“New York Times” сонинд бичсэнээр АНУ-ын Ерөнхийлөгчийн сонгуульд өрсөлдөх Х.Клинтоны сонгуулийн сурталчилгаандаа 2.5 тэрбум ам.доллар зарцуулах аж. Түүнийг дэмжигчид Ардчилсан намын тусламжтайгаар ийм хэмжээний хандив цуглуулахаар төлөвлөжээ. Америкийн түүхэнд сонгуулийн сурталчилгаанд ийм их мөнгө зарцуулсан тохиолдол байхгүй гэнэ. Өнгөрсөн бямба гаригт Төрийн нарийн бичгийн дарга асан Хиллари Клинон ирэх жил болох Ерөнхийлөгчн сонгуульд өрсөлдөнө гэдгээ албан ёсоор мэдэгдсэн юм.
Category: гадаад
Их Британийн хаан ширээг залгамжлагч хунтайж Уильямийнгэргий гүнж Кейт удахгүй хоёр дахь хүүхдээ төрүүлнэ. Букингемийн ордноос мэдэгдсэнээр гүнж энэ сарын сүүлээр Сент-Мэри эмнэлэгт амаржих юм байна.
Харин хүүхэд нь хүү, охины аль нь болохыг мэдээгүй гэнэ. Залуу хунтайж бүл нэмэх нь хатан хааны гэр бүлийн хувьд чухал үйл явдал юм. Учир нь хаан ширээг залгамжлагчийн жагсаалтад өөрчлөлт орно. Түүнээс гадна өдгөө хоёр настай хунтайж Жорж дүүтэй болох юм.
Дашрамд дурдахад Сент-Мэри эмнэлэг мэргэжлийн өндөр ур чадвартай эмч нар ажилладгаараа алдартай. Тус эмнэлэгт хунтайж Уильям, Харри, Жорж нар мэндэлсэн. Гүнж Кейтийн хэвтэх тасаг нь нэг хоногийн 5000 фунт стерлингийн төлбөртэй юм байна.
Өнгөрсөн мягмар гаригт Исландын агаарын тээврийн “Icelandair” компанийн “Боинг-757” онгоц хуваарийн дагуу нислэг үйлдэж байгаад аянганд ниргүүлжээ. Уг хэрэг дөрөвдүгээр сарын 7-нд гарсан бөгөөд F1671 дугаараар нислэг үйлдэж байсан онгоц Исландын нийслэл Рейкъявикаас Америкийн Денвер хотыг зорьж байв. Гэрчүүдийн мэдээлснээр “Боинг-757” хөөрөөд удаагүй байхад хүчтэй чимээ гарч, гэрэл гялбасан хэдий ч хөлгийн ахмад нислэгээ үргэлжлүүлсэн байна. Тэд цааш найман цаг нисэн зургаан мянган километр замыг туулж, амжилттай газарджээ. Аянганы улмаас онгоцны урд хэсэгт нүх гарсан байсан тул засвар хийлгэхээр илгээсэн байна. Нисэх багийн гишүүд болон зорчигчид гэмтэж бэртээгүй аж. Харин “Боинг-757” –д яг хичнээн хүн явсан талаар мэдээлсэнгүй. Ямар ч байсан“The Bunny Gang”хамтлагийн хөгжимчин Натен Максвелл явж байжээ. Тэрээр ярихдаа “Гэнэт аймаар чимээ гарсан. Гэрэл асахыг харсан. Үнэхээр аймаар байсан шүү” гэв.Онгоц нисэж байхад аянга буух явдал цөөнгүй.Гэвч цууралт, цоорхой бий болсон тохиолдол ховор аж.
АНУ-ын Төрийн нарийн бичгийн даргаар ажиллаж байсан Х.Клинтон Ардчилсан намаас Ерөнхийлөгчид өрсөлдөх болсноо маргааш албан ёсоор мэдэгдэх юм байна.
Энэ тухай “New York Daily News” сонинд бичсэн бөгөөдэкс тэргүүн хатагтайтай нэлээд ойр байдаг хүнээс дээрх мэдээллийг авсан гэдгээ онцлов. Х.Клинтон сонгуульд өрсөлдөхөө видео болон олон нийтийн сүлжээгээр мэдэгдэх аж.
Ирэх жил болох АНУ-ын Ерөнхийлөгчийнсонгуульд Ардчилсан намаас түүнийг нэр дэвших магадлал хамгийн өндөр байгаа талаар өмнө нь мэдээлж байсан билээ. Тэрээр урьдчилсан санал асуулгаархамгийн олон санал авсан юм.
Японы баруун өмнөд хэсгийн далайн эрэгт өнөө өглөө /IV.10/ 130 гаруй өргөн хошуут далайн гахай гарч ирснээр орон нутгийн иргэдийг багагүй сандаргажээ. Эрэг дээр гарч ирсэн далайн гахайн сүргийг хатаж үхэхээс аврахын тулд оршин суугчид эргийн хамгааллынхантай хамтарч ажилласан байна. Гэвч олон тооны далайн гахай далай руу буцаахаас өмнө үхсэн байжээ. Оршин суугчдын мэдээлснээр зарим далайн гахайн арьс нь зүсэгдсэн гүн шархтай байсан аж.
Далайн гахайн сүрэг Хокота хотын эрэг дагуу 10 км урт зурваст гарч ирсэн байна.
Өмнө нь 2011 онд 50 орчим өргөн хошуут далайн гахай Японы далайн эрэгт гарч ирсэн байжээ.
Францын TV5Monde телевиз “Манай сүлжээ урьд хожид байгаагүй хакерын халдлагад өртлөө” хэмээн мэдээллээ. Сүлжээ гэдэг нь тус телевизийн төвийн компьютерүүд болон веб сайт, нийгмийн сүлжээ сайтуудыг хакердсан байна.
Кибер халдагчид TV5Monde-гийн сүлжээгээр “Исламын улс”-ын эсрэг ажиллагаанд оролцож буй Францын цэргүүдийн гэр бүл, төрөл төрөгсдийн хувийн бичиг баримтуудын мэдээллийг дэлгэжээ. Тиймээс энэхүү гэмт хэргийг хэт даврагч “Исламын улс” террорист бүлэглэлийнхэн зохион байгуулсан хэмээн үзэж байна.
Телевизийн мэргэжилтнүүд кибер халдлагад өртсөнөөс хойш хоёр цагийн дараа сайтуудынхаа ихэнх хэсгийг удирдлагадаа эргүүлэн авч чаджээ.
Халдагчид цэргүүдийн хувийн мэдээллээс гадна “Исламын улсын дайснуудын эсрэг кибер халдлагыг жихадууд үргэжлүүлсээр байх болно” гэсэн бичгийг дээрх мэдээллийн хэрэгслүүдээр гаргажээ. Мөн нийгмийн сүлжээ хаягуудын хэрэглэгчийн зургийг нь багтай исламын дайчны зургаар сольсон байна.
Хятадын өмнөд Фужиан мужид асар их химийн тосны гал гарч мянга мянган иргэдийг нүүлгэн шилжүүлж байна. Одоогийн байдлаар 800 гаруй гал унтраагч 170 гаруй галын машин Ханжоу хотод химийн үйлдвэрийн галыг унтраахаар ажиллаж байна. Гал унтраагчид галын тосны урсгалыг зогсоож ойролцоо байрлах танкнуудад ойртуулахгүй байхыг хичээж байна. Гал Даваа гаригт гарсан ба галыг унтраахын тулд гуравдахь өдрөө ажиллаж байна. Синьхуа агентлагийн мэдээлсэнээр эргэн тойронд нь 14000 гаруй иргэд аж төрдөг ба тэднийг одоогоор түр нүүлгэн шижүүлээд байна. Мөн CCTV-ийн мэдээлсэнээр 13 хүн эмнэлэгийн тусламж авч зургаан хүн хөнгөн гэмтсэн гэж мэдээллээ. Синьхуагийн мэдээлсэнээр гал Даваа гаригийн орой гарч эхэлсэн ба Занзоуд байрлах Tenglong Aromatic Hydrocarbon үйлдвэрийн газрын тос хадгалах сав дэлбэрсэнээр хүчээ авчээ. Энэ галыг Мягмар гаригийн үдээс хойш унтраасан ч гал дахин тэр оройноо гарсан байна. Харин нүүрстөрөгч шингэн агуулсан 1500 тонны өөр нэг сав Лхагва гаригийн өглөө дэлбэрчээ. Хүчтэй салхитай байгаагийн улмаас галыг хөөсөн давхаргаар шүршиж унтраасан ч дахин дэгдээд байгааг шинжээчид мэдээллээ
АНУ-ын 42 дахь ерөнхийлөгч Билл Клинтоны гэргий Хиллари Клинтон твиттерт идэвхтэй жиргээч болсон гэнэ. Тэрбээр твиттерийг АНУ-ын 58 дахь удаагийн ерөнхийлөгчийн сонгуульд нэр дэвших албан бус сурталчилгаанд сайтар ашиглаж байгаа бололтой.
Гэвч Хиллари Клинтоны хүний эрхийн талаарх жиргээ Хятадын эрх баригчдыг бухимдуулсан бололтой. Бээжинд таван эмэгтэй нийгмийн идэвхтнийг барьж хорьсны дараа Хиллари Клинтон “Хятад эмэгтэй идэвхтнүүдийг хорихоо зогсоох ёстой. Энэ бол зөвшөөрөх аргагүй хэрэг” хэмээн жиргэжээ. Үүний хариуд Хятадын гадаад хэргийн яамнаас “Хятад бол хуультай улс. Холбогдох байгууллагууд холбогдох хэргийг хуулийн дагуу шийдвэрлэдэг. Олон нийт болон бусад улс орнууд Хятадын шүүхийн бүрэн эрх, бие даасан байдлыг хүндэтгэнэ гэдэгт найдаж байна” хэмээн мэдэгджээ.
Грекийн ерөнхий сайд Алексис Ципрас ОХУ-ын ерөнхийлөгч Владимир Путинтай уулзав.
Грекийн ерөнхий сайд өчигдөр /IV.8/ Москвад айлчилсан нь олон улсын анхааралд байлаа. Ажиглагчид Алексис Ципрасын айлчлалыг Грекийн санхүүгийн хүндрэлийг даван туулахын тулд ОХУ-аас тусламж хүсэхээр ирсэн хэмээн таамаглаж байв. Харин ОХУ-ын ерөнхийлөгч Владимир Путин “Грекийн ерөнхий сайд Алексис Ципрас Афинд үүссэн өрийн хямралыг сааруулахын тулд Москвагаас санхүүгийн тусламж хүсээгүй” хэмээн мэдэгджээ. Гэхдээ ОХУ-ын зүгээс Гректэй эрчим хүчний салбарт хамтарсан том төслүүдэд Афинд зээл өгөх боломжийг авч үзэхээр амласан аж. Уулзалтын үеэр ОХУ-ын ерөнхийлөгч Владимир Путин Гректэй худалдаа, наймааны харилцаагаа сэргээж, эрчим хүчний том төслүүдэд хамтарч ажиллах олон арга замыг хэлэлцсэн байна. Хоёр орны хамтрах том төслүүдэд Турк-Грекийн хилээр татах “Туркийн урсгал” байгалийн хийн хоолойн ажил багтжээ. ОХУ нь Грекийн тэргүүлэх худалдааны хамтрагчдын нэг боловч Афины эдийн засгийн хүндрэлээс үүдэн хоёр орны худалдаа, наймаа 40 хувиар буурсан аж.
Грекийн ерөнхий сайд Алексис Ципрас Москвад айлчилсан нь Европын холбоог багагүй тэвдүүлсэн гэж хэлж болно. Учир нь Грекийн ерөнхий сайдыг Москвад ирсэн даруй Европын холбооны парламентын дарга Мартин Шульц түүнд Оросын эсрэг хоригийг зөрчихгүй байхыг сануулсан юм. Хариуд нь Алексис Ципрас “Грек бол өөрийн гадаад бодлоготой тусгаар улс. Гэхдээ олон улсад хүлээн үүрэг хариуцлагаа хүндэтгэнэ” хэмээжээ. Алексис Ципрас Европын холбоонд хандан ОХУ-ын эсрэг тавьсан эдийн засгийн хоригийн “чөтгөрийн тойргийг” дуусгахыг шаардсан байна.
Манай Улсын соёлын үнэт өвүүдийн нэг Жадамба судар АНУ-ын онлайн худалдааны e-Bay дэлгүүрт зарагдаж байгаа тухай цахим ертөнцөд бичигдэж байна. Тодруулбал, өчигдөр e-Bay онлайн дэлгүүрт 29 мянган ам.доллараар зарахаар тавьсан алт, эрдэнээр бичсэн Жадамба судар хууль бус аргаар хууль бус давсан хэмээн энэ төрлийн өв соёлын тухай мэдээлэл цуглуулдаг нэгэн иргэн Фэйсбүүк хуудастаа бичжээ. Иймэрхүү хар цаасан дээр алтаар бичсэн хуучны судар маш ховор байдаг төдийгүй зарим эх сурвалжийн хэлснээр 20 гаруй жил иймэрхүү судрыг гадагшаа зөөж буй аж. Тэнд монгол лам нарын гараар бичиж, зохиосон маш чухал агуулгатай судрууд хил давсаар байгаа гэнэ. Хамгийн гол нь эдгээр судрыг эмхлээд, соёлын биет өвд бүртгэн, улсын хяналтад оруулаагүй учир хууль бус аргаар бусдын гарт орж улмаар хилийн чанадад зарагдах болсон юм байна. Эдгээр ном, судрыг төвд судлаач, төвд эрдэмтэд гадагшаа зөөдөг гэх сураг байна. Тэдний хилийн чанад руу гаргасан судрын тоонд ганцхан хувь барлагдсан байдаг монгол ламын Чойрын номууд байх магадлал тун өндөр байгаа тул үүнд анхаарлаа хандуулахыг холбогдох газруудаас хүсчээ.