Category: гадаад

Кантри дуучин Тэйлор Свифт “Teen Vogue” сэтгүүлд 15-21 насны охидад зориулсан хувцасны шинэ брэнд гаргахаар болсон тухайгаа ярьжээ. Дуучин бүсгүй ярилцлагынхаа үеэр Леди Гага, Кейти Перри, Рианна болон Майли Сайрусын хувцаслалтыг өсвөр үеийнхэнд буруу үлгэр дуурайлал үзүүлж, хэтэрхий задгай хувцсыг сурталчилж байна хэмээн буруутгасан тухай “Hollywood.com” мэдээллээ.

Тэрбээр “Охид цэцэг шиг үзэсгэлэнтэй харагдах учиртай. Охид солонго шиг нууцлаг байх хэрэгтэй. Харин өсвөр үеийхэнд үлгэр дуурайлал үзүүлж, даган баясуулдаг дуучид, жүжигчид өөртөө хяналттай хандахыг уриалж байна. Тэр тусмаа өсвөрийн од Майли Сайрус” гэжээ.

Тэйлор өөрийнхөө хувцаслалтыг охидад үлгэр жишээ болохуйц гэдгийг мэдэгдээд, цоо шинэ чиг хандлагатай, хамгийн гол нь өөрийгөө хүндэлсэн брэнд гаргахаар болсон гэв. Мөн Селена Гомезийг гайхалтай хувцасладаг хэмээжээ.

Ирэх зургадугаар сарын 6-нд холбоотны цэргүүд Францын Нормандад буусны 70 жилийн ой тохионо. Дэлхийн II дайны үеэр баруун фронтыг нээж, баруун Европыг фашист Германаас чөлөөлөх тулаан болсон энэ өдрийг жил бүр тэмдэглэдэг уламжлалтай. Түүхэн ойн арга хэмжээнд олон орны төр засгийн тэргүүнүүдийг урьж оролцуулдаг. Сүүлийн үед Украины асуудлаас АНУ болон барууныхан ОХУ-тай түнжин хагараад буй. Харин дээрх арга хэмжээ нь уг харилцаанд нааштай хандлагыг оруулах бололтой. ОХУ-ын Ерөнхийлөгч В.Путин Францын Ерөнхийлөгчийн урилгыг хүлээн авсан талаар хэвлэлийн төлөөлөгч нь мэдээлжээ. Мөн тус арга хэмжээнд  АНУ-ын Ерөнхийлөгч Б.Обама оролцохоо мэдэгдсэн ч Оросын төрийн тэргүүнтэй тусгайлан уулзахгүй гэдгээ онцолжээ. Ямартай ч Оросын хувьд Украины асуудлаас хойш барууны түншүүдтэйгээ нүүр тулах анхны уулзалт болох юм. Крымийг Орост нэгтгэх тухай санал асуулгаар нутгийн оршин суугчид ОХУ-ын бүрэлдэхүүнд орох хүсэлтэйгээ илэрхийлж байсан. Украины зүүн нутагт байдал тогтворгүй байгаа бөгөөд Оросыг дэмжигчид болон эсэргүүцэгчдийн хооронд мөргөлдөөн үргэлжилсээр байна. Мөн  АНУ болон Европын холбооны зүгээс  ОХУ-ын зарим хариуцлагатай ажилтныг хар жагсаалтад оруулан гадаад дахь дансыг нь хаасан юм. Түүхийг сөхвөл 1944 оны зургадугаар сарын 6-нд АНУ, Их Британи, Канадын 156 мянган цэрэг генерал Д.Эйзенхауэрийн удирдлага дор Францын баруун хойд хэсэгт орших Нормандад буусан нь түүхэндээ хамгийн олон цэргийг ийн буулгасан  хэмээн тэмдэглэн үлджээ. 

Манай дэлхийн хамгийн
өндөр бүсгүй гэгддэг Бразилийн загвар өмсөгч Элисани да Круз Сильва удахгүй
хуримлах гэнэ. Ирээдүйн нөхөр нь өөрөөс нь хоёр толгой намхан гэнэ. Загвар
өмсөгч маань 2.06 метр, харин сүйт залуу нь 1.62 метр өндөр юм байна.  Залуу хосууд үерхээд нэг жил болж байгаа
бөгөөд ойрын хугацаанд хүүхэдтэй болохоор төлөвлөжээ.

Элисани да Круз Сильва
нь өнчин тархины хавдрын улмаас бөгөдөө гэнэт өссөн аж.  Тэрээр 14 настайдаа  2 метр өндөр болж 15 настайдаа мэс засал
хийлгэж хавдараа авхуулсанаас хойш өсөлт нь зогссон байна. 

Ю.Дэлгэр

АНУ-ын Ерөнхийлөгч асан Билл
Клинтонтой хайр сэтгэлийн харилцаатай байсан тухайгаа Цагаан ордны залуу
мэргэжилтэн асан Моника Левински бичжээ.
АНУ-ын нэг сэтгүүл өнгөрсөн мягмар гарагт түүний нийтлэлээс иш татан мэдээлсэн
байна.

Өдгөө 40 настай М.Левински тухайн
үед болсон зүйлд маш харамсдаг гэжээ. Билл Клинтонтой янаг амрагийн холбоотой
байсан нь нийтэд ил болсны дараа амиа хорлох тухай нэг бус удаа тэрбээр бодож
байсан аж.

“Клинтон албан тушаалаараа
далайлган намайг дарамталж байгаагүй. Бидний харилцаа харилцан хүлээн
зөвшөөрсөн харилцаа байсан” гэж тэрбээр цааш нь үргэлжлүүлжээ. Тэдний
харилцаа 1998 онд нийтэд ил болсон юм. Тэр жил АНУ-ын төлөөлөгчдийн танхимын
хууль тогтоогчид Клинтоныг албан тушаалаас нь буулгахаар санал хурааж байжээ.

Тэргүүн хатагтай асан Хиллари
Клинтон 2016 онд хоёр дахь удаагаа ерөнхийлөгчийн сонгуульд өрсөлдөж магадгүй
гэсэн таамаглал гарсантай холбоотойгоор АНУ-ын хэвлэл, мэдээллийн хэрэгслүүд
Моника Левинскигийн нийтлэлийн тухай ихээхэн мэдээлж байна.

Нигер улсад ñóðãóóëèéí íàñíû 200
гаруй охиíыг хулгайлсан хэрэг өнгөрөгч дөрөвдүгээр сард гарсан билээ. Эдгээр
алга болсон охидыг аврах ажиллагааг хангалтгүй, муу зохион байгуулж байна
хэмээн олон улсын зүгээс Нигер улсыг шүүмжлээд буй.  Òóс улсын Ерөнхийлөгч Goodluck Jonathan олон
нийтэд хандаж мэдэгдэл хийжээ. Нигерт болж буй Олон улсын эдийн засгийн
чуулганы нээлтэнд тэрбээр “Сургуулийн охидыг хулгайлсан нь Боко Харам бүлэглэл
өөрсдийн төгсгөлөө эрсэн хэрэг болсон. Бурхан тэнгэрийн ивээлээр бид тэдгээр
террористуудыг ялан дийлж охидыг аврах болно” гэв.

Нигер улсын хойд нутгаас алдагдсан
охидыг аврах ажиллагаанд АНУ, Их Британи, БНХАУ, Франц зэрэг улсуудын
туслалцааг аваад байгаагаа мөн Ерөнхийлөгч Goodluck Jonathan мэдэгдсэн юм. АНУ
арми болон хууль сахиулах байгууллагын мэргэлжтэнүүдээс бүрдсэн багаа илгээсэн
байна. Их Британи хиймэл дагуулуудаараа эрлийн ажиллагаанд  туслалцаа
үзүүлж байгаа áèëýý.

 Хулгайлагдсан 276 охиíыг
салган хил дамнуулсан хэмээн АНУ-ын тагнуулын албаныхан үзэж байгаа бөгөөд
охидыг Нигерт төдийгүй Чад, Камерон зэрэг улсуудад хайх хэрэгтэй гэжээ.  

Боко Харамын удирдагч Абубакар Шэкау
өнгөрсөн сард хулгайлагдсан охидыг зарна гэж сүрдүүлсэн мэдэгдэл хийсэн нь
интернетээр цацагдсан бөгөөд энэ сарын 4-нд дахин хоёр тосгон руу дайрч, 12-15
насны 11 охиныг  хулгайлсан аж.
 Нигер Камероны хилийн ойролцоох Ганбору-Нгара хэмээх хот руу өчигдөр буюу
Пүрэв гараг Боко Харам бүлгийнхэн дайрч 300 гаруй хүнийг амьдаар нь шатаасан
хэрэг гарчээ. Тус хотод охидыг аврахаар цэрэг арми төвлөрүүлээд байсан талаар
албаныхан мэдээлж байна.

Боко Харам бүлэглэлийнхэн “охидыг
Чад нуурын ойролцоо байна” гэсэн худал цуурхал тарааж Ганбору-Нгара хотод
төвлөрөөд байсан цэргүүд худал мэдээлэлд төөрөгдөн хотоос явсан хойгуур орон
нутгийн цагаар шөнийн 1.30 үед хот руу халджээ. Зэвсэгт этгээдүүд 
томоохон захуудыг гар хийцийн бөмбөг шидэн дэлбэлж 300 гаруй хүнийг амьдаар нь
шатаасан бөгөөд амь үрэгдэгсэдийн тоо цаашид өсөхөөр байна. 

Хотыг хамгаалж үлдсэн цэргүүд дайралтыг
зогсоож чадалгүй хотын иргэдтэй хамт дүрвэн нийт 2000 гаруй хүн Камероны нутаг
руу оржээ.

 АНУ Боко Харамыг террорист
бүлэглэл хэмээн зарлан удирдагч Абубакар Шэкаугийн толгойд долоон сая
ам.долларын шагнал амлаад байгаа аж. Мөн Нигерийн цагдаагийн газар 310 мянган
ам.долларын шагналыг охидын талаарх үнэн бодит мэдээлэл өгсөн хүнд амлаад
байна.

Өмнөд Хятадын
тэнгисийн  Параселийн арлын ойролцоо Вьетнам
болон Хятадын усан онгоцуудын хооронд мөр­гөлдөөн гарчээ. Үүний улмаас Вьетнамын
долоон иргэн шархадсан байна. Хятадын тал тэнгист өрөмдлөг хийж, цооног суурилуулах
гэснийг Вьетнамын тэнгисийн цэргийнхэн эсэргүүцжээ.  Сөр­гөлдөгч талууд нэг нэгнийхээ эсрэг гал нээгээгүй
боловч Вьетнамын тэнгисийн цэр­гийнхэн даралттай ус шүршигч ашигласан гэнэ.  Тус өрөмдлөг хийх газар нь хилийн ойролцоох маргаантай
бүс нутаг бөгөөд аль аль тал нь өөрийнх хэмээн үздэг аж.

Бээжин өнгөрсөн
амралтын өдрөөр Өмнөд Хятадын тэн­гист “CNOOC 981” газрын тосны өрөмдлөгийн цамхгаа
байршуулж эхэлсэн нь хөрш орнуудаа өдөөн хатгасан үйлдэл болжээ. Үүний ха­риуд Вьетнамын
эрх ба­риг­чид улсынхаа ашиг сонирхлыг хамгаалахын тулд шаардлагатай гэж үзсэн бүх
арга хэмжээг авна хэмээн анхааруулга өгсөн. БНХАУ энэ хэрэгт Вьетнамыг буруутгаж
байгаа бол АНУ-ын Төрийн департамент үүнд тус улсыг буруутгасан байна.

Хятад улс нь Өмнөд
Хятадын тэнгис дэх арлуудыг оруулан, “U” хэлбэрийн хэсгийг өөрийн эзэмшлийн хэмээн
зарласнаар хөрш Филиппин, Бруней, Малайз, Тайваньтай газар нутгийн маргаан дэгдээ­гээд
буй юм.

 Энэ онд Бразиль улсад болох хөлбөмбөгийн дэлхийн аваргын тэмцээнд 15 тэрбум ам.доллар зарцуулж байгаа билээ. Ирэх зургадугаар сарын 12-нд нээлтээ хийх дэлхийн хөлбөмбөгийн аваргын тэмцээнд зориулан асар өндөр өртөгөөр 12 шинэ цэнгэлдэх хүрээлэн барьж буй юм. Энэ бүтээн байгуулалтад оролцож байсан 32 настай ажилтан цахилгааны гэмтлээс болж тогонд цохиулж нас барсан харамаслтай хэрэг гарсан байна. Дэлхийн аваргын бүтээн байгуулалт эхэлснээс хойш найман хүн амиа алдаад байгаа нь энэ юм. “Arena Pantanal” цэнгэлдэхийн барилгын ажил тэмцээн эхлэхээс нэг долоо хоногийн өмнө дуусах төлөвтэй байна. Хэдэн зуун мянган хүний суудалтай цэнгэлдэхийн засал чимэглэлийн нарийн ажил бэлэн болоогүй ажээ.

 “Pearson” фирмээс гарга­сан
дэлхийн боловсролын үнэл­гээг Өмнөд Солонгосын боловсролын систем тэр­гүүлжээ. Дэлхийн
боловсролыг тэргүүлэгч орнуудын эхний байруудад Азийн улсууд бичигдсэн байна. Тодруулбал,
топ тавд Өмнөд Солонгос, Япон, Сингапур, Хонконг, Хятад улс жагссан бөгөөд тэдний
араас Европын Финланд, Их Британи, Герман, Франц болон АНУ нэрлэгдсэн аж. Харин
хамгийн муу боловсролын системтэй улсуудаар Грек, Индонез, Мексик, Бразиль улсууд
тодорчээ.

БНАСАУ нь жилд нэг удаа цөмийн болон пуужингийн тур­шилт хийж байх гэнэ. Хү¬нийг үй олноор нь устгах зэвс¬гийг дэлгэрүүлэхгүй байх асуудлаарх НҮБ-ын Аюулгүйн Зөв­¬лөлийн  хурал дээр  БНАСАУ-ын байнгын төлөөлөгч Ри Дон Иль ийнхүү мэдэгдлээ. Тэрээр уг асуудалтай холбогдуулан мэдэгдэл хийхдээ улс орныхоо аюулгүй байдлыг  хангах зорилгоор ийм алхам хийж байгаа хэмээн тайлбарлажээ. Хойд Солонгос нь Иракийн дайнаас хойш цөмийн хөтөлбө¬рөө хэрэгжүүлэхээр улам эр­чим­тэй ажиллах болсон. НҮБ-ын Аюулгүй Зөвлөлөөс тус улсын эсрэг нэг бус удаа хориг тавьсан боловч дорвитой үр дүнд хүрээгүй юм.

Маргааш ОХУ-д Ялалтын баярыг тэмдэглэн өнгөрүүлнэ. Оросын эрх баригчид энэ өдөр Крымд Ялалтын парадыг хийхээр төлөвлөсөн гэдгээ мэдэгдсэн юм. Үүнийг ХБНГУ-ын канцлер А.Меркель шүүмжилж “Миний бодлоор зөрчилдөөн, хямралтай  байгаа энэ үед ийм өдрийг ашиглан парад зохион байгуулах нь гутамшигт явдал” гэж мэдэгджээ. 

Германы Засгийн газрын тэргүүн цааш нь хэлэхдээ “Ялалтын баяр  оросуудын хувьд чухал өдөр. Харин Украин хямралд автаад байгаа үед Крымд ийм арга хэмжээ зохион байгуулах нь тохиромжгүй юм. Түүх бидэнд сургамж хайрласан гэдгийг харуулахын тулд би хэдэн жилийн өмнө тавдугаар сарын 9-ний өдөр Москвад очсон. Харин хямрал ид болж байгаа газар цэргийн парад хийх нь үнэхээр гунигтай явдал” гэжээ. ХБНГУ-ын канцлер хэвлэл бага хурлын үеэр ийнхүү мэдэгдсэн нь учиртай юм. Германы хэвлэлд саяхан В.Путин Севастополь хотод айлчилж магадгүй байгаа тухай бичсэн. Хэрвээ айлчлах юм бол тус хотод цэргийн парад болж, энэ нь Орост В.Путины нэр хүнд өсөх хэдий ч олон улсын байгууллагын дургүйцлийг төрүүлэх гэнэ. 

Уржигдар ОХУ-ын Батлан хамгаалахын сайд С.Шойгу мэдэгдэл хийхдээ “Энэ жил Крым, Севастополийг фашистын Германы эзлэн түрэмгийлэгчдээс чөлөөлөгдсөний 70 жилийн ойг тэмдэглэнэ гэдгийг та бүхэн мэдэж байгаа. Үүнтэй холбогдуулан Батлан хамгаалах яам нэлээд өргөн хүрээг хамарсан баярын хөтөлбөр боловруулсан бөгөөд Севастополь, Керчи хотуудад цэргийн парад болно” гэжээ.