Лхагва гарагийн өглөө “Шарли Эбдо” шог сэтгүүлийн байранд террорист халдлага гарах үеэр 12 хүн амь насаа алдлаа. Хохирогчдын дунд сэтгүүлчид, цагдаагийн албан хаагчид байсан юм. Парис хотын төвд олон мянган хүн цугларч, халдлагад өртөн амь насаа алдсан хүмүүсийг хүндэтгэж байна.
Мөн жагсагчид хэвлэлийн эрх чөлөө, үзэл бодлоо илэрхийлэх эрх чөлөөг дэмжиж байгаагаа илэрхийлж байгаа аж. Тэд хэвлэлийн эрх чөлөөг бэлгэдэн гартаа барьсан үзэгнүүдээ дээш өргөн, “Би бол Шарли” хэмээн хашгиран, даллажээ. Түүнчлэн террорист халдлагыг гурван эрэгтэй хүн үйлдсэн гэж Францын Засгийн газраас мэдэгдээд байгаа аж.
Одоогийн байдлаар сэжигтнүүдийг Парис хот даяар эрэн сурвалжилж байгаа юм. Халдлагын ард исламын шашны экстремистүүд байж болзошгүй гэж зарим эх сурвалж таамаглаж байна. Учир нь халдлагад өртсөн Шарли Эбдо сэтгүүл нь исламын шашныг үндэслэгч, зөнч Мухаммедийг шоглосон өгүүлэл нийтэлж байжээ. Францын Ерөнхийлөгч Франсуа Олланд гурван өдөр үндэсний хэмжээнд гашуудал зарлажээ. Францаас гадна АНУ, Канад, Испани, Их Британи, Герман улсуудад терроризмыг эсэргүүцсэн жагсаал өрнөж байна.
Францын нийслэл Парис хотын “Charlie Hebdo” сэтгүүлийн оффис руу зэвсэглэсэн хоёр хүн дайрснаар 11 хүн нас барж, 10 хүн хүнд шархадсан талаар Францын хэвлэлүүд мэдээллээ. Нүдээр үзсэн гэрчүүдийн хэлснээр зэвсэгт этгээдүүд сэтгүүлийн оффис руу нэвтэрснийхээ дараа клашников болон винтов буугаар буудаж эхэлсэн байна. “Charlie Hebdo” сэтгүүл нь шог зураг, элэглэлийн чиглэлээр нийтлэл бэлтгэж, олон нийтэд хүргэдэг бөгөөд хамгийн сүүлд Исламын зэвсэгт босогчдын тэргүүн Abu Bakr al-Baghdadi-г хүүхэлдэйн киноны баатраар элэглэсэн сэтгүүл гаргаад байсан юм. 
Өчигдөр Францын Парис хот дахь “Шарли Эбдо” сэтгүүлийн газарт террорист халдлага гарсны улмаас 12 хүн амиа алдаж, 10 гаруй хүн шархдсан байна. Амиа алдсан хүмүүсийн 10 нь сэтгүүлчид байсан бол хоёр нь цагдаагийн албан хаагчид байжээ. Уг халдлагатай холбогдуулан Ерөнхийлөгч Франсуа Олланд шуурхай хуралдаан зарлаж, Францад онц байдал тогтоолоо. Мөн тэрээр ойрын хугацаанд дахин төстэй халдлага гарч болзошгүйг анхааруулжээ.
Хошин шог төрлийн сэдвээр уран бүтээлээ туувирладаг Францын Charlie hedbo сэтгүүлийн Парис дахь салбарт зэвсэглэсэн хоёр этгээд нэвтрэн орж гал нээсний улмаас 12 хүн газар дээрээ нас барж, таван хүн шархдан эмнэлэгт хүргэгдээд байна. Тэр дундаа шог зураг зурдаг Charb, Cabu, Tignous, Wolinski хэмээх нууц нэртэй дөрвөн зураачийг хамгийн эхэнд буудан хороосон хэмээн Le Point-д нийтлэв. Хожмоо энэ хэвлэлийн редакцид халдлага үйлдээд оргон зайлсан хоёр этгээдийн нэг нь ” Бид буруу номтнуудыг Мухамедынхаа төлөө гэсгээлээ” гэх утгатай захидал илгээсэн байна.
ОХУ өвлийн улиралд өмсдөг байсан “Валенки” гутлынхаа үйлдвэрлэлийг сэргээсэн байна. Олон жилийн турш өмсөж ирсэн “Валенки” гутлаа хатгамал, чимэглэл, шинэ хэв загвартайгаар урлаж, худалдаалахаар болсон талаар тус улсын төв хэвлэл “Moscow times” мэдээллээ. Өмнө нь энэ гутал нь хүйтэнд дааруулдаггүй, маш дулаан байсан ч ус нэвтэрдэг сул талтай байсан бол шинээр үйлдвэрлэх “Валенки” нь ус нэвтрүүлэхгүй бөгөөд -40 хэмийн хүйтэнд ч хайрахгүй, дааруулахгүй байхаараа давуу талтай гэнэ. Түүнчлэн тус гутал өмнө нь нэг л өнгөөр үйлдвэрлэгддэг байсан бол одоо саарал, бор гээд өнгөний сонголттой байх ажээ.
БНХАУ-ын иргэд монгол залуустай хамтарч арилжааны банкуудын ПОС терминал төхөөрөмжийг ашиглан их хэмжээний мөнгө хулгайлсан хэрэг он солигдох өдөр гарсан байна. Энэ хэрэгт холбогдуулан нийт зургаан хүнийг баривчилсан бөгөөд эдгээрийн дөрөв нь Хятад улсын иргэн аж. Эх сурвалжийн ярьснаар сэжигтнүүд Монгол дахь хамсаатнуудтайгаа урьдчилан тохирч, зохион байгуулалттайгаар энэ хэргийг үйлдсэн гэнэ. Хулгайд ашигласан картуудыг өмнөд хөршид үйлдвэрлэсэн байжээ. Одоогийн байдлаар нийт 100 гаруй удаагийн гүйлгээгээр 40 гаруй сая төгрөг хулгайлсан нь тогтоогдоод байгаа бөгөөд цагдаагийн байгууллага, Монголбанктай хамтран хохирлын хэмжээг эцэслэн тогтоохоор ажиллаж байгаа аж.
Дэлхийн зах зээлд газрын тосны үнэ унасаар байна. Өчигдөр /01.05/ Нью-Йоркийн хөрөнгийн биржийн арилжаанд WTI маркийн газрын тос нэг баррель нь 50.04 ам.доллараар худалдаалагдав. 
Дэлхийн худалдааны талбаруудад нефтийн үнэ огцом уналаа. Лондонгийн бирж дээр Brent маркийн хоёрдугаар сарын фьючерсийн арилжаа 4,71 хувиар бууран нэг баррель нь 53.14 ам.доллараар зарагдан даваа гаригийн худалдаа төгсчээ.
Холливудын нэрт жүжигчин Кэмерон Диас өнөөдөр хуримлаж байна. Тэрээр “Good Charlotte” хамтлагийн бас гитарчин Бенжи Мэддентэй гэр бүлээ батлуулах юм. Камерон Диас жүжигчин Жастин Тимберлейк, Мэтт Диллон, сагсан бөмбөгийн нэрт тамирчин А.Родригес зэрэгхүмүүстэй нэр холбогдож байсан. Түүний хувьд нөхөрт гарах нь амьдарлынх нь гол зорилго биш, гэхдээүзэл бодол нийлэх хүнтэй таарвал баярлана хэмээн ярьж байсан билээ.
Украины нөхцөл байдал ерөнхийдөө ээдрээтэй хэвээр байгаа. Харин Одесс хотноо байдал нэлээд ноцтой байна. Байдлыг хэвийн болгохоор Украины эрх баригчид тусгай ажиллагаа зохион байгуулж эхэлсэн боловч нөлөөлсөнгүй. Өчигдөр гэхэд Одесс хотын төвд дэлбэрэлт боллоо. Өнгөрсөн таван сарын хугацаанд тус хотод нэлээд хэдэн удаа алан хядах ажиллагаа болсон юм. Байдал энэ хэвээрээ үргэлжилбэл иргэний дайн гарах аюултай хэмээн ажиглагчид үзэж байна.