Category: гадаад

Хятадын анхны эмэгтэй сансрын нисэгч Лю Ян.

Хятадын анхны эмэгтэй сансрын нисэгч Лю Ян хүүхэд төрүүлсэн ч дахин сансрын аялалд гарахаар бэлтгэж эхэлжээ. Одоогоор түүний хүүхдийн талаар дэлгэрэнгүй мэдээлэл гараагүй байна.

Лю Ян нь 2012 онд “Шэньжоу-9” жолоодлогот сансрын хөлгөөр «Тянгун-1» туршилтын сансарын станцад хүрч, амжилттай ажилсан гурван хүний нэг аж. Тэд «Шэньжоу-9» жолоодлогот хөлгөөр сансарт 13 хоног амжилттай ажиллаад эргэж Өвөрмонголд газардаж байжээ. Үүний дараа Хятадын албаныхан «Тянгун-2» сансрын станц руу дахин нэг хөлгийг хөөргөхөөр бэлтгэж эхэлсэн байна.

Эмэгтэй хүн сансарт нисэх нь цацрагийн улмаас нөхөн үржихүйн эрүүл мэндэд нь сөрөг нөлөөтэй, эсрэлтэйд тооцогддог аж.

Өмнөд Солонгосын “Korean Air” компанийн үйлчилгээ хариуцсан дэд Ерөнхийлөгч асан Чо Хюн Аны “самарны хэрэг”-ийн шүүхээр шийдвэрлэгдэж дууслаа. Түүнийг шүүхээс Агаарын тээврийн аюулгүй байдлын хуулийг зөрчсөн хэмээн буруутгаж нэг жилийн хорих ял оноосон байна.

Тэрээр өнгөрсөн арванхоёрдугаар сард онгоцны үйлчлэгч Макадамиа самрыг тавганд хийлгүй ууттай нь авчирч өгсөнд уурлаж үйлчилгээний ажилтныг онгоцноос буулгахыг шаардсаны улмаас нислэг очих ёстой цагаасаа 11 минутаар хоцорсон юм. Түүний энэ зохисгүй авир дэлхий даяар шуугиан тарьж, олон нийтийн зүгээс ихээхэн шүүмжлэлтэй тулгарсан билээ.

Үүний өмнөхөн тэрээр эцгийнхээ хамт олон нийтээс албан ёсоор уучлал гуйж, дэд Ерөнхийлөгчийн албан тушаалаасаа огцорсон юм.

Өчигдөр Беларусийн нийслэл Минск хотноо зүүн Украины асуудлаар 16 цагийн турш хэлэлцсэний үр дүнд талууд гал зогсоох тохиролцоонд хүрсэн байна. Гэрээнд тусгагдсанаар хоёрдугаар сарын 15 буюу ирэх ням гарагаас эхлэн талууд албан ёсоор галаа зогсоохоор болжээ.

Түүнчлэн мөргөлдөөний бүс нутгаас хүнд зэвсэг, техникүүдийг татаж, мөргөлдөөний үеэр баривчлагдсан хүмүүүсийг сөргөлдөгч талуудын аль аль нь суллахаар болсон байна. Мөн Украины Ерөнхийлөгч Петро Порошенко энэ оны сүүлч гэхэд Оростой залгаа хилийн хяналтаа бүрэн сэргээнэ хэмээн мэдэгджээ. Энхийн хэлэлцээрт багтсан гол гол тохиролцоог дурьдвал:

• Орон нутгийн цагаар хоёрдугаар сарын 15-ны 00:01 цагаас эхэлнэ гал зогсоох хэлэлцээр хэрэгжиж эхэлнэ.
• Хоёрдугаар сарын 16-наас эхлэн хоёр долоо хоногийн дотор хүнд зэвсэг, техникээ бүрэн татна.
• Хоёр талд хоригдож байгаа бүх хоригдлыг суллах
• Украины нутаг дэвсгэрт байгаа гадны цэргүүдийг гаргаж, хууль бус бүлгүүдийн зэвсгийг хурааж авах
• Донецк болон Луганскийн бүс нутгийн иргэдийн энгийн амьдралыг сэргээх
• 2015 оны эцэс гэхэд Үндсэн хуулиндаа өөрчлөлт оруулж Украины нутагт байгаа оршин суугчдын эрхийг хүндэтгэх гэсэн заалтууд багтсан байна.

Үүний зэрэгцээ Олон улсын валютын сангаас Украины эдийн засгийн шинэчлэлийн хөтөлбөрт зориулж хоёр тэрбум ам.долларын зээл нэмж олгохоор зөвшөөрсөн юм. Ингэснээр тус байгууллагын зүгээс Украины эдийн засгийн сэргээн босгоход зориулж олгосон зээлийн хэмжээ 40 тэрбум ам.долларт хүрчээ.

Грэммийн наадмыг АНУ телевизээр шууд дамжуулахад өнөө жил ердөө 25.3 сая хүн үзжээ. Энэ нь Грэммийн наадмын хувьд хамгийн бага үзэгчтэй байсан 2009 оноос хойших хамгийн цөөн үзэгчтэй байсан жил болж байгаа аж.

Домогт “Beatles” хамтлагийнхан, олон олон алдартнуудыг тайзнаа гарган 28.5 сая үзэгчийг татаж чадсан өнгөрсөн оны Грэммийн наадамтай харьцуулахад үзэгчдийн тоо 11 хувиар буурчээ. Гэсэн ч сүүлийн таван жил дараалан тус наадмын үзэгчдийн тоо 25 саяас дээш гарсан дүнтэй байгаа юм. Оскарын шагнал гардуулах ёслолыг эс тооцвол, Алтан бөмбөрцөг наадмаас үзэгчдийн тоогоороо зургаан саяар илүү байж чадсан байна. Тиймээс Грэммийн наадам нь оны хамгийн их үзэгчтэй шагнал гардуулах ажиллагаагаар шалгарчээ. Мэдээж хэрэг, Оскарын шагнал гардуулах ёслолыг өнгөрсөн онд 43 сая хүн телевизээр шууд дамжуулан үзсэн байна.

Тайваний Каошиунг дахь шоронд 14 цагийн турш харгалзагчдаа барьцаалсан зургаан хоригдол амиа хорложээ. Хоригдлууд шүүхийн ял, шийтгэлийг эсэргүүцэж бослого гаргасан байна. Тэд хүн амь, хар тамхи, хулгай зэрэг гэмт хэрэгт шүүхээс ял, шийтгэл сонссон хоригдлууд аж.

Хоригдлууд зэвсгийн агуулахаас буу, зэвсэг авч, харгалзагчдаа барьцаалан шоронгоос аюулгүй явуулахыг шаардаж байжээ. Түүнчлэн тэд Тайваний экс ерөнхийлөгч Чень Шуйбянь мөнгө угаах, авлигын хэрэгт 20 жил шоронд хорих ял сонссон боловч эрүүл мэндийн шалтгаанаар өршөөлд хамрагдсаныг эсэргүүцэж буйгаа цагдаа нарт илгээсэн захидалдаа бичжээ.

Шоронгийн харгалзагчдыг барьцаалсан хэргийг “United Bamboo” зохион байгуулалттай гэмт бүлгийн гишүүн Чень Ли-те гэгч толгойлж байсныг Тайваний хууль зүйн сайд мэдээлсэн байна. Энэ хэрэгт 250 гаруй цагдааг дайчлан, шоронг бүсэлсэн байжээ.

Бразилийн нэрт хөлбөмбөгчин Марадона гоо сайны мэс засал хийлгэсэн байна. 54 настай тэрээр нүүрнийхээ арьсыг татуулж лазерийн эмчилгээ хийлгэжээ. Нэрт хөлбөмбөгчний шинэ найз бүсгүй нь 24 настай бөгөөд түүнийхээ хажууд хөгшин харагдахгүй хэмээн ихэд хичээж байгаа бололтой. Марадона гоо сайхны мэс засал хийлгэснийхээ дараа Кубад очиж спортын нэвтрүүлгийн зураг авалтанд оролцсон байна.

Ю.Дэлгэр

Украиныг хямралаас гаргах асуудлаар Беларуссийн нийслэл Минск хотноо Нормандын дөрөв буюу Герман, Франц, Украин, Оросын төрийн тэргүүнүүд уулзаж хэлэлцээ хийлээ. Ингэхдээ юуны түрүүн Донбассын байдлыгхэвийн болгоходгол анхаарлаа хандуулжээ. Уулзалт эхэлсэнээс хоёр цагийн дараа А.Меркель, Ф.Олланд, А.Меркель, В.Путин нар сэтгүүлчдийн өмнө гарч зургаа авахуулсан байна. Үүний дараа хэлэлцээ бараг арван цаг үргэлжилж өглөөний 4.00 цагт дөрвөн орны тэргүүнүүд кофе оруулж өгсөн хэмээн тэнд байсан сэтгүүлчид мэдээллээ. Хэлэлцээр хэрхэн явагдаж байгаа, зөвшилцөлд хүрсэн, нааштай үр дүн гарсан эсэх талаар ямар нэгэн мэдээлэл өгсөнгүй.

Ю.Дэлгэр

Өмнөд Солонгосын Инчон олон улсын нисэх онгоцны буудлын ойролцоох гүүрэн дээр томоохон осол гарч 100 машин мөргөлдсөн байна. Үүний улмаас хоёр хүн амь насаа алдаж, 42 хүн гэмтэж бэртсэнээс наймынх нь бие нэлээд хүнд байгаа гэнэ. “Ренхап” агентлагийн мэдээлснээр нэлээд манантай байснаас автобус машинтай мөргөлдөж ойр хавьд нь явж байсан машинууд араас нь оржээ.

Хятадын дарга Си Жинпин АНУ-ын ерөнхийлөгч Барак Обамагийн урилгыг хүлээн авч, ирэх есдүгээр сард Вашингтонд айчлахаар болсныг Бээжин мэдээллээ.

АНУ-ын ерөнхийлөгч Барак Обама өчигдөр /II.10/ Хятадын дарга Си Жинпинтэй утсаар ярих үедээ түүнийг Вашингтонд айлчлахыг урьсан юм. Хоёр орны төрийн тэргүүнүүд утсаар ярихдаа бүс нутгийн аюулгүй байдлыг сахин хамгаалах, цахим тагнуул, Ираны цөмийн хөтөлбөрийн асуудлаар санал солилцсон аж.

Си Жинпин Хятадын дарга болсноосоо хойш анх удаа АНУ-д төрийн айлчлал хийх гэж байна. Өмнө нь тэрээр 2013 оны зургадугаар сард албан бусаар АНУ-д зочилж, Калифорни муж улс дахь Ранчо Мираж хотод Барак Обаматай уулзаж байжээ.