Оросын алдарт балетчин Майя Плисецкая таалал төгсчээ. Тэрээр Германд амьдарч байсан бөгөөд зүрхний өвчний улмаас гэнэт амьсгал хураасан байна. Алдарт балетчин 1925 онд төрсөн юм. Тэрээр ээжийнхээ талаас энэ авьяасыг өвлөн авчээ. Нагац ах А.Мессерер нь Оросын алдарт балетмейстер, ах дүү нар нь мөн балетчин байсан. Тэдний гэр бүл нь Сталины дэглэмийн үед хэлмэгдэж байсан. Майя Плисецкая ч Зөвлөлтийн үед нэлээд хавчигдж байсан тиймээс ч 1981 оноос Германд амьдарсан юм.
Category: гадаад
БНХАУ-ын Төв банк эдийн засгаа дэмжих шинэ хөтөлбөр танилцуулж магадгүй байна. Тус улсын Засгийн газар арилжааны банкуудын эзэмшиж байгаа орон нутгийн захиргааны
бондыг барьцаа болгон урт хугацааны зээл олгох юм байна. Ингэснээр арилжааны банкуудын хөрвөх чадварыг нэмэгдүүлж, эдийн засагт дэмжлэг үзүүлнэ гэж үзэж байгаа аж. Эхний ээлжийн санхүүжилт 160 тэрбум ам.доллараас эхлэх бололтой. Гэхдээ хөтөлбөрийн хүрээнд олгогдох санхүүжилтын хугацаа нь урт, мөн өгөөж нь одоогийн эзэмшиж байгаа бондын түвшингээс доогуур байгаа нь асуудал болж магадгүй байгааг шинжээчид онцолж байна.
“Apple”-ийн “iPhone” цувралын шинэ загварууд худалдаанд гарснаас хойш ухаалаг гар утасны борлуулалт нь эрс буурч байгаа “Samsung Electronics”-ийн ашиг нэгдүгээр улиралд мөн л 40 хувиар буурсан үзүүлэлттэй гарлаа. Шинжээчид “Samsung Electronics”-ийн цэвэр ашгийг 4.9 их наяд вонд хүрнэ гэж таамаглаж байсан юм. Гэтэл цэвэр ашиг нь 4.5 их наяд вон болж буурчээ. “Apple” компани илүү том дэлгэцтэй гар утас худалдаанд гаргасан нь зах зээлээ тэлэхэд нөлөөлжээ. Тус компани мөн БНХАУ-ын технологийн компаниуд хэрэглэгчдэд хямд үнэтэй ч чанартай гар утас санал болгож эхэлжээ. Энэ мэт шалтгаан нь “Samsung Electronics”-ийн борлуулалт буурах шалтгаан болсон байна.
Экстрим орчинд зураг авч, видео бичлэг хийх боломжтой камер үйлдвэрлэдэг “GoPro” компанийн Европ болон Ази дахь борлуулалт жилийн дүнгээрээ 66 хувиар өссөн байна. Ийнхүү орлого нь 363.1 сая ам.долларт хүрч өсчээ. Мөн “GoPro”-ийн олон улс дахь борлуулалт өссөн нь экстрим спортыг зөвхөн америкчууд биш бусад улсын иргэд ч сонирхдогийг илтгэж байна гэж “Raymond James”-ийн шинжээч онцолсон байна. “GoPro” компаниас явуулсан судалгаагаар мэргэжлийн камер худалдан авч байгаа хүмүүсийн дийлэнх нь камераа мэргэжлийн зориулалтаар бус энгийн хэрэглээнд ашигладаг гэж хариулжээ.
Балба улсын Катмандуд болсон 7.8 баллын газар хөдлөлтөөр 7040 хүн амиа алдаж, 5000 гаруй хүн сураггүй алга болсон байна.Тус улсын Ерөнхий сайд амиа алдагсдын тоо 15 мянгад хүрч болзошгүй хэмээн мэдэгджээ. Олон улсын аврагчид Катманду хотын нурсан барилга, байшингийн үлдэгдэл, нуранга зэргийг цэвэрлэж, иргэдийг хайж эхлээд байгаа аж. БНХАУ-ын удирдлагууд гамшигийн бүс рүү 1500 аврагчаа илгээгээд байна. Өчигдөр 300 аврагч, 15 үнэрч нохойгоо Катманду хот руу нэмж илгээжээ. Аврагчид сураггүй алга болоод буй Их Британийн гурван жуулчны цогцсыг Эверестийн оргилын ойр орчмоос олсон байна. НҮБ-ын удирдлагууд Катмандуд очиж, нөхцөл байдалтай биечлэн танилцахаар болжээ.
Өнөөдөр Улаанбаатарын цагаар 12:00 цагаас түмэн олон бокс сонирхогчдын хүсэн хүлээж байсан “Зууны зодоон” хэмээн нэрлэгдсэн агуу тулаан буюу Флойд Мейвэйзер, Мэнни Пакьяо нарын тэмцээн боллоо. Мэргэжлийн боксын түүхэнд гарсан хамгийн өндөр бооцоотой энэ тулаанд боксчин Флойд Мейвэйзер ялалт байгуулла.
Америк улсын Лас-Вегас хотын MGM цэнгэлдэх хүрээлэнд болсон энэ хоёр боксчны талаар сүүлийн хэдэн сар бичээгүй хэвлэл мэдээлэл, санал бодлоо илтгээгүй мэргэжилтэн, тамирчин, дасгалжуулагч бараг үлдээгүй юм. Сүүлийн гаргасан судалгаагаар америк залуу өөрийнхөө өрсөлдөгчийг ялах магадлал бага зэрэг илүүтэй хэмээн дүгнэж байлаа. Мэнни шиг хурдан хөдөлгөөнтэй боксчинтой Мейвэйз ер хэзээ ч таарч байсангүй. Тэгээд ч Ази тивээс төрсөн боксын цорын ганц жинхэнэ од Пакьяо хэзээ ч хэнээс ч айдаггүй, сэтгэлийн хөдөлгөөнөө хянах асар өндөр чадвартай, зөвхөн довтолж тоглодог гээд ялалтад хүрэх сайн чанарууд олонтой юм. Өчигдөр явагдсан жингийн хэмжилтээр филлипин залуу 65.77 кг байсан бол Флойдын жин 66.22 кг-ийг зааж байлаа. Жин хэмжих үйл ажиллагаа хориод минут үргэлжилсэн бөгөөд зөвхөн энэ үйлдлийг сонирхох гэж цэнгэлдэх дүүрэн хүн цугларч байсан юм. Спорттой их бага хэмжээгээр холбогдсон төрөл бүрийн хүмүүс санал бодлоо илэрхийлснээс тоймолбол Мэннигийн төлөө Руни, Тайсон, теннисчин Маррей, Рой Жонс зэрэг “томчууд” байгаа бол Флойдын төлөө Маркес, Мосли, Брэндин Ройс, Бэйкхем, снукерын од Силливан зэргүүд нь гараа өргөж байв.
Нийт шагналын сан 280 сая ам.доллар бөгөөд дэвжээнд гарсныхаа төлөө Флойд Мэйведер 180 сая ам.долларын эзэн болох бол Мэнни Пакьяо 100 сая ам.долларыг авч байна. WBC холбооноос шинэчлэн урласан нэг сая ам.долларын үнэ бүхий, гол хэсгийн логог алтаар бүрсэн, нийтдээ 3000 гаруй маргад эрдэнэ шигтгэсэн ялагчийн бүсэн дээр Флойд, Мэнни нарын зураг, мөн WBC-гийн экс ерөнхийлөгч Хосе Сулайман, боксын домог Мухаммад Али нарын зургийг сийлжээ.
Б.ХУЛАН
Их Британы хааны гэр бүлд бяцхан гүнж мэндэлжээ. Тус улсын хунтайж Уильямийн гэргий гүнж Кэйт Миддлтон өчигдөр буюу тавдугаар сарын 2-ны өдөр нярайлж 3.7 кг охинтой болсон байна. “BBC” агентлагийн мэдээлснээр гүнж хааны гэр бүлийн хувийн эмнэлэг болох “Сэти Мэри” эмнэлэгт бямба гаригийн өглөөний 8.34 цагт охиноо төрүүлжээ.
Кэнсингтоны ордны элч энэ талаар өчигдөр өглөө “Хатан хаан Элизабетболон Уэльсийн ханхүү Уильям, гүнгийн ахайтан Кэйт Мидллтон, бяцхан хунтайж Жорж нар гэр бүлийн шинэхэн гишүүнээ угтан авлаа. Хатан хааны гэр бүлд бяцхан гүнж мэндэллээ. Бидний гүнж урт удаан, аз жаргалтай амьдрах болтугай” хэмээн ард иргэддээ албан ёсоор мэдэгджээ. Эл баяртай мэдээг хүлээн авсан иргэд ордны гадна “Гүнж, гүнж” хэмээн уухайлан баярлаж байсан байна.
Ийнхүү ГүнУильям болон Гүнгийн ахайтан Кэйт Мидллтон нар хоёр дахь үрийнхээ зулай үнэрлэв. Их Британийн хатан хааны гэр бүлд хоёр жилийн өмнө буюу 2013 оны долдугаар сарын 22-нд ханхүү мэндэлж, гүнж Кэйт Миддлотон нуган үр төрүүлсэн билээ.
Ихэнх хүүхдүүд гэрийн даалгавраа эрт хийж дуусгаад тоглохыг хүсдэг. Харин Зуриел Одувел охин бусадтай адилгүй. Тэр мөрөөдөлдөө хүрэхийн тулд өглөө эртлэн босч камер, микрофоноо үүрээд гардаг. Бяцхан охины ажлын өдөр ингэж эхэлдэг ажээ.
Калифорнид төрсөн Зуриел охины эцэг Нигери, эх нь Маврики хүн юм байна. Магадгүй тэрээр манай дэлхийн залуухан найруулагч ч байж мэдэх юм. 12 настай бяцхан найруулагч маань одоогоор Африкийн асуудлыг хөндсөн дөрвөн баримтат кино хийгээд байна.
Охин хамгийн анх гурван жилийн өмнө Ганын хувьсгал сэдэвтэй баримтат киноны тэмцээнд оролцож энэ салбарт хөл тавьж байсан аж. Тэр үеэс хойш Зуриел кино хийх хүсэлдээ автан бүхнийг эхнээс нь суралцаж эхлэв. “Би киноныхоо зохиолыг өөрөө бичиж, найруулж, эвлүүлж бас продюссерлодог. Олон зүйлд суралцаж байна” хэмээн ярьжээ.
Зуриел өнгөрсөн онд “Ирээдүйтэй Африк” нэртэй баримтат киногоо гаргасан бөгөөд Африкийн таван улсыг төлөөлөл болгон бүтээлдээ тусгажээ. Тэрээр хамгийн түрүүнд аавынхаа төрсөн нутаг болох Нигерийг зорьсон байна.
Өсөх ирээдүйтэй залуу найруулагч одоогийн байдлаар 14 орны төрийн Тэргүүн болон бизнесийн салбар дахь алдартай хүмүүстэй ярилцлага хийгээд байгаа гэнэ. Түүний дотор Танзани, Либери, Кени, Өмнөд Судан, Нигери, Кабо-Верде улсын Ерөнхийлөгч багтсан юм. “Ирээдүйтэй Африк” баримтат киног Нигери, Гана, Өмнөд Африк, Их Британи, Япон гэсэн таван улсад өргөн дэлгэцээр гаргахаар болсон байна.
Охин киноныхоо тухайд “Хүмүүс баримтат киног минь үзсэнээр Африкт ганцхан дайн самуун, өлсгөлөн, халдварт өвчин биш олон эерэг өөрчлөлт шинээр бий болж эхэлснийг ойлгох болно. Африк тивд бидний мэдээгээр үздэгээс илүү сайхан зүйл бий гэдгийг харуулахыг хүссэн юм. Үүнд бүжиг, хөгжим, гайхамшигт соёл зэрэг олон зүйлс багтсан байгаа” гэжээ.
Түүний ээж Патрисиа компьютерийн инженерээр ажилладаг бол аав нь дөрвөн хүүхдээ дагуулан Африкаар явж, олон төрлийн үйл ажиллагаа зохион байгуулж байна. Тэрээр хүүхдүүддээ цаг гаргахын тулд аялал жуулчлалын ажлаасаа хэсэг хугацаанд чөлөө авчээ.
Зуриел уран бүтээлээ хийхийн сацуу боловсролдоо давхар анхаарсаар иржээ. Тэрээр саяхан Калифорнийн онлайн хичээлийн системийг ашиглан есдүгээр ангиа төгсчээ. Зуриел үеийнхнээсээ хоёр жилийн өмнө ахлах сургуулиа төгсөх юм байна. Үүнээс гадна “Dream up, Speak up, Stand up” төслийнхөө хүрээнд есөн орны 21 мянган хүүхэдтэй ярилцахаар төлөвлөжээ.
Гэтэл насандаа баймгүй өндөр хариуцлага үүрч яваа Зуриел охин дөнгөж 12 настай гээд боддоо…
Нобелийн энх тайвны шагналт, хүний эрхийн төлөө тэмцэгч Пакистан охин Малала Юсафзайг хөнөөхийг завдсан 10 этгээд шүүхээс ял сонссон байна.
Хэрэгт буруутгагдсан 10 хүнийг өнгөрсөн есдүгээр сард баривчилсан бөгөөд өнгөрсөн мягмар гаригт болсон шүүх хурлаас хэрэгтэн тус бүрт 25 жилийн хорих ял оноожээ. Охины амь насыг хороох тушаалыг Талибаны зэвсэгт дайчдын толгойлогч Муллах Фазлуллах өгсөн гэж Пакистаны албаны хүмүүс таамаглаж байна.
Малала хүний эрх тэр дундаа эмэгтэйчүүдийн сурах эрхийн төлөө тууштай тэмцсээр ирсэн билээ. Түүний энэхүү үйлдлийг хүчтэй эсэргүүцэгч зэвсэгт дайчид 2012 оны аравдугаар сард охиныг сургуулиасаа гарч явахад нь буудаж хүнд шархдуулсан боловч тэрээр азаар амьд үлдсэн юм.
Талибын алан хядагчдын заналхийллээс болж Малала охин Пакистанд эргэн очих боломжгүй болсон бөгөөд одоогоор Их Британийн Бирмингэм хотод гэр бүлийн хамт амьдарч байгаа билээ.
краины зүүн хязгаарт өнгөрсөн оны долоодугаар сард осолдсон Малайзын “МН17” онгоцны эрлийн ажлыг өнөөдрөөр дуусгавар болгожээ. Энэ тухай Голландын эрх баригчид мэдэгдсэн хэмээн “CNN” агентлаг уламжлав. Ослоор 280 зорчигч болон багийн 15 гишүүн амиа алдсан бөгөөд шинжээчид өнөөдрийг хүртэл хоёр хүнийг цогцсыг олж чадаагүй байгаа юм. Голландын шинжээчид ослын газар өчигдрийг хүртэл ажиллаж, зорчигчдын эд хэрэглэл болон сураггүй байгаа зорчигчдыг хайсан билээ. Голландын аврах багийг ахалсан, ахлах мэргэжилтэн Пиетэр Яп Алберсберг “Өнөөг хүртэл олдоогүй цогцсыг мэргэжилтнүүд бага насны хүүхдүүд байгаа хэмээн таамаглаж байгаа. Аврагчид болон сайн дурынхан үүргээ сайн гүйцэтгэсэн. Эрлийн ажил зогссон ч хэрэгтэнг хайх ажиллагаа дуусаагүй” гэжээ. Өнгөрсөн сараас цогцсуудын ДНК-г таних лабораторийн шинжилгээ эхэлсэн юм. Онгоц дэлбэрсэн учир цогцсуудыг хэн болохыг тогтоох боломжгүй байгаа билээ.