Нэгэн интернэт худалдаа эрхэлдэг дэлгүүр реалити шоуны од Ким Кардашьяны гэрэл зургаас бүрдэх Selfish номын урьдчилсан захиалгыг авсан билээ. Уг бүтээлд Ким бүсгүйн авсан олон тооны сэлфи зураг багтсан юм. Номыг цөөн тоогоор хэвлэхээр шийдсэн бөгөөд ердөө 500 хувийг гаргасан байна.
Хамгийн сонирхолтой нь, номын захиалга явагдаж эхэлсэн гэх зарлал тавигдангуут Кимын шүтэн бишрэгчид ердөө ганцхан минутын дотор бүгдийг нь хуу хамжээ. Энэ нь “зохиолч” бүсгүйг уулга алдуулсан бөгөөд тэрбээр өөрийн блог дээр “Би их баяртай байна. Ердөө 500 ширхэг номыг маань ганцхан минутын дотор авчихлаа. Итгэмээргүй юм” хэмээн бичсэн аж.
Арабын хойг дахь аль-Каида бүлэглэлийн жигүүр (AQAP) Йемений өмнөд хэсгийн Хадрамавт мужийн Мукалла хотын нисэх буудалд халдан эзэлжээ. Тус бүлэглэл өмнө нь Мукалла хотын шоронд халдаж, хэт даврагч хоригдлуудыг сулласан байна. Йемений шийтийн хоутисчууд суннит засгийн газрынхаа эсрэг бослого, тэмцэл өрнүүлснийг далимдуулан ал-Каида бүлэглэл энэ сарын эхээр Мукалла хот руу нэвтэрсэн аж.
Европын төв банкны дарга Марио Драхи хэвлэлийн бага хурал хийлгэх үеэр нэгэн хачирхалтай үйл явдал өрнөсөн байна. Хэвлэлийн хурлын үеэр гэнэт нэгэн бүсгүй орилж хашгиран ширээн дээр гарчээ. Юу ийхийн зуургүй ширээн дээр байсан цаасыг нь авч чулуудсан гэнэ. Тэрээр “Европын төв банк дарангуйлалаа зогсоо” хэмээн орилсон байна. Зохион байгуулагчид хамгаалалтынхныг дуудаж бүсгүйг танхимаас гаргасны дараа хэвлэлийн хурал хэвийн үргэлжилжээ.
Украины сөрөг хүчний улстөрч Олег Калашниковын цогцос Киев хотоос олджээ. Тэрээр буудуулж нас барсан аж. Чухам энэ үхэл амиа хорлолт уу, аллага уу гэдэг нь тодорхойгүй байна. Талийгаач Украины экс ерөнхийлөгч Виктор Януковичийн улс төрийн холбоотон юм. Олег Калашников нь барууныг баримтлагчдын эсрэг анти-Майдан бослогыг зохион байгуулахад оролцож явсан аж.
Өнөөдрөөс яг нэг жилийн өмнө Солонгосын Жиндо арлын ойролцоо “Севол” онгоц осолдож, 300 гаруй хүн амь үрэгдсэн эмгэнэлт осол болсныг дэлхий дахин мартаагүй. Хохирогчдын 250 нь ахлах сургуулийн 17-18 насны хүүхдүүд байсан юм. Энэ өдөр Жиндо арал дээр хохирогчдын ар гэрийнхэн цуглан уй гашуу, харуусал, уур бухимдлаа тайлж байна. Түүнчлэн Өмнөд Солонгосын ерөнхийлөгч Пак Кын Хе, ерөнхий сайд Ли Ван Ку нар албаныхны хамт хүрэлцэн иржээ. Амь үрэгдсэн олон зуун сурагчдын төрөлх хот Ансанд төрийн далбааг хагас бөхийлгэж, нэг минут дуугаа хураан хүндэтгэл үзүүлсэн байна. Харин нийслэл Сөүл хотноо өнөө орой лаатай хүндэтгэлийн жагсаал болох ажээ.
Европын холбоо ойрын үед “NBA”, “NHL” лигүүдтэй адилхан Европын хөлбөмбөгийн бүх оддын тоглолт зохион байгуулах тухай яригдаж эхэллээ. Дэйли Мэйл сонинд бичсэнээр энэхүү тоглолт өмнөд, хойд гэсэн хоёр хэсэгт хуваагдах юм байна. Хойд бүст Англи, Герман, Оросын лигийн тоглогчид, өмнөдийн багт Итали, Испани, Францын лигийн тоглогчид багтах юм байна. Ингэж хуваагдвал Испанийн ла лигийн шилдгүүд болох Роналдо, Месси нар нэг багт тоглож магадгүй нь. Ийм сонирхолтой бүх оддын тоглолт болбол олон сая хүний анхаарлыг эрхгүй татах нь гарцаагүй. Роналдо, Месси нар өнөө цагийн хөлбөмбөгийн супер одод төдийгүй эвлэршгүй мөнхийн өрсөлдөгч Реал, Барсагийн гол бэлгэдлүүд юм. Европын хөлбөмбөгийн холбоо уг тоглолтыг ирэх 2017 онд зохион байгуулж магадгүй юм байна.
Монополийн эсрэг хуулийг зөрчсөн хэмээн Европын Холбоо Google компанийг өнөөдөр шүүхэд өглөө. “The Wall Street Journal” сэтгүүлд бичснээр өрсөлдөөний асуудал харуицсан Европын комиссар Маргарет Вестагер, Европын комиссын тэргүүн Жан-Клод Юнкер нар ярилцан хэлэлцсэний эцэст ийм шийдвэр гаргажээ. Google хайлтын системд аялал, худалдааэрхэлдэг өөрийн сайтуудаадавуу байдал олгосон хэмээн буруутгасан байна. Энэ хэргийг шүүхээр авч хэлэлцээд буруутай нь тогтоогдох юм бол
Уругвайд болсон ядуучуудад туслах буяны арга хэмжээний үеэр Ромын пап Францискагийн хэрэглэж байсан iPad-ийг дуудлагаар худалдсан байна. Монтевидеод болсон уг арга хэмжээгээрiPad 40 мянган ам.долларт хүрчээ. Харин худалдан авсан хүн нэрээ олон зарлахийг хүссэнгүй.Католик шашны тэргүүн утсаа Уругвайн шашны зүтгэлтэнд бэлэглэснийг ийнхүү буяны үйлсэд хандивлажээ.
Бүгд Найрамдах намаас Марко Рубио ирэх жил болох АНУ-ын Ерөнхийлөгчийн сонгуульд өрсөлдөнө гэдгээ албан ёсоор мэдэгдлээ. 43 настай Марко Рубио нь нэлээд ирээдүйтэй улстөрчид тооцогддог. Тэрээр Майамид болсон нэгэн арга хэмжээн дээр энэ тухайгаа мэдэгдсэн юм. Бүгд Найрамдах намын гишүүн ч өөрийгөө төрийн тэргүүн хүнд байх ёстой нэлээд хэдэн чанарыг агуулсан хэмээн тодорхойлсон байна. Флорида мужаас Сенатын гишүүнээр сонгогдсон түүнийг дэмжвээс Америкийн мөрөөдлийг биелүүлэхийн тулд чадах бүхнээ хийнэ хэмээн амлав.
Египетийн Эль-Ариш хотын цагдаагийн газар руу үр таних халдсан байна. Гэмт этгээд машинтайгаа цагдаагийн байр руу дайрахад тэсрэх бөмбөг дэлбэрчээ. Үүний улмаас найман хүн нас барж, ойролцоогоор 40-өөд хүн шархадсан байна. Маш хүчтэй дэлбэрэлт болсон бөгөөд хотын захын дүүрэгт хүртэл сонсогдсон тухай гэрчүүд мэдээллээ.