Улстөрч Борис Немцовын амийг хөнөөхөд ашигласан хоёр гар бууг цагдаа нар олсон тухай “Ройтерс” агентлаг мэдээллээ. Москва хотын гүүрний ойролцоох голоос бууг олжээ. Хоёр бууг нэг газраас олоогүй хэмээн хэргийн газар ажиллаж буй мөрдөгч Сергей сэтгүүлчдэд мэдэгдсэн байна. Эхний гар бууг олж, шинжилгээнд өгөхөд Немцовын аминд хүрсэн зэвсэг болохыг тогтоосон байна. Хоёр дахь бууны шинжилгээний хариу хараахан гараагүй байна гэж албаныхан мэдээллээ. Дээрх буунуудаас Немцовын аминд хүрсэн жинхэнэ хэрэгтний хурууны хээ олдож болзошгүй хэмээн Мөрдөх газраас мэдээлжээ.
Энэ сарын эхээр Немцовын аминд хүрсэн байх магадлалтай 27-55 насны таван эрэгтэйг баривчилсан юм. Баригдсан таван этгээдийн нэг Заур Дадаев улстөрчийн аминд хүрснээ хүлээсэн ч энэ долоо хоногийн эхээр дээрх мэдүүлгээ өөрчилсөн билээ. Тэрбээр “Намайг дарамталсан учир би худал мэдүүлэг өгсөн” хэмээн сэтгүүлчдэд ярьжээ.
ОУВС-ийн Удирдах зөвлөлөөс Украинд тусламж үзүүлэх дөрвөн жилийн хөтөлбөрийн хүрээнд 17.5 тэрбум ам.доллар олгох шийдвэр гаргажээ. ОУВС эдийн засаг нь сүйрлийн ирмэгт тулсан Украинд хоёр дахь удаагаа тусламж үзүүлэхээр болсон нь энэ аж. Сангийн тэргүүн К.Лаггардын мэдэгдэлд, эхний ээлжинд олгох мөнгөний хэмжээ, хуваарийг дурдаагүй байна. ОУВС-ийн шийдвэр батлагдсанаар бусад хандивлагч зээл, тусламж олгох шийдвэрээ гаргана хэмээн шинжээчид үзэж байгаа юм. Украинд тусламж үзүүлэх хөтөлбөрийн нийт хэмжээ 40 тэрбум ам.доллар байх бололтой.
АНУ-ын Миссури муж дахь Фергюсон хотын цагдаагийн газрын гадна эсэргүүцлийн хөдөлгөөнд оролцогсод цагдаагийн хоёр ажилтныг буудан шархдуулжээ. Тус хотын цагдаагийн дарга Жон Белмарын хэлснээр, тэдний нэг нүүрэндээ, хоёр дахь нь мөрөндөө шархадсан байна. Мөн тэрээр шөнө дундаас хойш жагсагчид тарж эхлэх үед цагдаа нарын зүг гурван удаа буудсаныг хэлсэн байна. Үүний өмнө Холбооны хууль сахиулах байгууллагаас Фергюсон дахь цагдаагийн газрынхан арьс өнгөөр ялгаварлан гадуурхах үзэл гаргадаг тухай тайлан гаргасны дараа цагдаагийн газрынх нь дарга огцорчээ.
3 дугаар сарын 11-ний өдрийн шинэчлэгдсэн мэдээгээр дэлхийн 10 улс (Либери, Сьерра-Леон, Гвиней, Мали, Нигери, Сенегал, Бүгд Найрамдах Ардчилсан Конго, АНУ, Испани, Их Британи)-д нийт 24348 хүн өвчилж, 10025хүн (41%) нас барсан байна. 3дугаар сарын 05-аас хойш 116 шинэ тохиолдолнэмэгдэн бүртгэгджээ. 
Өмнөд Солонгосын Засгийн газар дунд сургуулийн сурагчдыг гар утсаар нь дамжуулан амиа хорлолтоос урьдчилан сэргийлж, хянах арга боловсруулжээ.
Иракийн хэт даврагч “Халифын вант улс” бүлэглэл тагнуул хийсэн таван эрэгтэйг цаазалж буй дүрс бичлэгээ олон нийтийн сүлжээнд байршуулжээ. Энэ талаар “Ройтерс” агентлаг мэдээлсэн юм. Цаазын ялыг гүйцэтгэсэн хэт даврагч “Бидний үйл хэргийг дэмжиж, ариун бурхны өмнө үнэнчээ баталсан бүх хүнийг “Халифын вант улс” нас, хүйс, яс үндэс, угсаа гарал хамаарахгүйгээр хүлээн авч байгаа. Гэтэл бидний дунд тагнуул хийж, мэдээлэл дамжуулдаг хүмүүс шургалсан нь тогтоогдсон нь таагүй хэрэг” гэж онцолжээ. Амиа алдсан таван хүний гурав нь Палистанаас ирсэн Израйлийн тагнуулууд юм байна. Амиа алдагсдын нүүрийг хар даавуугаар ороосон учир гадаад төрх, насыг нь тогтоох боломжгүй байжээ. 
Их Британийн шилдэг сопрано дуучин Сара Брайтмэн задгай сансарт тоглолтоо хийхээр болжээ. Энэ тоглолт ирэх оны дөрөвдүгээр сарын 11-ний өдөр болох аж. Тэрээр тоглолтондоо зориулж газрын гадаргуугаас 420 км-ийн өндөрт бэлтгэлээ хийж байгаа юм байна. Дуучин тоглолтоо хийхийн тулд Олон улсын Сансар судлалын хүрээлэнд 51 сая ам.доллар төлж байгаа гэнэ. Тэрээр нөхрийн хамт ирэх есдүгээр сарын 1-11-ний өдрүүдэд задгай сансарт аялах нь. Задгай сансарт 11 хоногийн турш аялахын тулд 22 сая ам.доллар төлсөн байна. 
Бүх Хятадын ардын төлөөлөгчдийн хурлын үндэстэн болон шашны асуудал хариуцсан хорооны дарга Чу Вэй Цюнь мэдэгдэл хийжээ. Тэрээр хэлэхдээ Далай ламын нөлөө Түвдэд төдийгүй хилийн чанадад багасах болсныг онцлов. Буддын шашны тэргүүн өөрийнх нь дараагийн дүр тодрохойгүй хэмээн хэлснийг буруутгасан байна.Энэ нь сүсэгтэн олноосоо урвасан хэрэг гэж шүүмжлэв. Дээрхийн гэгээнтний нэр хүнд Түвдэд унасны баталгаа болгон нэг жишээг дурдсаныг сонирхуулъя. Юу гэхээ
АНУ-ын Ерөнхийлөгчийн нууц албаны хоёр ажилтан согтуугаар машин барьж яваад Цагаан ордны хашааг мөргөсөн байна. Энэ хэрэг явдал 
АНУ, Куба хоёр нь шууд утсан холбоотой боллоо. Хоёр улс энэ холбоогоо 15 жилийн өмнө тасалсан аж. Кубын улсын харилцаа холбооны компаниас мэдээлсэнээр зөвхөн суурин утсаар холбогдоно гэдгийг онцолсон байна. Харин Америкийн тал удалгүй интернэтийн сүлжээг ашилан илүү дэвшилтэт холбоо харилцааг нэвтрүүлнэ гэдэгт найдаж байгаа гэнэ. Саяхныг болтол Куба Америк руу утсаар ярихдаа гуравдах орноо дамажуулан холбоотой барьдаг байсан юм.