Category: гадаад

Мэргэжлийн холимог тулааны дэлхийн хамгийн шилдэг гэдэг UFC холбооны “UFC-282” өдөрлөг өнгөрсөн амралтын өдөр боллоо. Оргил болон дэд оргил тулааныг эс тооцвол бусад тулаанууд үзэгч олныг баясгав. Ян Блахович, Магомед Анкалев нарын оргил тулаан тэнцээгээр өндөрлөсөн бол Падди Пимблетт, Жаред Гордон нарын тулаанд шүүгчид Паддид ялалтыг өгсөн. Гэвч энэ нь үзэгч олонд таалагдсангүй. Тэд Жаред Гордоныг ялах ёстой байсан гэв.

Гэхдээ энэ өдрийн гол баатар нь Раул Росас Жуниор гэх Мексик гаралтай, 2004 онд төрсөн 18 настай хүү байлаа. Тэрбээр UFC-ийн анхны тулаанаа Жэй Перрин гэх 29 настай залуугийн эсрэг хийн нэгдүгээр үед боолтоор ялалт байгуулжээ.

Раул Росас тулааны дараа “Надад ямар ч дарамт, санаа зовох асуудал байсангүй. Би эрх чөлөөтэй, дуртай зүйлээ хийлээ. Яг одоо, өнөөдөр би өөрийгөө танилцуулахыг хүслээ. Би ирж байгаа шүү” гэв.

Түүний зорилго нь UFC-ийн түүхэн дэх хамгийн залуу аварга болох гэнэ. Домогт Жон Жонес 2011 онд 23 насандаа UFC-ийн хамгийн залуу аварга болж байв.

Ахлах сургуулиа удахгүй төгсөх Раул Росас нь 2017 оноос эхлэн бөхийн спортоор хичээллэж, 14 наснаасаа тулааны тэмцээнд орж эхэлжээ. Улмаар 2021 оны арваннэгдүгээр сард UFC холбоотой гэрээ байгуулж, мэргэжлийн холимог тулааны тамирчин болсон аж.

Японд жил бүр тухайн оны онцлогийг агуулсан ханз үсгийг сонгодог уламжлалтай. Энэ жилийн оны онцлох ханз нь “икуса” буюу “тулаан, дайн” гэсэн утгыг илэрхийлдэг дүрс үсэг болжээ.

Оны бэлгэдлийг илэрхийлсэн ханзыг уран бичих ёслол Киото хот дахь буддын шашны “Киёмизү” сүмд болж, Японы томоохон телевизүүд шууд дамжуулсан байна. Сүмийн лам Сэйхан Мори 130 х 150 см-ийн хэмжээтэй, цагаан будааны цаасан дээр уран бичлэгээр бичжээ. Тэрбээр жил бүр оны бэлгэ тэмдэг ханзыг 33 см-ийн урттай бийрээр уран бичлэгээр бичдэг уламжлалтай. Зохион байгуулагчдын онцолсноор, коронавирустэй хийж буй тэмцэл болон Украины мөргөлдөөн үргэлжилж байгаа, түүнчлэн Японы тамирчид Бээжингийн өвлийн олимпод амжилттай оролцсон зэрэг хэд хэдэн шалтгаанаар ийм сонголт хийсэн байна.

Оны бэлгэдэл ханзыг 1995 оноос хойш зохион байгуулж буй бүх нийтийн санал хураалтын дүнд үндэслэн сонгодог болсон билээ.Энэ жил у явуулсан санал асуулгад 220 мянган хүн оролцжээ. Хэрэглэгдэж байгаа утгаасаа хамааран “хямд” эсвэл “аюулгүй” гэсэн утгатай “ан” гэдэг ханзанд олон хүн саналаа өгч хоёрдугаарт оржээ. Японд энэ жил иенийн ам.доллартой харьцах ханш сүүлийн 30 гаруй жилийн доод түвшинд хүрч унасан нь энэ ханзыг сонгох хүчин зүйлсүүдийн нэг болсон байна. Үүнээс гадна, уг ханз нь энэ зун бусдын гарт амиа алдсан Японы Ерөнхий сайд асан Абэ Шинзогийн овог нэрийг бичихэд ордог ажээ. Жагсаалтын гуравдугаарт “хөнгөн, хөгжилтэй” гэсэн утгатай, “гаку”, “раку” гэж уншдаг ханз үсэг бичигдсэн байна. Энэ жил коронавирусний халдварын нөхцөл байдал сайжирч, чөлөөт цагаа өнгөрүүлэх эрх чөлөө, боломжийг мэдэрсэн учир сонгосон хэмээн энэ ханзыг сонгосон хүмүүс тайлбарлажээ.

Япончууд өнгөрсөн онд “кин” буюу “алт” гэсэн утгатай ханзыг оны бэлгэдэл ханзаар сонгосон юм. Уг ханз нь бас “мөнгө” гэсэн утгыг илэрхийлдэг байна. Энэ ханзыг 2021 оны зун Токио хотноо болсон Олимпын наадмаас Японы тамирчид хамгийн олон алтан медаль хүртсэнд зориулж сонгосон юм гэж “Kyodo” мэдээлэв.

Г.АМАРСАНАА

ОХУ-ын Курск мужийн нисэх буудалнисгэгчгүй онгоцноос цохилтонд өртөн нефтийн агуулах нь дэлбэрч их хэмжээний гал гарсан. Үүнээс өмнө Оросын цөмийн бөмбөгдөгч онгоцнууд байрладаг Рязань мужийн “Дягилево” болон Саратов мужийн “Энгельс” цэргийн нисэх буудалуудадхалдсан нисгэгчгүй онгоцыг устгах үеэр ОХУ-ын стратегийн бөмбөгдөгч онгоцнууд шатаж, зарим цэрэгамиа алдсан билээ. Энэ нь Украин улс Оросын 1000 км гүнд байрлах стратегийн чухал байгууламжууд руу халдах чадвартай гэдгээ батлан харуулсан анхны явдал болсон юм.

Энэ явдалтай холбогдуулан АНУ-ын Төрийн нарийн бичгийн дарга Энтони Блинкен “ОХУ-ын нутаг дэвсгэрийн гүнд Украин цохилт өгөхөд АНУ дэмжлэг үзүүлээгүй” гэж мэдэгджээ. Мөн тэрээр ОХУ-ын гүндУкраинаас цохилт өгөхийг АНУ дэмжихгүй байгааг мэдэгдэхийн хажуугаар “Украин улсын энгийн иргэд Оросын зэвсэгт түрэмгийлэлд өдөр бүр өртөж байгааг санах хэрэгтэй. АНУ-ын зорилго бол Украин улсад тусгаар тогтнол, газар нутгийн бүрэн бүтэн байдлаа хамгаалахад нь туслах явдал юм. Бид Оросын түрэмгийллээс хамгаалахад нь Украины газар нутагт шаардлагатай бүхий л зүйлээр туслахад бэлэн”” гэжонцлон мэдэгдсэн юм. Тэгвэл энэ явдалтай холбогдуулан “АНУ байлдааны талбарт Украины гаргасан шийдвэрийг хүндэтгэх боловч Украины цохилтоос болж Орос болон бидний хооронд хурцадмал байдал үүсэхийг биддэмжихгүй. Иймээс мэдээж бид Оросын гүнд цохилт өгөхөд нь Украинд туслаагүй. Харин Украинчууд өөрсдийн зэвсгээр хаана цохилт өгөх талаар өөрсдөө шийдвэр гаргадаг бөгөөд бид үүнийг нь хүндэтгэдэг” гэж АНУ-ын Үндэсний аюулгүй байдлын зөвлөлийн хэвлэлийн төлөөлөгч Жон Кирби хэлснийг “CNN” онцолжээ.Мөн АНУ-ын Батлан хамгаалахын сайд Ллойд Остин“CNN”-д ярилцлага өгөхдөө “Укриан ямар зэвсэг үйлдвэрлэж, яаж,хаана хэрэглэх нь энэ улсынбүрэн эрх” гэж мэдэгджээ. Бас Английн “Time” сонинПентагон дахь эх сурвалжаас иш татан “АНУ Украинд Оросын нутаг дэвсгэрт америк зэвсгээр цохилт өгөхийг зөвшөөрсөн” хэмээн бичсэн байна. Бас Украины ерөнхийлөгчийн Тамгын газрын даргын зөвлөх Михаил Подоляк “Хэрэв та бусад улсын агаарын орон зайд ямар нэгэн зүйлийгмаш олон удаа хөөргөсөн бол эрт орой хэзээ нэгэн цагтэдгээр зүйлс ниссэн газар руугаа буцаж ирэх нь ойлгомжтой” гэж өөрийн“Twitter” хуудсанд бичжээ. Энэ бүхэнУкраин өөрт байгаа зэвсгээрОросын гүнд цохилт өгөхбүрэн боломжтой болсонгэсэн үг юм. Үнэхээр ч Украин нь хөдөө аж ахуйгаас гадна аж үйлдвэрийн өндөр чадвартай улс билээ. Тэгээд ч арваннэгдүгээр сарын эхээр “Укроборонпром”-ын менежер Олег Болдырев“Украины арми удахгүй мянганкм-ийн тусгалтай, 75 кгцэнэгт хошуутайхүнд жинтэй өөрийн үйлдвэрийн дронтой болно”гэж мэдэгдэж байсан билээ. Тэрээр, “Энэ бол 200 кг-аас дээшжинтэй хүнддрон бөгөөд Украины Зэвсэгт хүчний ерөнхий командлагч Валерий Залужный наймдугаар сарын эхээр бидэнд өгсөн үүрэг биелэгдэж байна гэсэн үг. Бид энэ шинэ дроныг он гарахаас өмнө Украины Зэвсэгт хүчинд нийлүүлнэ” гэж мэдэгдсэн.Тэгвэл энэ дайралт болохоос хэдхоногтийн өмнө Украины арми Сибирь хүрэх чадвартай дронтой болсонталаар Украины хэвлэл, сайтууд мэдээлж байсан билээ. Энэ нь Украины арми Оросын гүнд байгаа цэргийн нисэх буудал, зэвсгийн агуулахаас гадна нефть бүтээгдэхүүний агуулах, нефть боловсруулах үйлдвэрүүдийг устгаж эхэлнэ гэсэн үг. Хэрэв ОХУ-ын бүх машин, техник, нисэхболон усан онгоц түлшгүй болох аваас юу болох нь хэнд чойлгомжтой зүйл юм. Иймээс Цагаан ордны албаны хүмүүсийн дээрх мэдэгдлүүд нь монголчууд бидэнд өгч буй“Оросоосөөрулсуудаас нисэх онгоц, машин, техникийн түлшээбазаах арга, чаргаэртхэн олж байсан чинь дээр шүү” гэсэн анхааруулга болж таарч байна.

Г.АМАРСАНАА

Европын парламентындэд ерөнхийлөгчийн албан тушаалаас авлигын хэрэгтсаатуулагдаад буй Грек улсын гишүүн Ева Кайлиг огцруулсан болохыг тус парламентын тэргүүн Роберта Мецола мэдэгдэв. Парламентын тэргүүн, “Шийдвэр гарч 44 настай Эва Кайли “одооноос эхлэн бүх эрх мэдэл, үүрэг, ажлаасаа чөлөөлөгдлөө” гэж хэлжээ. Дэлхийн аварга шалгаруулах тэмцээнийг зохион байгуулагч Катар улсаас авлига авсан байж болзошгүй үндэслэлээр Бельгийн цагдаа нар Эва Кайлиг Брюссель хотод саатуулаад байсан юм. Эва Кайлигаас гадна Европын парламентад ажилладаг түүний хамтрагчид болох Италийн улс төрч, үйлдвэрчний эвлэлийн холбооны төлөөлөгч, “ТББ”-ын ажилтан гэсэн дөрвөн хүнийг мөн саатуулаад байна. Цагдаа нар нэгжлэг хийх явцад компьютер, гар утас, 600 мянган евро хураан авсан юм. Үүнээс өмнөГрекийн социалист “ПАСОК” нам Ева Кайлиг эгнээнээсээ хөөж байгаагаа мэдэгдсэн билээ. Европын парламентын дэд тэргүүн Кайли Катар дахь хөдөлмөрийн зах зээлийн нөхцөл байдалд хяналт тавих төлөөлөгчдийн нэгээр ажиллаж байхдаа Ази, Африкийн цагаач ажилчдын эрх зөрчигдсөн олон тохиолдлыг хэргээр анзаарахгүй орхисон гэдгийг олон улсын хүний эрхийн төлөө тэмцэгчид тэмдэглэж байгаа юм. Тэрээр 2022 оны дэлхийн аварга шалгаруулах тэмцээн эхлэхийн өмнөхөн Катарын Хөдөлмөрийн сайд Али бин Самих Аль-Марритай уулзаж, өнгөрсөн сарын 22-нд Европын парламентад үг хэлэхдээ Катарын хөдөлмөрийн зах зээлийн шинэчлэлд эерэг үнэлгээ өгсөн билээ.

“AFP” агентлагийн мэдээгээр, түүнд Катарын эрх баригчид их хэмжээний мөнгө, бэлэг шилжүүлэн Ева Кайли Европын парламентын шийдвэрт нөлөөлсөн хэмээн сэжиглэн мөрдөх ажиллагаа явуулж байгаа юм.

Г.АМАРСАНАА

Украинд эхлүүлсэн дайнтай холбогдуулан Оросын эсрэг барууны улсууд хориг арга хэмжээ авч байгаа үед Турк-Оросын эдийн засгийн харилцаа гүнзгийрч байгаа нь “ноцтой түгшүүр төрүүлж байна” гэж Европын дипломатын тэргүүн Жозеп Борреллын Европын парламентад илгээсэн захидалдаа онцлон тэмдэглэсэн болохыг “Funke” агентлагмэдээлжээ.

Жозеп Боррелл, Европын Холбоо Турк улс хоёр гаалийн чөлөөт холбоо байгуулан ажиллаж байгаа нь иргэний болон цэргийн зориулалтаар ашиглаж болох “давхар зориулалттай”бараа, бүтээгдэхүүн Орос улсад чөлөөтэй орох боломж болж байгааг онцлон анхааруулжээ. “Турк улс Европын Холбооны хориг арга хэмжээг тойрч гарах хувилбаруудыг Орост олгохгүй байх нь чухал байна” гэж Жозеп Боррелл өөрийн захидалдаа онцлон анхааруулсан байна.

Г.АМАРСАНАА

АНУ-ын Үндэсний аюулгүй байдлын зөвлөлийн албан ёсны төлөөлөгч Жон Кирби “Орос, Ираны харилцаа батлан хамгаалах салбарын бүрэн түншлэл болж хувирсан” гэж Цагаан ордондмэдэгдэв.

АНУ-ын байр суурийг Их Британийн Гадаад хэргийн сайд Жеймс Клеверли дэмжиж “Иран бол Оросын цэргийн гол түншийн нэг болсон бөгөөд Тегеран Москватай ойртож байгаа нь дэлхийн аюулгүй байдалд заналхийлж байна. Тегерантай хийсэн “бохир гэрээ”-ний үр дүнд Орос олон зуун нисгэгчгүй онгоц хүлээн авсан” гэж мэдэгдэв. Үүний хариуд Орос Ираны дэглэмд цэрэг-техникийн дэмжлэг үзүүлэхийг санал болгож байгаа нь Тегеран манай Ойрхи Дорнод дахь түншүүд болон олон улсын аюулгүй байдалд үзүүлэх эрсдэлийг нэмэгдүүлнэ” гэж Английн ГХЯ-ны тэргүүн нэмж хэлжээ. Мөн тэрээр, “Москвад дрон, баллистик пуужингийн хомсдол нүүрлэж байгаа нь ирэх саруудад Орост үзүүлэх Ираны дэмжлэг улам нэмэгдэнэ гэсэн Вашингтоны санаа зовниж буйг Их Британи хүлээн зөвшөөрч байна” хэмээн онцолжээ.

Австрали улс ч мөн Ираны 22 иргэн, нэг аж ахуйн нэгж, Оростой цэргийн гэрээ байгуулж, засгийн газрын эсрэг жагсаалыг дарахад оролцож буй хоёр байгууллагатай холбоотой хүмүүстшинэ хориг арга хэмжээ авч байгааг зарлав. “ОХУ-д нисгэгчгүй онгоц нийлүүлж байгаа нь дэлхийн аюулгүй байдлыг тогтворгүй болгоход Иран ямар чухал үүрэг гүйцэтгэж байгааг нотлон харуулж байна. Энэхүү хориг арга хэмжээ нь Орост материаллаг дэмжлэг үзүүлсэн хүмүүс ямар үр дагаварт хүрэхийг анхааруулж байгаа явдал” гэж Австралийн Гадаад хэргийн сайд Пенни Вонг тайлбарлажээ.

Г.АМАРСАНАА

Хиймэл оюун ухаанд суурилсан шинэ үеийн сөнөөгч нисэх онгоц бүтээх төсөлд Их Британи, Итали, Япон улсууд хамтран ажиллахаар болсныг зарлажээ.

Гурван улсын хамтран бүтээсэн шинэ сөнөөгч онгоц 2030-аад оны дундуур ашиглагдаж эхлэх гэнэ.

“Бид бол өндөр технологийн сөнөөгч онгоц бүтээх чадвартай дэлхийн цөөхөн улсуудын нэг билээ” гэж Их Британийн ерөнхий сайд Риши Сунак өчигдөр тус улсын Линкольншир гүнлэгт болсон арга хэмжээнд оролцохдоо мэдэгджээ.

Шинэ үеийн сөнөөгч нисэх онгоц бүтээх ажил асар өндөр зардалтай байдаг. Тухайлбал F35 сөнөөгч онгоц бүтээх Пентагоны төсөл одоогоор өртөг зардлын дээд хэмжээг тогтоогоод байгаа.

Өрнөдийн бусад холбоотон улсууд ч энэ чиглэлд хамтран ажиллаж эхлээд байна. Жишээ нь Франц, Герман, Испани улсууд бас нэг ийм төсөл дээр ажиллаад эхэлсэн юм.

Зургаадугаар үеийн “Tempest” сөнөөгч онгоц бүтээх шинэ төсөлд Их Британийн BAE Systems гол үүрэгтэй оролцож, Японы Mitsubishi Heavy Industries, Италийн Leonardo компаниуд хамтрахаар болжээ.

Шинэ төсөл нь Их Британийн аюулгүй байдлыг хангаад зогсохгүй олон мянган ажлын байр бий болгох эдийн засгийн үр өгөөжтэйг Риши Сунак онцолсон байна.

“Их Британийн өнөөдрийн болон ирээдүйн аюулгүй байдал манай засгийн газрын хувьд үргэлж чухал ач холбогдолтой байх болно. Тиймээс бид батлан хамгаалах технологийн дэвшлээр бидэнд аюул занал учруулахыг санаархагчдаас үргэлж түрүүлэх ёстой. Өнөөдөр Итали, Япон улсуудтай байгуулж буй түншлэл нь Евро-Атлант болон Энэтхэг-Номхон далайн бүс нутгийн аюулгүй байдлыг салгаж үзэх боломжгүйг харуулж байна. Зохион бүтээсэн шинэ үеийн сөнөөгч нисэх онгоц маань биднийг болон манай холбоотнуудыг хамгаалах болно. Манай батлан хамгаалах хүч чадлыг өсгөхөөс гадна ажлын байр олныг бий болгох юм” гэж тэр хэлжээ.

Эх сурвалж: BBC

Өнөөдөр Оросын эсрэг Киевийн талд украинчуудаас гадна оросууд ч байлдаж байна. Одоогийн байдлаар Украины зэвсэгт хүчний эгнээнд зөвхөн ОХУ-ын иргэдээс бүрдсэн хоёр анги байлдаж байгаа бөгөөд эдгээр нь “Оросын эрх чөлөө” легион, “Оросын сайн дурын корпус” юм. Энэ хоёр хоёулаа ОХУ-ын Төрийн Думын депутат асан Илья Пономарев болон “Иргэний зөвлөл” хэмээх өөрсдийн улс төрийн төлөөлөгчидтэй байгууллагууд юм. ОХУ-ын иргэд дээрх ангиудад яаж элсдэг, тэд бие биенээсээ хэрхэн ялгагддаг, дайчдаа хэрхэн байлдаж буй талаар“DW” сурвалжилсан байна.

“Оросын эрх чөлөө” легион энэ оны гуравдугаар сарын сүүлээр бий болжээ. Украины талд орж Оросын дэглэмийн эсрэг байлдахаар шийдсэн Оросын олзлогдсон цэргүүд, Оросын паспорттой дүрвэн ирсэн сайн дурынхнаас энэ легион бүрдсэн байна. “Энэ ангид одоо таванзуу орчим хүн тулалдаж байна” гэж Төрийн Думын депутат асан ИльяПономарев “DW”-д ярьжээ. Хагас жилийн турш байлдаж байгаа энэ легионы зарим дайчид нэрээ нуудаггүй аж. Тухайлбал, Оросын “Газпром” банкны дэд ерөнхийлөгч асан ИгорьВолобуев “Мөрөөдөл биелж байна! Би одоо “Оросын эрх чөлөөний легион”-ны эгнээнд байна” гэж мэдэгдэв. Уг легионы “Telegram” сувагт Украины талд тулалдаж байгаа гэх Оросын бусад цэргийн албан хаагчдын мэдээллийг нийтэлсэн байна.

Оросын эсрэг тулалдаж байгаа хоёр дахь байгууллага нь“РДК” гэх “Оросын сайн дурын корпус” юм. “DW”-д ярилцлага өгсөн үүсгэн байгуулагчдын хэлснээр уг байлдааны нэгж нь Орос Украинд довтолсны дараа шууд бий болсон ч байлдагчдынхаа байлдааны бэлтгэлийг хангасны дараа, наймдугаар сард албан ёсоор байгуулагдсан гэдгээ зарласан гэнэ.“РДК”-ийн үүсгэн байгуулагчдын нэг, баруун жигүүрийн радикал үзэлтэн, алдартай бизнесмен ДенисКапустин “Тус анги Крым эзлэгдсэнээс хойш Украины Зэвсэгт хүчний бүрэлдэхүүнд орж, олон жил тулалдаж байна” гэж мэдэгдэв. Тэд дайчынхаа тоог нууцалж байгаа боловч тэдний нэг болох “Кардинал” гэсэн дуудлагатай нэгэн “Бид 30-150 дайчдын хүчээр ямар ч түвшний цэргийн даалгаврыг биелүүлдэг” гэж “DW”-д батлан ярьжээ.

Оросын сайн дурын корпус нийгмийн сүлжээнд гишүүдийнхээ баруун жигүүрийн консерватив үзэл бодлыг мэдээлдэг аж. “Дайны найман жилийн хугацаанд бүрдсэн манай ангид орос хүмүүсээс гадна Оросын Холбооны Улсын бусад үндэстэнгүүд тулалдаж байна” гэж “Кардинал” “DW”-донцолжээ. Тэрээр мөн “Иймээс бид анхдагч оросын нутаг дэвсгэрт зөвхөн оросуудаас бүрдсэн жинхэнэ үндэсний улсыг бий болгохыг хүсч байна. Бид эргэн тойрныхоо бүх үндэстэнтэй эв найртай амьдрахыг хүсдэг оросуудын төр, засаг байгуулахыг хүсч байна” гэж хэлжээ. Харин “Оросын эрх чөлөө” байгуулллагын гишүүд улс төрийн үзэл бодлоо олон нийтэд зарладаггүй юм байна. Илья Пономарев ,“Тус ангид үзэл суртал давамгайлсан зүйл байхгүй бөгөөд энэ нь ОХУ-ын ирээдүйн армийн “шинж төрх”юм. Үүний давуу тал нь зүүн ч биш, баруун ч биш, либерал ч биш, консерватив ч биш, зөвхөн түрэмгийллийн эсрэг үзэл бодлоороо нэгдэх явдал”гэж хэлжээ.

Тэгвэл “Оросын сайн дурын корпус ”болон“ Оросын эрхч өлөө” ангийн дайчид улстөрийн “Иргэний зөвлөл” (СГ) гэх байгууллагын дор нэгдэж, цэргийн нэг хүч болж байгаа юм байна. Улс төрийн “Иргэний зөвлөл”-ийн олон улсын нарийн бичгийн даргаар саяхныг хүртэл Польшийн “Эрх чөлөөт Оросын төлөө” санг удирдаж байсан Анастасия Сергеева томилогдсон байна. Сергеева “Манай “СГ” байгууллагад ОХУ-ын олон үндэстний төлөөлөл болох идэвхтнүүд багтдаг. Тэд үндэстэн өөрийгөө тодорхойлж, тусгаар тогтнох эрхийг дэмждэг” гэж “DW”-д хэлжээ,Тухайлбал, ОХУ-ын үндэсний төлөөлөл болох Чеченийн Сайхана Музаев, Черкесулсын иргэн Ибрагим Яганов нарын уриалга уг “СГ” байгууллагын “YouTube” сувагт нийтлэгдсэн байна. Тэд видео мессежээрээ Чеченчүүд болон Черкесчүүдийг Украины төлөө тэмцэхийг уриалж, үүнийхээ үр дүнд бүгд найрамдах улсаа тунхаглах тусгаар тогтносон улс болохыг уриалсан байна. АнастасияСергеева “Иргэнийзөвлөл”-ийн дор нэгдсэн дайчдын тоог нэмэхийн тулд хувийн хандивлагчдаас шинэ байлдагчдыг элсүүлж, сургах ажилд зориулж санхүүжилт босгохоор төлөвлөж байгаа гэсэн байна.

“Иргэнийзөвлөл”-тэй хамтран ажиллаж эхлэхээс өмнө Оросын эдгээр дайчид зөвхөн ОХУ-ыннутаг дэвсгэрийн гадна байгаа оросуудаас эгнээнд эээлсүүлдэг байжээ. Тэгвэл тэд одооноос эхлэн “Орост байгаа иргэдийг эгнээндээ элсүүлэх ажлыг эхэлж байна” гэж Сергеева хэлсэн байна. Энэ нь Украинд газар хөлдөж байлдааны техник чөлөөтэй хөдлөх боломжтой болсны дараа Украины зэвсэгт хүчин Оросын армид дахин хүнд цохилт өгч В.Путин ялагдах нь бүрэн тодорхой болонгуут Украины талд байлдаж байгаа орос цэргүүдийн тоо эрс нэмэгдэнэ гэсэн үг юм.Өнөөдөр Украины талд барууны сайн дурынхан болон оросуудаас гадна, Белорусь, Гүрж,Чечений бие даасан батальон,Туркийн “Туран” гэх анги байлдаж байгаа бол саяхан Башкирын рот байгуулагдан тулалдаанд ороод байгаа юм. Эдгээр анги нэгтгэлүүд нь үнэндээ бол Оросыг дарангуйллаас чөлөөлөх шинэ армийн үндэс, суурь юм. Гэхдээ эдгээр ангиуд эгнээгээ хэдэн арав дахин нэмэгдүүлж, тэднийгээ НАТО-гийн зэвсэг, техник, хувцас, хэрэгслээр хангаж бас сургалтанд хамруулж байж жинхэнэ орчин үеийн арми болно гэсэн үг. Тэр цагт В.Путины дарангуйлал нуран унана. Харин одоо Путинчүүдийг унагачихвал Оросын төр, засагт Кадыров,“ЧВК Вагнер”-ын Пригожин гэх мэт хувийн армитай “нөхөд”, эсвэлхэт үндсэрхэг үзэлтэнгүүд гарч атомын бөмбөг эзэмших эрхтэй болчих гээд байгаа билээ. Иймээс В.Путины дарангуйллын дэглэмийг нураах, энэ улсыг задрахад иргэний дайн гаргахгүй байх үүрэгтэй, ОХУ-ын бүрэлдэхүүнд багтдаг үндэстнүүдийн эрх чөлөөний баталгаа болсонэнэхүү арми бий болоходбагагүйхугацаа шаардагдана гэсэн үг. Тэр цагт В.Путин болон түүний бий болгосон дэглэмийн төгсгөл ирнэ.

Маш товчоор дэлхийнI дайны дараа Австри-Унгарын болон Османы эзэнт гүрэн бутран унаж олон тусгаар улс бий болсон.Дэлхийн II дайны дараа Англи тэргүүтэй колончлолын эзэнт гүрэн бутарч, “тусгаар тогтнолын хувьсгал” явагдсан. Харин өнөөгийн “эрлийз, хурлийз” гэх тодотголтой явагдаж байгаа “дэлхийн III дайн”-ы дараа Орос болон Хятадын “эзэнт гүрэн” бутран унаж, яс үндэс, хэл соёл нэгдэх “тусгаар тогтнолын их хувьсгал” эхлэх нь тодорхой болоод байна. Ганц жишээ авахад, өнөөдөр тусгаар тогтносон Азарбайжан улс 11 сая хүн амтай.Гэтэл хөрш Иран улсад нь 25 сая азарбайжан иргэн өөрсдийн уугуул газар нутагт амьдарч байна.

Г.АМАРСАНАА

Пүрэв гаригт Өмнөд Солонгосын парламент хүний насыг тооцдог уламжлалт аргаасаа татгалзах хуулийг баталжээ.

2023 оны зургаадугаар сараас эхлэн бүх албан ёсны бичиг баримтууд дээр “солонгос нас” хэвлэгдэхгүй болж, зөвхөн олон улсын стандартаар тооцсон нас бичигдэх болж байна.

Солонгосын уламжлалт аргаар хүн төрөхдөө шууд нэг настайд тооцогддог ба цаашдаа шинэ он бүрийн эхний өдөр нас нь нэмэгддэг юм.

Өөр бас нэг нас тооцох арга хэрэглэдэг нь төрөхөд тэг наснаас эхэлдэг ч шинэ он бүрийн эхний өдөр нас нэмэгддэг байжээ.

Энэ аргыг голдуу хүний архи, тамхи хэрэглэж эхлэх хууль ёсны насыг тооцоолохдоо ашигладаг юм.

Эдгээрээс гадна бас солонгос хүн бүр олон улсад хүлээн зөвшөөрөгдсөн нас тоолох аргыг (төрсөн өдрөөс нь хойш 365 хоноод нэг нас нэмдэг) хэрэглэдэг байжээ.

Өөрөөр хэлбэл солонгос хүн бүр гурван янзын настай байдаг юм.

Тухайлбал 2002 оны арванхоёрдугаар сарын 31-нд мэндэлсэн хүн өнөөдөр олон улсын стандартаар 19 настай, солонгос уламжлалаар 21 настай, солонгосын бас нэг аргаар тооцоолбол 20 настайд тооцогддог байна.

Ганцхан олон улсад хүлээн зөвшөөрөгдсөн аргаар насыг тооцоолох нь төөрөгдөл, маргаантай холбоотой гардаг нийгэм эдийн засгийн шаардлагагүй зардлыг бууруулах ач холбогдолтой гэж хуулийг санаачлагчид тайлбарлажээ.

Эх сурвалж: BBC