулсны 110 жилийн ойд зориулсан “Ерөнхийлөгчийн цом”-ын төлөөх Улс, аймгийн алдар цолтой шилдэг бөхчүүдийн уламжлалт барилдаанд улсын аварга П.Бүрэнтөгс, улсын арслан Ц.Содномдорж, улсын гарьд М.Бадарч, улсын заан Б.Батмөнх, Д.Анар, Ц.Одбаяр тэргүүтэй 128 бөх зодоглосноос улсын харцага Б.Бат-Өлзий түрүүлж, Монгол Улсын Ерөнхийлөгчийн шилжин явах цомын эзнээр дахин тодорч, тус цомыг үүрд хадгалах эрхтэй боллоо.

Улсын гарьд М.Бадарч анх удаагаа тус барилдаанд үзүүрлэв. Их шөвөгт улсын заан Д.Анар, улсын харцага Т.Баасанхүү нар шалгарсан бол дунд шөвгийн наймд улсын харцага О.Хангай, Н.Золбоо, Ц.Мөнхбаяр, улсын начин Г.Ганжад нар үлдэв.

7 хүн, зогсож буй хүмүүс болон дотор гэх мэтийн зураг байж болно

5 хүн болон зогсож буй хүмүүс гэх мэтийн зураг байж болно

Бөхчүүд, бөх сонирхогч ард түмэндээ шинэ ондоо аз жаргал, амжилт бүтээл дүүрэн байхын ерөөл өргөе.
Categories
мэдээ үндэсний-бөx

“Ерөнхийлөгчийн цом”-ын төлөөх 128 бөхийн барилдаан болно

“Ерөнхийлөгчийн цом”-ын төлөөх Улс, аймгийн алдар цолтой шилдэг 128 бөхийн уламжлалт барилдаан 14:00 цагаас Монгол бөхийн өргөөнд болно

Үндэсний эрх чөлөө, тусгаар тогтнолоо сэргээн мандуулсны 110 жилийн ойд зориулсан “Ерөнхийлөгчийн цом”-ын төлөөх Улс, аймгийн алдар цолтой шилдэг бөхчүүдийн уламжлалт барилдаанд зодоглохоор:

1. у.ав Пүрэвийн Бүрэнтөгс
2. у.г Мягмарын Бадарч
3. у.з Батзоригийн Батмөнх
4. у.з Доржийн Анар
5. у.з Цэдэнбазарын Одбаяр
6. у.х Алтанбаганын Цацабшир
7. у.х Төрөөгийн Баасанхүү
8. у.х Баярхүүгийн Бат-Өлзий
9. у.х Оргихын Хангай
10. у.х Хүрэл-Очирын Гантулга
11. у.х Дамдинпүрэвийн Бат-Эрдэнэ
12. у.х Нацагсүрэнгийн Золбоо
13. у.х Баянзулын Цэдэнсодном
14. у.х Шархүүгийн Пүрэвгарьд
15. у.х Цэдэндоржийн Мөнхбаяр
16. у.н Чинчулууны Батчулуун
17. у.н Болдын Эрдэнэхүү
18. у.н Нурланы Мустафа
19. у.н Батмөнхийн Сангисүрэн
20. у.н Жаргалсайханы Чулуунбат
21. у.н Базаргүрийн Бадамсүрэн
22. у.н Лхагваагийн Лха-Очир
23. у.н Шоовдойхүүгийн Шинэбаяр
24. у.н Болдбаатарын Батжаргал
25. у.н Эрдэнэбатын Даш
26. у.н Бадамсамбуугийн Ганхуяг
27. у.н Батсайханы Дэлгэрсайхан
28. у.н Лутын Батзориг
29. у.н Цэндзэсэмийн Чимэддорж
30. у.н Дэлгэрсайханы Амарсайхан
31. у.н Батцэнгэлийн Чимэдвандан
32. у.н Балганы Хишигбаатар
33. у.н Галсан-Очирын Ганжад
34. у.н Дармаагийн Тамир
35. у.н Шоовдорын Дарханбат
36. у.н Цогбадрахын Бямба-Очир
37. у.н Дашзэвэгийн Амаржаргал
38. у.н Батбаярын Даваа-Очир
39. у.н Алтангэрэлийн Давааням
40. у.н Доржхандын Хүдэрбулга
41. у.н Төрмөнхийн Дүгэрдорж
42. у.н Хутагийн Цогтгэрэл
43. у.н Цэрэнбатын Сандагдорж
44. а.а Төмөрбаатарын Пүрэвсүрэн
45. а.а Намсрайн Баттүвшин
46. а.а Чулуунтөмөрийн Энхмөнх
47. а.а Мөнхцэнгэлийн Амарсанаа
48. а.а Сүрэнжавын Очирбат
49. а.а Өлзийсайханы Батзул
50. а.а Мядагмаагийн Адъяахүү
51. а.а Улагпаны Береке
52. а.а Мальшийн Еркебулан
53. а.а Оюунгэрэлийн Наранбаатар
54. а.а Цогтоогийн Мөнхбаяр
55. а.а Бэгзийн Мижидсүрэн
56. а.а Бүрнээгийн Баянмөнх
57. а.а Алтангэрэлийн Отгонбаатар
58. а.а Батчулууны Хашбат
59. а.а Хүрэлбаатарын Оргилболд
60. а.а Балдиржамцын Тайван
61. а.а Булган-Эрдэнийн Түмэндэмбэрэл
62. а.а Мөнхжаргалын Бямбадорж
63. ц.а Мөнхтөрийн Лхагвагэрэл
64. а.а Доржсүрэнгийн Бадамгарав
65. а.а Дашнямын Ариунмөрөн
66. а.а Дагвасамбуугийн Бямбасүрэн
67. а.а Ганцогтын Бадрах
68. а.а Даваадоржийн Төрболд
69. а.а Лханаагийн Нямбаяр
70. а.а Ганхуягийн Шинэзориг
71. а.а Пүрвээгийн Өсөхбаатар
72. а.а Төрбатын Довчинсэмбээ
73. а.а Энхтөрийн Баасанжав
74. а.а Бат-Эрдэнийн Хаш-Эрдэнэ
75. а.а Энхбатын Сумъяабат
76. а.а Теликийн Эрболат
77. а.а Энхболдын Тамираа
78. а.а Намсрайн Ганзориг
79. а.а Түмэнбаярын Буянжаргал
80. а.а Балжиннямын Мөнх-Эрдэнэ
81. а.а Пүрэвдоржийн Эрхэмжаргал
82. а.а Цэвээнпүрэвийн Төмөрцоож
83. а.а Баасанжавын Сэр-Од
84. а.а Бумцэндийн Батбаатар
84. а.а Дамдины Тогтохжаргал
85. а.а Пүрэвсүрэнгийн Батхуяг
86. а.а Батсугарын Зоригтбаатар
87. а.а Тогтохмэндийн Сайханжаргал
88. а.а Цэнд-Аюушийн Цогт-Эрдэнэ
89. а.а Будаагийн Батсайхан
90. а.а Чинзоригийн Эрдэнэсайхан
91. а.а Батсүхийн Уугандаваа
92. а.а Жаалаагийн Наранбаатар
93. а.а Шагдарсүрэнгийн Чинтулга
94. а.а Баянбилэгийн Баянмөнх
95. а.а Хүрэлбаатарын Батбаяр
96. а.а Ганболдын Төрмөнх
97. а.а Ядамсүрэнгийн Бумбаяр
98. а.а Цэрэндоржийн Ганбат
99. а.а Ганпүрэвийн Ганбаатар
100. а.а Хэвэлхүүгийн Энхчулуун
101. а.а Энх-Амгалангийн Ариунбуян
102. а.а Нямдоржийн Өсөхбаяр
103. а.а Доржсүрэнгийн Батсүх
104. ц.а Ганзоригийн Жамбалдорж
105. а.а Батжаргалын Чинбат
106. а.а Мөнхжаргалын Бэлгүтэй
107. а.а Доржпаламын Энхболд
108. а.а Жаргалсайханы Алтаншагай
109. а.а Гүрзулын Ганцоож
110. а.а Буянтогтохын Пүрэвдорж
111. а.а Даваадоржийн Эрдэнэтулга
112. а.а Доржийн Ням-Очир
113. а.а Эрдэнээгийн Буянтогтох
114. а.а Цэндээгийн Лувсан-Адъяа… нарын шилдэг 128 бөх барилдахаар бүртгүүллээ. Аймгийн харцага, начин цолтнууд энэ удаа багтсангүй. Барилдаан 14:00 цагаас эхэлнэ. Тасалбарыг https://www.ticket.mn/event/1096/ -ээс…
МОНГОЛЫН ҮНДЭСНИЙ БӨХИЙН ХОЛБОО
Categories
мэдээ нийгэм үндэсний-бөx

​Улс, аймгийн цолтой 128 бөхийн барилдаан маргааш болно

Үндэсний эрх чөлөө, тусгаар тогтнолоо сэргээн мандуулсны 110 жилийн ойд зориулсан Ерөнхийлөгчийн цомын төлөөх улс, аймгийн алдар цолтой 128 бөхийн уламжлалт барилдаан 2021 оны арванхоёрдугаар сарын 29-ний 14.00 цагm Монгол бөхийн өргөөнд болно.

Тодруулбал, Монголын үндэсний бөхийн холбооноос барилдах бөхчүүдийг арванхоёрдугаар сарын 27, 28-ны өдрүүдэд 10.00-17.00 цагийн хооронд цахимаар бүртгэж байгаа юм байна. Мөн УОК-ын журмын дагуу бөхчүүд, үзэгчдийг вакцины гуравдугаар тун хийлгэсэн байх эсвэл 24 цагийн хугацаанд хүчинтэй шинжилгээнд хамрагдсан байх зэрэг шаардлага тавьж байгаа аж.

Энэхүү барилдаан нь 2011 оноос хойш тасралтгүй зохион байгуулагдаж ирсэн боловч өнгөрсөн жилийн хувьд цар тахалтай холбоотойгоор цуцлаад байсан билээ. Сонирхуулахад, 2019 оны барилдаанд улсын харцага Б.Бат-Өлзий түрүүлж, улсын заан Ц.Одбаяр үзүүрлэж байжээ.

Categories
мэдээ үндэсний-бөx

Ерөнхийлөгчийн цомын төлөөх барилдаан болно

Үндэсний эрх чөлөө, тусгаар тогтнолоо сэргээн мандуулсны 110 жилийн ойд зориулсан Ерөнхийлөгчийн цомын төлөөх Улс, аймгийн алдар цолтой шилдэг 128 бөхийн уламжлалт барилдаан 2021 оны 12-р сарын 29-ний 14:00 цагаас Монгол бөхийн өргөөнд болно.