“Charlie Heb do” сонин өчигдөр шинэ дугаараа гаргасан тухай “www.dailymail.co.uk” мэдээллээ. Олны анхаарал татаж буй шинэ дугаарын нүүр хуудсанд “Би Чарли” гэж бичсэн лоозон барин уйлж буй исламын зөнч Мухаммедыг дүрсэлсэн байна. “Амьд үлдэгсдийн дугаар” гэж нэрлэгдээд буй энэхүү тусгай дугаарыг 300 сая ширхэгээр хэвлэн гадаад орнуудаас захиалга их ирж байгаатай холбоотойгоор нийт 16 хэл дээр орчуулан, 25 улс оронд худалдаанд гаргажээ.
Тус сонинд “Google” компанийн “Дижитал хэвлэл” сангаас 300 мянган ам.доллар хандивласан бол Францын сонины холбоо 500 мянган ам.долларын хандив өргөжээ.
Энэтхэгийн Ганга мөрнөөс 104 хүний цогцос олдсон байна. Эдгээр цогцос Уттар Прадеш мужийн Уннао дүүргийн орчмоос олдсон бөгөөд голын эрэг дагуу нохой, тас шувуу олноор цугларч эхлэхэд орон нутгийн оршин суугчид анзаарсан байна.
Чойбалсан сумын нутаг дахь Хөх нуураас хятад иргэн хууль бусаар загас барьж байсан нь мэргэжлийн хяналтынханд баригджээ. Байцаагч түүнд 384 мянган төгрөгийн торгууль, 1.296 мянган төгрөгийн нөхөн төлбөр ногдуулсан байна. Загас агнасан хятад иргэн Дорнод аймгийн нутагт үйл ажиллагаа явуулдаг Шанлун ХХК-ийн ажилтан бөгөөд нуураас 108 мөнгөлөг хэлтэг загас барьсан байжээ. Хууль бусаар барьсан загасыг хурааж Хэрлэн суманд хүлээлгэн өгсөн байна. 
АНУ-ын Калифорни муж улсад орших Диснейн паркад зочилсон 20 гаруй хүн улаан бурхан өвчний халдвараар өвчилжээ. Улаан бурхан өвчний халдвар авсан 26 өвчтөн нь 8-21 насны хүүхэд, залуус аж. Халдвараар өвчилсөн хүмүүсийн найм нь улаан бурхан өвчний эсрэг вакцин хийлгээгүй байжээ. Ихэнх хүмүүс өнгөрөгч арванхоёрдугаар сарын 15-20-ны өдрүүдэд Диснейн паркуудад очсоныхоо дараа өвдсөн байна. АНУ даяар улаан бурхан халдварын эсрэг вакцинжуулалт 90 гаруй хувьд хүрсэн бөгөөд улаан бурхнаар өвдсөн тохиолдлын дийлэнх нь гадаадын жуулчдаас халдвар тархсан байдаг гэнэ. Тиймээс олон орны жуулчид олноороо цугладаг Диснейн паркад улаан бурхны халдвар тархсан байх магадлал өндөр аж. 
Италийн ерөнхийлөгч Жоржо Наполитано өнөөдөр огцорно гадаадын эхсурвалжууд мэдээлжээ. Сонинд өгүүлснээр, өглөөний 11 цагт Наполитано огцрох өрөгдлөө бичих ба дараа нь Тамгын газрын дарга нь өрөгдлийн гурван хувийг ерөнхий сайд Маттео Ренци, Үндэсний парламентын хоёр танхмын тэргүүн Лауре Болдрини, Пьетро Грассо нарт хүргэх гэнэ.
Египетийн цагдаа нар Фэйсбүүк хуудасныхаа статус дээр өөрийгөө “шашингүй үзэлтэн” гэж зарласан 21 настай оюутан Карим Ашраф Мохаммедыг саатуулжээ. Шүүхээс түүнийг лалыг шашныг доромжилсон хэмээн буруутгаж, гурван жил шоронд хорих шийдвэр гаргасан байна. Энэ нь шашин шүтээгүйнхээ төлөө хоригдож буй анхны тохиолдол биш аж. 2013 онд Египетэд Шериф Габер Азим хэмээх оюутныг фэйсбүүк хуудаст “шашингүй үзэлтнүүд” гэдэг групп үүсгэсний төлөө 15 хоног саатуулж байжээ. Мөн 2012 онд блогч Албер Сабер Фэйсбүүк постоос болж гурван жилийн ял сонссон ч олон нийтийн дэмжлэгтэйгээр удалгүй суллагдсан аж. Өнгөрсөн наймдугаар сард Египетийн Шашны сан, соёлын яамнаас лалын шашинд үл итгэгсэд болон хэт шүтэгсдийн аль алиных нь харилцааг зохицуулсан хууль баталжээ. Египетийн Засгийн газрын шашны асуудал эрхэлсэн “Дар Аль-Ифта” агентлагаас явуулсан судалгаагаар 87 сая хүн амынх нь 0.001 хувь нь шашингүй үзэлтэн аж. 
Хорват улсын төрийн тэргүүнээр анх удаа эмэгтэй хүн сонгогдлоо. Хорватын ерөнхийлөгчийн сонгуульд сөрөг хүчний нэр дэвшигч Колинда Грабарь-Китарович ялалт байгуулжээ. Өдгөө 46 настай Колинда Грабарь-Китарович өрсөлдөгчөөсөө нэг хувийн саналаар илүүрхэн ялалт байгуулсан аж. Харин Ерөнхийлөгч Иво Ёсипович нэгхэн хувийн саналаар ялагдал хүлээснээр улиран сонгогдож чадаагүй байна. Өдгөө 57 настай Ивао Ёсипович 2010 онд Хорватын Ерөнхийлөгчөөр сонгогдсон аж. Хорватын ерөнхийлөгчийн сонгуулийн сонгогчдын ирц 58.9 хувьтай байжээ. Энэ сонгууль нь 2015 оны сүүлээр явагдах парламентын сонгуулийн урьдчилсан сунгаанд тооцогддог аж.
72 дахь удаагийн “Алтан бөмбөрцөг” наадмын шилдгийг шалгаруулах ёслолын ажиллагаа өнөө орой АНУ-ын Калифорни мужийн “Беверли Хилтон” зочид буудалд болох гэж байна.”Алтан бөмбөрцөг” наадмыг Холливудын гадаад хэвлэлийн нийгэмлэгээс зохион байгуулдаг юм. Кино урлагийн шилдгийг шалгаруулах “Оскар”-ын наадмын өмнөх томоохон шалгаруулалт болдог гэдгээрээ дэлхийд танигдсан арга хэмжээ билээ. Наадамд нэр дэвшигчдийн нэрс өнгөрсөн оны арванхоёрдугаар сарын 12-нд тодорсон. Наадмын шилдгүүдийг 25 номинациар тодруулна.
Хятадын Шанхай хотын захиргаанаасэнэ жил Цагаан сарын баярыг тэмдэглэхгүй байх журам гаргажээ.Хэдхэн хоногийн өмнө шинэ оныг угтах баярын үеэр тус хотод 36 хүн олны хөлд дарагдан нас барсан аймшигт хэрэг гарсан билээ.