Category: үндэсний-бөx

Монгол Улсад орчин цагийн цагдаагийн байгууллага үүсэж хөгжсөний 100, дотоодын цэргийн байгууллагын түүхт 101 жилийн ойн баярыг тэмдэглэн өнгөрүүлэх арга хэмжээг 2022 оны долоодугаар сарын 19-ний өдөр зохион байгуулах гэж байна.

Арга хэмжээний үеэр, цагдаа, дотоодын цэргийн байгууллагын ёслолын жагсаал, үндэсний бөхийн барилдаан, үзүүлэх тоглолт, урлагийн тоглолт, дүрэмт хувцас, техник, тусгай хэрэгслийн, үзэсгэлэн тус тус болно.

Улс, аймгийн алдар цолтой 256 бөхийн барилдаан долоодугаар сарын 19-нд 11.00 цагаас Төв цэнгэлдэх хүрээлэнд болно.

Ардын хувьсгалын түүхт 100 жилийн баяр наадамд 1024 бөх барилдсанаас олон шинэ улсын цолтнууд төрлөө. Тодруулбал, дөрвөн шинэ улсын харцага цолтон, гурван шинэ улсын заан цолтон төрөв. Харцага цол харайдаг цол гэж ярьдаг дээрх бөхчүүд ирэх жил цолоо ахиулах өндөр боломжтой.

МОНГОЛ УЛСЫН ХАРЦАГА ЦОЛНЫ БОЛЗОЛ ХАНГАСАН БӨХЧҮҮД:

1. Өвөрхангай аймгийн Төгрөг сумын харьяат, “Алдар” спорт хороо, “Их Монголын хүчтэн” дэвжээний бөх Цэдэнсодномын Бямба-Отгон,
2. Хэнтий аймгийн Батширээт сумын харьяат. “Хилчин” спорт хороо, “Хан-Хэнтийн аварга” дэвжээний бөх Ганцогтын Бадрах,
3. Завхан аймгийн Алдархаан сумын харьяат, “Алдар” спорт хороо, “Завхан” дэвжээний бөх Лхагваагийн Лха-Очир,
4. Архангай аймгийн Хайрхан сумын харьяат, “Бөх Билэгт” дэвжээний бөх Оюунбаатарын Мөнх-Эрдэнэ. МОНГОЛ УЛСЫН ЗААН ЦОЛНЫ БОЛЗОЛ ХАНГАСАН БӨХЧҮҮД:
   1. Баян-Өлгий аймгийн Улаанхус сумын харьяат, Сүлд спорт хороо, “Бес богда бүргэд” дэвжээний бөх Бердимуратын Серик,
   2. Завхан аймгийн Яруу сумын харьяат, Хилчин спорт хороо, “Даян” дэвжээний бөх Мөнхтөрийн Лхагвагэрэл,
   3. Ховд аймгийн Зэрэг сумын харьяат, Алдар спорт хороо, “Ховд” дэвжээний бөх Баярхүүгийн Бат-Өлзий.

Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын хүчит бөхийн барилдааны долоогийн даваа үргэлжилж байна.

Увс аймгийн Ховд сумын харьяат, Даян аварга Н.Батсуурь аймгийн арслан Г.Бадрахаар долоо давлаа. Мөн Баян-Өлгий аймгийн Улаанхус сумын харьяат, Улсын начин Б.Серик Улсын заан Д.Анараар долоо давж, Улсын заан цолын болзол хангаад байна.

Мөн Сэлэнгэ аймгийн Цагаануур сумын харьяат, Улсын харцага Б.Орхонбаяр Улсын арслан Ц.Содномдоржоор долоо давж, Улсын заан цолын болзол хангалаа.

Үндэсний их баяр наадмын өмнөх жилүүдэд шөвгөрсөн бөхчүүдээс допингийн шинжилгээ авдаг байсан. Харин энэ жил шинэчлэн баталсан Үндэсний их баяр наадмын /ҮИБН/ тухай хуульд дөрөв давсан бөхчүүдээс допингийн шинжилгээ авах шинэ заалт суулгасан. Тодруулбал, Үндэсний их баяр наадмын тухай хуулийн 14.2-т “Бөхийн барилдаанд 4, түүнээс дээш давсан бөх, Үндэсний сурын харвааны эрэгтэй болон эмэгтэй тус бүр эхний найман байр эзэлсэн харваачаас допингийн шинжилгээ авна” гэж заасан

Өнөөдөр тавын давааны өмнө Хөдөлмөрийн баатар, дархан аварга, Олимпын мөнгөн медальт, чөлөөт бөхийн дэлхийн аварга, XX зууны манлай бөх Х.Баянмөнхийн цолыг дуудан, хүндэтгэл үзүүлэхээр болжээ. Мөн түүний зодог тайлах ёслолыг зохион байгуулна. Энэ талаар Бөхийн салбар хорооны дарга, Хууль зүй дотоод хэргийн яамны Төрийн нарийн бичгийн дарга П.Сайнзориг мэдээлсэн. Увс аймгийн Хяргас сумын харьяат, цагийг эзэлсэн их аварга Х.Баянмөнх төрийн их баяр наадамдаа 10 удаа түрүүлж, 27 удаа шөвгөрч, 250 удаа давжээ.