Германы Канцлер Ангила Меркел, Францын Ерөнхийлөгч Франсуа Олланд нар өнөөдөр 19.00 цагийн үеэд Украинд ажлын айлчлал хийхээр болжээ. Тэд тус улсын Ерөнхийлөгч Петр Порошенкотой уулзаж, зүүн хязгаарын асуудлаар байр сууриа солилцох гэнэ. Канцлерийн хэвлэлийн төлөөлөгч “Меркел, Олланд нар энэхүү айлчлалаа өндөрлүүлсний дараа Орост айлчилж, Ерөнхийлөгч В.Путинтэй уулзахаар болсон” гэж ярьжээ.
Канцлер энхийн аргаар зүүн хязгаарын хямралын дуусгах хүсэлтэй байгаа бөгөөд Петр Порошенког АНУ-ын Батлан хамгаалах яамнаас өгөхөөр амлаад буй зэр зэвсгээс татгалзахыг уриалжээ. Тэрбээр “Украин, АНУ-аас зэвсэг авбал энэ хямрал хэзээ ч дуусахгүй” гэж хэлжээ. Харин Олланд сүүлийн үеийн зэр зэвсгийн тусламжтай зүүн хязгаараас салан тусгаарлагчдыг хөөх нь зөв алхам хэмээсэн байна.
Украиныг хямралаас нь гарахад Франц туслалцаа үзүүлэхээ мэдэгдсэн ч зэвсэг нийлүүлэхээс эрс татгалзсан тухай “Ройтерс” агентлаг мэдээллээ. Энэ сарын эхээр Обама, Украинд зэр зэвсэг болон цэрэг илгээх хүсэлтэй байгаагаа уламжилсан юм.
Дуучин, жүжигчин агсан Уитни Хьюстоны охин Бобби Кристина Брауныг таван өдрийн турш комын байдалд байсан тул амьсгалын аппаратнаас салгасан байна. 
Хятадын эрх баригчид Батлан хамгаалах, цэргийн нууц хулгайлсан хэргээр баривчлагдсан Канадын иргэн Кевин Гарраттыг суллаж, эхнэрийг нь батлан даалтад гаргажээ. Христийн шашинт хосуудыг Хойд Солонгосын хилийн орчимд байрлах Дангонд кофе шоп ажилуулж байхад нь баривчилсан юм. 
Өнөө өглөө “Транс Ази” компанийн ATR-72 онгоц Тайванийн нийслэл Тайпей хотын ойролцоо голд унасан талаар “BBC” агентлаг мэдээллээ.
Иорданчууд алан хядагчдад шатаагдаж амиа алдсан нэг нисэгчийнхээ 
Иорданы засгийн газар тус улсын нисэх хүчний олзлогдсон офицерыг “Лалын улс”-ынхан шатаан хороосны дараа адил шахуу хариуг нэг их удалгуй барилаа. Иордан улсын шоронд хоригдож байсан зургаан алан хядагчийг өнөөдөр цаазаллаа хэмээн мэдэгдэж байна. Тэдэн дунд нөгөө солилцооний гол бай болоод байсан Сажид ар-Ришауи ч бас багтсан. Энэ бүсгүй 2005 онд нөхрийнхээ хамт Иорданы Амман хотод дэлбрэлт зохион байгуулж жаран хүний аминд хүрч байсан нэгэн билээ.
Британийн иргэн эмэгтэй үрчлээтэй болохгүйн тулд 40 жилийн турш инээгээгүй тухай The Daily Mail сонин бичжээ. Тесс Кристиан (Tess Christian) гэдэг эмэгтэй 10 настайгаасаа эхлэн албаар инээхээ больсон байна.
“Галзуу хурд” цувралын гол дүрийн жүжигчин Пол Уолкер 2013 оны арванхоёрдугаар сард автын ослын улмаас нас барсан нь тус киноны цуврал долоодугаар анги гарах уу, үгүй юу гэсэн асуултыг бий болгоод байсан билээ. Гэхдээ тус киноны гол зураг авалтууд хэдийнэ хийгдсэн учраас “Галзуу хурд-7″ гарна. Гэхдээ үлдсэн зарим хэсгийн зураг авалтад талийгаачийн дүү 26 настай Коди Уолкерыг ахынх нь дүрд тоглуулахаар шийдсэн хэмээн кино багийнхан мэдэгдээд байсан юм.
New York Times сонины хуудсанд нийтлэгдсэн материалд нэрээ зарлаагүй араб болон америк түшмэлүүд нефтийн үнэ өсч болох нөхцлийн талаар өгүүлсэн байна. Саудын Араб өнөө цагт олборлож буй түүхий нефтийнхээ хэмжээг багасгах боломжтой, энэ нь эргээд нефтийн үнэ ханшийг өсгөх бөгөөд ингэхийн тулд оросууд Башар Асадын дэглэмийг дэмжих, цаашид эдийн засаг, зэр зэвсгээр хангахаа зогсоох ёстой гэсэн болзлыг дэвшүүлж байгаа хэмээн дээрхи түшмэлүүд бичжээ. Тэд энэ чиглэлээр оросуудтай хэд хэдэн уулзаж санал солилцоод байгаа ч одоохондоо үр дүнд хүрээгүй байна гэв. Саудын Араб нэг өдөр олборлох “хар алт”-ныхаа хэмжээг гучин сая баррель болгосноос хойш нефтийн ханш 110-аас 50-н ам. доллар болтлоо буураад байгаа билээ.