Европын Холбоог өөрийн гэсэн армитай болох асуудлыг сүүлийн үед хэлэлцэх болсон. Энэ саналыг Финландын Ерөнхийлөгч С.Ниинисте дэмжиж байгаагаа илэрхийллээ.Финландын Батлах хамгаалахын яамны сайд үүнийг маш сонирхолтой санал гээд үүнийг хэлэлцэх нь зүйтэй гэжээ. Гэхдээ тус холбооны зарим гишүүд үүнийг эсэргүүцэж магадгүй гэдгийг ч дурдав. Өмнө нь Евродын комиссын дарга Жан-Клод Юнкер ийм санал дэвшүүлж байсан юм.
Category: гадаад
НҮБ-ын Ерөнхий нарийн бичгийн дарга Бан Ги Мун олон улсын байгууллагуудад хандан урилга гаргалаа. “Лалынулс” бүлэг нь Иракийн нутаг дэвсгэр дээрх түүхэн дурсгалт барилгуудыг устгаж байгаа явдлыг цаашид гаргуулахгүй байхыг онцолжээ. НҮБ-ын тэргүүний хэвлэл мэдээллийн төлөөлөгчийн ярьснаар уг мэдэгдэл түүхий дурсгалт зүйлсийг санаатайгаар устгах нь цэргийн гэмт хэрэгт тооцогддог гэдгийг ч дурсдан байна. Өчигдөр лалын цэргүүд Иракийн Дур-Шаррукин хотод байдаг МЭӨ 717 онд Саргон II хааны бариулсан хотоос үлдсэн зүйлийг нурааж устгасан байна.
Ю.Дэлгэр
Малайзын 239 хүнтэй “МН370″ нислэг сураггүй болсноос хойш бүтэн жилийн хугацаа өнгөрөөд байна. Куала Лумпураас Бээжин хүрэхээр хөөрсөн “Боинг 777″ онгоц өнгөрсөн оны гуравдугаар сарын 8-нд нислэгийн удирдлагын төвтэй холбоо тасарч, радарын дэлгэцнээс алга болсон юм. Малайзын эрх баригчид “МН370″ нислэгийг Энэтхэгийн далайн өмнөд хэсэгт осолдсоноос гарцаагүй хэмээн үзэж, зорчигчдыг амь үрэгдсэнд тооцжээ. Харин 239 хүний ард үлдсэн гэр бүлийнхэн нь эрх баригчдын үгэнд үнэмшихийг хүсэхгүй тэднийг эсэн мэнд олдоно гэдэгт өдгөөг хүртэл найдсаар. Малайзад өнөөдөр /III.8/ “МН370″ нислэгтэй хамт сураггүй болсон 239 хүний араас зул өргөж, залбирал үйлдэх ёслол болж байна.
Үүний зэрэгцээ Хятадын Гадаад хэргийн сайд Малайзын сураггүй болсон “МН370″ нислэгийг хайх ажил бүтэн жил үргэлжилсэн ч зогсохгүй гэдгийг мэдэгджээ. Сураггүй болсон онгоцонд Хятадын 152 иргэн зорчиж явсан юм. Олон улсын хамтарсан эрлийн баг “МН370″ онгоц осолдсон гэж үзсэн Энэтхэгийн далайн өмнөд хэсгийг нэг бүрчлэн самнасан боловч юу ч олж чадаагүй.
Холливуудын нэрт жүжигчин Том Хэнкс дуучин Карлигийн “I Really Like You” дууны клипэнд тоглосон тухай “www.dailymail.co.uk” мэдээллээ. Тэрбээр “Клипэнд тоглох кинонд тоглохоос хэцүү юмаа. Дууны хэмнэлд нь тааруулж хөдлөх болон сэтгэл хөдлөлөө гарах хэцүү байлаа. Дуучин Карли надад санал тавьж, клипэндээ тоглуулсанд баярлалаа” гэж жиргэжээ.
Энэхүү клипэнд жүжигчнээс гадна дуучин Жастин Бибер тоглосон байна. Бибер “Карли болон Том Хэнкстэй хамтрах таатай байлаа. Гадаа хүйтэн байснаас бусад зүйл нь таалагдлаа. Клипийн зохиол болон жүжигчид бүгд гайхалтай байсан” гэж бичжээ.
Энэхүү клип өчигдөр 14.00 цагт “Youtube.com” дээр байршсан байна. Өнөөдрийн байдлаар уг клипийг 14 сая орчим хүн үзжээ. Карлигийн дуу Америкийн “HOT-100″ чартад 57 дугаар байрт жагсаад байна.
Малайзын агаарын тээврийн “МН370” онгоц яг жилийн өмнө Куала Лампураас Бээжингийн чиглэлд хөөрч байхдаа сураггүй алга болсон юм. Онгоцонд багийн 15 гишүүн болон 224 зорчигч зорчиж явсан билээ. Сураггүй болсон “МН370” онгоцыг хайх ажиллагаанд дэлхийн 25 орны 3500 гаруй аврагч нэгдэж, 150 хоногийн турш Энэтхэгийн далайд самналт хийсэн ч олоогүй юм. 365 өдрийн өмнө сураггүй алга болсон онгоцны зорчигчид болон багийн гишүүдийн гэр бүлд Малайзын Ерөнхий сайд Нажиб Разак, БНХАУ-ын дарга Си Зиньпин, Австралийн Ерөнхий сайд Тони Эббот, АНУ-ын Ерөнхийлөгч Барак Обама, Төрийн нарийн бичгийн дарга Жон Керри, ОХУ-ын Ерөнхийлөгч В.Путин, Германы Канцлер Ангила Меркел, Францын Ерөнхийлөгч Франсуа Олланд зэрэг дэлхийн 30 гаруй орны удирдлагууд эмгэнэл илэрхийлсэн тухай “www.dailymail.co.uk” мэдээллээ.
Куала Лампур болон Бээжин хотноо амиа алдсан нь тодорхойгүй, сураггүй байгаа зорчигчид болон багийнханд зориулж өнөөдөр зул өргөхөөр болсон байна. Мөн хятад зорчигчдын гэр бүл Тянь Ань Миний талбайд тайван жагсаал зохион байгуулахаа мэдэгдэж, хүмүүсийг нэгдэхийг уриалжээ. Өнгөрсөн нэгдүгээр сард Малайзын удирдлагууд “МН370” онгоцыг осолдсон хэмээн үзэж, бүх хүнийг амиа алдсан хэмээн мэдэгдсэн билээ.
Оросын сөрөг хүчний тэргүүн Борис Немцовын амь насанд халдсан хэрэгт хоёр сэжигтнийг баривчилжээ. Оросын мөрдөн шалгах хорооноос Кавказ гаралтай Анзор Губашев, Заур Дадаев нарыг сэжигтнээр нэрлэн баривчилсан байна.
Сөрөг хүчний тэргүүн Борис Немцовыг өнгөрсөн хоёрдугаар сарын 27-нд Москва хотын төв Кремлийн ойролцоо гүүрэн дээр олон удаа буудаж хөнөөсөн юм. Немцовын гэр бүл, найз нөхөд, сөрөг хүчнийхний зүгээс түүний үхэлд Кремлийн эрх баригчид оролцсон хэмээн хардаж буй. Харин ОХУ-ын ерөнхийлөгч Владимир Путин энэ хэргийн сэжигтнүүдийг баривчлахаа мэдэгдэж байв.
Өмнө нь 2006, 2004 онуудад ОХУ-ын сэтгүүлч Анна Политковская, “Forbes” сэтгүүлийн орос хувилбарыг эрхлэн гаргадаг редакцийн сэтгүүлч Паул Клебников нарыг хөнөөсөн хэрэгт мөн л кавказуудыг сэжигтнээр нэрлэж байсан аж.
Археологичид Гондурасын Москюта орчмын ширэнгэн ойгоос эртний соёл иргэншилт Маяачуудын үе буюу МЭ 1000-1400 оны үед хамаарах хотын туурийг олсон байж болзошгүй хэмээн мэдэгдлээ. Гондурасын ширэнгэн ой нь Төв Америк дахь хэний ч гар хүрээгүй, онгон зэрлэгээрээ байгаа ховорхон газруудын нэг. Өнөөдрийг хүртэл Маяачуудын амьдрал, хотын соёл иргэншил сайн судлагдаагүй, үеэс үед домог мэт яригдсаар ирсэн түүхтэй.
Колорадо мужийн их сургуулийн баг Гондурасын ширэнгэн ойн үндэс, хөрсөнл дарагдаж алга болсон эртний соёл иргэншилт томоохон хотыг хайж байжээ. Судлаачдын олж илрүүлээд буй уг хотыг домогт “Цагаан хот”, “Сармагчны Бурханы хот” гэх мэтээр түүхэн сурвалж бичигт тэмдэглэн үлдээсэн байдаг. Одоогоор археологичид чулуун дээр сийлсэн могой, нисэж буй тас шувуу, хөлөг онгоц гэх мэт 52 эд өлгийн зүйл олж түр баримтжуулан, шинжлэх ухааны протокол хөтлөөд байна.
Судлаачид Гондурасын Засгийн газраас археологийн олдворыг хамгаалах санхүүгийн дэмжлэг үзүүлэхийг уриалж байгаа аж.
Дэлхий дахинаа олон мянган хүний амь насанд хүрсэн эбола вирусын эсрэг вакциныг Японы эрдэмтэд амжилттай гаргаж авсан. Либери улсад Эбола вирусын халдвартай сүүлчийн өвчтөн эдгэрч эмнэлгээс гарсан гарсан бөгөөд халдварын шинэ тохиолдол илрэхгүй бол эболагаас ангижирсан гэж үзэхийг ДЭМБ-аас мэдээллээ. Либери улсад өнгөрсөн оны тавдугаар сард Эбола вирус бүртгэгдсэнээс хойш анх удаа халдварын шинэ тохиолдол илрээгүй байгаа юм. Сьерра-Леоне, Гвиней улсад өнгөрч буй долоо хоногт Эбола вирусын халдварын 132 шинэ тохиолдол бүртгэгджээ. Гвиней улс дахь Эбола вирусын эсрэг вакцины туршилтын сүүлчийн үе шат энэ долоо хоногт эхлэх тухай ДЭМБ мэдээлжээ.
Нью-Йорк хотын “La Guardia” олон улсын нисэх онгоцны буудалд өчигдөр орой “Delta Air Lines” компанийн MD 88 загварын онгоц осолдсон байна. Тус хотод нэлээд цас орсон байсан тул онгоц замаасаа гарч хашаа мөргөжээ. Онгоцонд 130 зорчигч сууж явсан бөгөөд аз болоход хүнд бэртэл аваагүй гэнэ. Осол гарсан даруйд тэдэнд эмнэлгийн тусламж үзүүлсэн тухай мэдээллээ. Үүний улмаас оройны 19 цаг хүртэл нисэх онгоцны буудал хаасан байна.
Ю.Дэлгэр
Холливудын нэрт жүжигчин Харрисон Фордын сууж явсан онгоц осолджээ. Энэ нь түүний хувийн онгоц аж. Лос-Анжелес хотын ойролцоо нисч яваад гольфийн талбай дээр унасан бөгөөд аз болоход жүжигчин амьд үлсдэн байна. Гэхдээ толгой гартаа нэлээд бэртэл авчээ. Лос-Анжелесийн Цагдаагийн газраас мэдээлсэнээр энэ нь хоёр хүний суудалтай онгоц байжээ. Харин хэн жолоодож явсан талаар мэдээлэл өгсөнгүй. Ямарч байсан техникийн шалтгааны улмаас осолдсон байна.
Ю.Дэлгэр