АНУ-ын Ерөнхийлөгч Б.Обама Вашингтон дахь Францын ЭСЯ дээр өөрийн биеэр хүрэлцэн очиж “Charlie Hebdo” сэтгүүлийн редакцид алан хядагчид халдаж, 12 хүн амь эрсэдсэн явдалд эмгэнэл илэрхийлсэн байна. Тэрээр нэг минут дуугүй зогсон эмгэнэлээ илэрхийлээд эмгэнэлийн дэвтэрт сэтгэгдлээ бичихдээ “Хэдэн зуун жилийн өмнөөс холбоотон байсан Францын ах дүү нартайгаа хамтран шударга ёс, үнэт зүйлсээ хамгаалах болно. Бид цугтаа ирээдүй рүү явах бөгөөд эрх чөлөө, бидний үзэл баримтлалыг алан хядагчид дийлэхгүй гэдгийг мэднэ” гэв. Тэрээр хамгийн сүүлд нь францаар “Vive le France” хэмээн бичжээ.
Category: гадаад
Холливуудын нэрт жүжигчин Женнифер Анистон хүүхэд үрчилж авахаар болжээ. “Тэрбээр 2-3 настай охин хүүхэд үрчилж авахаар бичиг баримтаа цуглуулж эхэлсэн байна. Гэхдээ аль улсаас хүүхэд үрчилж авах нь тодорхойгүй байна” гэж “www.dailymail.co.uk” мэдээллээ. Жүжигчин бүсгүй холливуудын бусад одод шиг Африк эсвэл Ойрхи Дорнодоос хүүхэд үрчилж авах сонирхолтой байгаа гэнэ. Тэрбээр өмнө нь “Ирак, Сирид ямар олон хүүхэд хохирогч болж байна аа. Болдог бол бүгдийг нь үрчилж авах юмсан” гэсэн юм.
Женнифер Анистон сүүлд “Cake”хэмээх кинонд тоглосон юм. Тэрбээр тус киноны Сулигийн дүрээр “Оскар”-ын шилдэг эмэгтэй жүжигчин төрөлд нэр дэвшээд буй. Анистон 1999, 2003, 2006 онуудад “Оскар”-т гурван удаа нэр дэвшиж байжээ.
Индонезийн тэнгисийн шумбагчид пүрэв гарагт Ява тэнгисийн ёроолоос “AirAsia” компанийн онгоцны сүүлийг гаргахаар оролджээ. 162 хүнтэй ниссэн тус онгоц нь өнгөрсөн сард Индонезийн Сурабаяа хотоос Сингапурыг чиглэж нисэхдээ үл мэдэгдэх шалтгаанаар осолдсон юм.
Ослын шалтгааныг олж тогтоохын тулд онгоцны хар хайрцаг, нисгэгчийн бүхээгийн дуу хураагч төхөөрөмжийг яаралтай олох шаардлагатай байгаа аж. Албаны хүмүүсийн мэдэгдсэнээр, онгоцны сүүл хэсэг уруу харан унасан бөгөөд зарим хэсэг нь тэнгисийн ёроолд шигджээ.
Хүчтэй давалгаа гарч тэнгисийн усанд үзэгдэх орчин хязгаарлагдсаны улмаас онгоцны сүүлийг уснаас гаргах, хар хайрцгийг татаж гаргахад хүндрэл учирч байна гэж Индонезийн Үндэсний аврах албаны дарга Бамбан Соелистё ярьжээ. Түүний хэлснээр, Индонез, Францын шинжээчдээс бүрдсэн баг онгоцны сүүл хэсгийг уснаас татаж гаргах өөр арга хайж байгаа гэнэ.
Хойд солонгосчууд урд хөрш рүүгээ довтлохоор шийджээ. Төлөвлөгөө ёсоор нэг долоо хоногийн дотор газар нутгийг нь бүрэн эзлэх гэнэ. Хэрэв АНУ хөршид нь тусалбалэзлэх төлөвлөгөөнд өөрчлөлт орж, долоо хоног бус 15 хоног үргэлжлэх аж. Энэ талаар “Korea JoongAng Daily” сонины мэдээлснээр Хойд солонгосчууд довтолгоондооцөмийн зэвсэг хэрэглэх юм байна. Тэд ердийн зэр зэвсэг, их буу, танк болон нисэх онгоцноос гадна тусгай хүчинг ч ашиглах аж. Тиймээс тусгай хороо дахь цэргийн тоог 80 мянга байсныг 200 мянга болгож өргөтгөв. Умард Солонгосын эрх баригчид дээрх төлөвлөгөөг 2012 онд анх боловсруулсан. Энэ нь Ким Жөн Ун төрийн эрхийг гартаа авснаас хойш нэг жилийн дараах үе аж.Төлөвлөгөө ёсоор 2013 онд тэд довтолгоогоо хийх байсан ч нэг жилээр хойшлуулсан юм байна. Харин өнгөрсөн оныг Умард солонгосчууд “Хоёр Солонгосыг нэгтгэх агуу дайны жил” болгон зарласан байна. Хойд Солонгосчууд дээрх төлөвлөгөөг АНУ-ын Ирак, Афганистанд явуулсан хамгийн сүүлийнцэрэг дайны ажиллагаанд задлан шинжилгээ хийж гаргажээ. Олон улсын байгууллагын зүгээс тулгарах шүүмжлэл, дарамт шахалтыг үл харгалзан дайнаа хийхээр төлөвлөж буй. Ингэхдээ ужгирсан дайнамжилт авчрахгүй гэж үзэн хурдан хугацаанд дуусгахыг эрмэлзэж байгаа аж. Сануулахад, 2013 оны хоёрдугаар сард Хойд Солонгост гурван ч удаа цөмийн туршилт явуулсан.
Францын Парис хотноо болсон аймшигт халдлага дэлхий нийтийг цочроолоо. Тус хотын “Шарли Эбдо” сэтгүүлийн газарт зэвсэглэсэн этгээдүүд халдаж 12 хүний амийг хороож, 11 хүнийг шархдуулсан явдал өчигдөр болсон юм. Амиа алдсан хүмүүсийн 10 нь сэтгүүлч, хоёр нь цагдаагийн ажилтан байлаа. Зэвсэгт этгээдүүд сэтгүүлийн байр луу дайрч орсныхоо дараа шууд л галлаж эхэлсэн гэж гэрчүүд ярьжээ. Өчигдөр тус улсад орон даяар онц байдал зарласан. Ерөнхийлөгч Франсуа Олланд ойрын хугацаанд дахин ийм төстэй халдлага гарч болзошгүйг иргэддээ сэрэмжлүүлэв.
Гурван хэрэгтний нэг нь бууж өгчээ
“Шарли Эбдо” сэтгүүл нь энэ долоо хоногийн дугаартаа “2022 онд муслимууд Францын Засгийн эрхэнд гарах нь” номыг бичсэн зохиолч Мишель Оллелебекийг зочноор урьж оролцуулсан нь халдлагад өртөх шалтгаан болсон байж магадгүй гэсэн таамаглалыг албаныхан дэвшүүлжээ. Террористуудын нэг нь сайн дураараа бууж өгсөн талаар олон улсын хэвлэлүүд мөн мэдээлж байна. 18 настай Хамид Мурад гэгч нь цагдаагийнханд өөрийгөө хүлээлгэн өгчээ. Харин тэдний ах болон дүү нар хаана байгаа нь тодорхойгүй байна. Тэдний зургийг тарааж эрэн сурвалжилж байгаа юм. Алан хядагчид хүмүүсийг хороож байхдаа “Аллах акбар. Бид гэгээнтний өшөөг авч байна” хэмээн хашгирч байжээ. Оросын Ерөнхийлөгч Владимир Путин Парист болсон халдлагатай холбогдуулан Францын Ерөнхийлөгч Франсуа Олландад эмгэнэл илэрхийлэн, терроризмын аюултай хийх тэмцэлд идэвхтэй хамтран ажиллахад бэлэн байгаагаа илэрхийлсэн байна.
Томоохон хотуудад жагсаж эхэллээ
Францын ерөнхийлөгч Франсуа Олланд улсын хэмжээнд гашуудал зарлаад байна. Улсынхаа тугийг гурав хоногийн турш хагас налуутай буулгах зарлигийг мөн гаргалаа. Парис хотод төдийгүй дэлхийн бусад томоохон хотуудад хэвлэлийн эрх чөлөөний төлөө иргэд жагсаж эхэлжээ. Тухайлбал, Мосвка, Вашингтон, Лондон, Токио хотноо “Бид айхгүй байна, Би бол Шарли” гэсэн лоозон барьсан иргэд жагсаж байна. Парис хотод 30 мянга гаруй хүн ийнхүү эсэргүүцлээ илэрхийлж байгаа аж. Түүнчлэн цахим ертөнцөд хэвлэлийн эрх чөлөөг шаардсан хөдөлгөөн өрнөж эхэллээ. “Би бол Шарли” гэсэн шошго бүхий профайл зургийг олон зуун хүн сонгожээ.
Ухаалаг гар үйлдвэрлэгч Моторола компани ирэх хоёрдугаар сараас эхлэн дахин Хятадын зах зээлд өрсөлдөхөөр болсон тухайгаа мэдэгджээ. Ингэхдээ “Moto X”, “Moto X Pro” “Moto G” гэсэн гурван шинэ бүтээгдэхүүнтэйгээр эргэн ирэх гэнэ. Гэхдээ эдгээр бүтээгдэхүүн ямар үнэтэй худалдаалагдах талаар хараахан зарлаагүй байгаа аж.
Сүүлийн жилүүдэд маш хурдацтай өсөн нэмэгдэж буй Хятадын ухаалаг утасны зах зээлд дотоод, гадаадын олон үйлдвэрлэгчид өрсөлдөх болсон байна. Одоогийн байдлаар “Samsung”, “Apple” корпорациас гадна дотоодын үйлдвэрлэгч болох “Xiaomi”, “Huawei” брэндүүд зах зээлийн дийлэнх зах зээлийг эзэлж байгаа юм. Иймээс тус улсын зах зээлд дахин нэвтэрнэ гэдэг нэлээд амаргүй даваа хэмээн мэргэжилтнүүд үзэж байгаа аж.
Харин “IDC” судалгааны компанийн шинжээч Брайн Ма “Өмнө нь Моторола Хятадын ухаалаг утасны зах зээлийн 40 хувийг эзэлдэг байсныг хүмүүс мартаад байх шиг байна. Мэдээж хэрэг өнөөдрийн зах зээл маш их өөрчлөгдсөн. Гэхдээ одоо ч гэсэн тодорхой хэмжээний нэр хүнд хадгалагдаж байгаа гэдэгт итгэлтэй байна” гэж ярьжээ.
Дуучин Мэрай Кэри хоёр хүүхдийнхээ эцэг, нөхөр Ник Кенноноосоо салснаас хойш сэтгэл санаа гундуухан байгаа. Үүнээсээ болоод хоолой нь гарахаа больсон тэрбээр карьертаа ч завсарлага авалгүй, фэнүүдтэйгээ хамт байхыг хичээж байгаа билээ. Тэгвэл тэрбээр бусад эмэгтэйчүүдийн адил амттан, шоппинг хийх зэргээр стрессээсээ ангижирч буй бололтой. Өдөр өдрөөр жин нэмж байгаа дуучин бүсгүй хувцасны дэлгүүрээр бус, үл хөдлөх хөрөнгийн худалдаагаар аялж, мөнгөө үрэн таран хийж байна. Саяхан л гэхэд Мэрай Кэри дугуйн дээр тогтсон тансаг байшин худалдан авчээ. Хоёр давхар, 111 м.кв талбайтай энэ барилгад тэрбээр 1.8 сая доллар зарсан аж.Мэдээж ийм үнэтэй байшинд дуучны хүссэн бүхэн байх нь ойлгомжтой. Тухайлбал бүжгийн заал, 30 хүний суудалтай кино театр, саруулхан гал тогоо гээд бүгдийг багтаажээ.
Өндөр чанартай спорт хувцас тамирчдын гүйцэтгэлд нөлөөлдөг гэдэг зарчим амьтдад бас үйлчилдэг бололтой. Арабын нэгдсэн Эмират улсад төвтэй Аль Шибла компани тэмээнд зориулсан тансаг хувцас үйлдвэрлэж байна. Зөөлөн, зузаан материалаар хийсэн энэхүү хувцас уралдаанд оролцогч тэмээнүүдийг тайвшруулдаг ажээ. 
Уржигдар орон нутгийн цагаар 11.30 цагт Францын хошин шогийн “Charlie Herbo” сонины редакци руу халдсан хэрэг гарсан тухай мэдээлсэн билээ. Үүний улмаас тус сонинысэтгүүлчид, цагдаагийн ажилтан гээд нийт 12 хүн амь үрэгдэж, 11 хүн шархаджээ. “Charlie Herbo” сонины ерөнхий эрхлэгч Стефан Шарбонье мөн олын танил болсон дөрвөн нэртэй шог зураач амиа алдав. Уг хэрэгт ах, дүү34 настай Саид Куаши, 32 настай Шериф Куаши, 18 настай Амид Мурада нарыг сэжиглэн эрэн сурвалжилж эхэлсэн тухай Францын Цагдаагийг байгууллагаас мэдэгдлээ. Саид Куаши нь Йемен дэх джихадын бүлэгтэй холбоотой, Реймс хотод амьдардаг бөгөөд гэрт нь нэгжлэг хийжээ. 18 настай Амид Мурадасайн дураараа бууж өгсөн бол Саид Куаши, Шериф Куаши нарыг эрэн сурвалжилсаар байна. Цагдаагийн газраас гаргасан сэрэмжлүүлэгт тэднийг зэвсэглэсэн тул аюултай гэдгийг онцолсон байна.Ийнхү ноцтой хэрэг гарсантай холбогдуулан өчигдрөөс хууль сахиулах байгууллагууд Францын бүх хэвлэл мэдээллийн байгуулагуудыг тусгай хамгаалалтанд авлаа.
Энэ хэрэг францчуудыг нэлээд цочирдуулсан юм. Францын Ерөнхийлөгч Ф.Олланда өчигдөр мэдэгдэл хийж үндэсний хэмжээнд гурван хоногийн эмгэнэл зарлажээ. Ийм хэрэг гарсантай холбогдуулан Парис хотод эсэргүүцлийн цуглаан болсон байна.
Ю.Дэлгэр
“Дакар ралли-2015” уралдааны мотоциклийн төрлийн өчигдөр болсон гурав дахь гараанд Польшийн 39 настай мотоциклч Майкл Херник амиа алджээ. Мотоциклчийн цогцсыг San Juan-Chilecito хэмээх газрын ойролцоох 206 км газраас олсон байна. Шинжээчид “Одоогоор түүний үхлийн шалтгааныг тогтоогоогүй байна. Гадны нөлөө бүхий шинж тэмдэг байхгүй” тухай мэдэгдлээ.