Microsoft корпораци аман орчуулгын Skype үйлчилгээний цар хүрээг нэмэгдүүллээ. Өдгөө Skype нь дэлхийн хэдэн арван хэлийг англи хэл рүү хөрвүүлэх гол хэрэгсэл болж байна. хамгийн сүүлд Skype үйлчилгээ англи хэлнээс испани хэл руу орчуулах системээ танилцуулснаас гадна саяхан хятад, итали хэлийг үйлчилгээний цэсэндээ нэмжээ. “Mandarin Translator” гэгдэж буй хятад хэлнээс орчуулах систем нь асар эрэлттэй байсан төдийгүй Microsoft үүний ард гарахын тулд багагүй хугацаа зарцуулсан гэж хөгжүүлэгч Яасмин Кан өгүүлжээ. “Ойролцоогоор 10 мянган тэмдэгт болон тэр тооны хэл ярианд хэрэглэгдэх үгсийг дуу авиагаар багтаасны сацуу дэлхийн хамгийн хэцүү хэл болох араб, япон, солонгос хэлийг англи хэл рүү шууд хөрвүүлэх бололцоо олгоно” хэмээн хөгжүүлэгчид ярьжээ. Програм хангамжийн гигант компанийн Skype үйлчилгээг хөгжүүлэгчид хятад, итали хэлийг орчуулах төхөөрөмжийг бүтээхийн тулд 2012 оноос хойш үгсийн сан бүрдүүлэх, дуу авианы технологи бүтээхийн тулд зогсолтгүй ажилласны эцэст өнөөдөр л нийтийн хүртээл болгож байна.
Category: гадаад
АНУ-ын Ардчилсан намаас Ерөнхийлөгчийн сонгуульд нэр дэвшиж буй Хиллари Клинтон өөрийн сонгуулийн суталчилгааны техникийн даргаар “Google” компанийн менежер Степани Хэннонийг сонголоо. Хэннон Клинтоны онлайн сурталчилгааг хариуцан ажиллах бөгөөд сонгогчид болон дэмжигчдэд зориулж сонгуулийн шинэ аппликэйшнүүдийг гаргана гэж Вашингтон Пост сонин болон Ройтерс агентлаг мэдээллээ.
Хэннон нь Силикон Валлеид ажиллахын зэрэгцээ “Google” компанийн нийгмийн салбарын бүтээгдэхүүн хариуцсан менежерээр ажилладаг аж. Гэхдээ Хиллари Клинтон 2016 онд болох АНУ-ын Ерөнхийлөгчийн сонгуульд нэр дэвшинэ гэдгээ албан ёсоор зарлаагүй байгаа юм.
Түүнийг энэ сард багтаж мэдэгдэл гаргана хэмээн албаныхан найдаж байна. Клинтон Нью-Йорк хотын Брүүклинд сонгуулийн сурталчилгааны төв байраа байгуулжээ. АНУ-ын Төрийн нарийн бичгийн даргаар ажиллаж байсан Хиллари Клинтон Ерөнхийлөгчийн сонгуульд нэр дэвшсэн хүчтэй өрсөлдөгч болж байна.
Харин Бүгд Найрамдах намаас Кентаки мужийн сенат Рэнд Пол болон Техас мужаас Тэд Круз нар Ерөнхийлөгчийн сонгуульд нэр дэвшсэнээ албан ёсоор мэдэгдээд байгаа юм.
Оросын “Орел” нэртэй цөмийн усан доогуур шумбагч онгоц дээр гал гарсан тухай мэдээллээ. Шумбагч онгоц Архангельск мужийн Северодинск хотод байрлах засварын үйлдвэр дээр байсан гэнэ. Засвар хийж байхад усан онгоцын есдүгээр хэсэгт гарсан түймрийг унтраахад нэлээд хэдэн цаг шаардагджээ. Үүнтэй холбогдуулан аюулгүй байдлыг хангах журмыг зөрчсөн хэмээн шалгаж байгаа гэнэ.
Ю.Дэлгэр
Украины Ерөнхийлөгч П.Порошенкогийн хүү, парламентын гишүүн Алексей Порошенко Киевийн хотын төвд сум нэвтэрдэггүй “BMW” машинтай явж байгаад осолджээ. Түүний машиныг “Mitsubishi L200” маркийн жип мөргөсөн байна. Уг машины жолооч нь буруугаа хүлээсэн бөгөөд талууд ослын газар дээр учраа ололцсон тухай мэдээллээ.
Ю.Дэлгэр
Өчигдөр Вашингтон хотноо Цагаан ордон, Капитол, Төрийн Департаментгээд нэлээд хэдэн төрийн байгууллагууд цахилгаангүй болсон байна. Ройтертс агентлагийн уламжилснаар цахилгаан станц дээр осол гарч дамжуулах шугаманд гэмтэл гарснаас хэдэн минутын туршид тог тасарсан хэмээн албаны эх сурвалжууд мэдээллээ. Америкийн төрийн гол байгууллагууд байрлах Вашингтон хотын энэ хэсгийг “Pepco” компани хариуцдаг юм байна.
Ю.Дэлгэр
АНУ-ын Төрийн нарийн бичгийн дарга асан Хиллари Клинтон ойрын өдрүүдэд удахгүй болох Ерөнхийлөгчийн сонгуульд нэр дэвшинэ гэдгээ албан ёсоор мэдэгдэх юм байна. Энэ тухай BBC мэдээллээ. Улс төрийн судлаачдын үзэж байгаагаар тэрээр ирэх жил болох АНУ-ын төрийн тэргүүний сонгуульд өрсөлдөн ялалт байгуулах магадлал хамгийн өндөртэй нь аж.
Ю.Дэлгэр
ӨМӨЗО-нд болсон цуглааны үеэр цагдаа болон жагсагчдын хооронд мөргөлдөөн гарсан тухай РИА Новоcти мэдээллээ. Энэ үеэр нэг хүн амь үрэгдсэн хэмээн хүний эрхийг хамгаалагчид мэдэгджээ. Өвөр Монголд барьсан нэгэн химийн үйлдвэр газрын хөрсийг бохирдуулж байгааг нэлээд хэдэн тосгоны оршин суугчид эсэргүүцэж байгаагаа илэрхийлсэн байна. Цуглаан болсон газар 2000 цагдаа очсон бөгөөд хүмүүсийг тараахын тулд резинэн сум, нулимас асгаруулагч хий хэрэглэж зарим хүмүүсийг баривчилсан тухай мэдээллээ.
Ю.Дэлгэр
Алдарт “Chanel” брэнд онлайн худалдаагаар бараа, бүтээгдэхүүнээ зарахаар болсон тухай “www.dailymail.co.uk” мэдээллээ. Тус брэндийн өрсөлдөгчид хэдэн жилийн өмнөөс энэхүү салбарт орсон ч “Chanel” эртний уламжлалаа дагаж, онлайн худалдаанаас татгалзаж, зөвхөн үйлдвэр болон сүлжээ дэлгүүрээр бүтээгдэхүүнээ борлуулдаг байсан юм.
Брэндийн удирдлагууд 2016 оны аравдугаар сараас эхлэн онлайнаар бараагаа зарах болон дуудлагын үйлчилгээний шинэ системтэй болохоор ажиллаж эхэлсэн байна. Хэрвээ онлайн болон дуудлагаар бүтээгдэхүүн зарагддаг болбол сүлжээ дэлгүүрийн үүрэг оролцоо нэмэгдэх юм. “Chanel”-ийн 2500 гаруй дэлгүүр дэлхийн 80 гаруй оронд үйл ажиллагаагаа явуулдаг
“Versace” брэнд зөвхөн онлайн худалдаагаар жилд 14-25 сая ам.долларын цэвэр ашиг олдог байна.
Лондон хотод хөлсний тэргээр үйлчлүүлсэн нэгэн хүн буухдаа 10 мянган фунт стерлингтэй цүнхээ мартсан. Харин хөлсний тэрэгний жолооч цүнхний эзэнд мөнгийг нь эргүүлэн өгчээ. „Mirror“ сонинд бичсэнээр машины наймаа эрхэлдэг 46 настай Эдриан Куин гэгч мөнгөө мартсанаа мэдээд ухаан алдах шахсан байна. Тэрээр хөлсний тэрэгний зогсоол дээр очиход жолооч түүнийг хүлээж байсан гэнэ. Хэрвээ мөнгөө олоогүй бол бизнес нь дампуурах байсан тухайгаа ярьжээ.
Ю.Дэлгэр
ЗХУ-ын Ерөнхийлөгч асан М.Горбачевын машины осолджээ. Түүний машин өнгөрсөн баасан гаригт Оросын нийслэл хот Москвагийн хойд хэсэгт явж байгаад өөр нэгэн машинтай мөргөлдсөн байна. Аз болоход экс Ерөнхийлөгч болон түүний жолооч гэмтэж бэртээгүй гэнэ. М.Горбачев ослын газраас өөр нэгэн машинд суун ажлаа амжуулахаар цааш явсан байна.
Ю.Дэлгэр