Category: гадаад

Францын Канн хотын ойролцоо, Аржантан-Мортригийн замд өнгөрсөн мягмар гарагт зам тээврийн ноцтой осол гарч, дөрвөн монгол залуу амь үрэгджээ. Тэдний сууж явсан Мерседес маркийн суудлын автомашин ачааны том машинтай мөргөлдсөн байна. Хохирогчид 27-42 насны хүмүүс байсан бөгөөд гурав нь газар дээрээ нас барж, 27 настай залуу нь Каннын эмнэлэгт хүргэгдээд пүрэв гарагийн өглөө нас барсан байна. Францын цагдаагийн газраас ослын шалтгааныг шалгаж байгаа бөгөөд суудлын автомашин урсгал сөрж явсан байж болзошгүй гэсэн таамаглалыг гаргаад байгаа юм байна.

Эх сурвалж: www.mminfo.mn

Энэ сарын дундуур Францын Парис хотын “Шарли Эбдо” сонины газарт болсон халдлагын дараа Парис хотын талбайд тус улсын ерөнхийлөгч Франсуа Олланд тэргүүтэй 40 гаруй орны төлөөлөгчид жагссан юм. Мөн уг террорист үйл ажиллагааг эсэргүүцэн 3 сая гаруй хүн жягсаалд хамрагдсан байна.

Гэтэл одоог хүртэл гэмт этгээдүүдийг олоогүй байгаа. Харин өчигдөр Францын цагдаагийн байгууллага Фриц Жоли гэх 29 настай залууг халдлагатай холбоотой хэмээн сэжиглэж баривчилсан байна. Фриц Жоли нь халдлага үйлдсэн гэх Шериф Коуачитай хамсаатан байх магадлал өндөр байгаа аж.Өмнө нь сэжигтэн Болгар улсад халдлага үйлдэхийг завдаж байгаад баригдсан байна.

“Саусгоби сэндс” компанийн захирал Жастин Кабла нарын гурван хүнийг их хэмжээний татвараас зайлсхийсэн хэргээр буруутган хэргийг прокуророос шүүхэд шилжүүлжээ. Тодруулбал, Дүүргийн Эрүүгийн анхан шатны хоёрдугаар шүүхэд шилжүүлээд байгаа юм байна. Харин шүүхээс хурлын товыг зарлаагүй байгаа аж. Үүнтэй холбогдуулан өнөөдөр Улсын Ерөнхий прокурорын газраас мэдээлэл хийлээ. Мэдээлэлдээ, “Саусгоби сэндс”-ийн удирдлагуудыг 35 орчим тэрбум төгрөгийг татвараас зайлсхийсэн болохыг мөрдөн байцаалтын явцад илрүүлсэн гэдгээ мэдэгдлээ. Мөн энэхүү хэрэг нь учруулсан хохирлын хэмжээгээр нэгдүгээрт бичигдэх хэмжээний хэрэг юм байна. Түүнчлэн “Саусгоби сэндс” ХХК-ийн Үл хөдлөх хөрөнгө болон Хаан, Голомт, Худалдаа Хөгжлийн банкин дахь дансуудыг битүүмжилжээ. Уг хэрэгт “Саусгоби сэндс” компанийн ерөнхийлөгч бөгөөд гүйцэтгэх захирал Жастин Капла, тус компанийн санхүүгийн ерөнхий менежерээр ажиллаж байсан Филиппин улсын иргэн Хиларион В.Кажуком ЖР, санхүү нягтлан бодох бүртгэлийн ерөнхий менежерээр ажиллаж байсан Кристобэл Ж.Дэвид нарыг шүүгдэгчээр татсан байна.

Мөн уг хэрэгт АМГ-ын даргаар ажиллаж байсан Д.Батхуяг нарт холбогдуулан эрүүгийн хуулийн тусгай ангийн 264 дүгээр зүйлийн 264.2 дахь хэсэг, 268 дугаар зүйлийн 268.2 дахь хэсгээр эрүүгийн хэрэг үүсгэж, мөрдөн байцаалтын ажиллагаа явуулж байжээ. Хэргийг шалгах явцад, Эрүүгийн хуулийн тусгай ангийн 166 дугаар зүйлийн 166.2, 166 дугаар зүйлийн 166.3, 269.1 дэх хэсэгт зааснаар Д.Батхуягийн хэргийг тусгаарлажээ.

Хэргийг сануулбал, Хэргийг сануулбал, Жастин Капла нь “Саусгоби сэндс” ХХК-ний ерөнхийлөгч бөгөөд гүйцэтгэх захирлаар ажиллаж байхдаа тус компанийн санхүүгийн ерөнхий менежерээр ажиллаж байсан Хиларион В.Кажукомтай бүлэглэн компанийн 2011 оны санхүүгийн тайлан тэнцлийг гаргахдаа Татварын хууль, Нэмэгдсэн өртгийн албан татварын тухай хууль, Аж ахуйн нэгжийн орлогын албан татварын тухай хуулийн хэд хэдэн заалтыг зөрчсөн байна. Тодруулбал, татвар ногдох орлогын зардлын тоо хэмжээг зориуд нэмж, татвар ногдох орлогыг зориуд бууруулан 90 тэрбум төгрөгийн орлогод ногдох 17 тэрбум төгрөгийн буюу онц их хэмжээний татвар төлөхөөс санаатай зайлсхийсэн гэмт хэрэгт зохион байгуулагчаар оролцсон гэж үзжээ. Мөн энэ хэрэгт ” Саусгоби сэндс ” ХХК-д санхүүгийн ерөнхий менежерээр ажиллаж байсан Хиларион В.Кажуком ЖР нь санхүү нягтлан бодох бүртгэлийн ерөнхий менежерээр ажиллаж байсан , одоо Канад Улсын ” Монголиа Минералс ” ХХК-д хянагчийн албан тушаал хашдаг Кристобэл Ж.Дэвид нар мөн бүлэглэн 17 орчим тэрбумын татвараас зайлхийсэн болох нь тогтоогджээ.

Тиймээс “Саусгоби сэндс”-ийн удирдлагуудыг гадагш явахыг хориглоод байна.

АНУ нь 2015 онд Украйнд үзүүлж байгаа санхүүгийн дэмжлэгээ нэмэгдүүлэн хоёр тэрбум ам.долларын зээлийн баталгаа өгөөхөөр болсон байна. Төлөвлөсөн өөрчлөн шинэчлэлтийг хэрэгжүүлсэн хэвээр байвал энэ оны эхний хагаст нэг тэрбумыг өгөөд, дараагийн хагас жилд үлдсэн нэг тэрбумыг өгнө гэдгээ АНУ-ын Сангийн яам мэдэгдлээ.

Үүнтэй зэрэгцэн Украйны шинэ эрх баригчдын явуулж байгаа эрчим хүчний ба санхүүгийн системийн өөрчлөлт, авлигатай хийж байгаа тэмцлийг сайшаав. Америкийн Сангийн сайд Жейкоб Лью “Бид Украйны эрх баригчдын өнөөг хүртэл өөрчлөлтийг хэрэгжүүлэх явцад хүрсэн амжилтыг дэмжиж Олон улсын валютын сантай нягт хамтран ажиллаж байгааг болон хэцүү ч гэлээ зайлшгүй шаардлагатай өөрчлөлт хийхэд бэлэн байгааг сайшааж байна” гэжээ.

Йемен улсын Аль-Каида террорист бүлэглэл Францын Шарли Эбдо сэтгүүлийн байранд гарсан цуст халдлагыг зохион байгуулсан гэдэг нь тодорхой болоод байгаа билээ. Тэгвэл Йемен улс дахь Арабын хойгийн Аль-Каида бүлгийн удирдагч Нассер Бен Али Ал Анасси “Парис хотод болсон халдлагын хариуцлагыг Аль-Каида бүлэг өөртөө хүлээж байгаа бөгөөд энэ халдлагыг бидний бурхны элчүүд үйлдсэн. Тэд бидний сонгогдсон баатрууд байсан. Тэд баатарлаг үйлс бүтээж чадлаа” гэж исламын интернет сайтад тавьсан мэдэгдэлдээ дурьджээ.

Түүний хийсэн дүрс бичлэг 11 минут үргэлжилсэн бөгөөд мөн тэрээр Парист болсон халдлага тэдний өшөө авалт байсан гэж мэдэгдсэн төдийгүй цаашид олон аймшигт хэрэг, цуст халдлага болно гэдгийг анхааруулсан байна.

Нассер Бен Али Ал Анасси Аль-Каида халдлага үйлдэх цэргүүдээ аль хэдийн сонгож түүнийгээ санхүүжүүлсэн гэдгээ ч зарласан аж. Шарли Эбдо сэтгүүлийн байранд террорист халдлага үйлдэж олон хүний амийг хөнөөсөн ах дүү Коуачи нь тус бүлэглэлийн гишүүн байсан нь тогтоогдсон юм.

Францын Charlie Hebdo сэтгүүлийн шог зургийг Филиппины 1,5 мянган хүн эсэргүүцэн жагссан тухайAgence France-Presse мэдээлжээ.

Филиппины өмнөд нутгийн Марави хотын гол талбайд улстөрчид, оюутнууд, эмэгтэйчүүд жагслаа. “Францад гарсан хэрэг нь дэлхийд том сургамж болог. Учир ямар ч шашиныг оролдож болохгүй. Тэр тусмаа үүнээс хойш дэлхий Исламыг хүндэтгэх ёстой” хэмээн жагсаалыг зохион байгуулагчид мэдэгдсэн байна.

Иран франц сэтгүүлийн шинэ шог зургийг буруутгаж байгаа тухай The Daily Star сонин бичив. Тус орны Гадаад хэргийн яам сэтгүүлийн шог зургийг бүдүүлэг доромжлол гэж нэрлэжээ.

Энэ үеэр Грозный хотод мусульманчуудын эсэргүүцлийн том жагсаал явагдана. Түүнд Оросын бусад нутгаас лалын шашины төлөөлөгчид ирж оролцох ажээ.

Нэгдүгээр сарын 13-нд сэтгүүлийн шинэ дугаар 5 саяар хэвлэгдэн зарагдсан байна. Шинэ дугаарын хавтсанд «Je suis Charlie» («Би— Шарли») гэсэн бичиг барьсан их зөнчийн шог зураг тавигдан “Бүгдийг өршөөлөө” гэсэн бичиг дагалдуулжээ.

Фото: Eric Gaillard / Reuters

Сэтгүүл англи, араб, турк зэргийн зургаан хэлээр хэвлэгдсэн бөгөөд анх удаагаа АНУ, Их Британид худалдагдана. Нэг дугаар 3 евроны үнэтэй ч eBay сүлжээгээр түүнийг 500 фунтаар (649 евро) худалдан авч болох гэнэ. Сэтгүүлийн олсон ашгийг редакцийн амь үрэгдсэн сэтгүүлчдийн ар гэрийнхэнд тусламж болгон олгох гэнэ.

Оросын дотоодын нийт бүтээгдэхүүний өсөлд өнгөрсөн оны урьдчилсан дүнгээр 0,5-0,6 хувиар өссөн үзүүлэлтэй гарлаа гэж Эдийн засгийн хөгжлийн дэд сайд Алексей Ведев мэдээлсэн байна. Тэрбээр газрын тосны үнэ 60-80 40 доллараас буусан ч эдийн засгийн хүчтэй уналт гэсэн үг биш хэмээн онцлов.

Эдийн засгийн хөгжлийн яамны сүүлчийн урдчилсан дүнэлтийг баррель нефть 80 доллар байна хэмээн урьдчилсан тооцжээ. Оны сүүлчээр нэг баррель газрын тосны үнэ 60 доллар байхад Оросын эдийн засгийн өсөлт гурав орчим хувиар гарна гэж сайд АлексейУлюкаевхэлсэн байв.

Тэгвэл Дэлхийн банк дүгнэхдээ 2015 онд Оросын эдийн засгийн уналтыг 2,9 хувь болно гэжээ.

ДНБ-ний 0,5 хувийн өсөлт нь 2009 оноос хойших хамгийн доогуур тоо юм.

Өдрөөс өдөрт дэлхий ертөнц өөрчлөгдөж, үүнийг дагаад ч технологийн олон дэвшилттэй бүтээлүүд ар араасаа гарах болсон. Үүний нэг нь элсний хамгаалалттай спикер юм. Та урьд нь усны тоосны хамгаалалттай л гэж сонсож байснаас элсний хамгаалалт гэж сонсож байгаагүй байх.

Super-M нэртэй зөөврийн, авсаархан хамгийн онцлог нь элсний хамгаалалттай спикерыг бүтээжээ. Энэхүү спикерыг элсний шуурга ихээхэн болдог Арабын орнуудын хэрэглэгчдэд зориулан гаргасан байна.

Цэвэр дуугаралттай, цэнэгээ удаан барьдаг авч явахад хөнгөн, WiFi Bluetooth дэмждэг уг спикерийг 89 ам.доллараар худалдаанд гаргажээ.

Францын ерөнхийлөгч Франсуа Олланд Ойрхи Дорнод дахь “Исламын улс” бүлэглэлийн эсрэг тэмцэж буй цэргүүдийнхээ тоог нэмж, онгоц зөөвөрлөгч илгээх шийдвэр гаргасан билээ. Үүний дараа терроризмыг магтан дуулж буй хүмүүсийг хоморголон баривчлах ажлыг прокуроруудад даалгажээ. Парисын “Charlie Hebdo” сэтгүүл, супермакетад гарсан халдлагаар 17 хүн нас барсаны дараа Франц даяар 54 лалын шашинтныг терроризмыг дэмжсэн хэргээр баривчлаад байна. Баривчлагдсан хүмүүсийн дотор арьс өнгөөр ялгаварлан гадуурхалт болон Еврей нарын эсрэг үзлийг шүүмжилдэг алдартай шог зураачид байгаа юм. Тэдгээр хүмүүсийг террорист халдлагатай холбоотой байж болзошгүй хэмээн сэжиглэв.
Улс даяар 10 мянган цэрэг, 120 мянган хамгаалалтын ажилтныг бэлэн байдалд оруулж, Еврей сургуулиуд, иудейн сүм, хийд, аялал, жуулчлалын төвүүдийг хянуулж байгаа ажээ. Франц нь бусад Европын орнуудын адилаар үзэн ядсан өнгө аястай яриа, Анти семитизмийн эсрэг хатуу хууль хэрэгжүүлдэг байна.