Кубын хувьсгалын лидер ФидельКастроХятадад гардуулагддаг Күнзийн нэрэмжит энх тайвны шагналтан болсон гэж Agence France-Presse мэдээлэв.
Нийт 16 хүнээс бүрэлдсэн шинжээч, эрдэмтдийн баг хориод нэр дэвшигчдээс Кастрог сонгожээ. Есөн санал авсан Кастро НҮБ-ын нарийн бичгийн дарга Пан Ги Мун, Өмнөд Солонгосын ерөнхийлөгч Пак Кын Хе нараас илүүтэй байв. Кубын зүтгэлтэн засаг барьж байхдаа олон улсын маргааныг шийдэхэд хүч хэрэглэж байгаагүй, тэтгэвэртээ гарсны дараа дэлхийн лидерүүд ба олон нийтийн байгууллагатай холбоогоо таслаагүй идэвхтэй байсан гэж комисс үнэлэв. Мөн тэд цөмийн дайн гаргуулахгүй байхад Кастро хувь нэмрээ оруулсан гэлээ.
Күнзийн шагналыг “Хятадын Нобель” гэж нэрлэдэг бөгөөд түүнийг бизнесмен Лю Чицинийн санаачлагаар 210 онд би болгожээ. Шагналыг Тайванийн улстөрч ЛяньЧань, хятад эрдэмтэнЮаньЛунпинь, чан-буддизмын зүтгэлтэн ШиИчэн, НҮЫ-ын тэргүүн асан Кофи Аннан, Оросын ерөнхийлөгч ВладимирПутин нар авч байв. Түүнийг 25000 ам.доллар дагалддаг.
Самраар үйлчилсэнгүй гэж онгоцны үйлчлэгчдээ уурлан нислэг саатуулсан удирдах албан тушаалтнаа огцруулсанаа Өмнөд Солонгосын иргэний агаарын тээврийн “Korean Air” компани мэдэгдлээ.
ОХУ-ын Ерөнхийлөгч В.Путин Энэтхэгт төрийн айлчлал хийж байна. Өнөөдөр тэрээр Энэтхэгийн Ерөнхийлөгч Пранаб Кумар Мукерджи, Ехөнхий сайд Н.Модитой уулзаж хэлэлцээ хийх юм. Энэ айчлалын үеэр хоёр улсын хамтран ажиллах тухай нэлээд хэдэн гэрээнд гарын үсэг зурахаар төлөвлөөд байгаа. В.Путин Энэтхэгт байх хугацаандаа тус улсын ажил хэрэгч хүсүүтэй уулзахаас гадна Дэлхийн алмазны чуулган оролцохоор төлөвлөжээ.
Их Британийн хаан ширээг залгамжлах хунтайж Уильям, гүнж Кейт нар саяхан АНУ-д айлчилсан билээ. Тэдний айлчлалын төгсгөлд АНУ-ын тал хүндэтгэлийн зоог барьсан байна. Түүнд оролцогчид урилгын үнэ хэмээн 10 мянган ам.доллар төлсөн аж. Уг тасалбарын борлуулалтаас олсон мөнгийг буяны үйлсэд хандивласан гэнэ.
Хятадын Хенань мужийн Луоянг дахь цөмийн станц нүүрс биш мөнгөн дэвсгэртийг шатааж, эрчим хүч гаргаж авч байна. Нэг тонн хуучин мөнгөн дэвсгэрт шатаахад 600 kWh эрчим хүч ялгаруулж байгаа нь байгаль орчинд ээлтэй шинэ технологи гэж үзжээ. Хятадын Төв банк хэрэглээнээс гарсан хуучин дэвсгэртүүдийг шатаах зөвшөөрөл олгосон байна. Хэрэглээнээс гарч буй дэвсгэртүүдийг шатаахад жил бүр 1.32 сая kWh эрчим хүч ялгаруулах бөгөөд энэ нь 4000 тонн нүүрсний хэрэглээтэй тэнцэнэ гэсэн эдийн засгийн тооцоолол гарчээ. 
Өнгөрсөн хоёрдугаар сараас Баруун Африкийн орнуудаар тархаж, 7000-аад хүний аминд хүрээд буй эбола вирусийн эсрэг тэмцэж байгаа эмч, сувилагчдыг Америкийн “Time” сэтгүүл Оны онцлох хүнээр зарлалаа. Долоо хоног тутмын, дэлхийн хамгийн том сэтгүүл, олон улсад хүндтэй “Time”-ын редакц тэднийг амь, бие үл хайрлан, бусдыг аврахын төлөө зүтгэсэн, шувтарч буй 2014 онд хамгийн олон хүнд нөлөөлсөн, онцгой гавьяатнууд хэмээн үнэлжээ.
Өнөөдөр Осло болон Стокольм хотноо Шведийн хаан энэ жилийн Нобелийн шагналтнуудыг хүлээн авч уулзаад шагналуудыг нь гардуулах болно. Хэдхэн цагийн дараа эхлэх энэ арга хэмжээнд энх тайвны шагналын эзэн Пакистаны 17 настай охин Малала Юсафзай ч бас оролцож байгаа. Таван жилийн өмнө Талибуудын эзэмшил нутагт амьдарч байхдаа сурах эрхээ боомилуулсан жаахан охин хэрхэн тэмцэж зорилгодоо хүрч болдогийг, бие багадахгүй гэдгийн амьд жишээгээр харуулсан энэ охин шагналаа гардана. Сонирхуулахад А.Нобелийн дүрстэй алтлаг тэмдэгээс гадна барагцаалбал хагас сая орчим ам.долларын мөнгөн шагналаар бүхий л ялагч нарыг байлдаг билээ.
Стивэн Колбертын хөтөлдөг хошин шогийн нэгэн нэвтрүүлэгт АНУ-ын Ерөнхийлөгч Барак Обама оролцохдоо гэр бүлийн хүрээний зарим нэг нууцаа “нууц шүү” гэж байгаад нийтэд тараав. Тэдний гэр бүлийнхэн халуун ам бүлээрээ байх тохиолдолд эхнэр, хүүхдүүд нь эрхэм ерөнхийлөгчийн хоёр чихийн томийг гайхаж шоолдог гэнэ. Мөн эхнэр нь Обамаг гэртээ хүссэн газраа өмсөж байсан оймсоо тарааж хаяхыг тэвчдэггүй хэмээн нууцаа илчилжээ.
Форбес сэтгүүл 2014 хамгийн “террорист” ухаалаг гар утсаар Оросын технологийн шинэ бүтээгдэхүүн болох “YotaPhone 2”-ийг нэрлэжээ. Өөрөөр хэлбэл энэ нь радикал шинэчлэл, өвөрмөц програм хангамж болон уламжлалт дизайныг хослуулж чадсанаараа ихээхэн өндөр үнэлэлт аваад байгаа аж.
Мексикийн Герреро мужийн Багшийн их сургуулийн 43 оюутнуудын цогцсыг таниулж, гэр бүлийнхэнд нь хүлээлгэн өгч эхэлсэн байна. Оюутнуудын аминд хүрсэн “Геррерос унидос” гэмт бүлэглэлийн 15 гишүүнийг баривчлаад байгаа аж. Игуала хотын цагдаа нар эсэргүүцлийн жагсаал хийж, мөргөлдөөн гаргасан хэсэг оюутнуудыг баривчлан, “Геррерос унидос”гэмт хэргийн бүлэглэлд хүлээлгэн өгсөн гэнэ. Гэмт хэргийн бүлэглэл оюутнуудыг Герреро мужийн Кокула гэх хотод аваачин амийг нь хөнөөгөөд цогцсыг нь шатааж, голд хаясан байна. Энэ хэрэгт холбогдуулан 80 гаруй хүнийг баривчилсаны дотор мужийн шүүх, цагдаагийн ажилтнууд, сургуулийн багш нар хүртэл байгаа юм байна.