АНУ-ын Холбооны прокуророос Хятадын зургаан иргэнийг АНУ-ын технологийн компаниуд болох “Avago” болон “Skyworks”-ын мэдээллүүдийг хулгайлж зарж байна гэж сэжиглэн баривчилжээ. АНУ-ын Хууль зүйн хүрээлэнгээс уг сэжигтнүүдийг эдийн засгийн тагнуулын ажиллагаа явуулсан, наймаалцсан гэх мэт 32 зүйл ангиар буруутгаад байгаа аж. Прокуроруудын мэдэгдэж байгаагаар, энэ нь БНХАУ-ын өөрсдийн томоохон компаниудыг дэмжиж хүчирхэгжүүлэх урт хугацааны төлөвлөгөөний нэгээхэн хэсэг бололтой.
Тяньжины Их Сургуулийн профессор Хао Жанг “Avago” компанид инжинерээр ажиллаж байхдаа технологи хулгайлсан хэргээр тус тус баривчилжээ. Хоёр найз АНУ-д ажиллаж байхдаа гар утас, таблет болон GPD төхөөрөмжүүдэд ашиглагддаг хөндлөнгийн дуу шуугианыг алга болгодог технологийн талаар суралцаж байсан аж. Гэвч 2009 онд тус тусын ажлаа орхиж, Тяньжиньд их сургуульд багшлах болсон байна. АНУ-ын холбооныхон сэжигтнүүдийг Хятадын томоохон хулгайн технологи үйлдвэрлэгч “ROFS”-той хамтарсан гэж буруутгаж байгаа юм. Мөн дээрхи хоёроос гадна өөр дөрвөн иргэнийг уг хэрэгт холбоотойгоор шалгаж эхэлжээ. Хэрвээ тэднийг эдийн засгийн тагнуулын ажиллагаатай холбоотойг нь нотолвол 15 жил хорих ба 500.000 доллараар торгох аж.
Дэлхийн эрүүл мэндийн байгууллагын мэдээгээр, Эбола вирусын халдвар авсан хүний тоо Баруун Африкт 27 мянгад дөхөж очжээ. Тавдугаар сарын 13-наас хойш Эбола вирусийн өдөөсөн өвчний улмаас 52 хүн нас барж, 161 шин халдвар бүртгэгдсэн байна.
Люксембургийн Ерөнхий сайд удаан хугацаанд үерхсэн ижил хүйстэнтэйгээ гэрлэжээ. Тэрбээр өөрийгөө гей гэдгийг нуудаггүй юм. 
Иракийн засгийн газрын арми байршлаа орхин явсны дараа “Исламын улс” бүлэглэл Анбар мужийн нийслэл Эр-Рамади хотыг эзэлсэн байна. Иракийн цэргүүд Эр-Рамади хотыг хамгаалан исламын дайчидтай хэдэн өдөр ширүүн тулалдсаны эцэст ухарсан аж. “Исламын улс” бүлэглэлийнхэн Иракийн армийн наймдугаар бригадын цэргийн баазыг эзэлснээр танк, пуужингийн систем зэргийн олзолжээ. Эр-Рамади хотын төлөөх тулаанд өнгөрөн хоёр өдөрт 500 гаруй хүн амь үрэгдсэн байна. Ийнхүү Багдадын баруун хэсгээс Сирийн хил хүртэлх өргөн газар нутгийг хамарсан Анбар мужийн нийслэл исламистуудын гарт оржээ. 
Холливудын нэрт жүжигчин, НҮБ-ын элч Анжелина Жоли, түүний нөхөр жүжигчин Б.Питт хоёрыг мэдэхгүй хүн үгүй.Дүрвэгсдийн асуудалд нэлээд анхаарал хандуулан ажиллаж байгаа А.Жоли“Wirtschafts Woche” сэтгүүлд өөрийнхөө амьдрал, уран бүтээлийн талаар ярьсан байна. Холливудад амьдардаг тэрээр зэвсэгт мөргөлдөөн болж буй халуун цэгүүдэд байнга очиж дүрвэгсэдтэй уулзаж, найруулагчаар ажиллахын сацуу зургаан хүүхдүүд өсгөдөг билээ. 
Румыны хоёр бүсгүй галт тэрэгний дээр янзтай гоё селфи хийхээр төмөр замын өртөөнд очсон байна. Тэд галт тэрэгний дээвэр дээр гаран хэвтэж зургаа авч байтал нэг нь санамсаргүйгээр цахилгаан дамжуулах шугаманд хөлөө хүргэж орхиж. Бүсгүй ингээд 27 мняган вольтын хүчдэлд цохиулан шаатаж эхэлжээ. 
Жорж Бушийн дүү Жэб Буш Ерөнхийлөгчийн сонгуульд өрсөлдөнө АНУ-ын Флорида мужийн экс захирагч Жэб Буш Невада мужид хэвлэлийнхэнтэй чөлөөт ярилцлага хийсэн. Тэрбээр энэ үеэр 2016 оны Ерөнхийлөгчийн сонгуульд өрсөлдөхөөр бэлдэж буй тухайгаа ам алджээ. Сэтгүүлч түүнээс ах Жорж Бушаасаа ямар талаараа өөр вэ хэмээн асуухад Жэб Буш “Би 2016 оны Ерөнхийлөгчийн сонгуульд хүч үзнэ. Ялалт байгуулбал өндөр хурдтай, тогтвортой эдийн засгийн өсөлтийн төлөө, илүү олон хүнийг аз жаргалтай амьдруулахын төлөө ажиллана. Өмнөх Ерөнхийлөгчдөөс өөр байх болно” хэмээжээ. Гэхдээ тэрбээр 2016 оны сонгуульд өрсөлдөх эсэхээ бүрэн шийдээгүй гэдгээ илэрхийлсэн байна. 
Жэб Буш “Би сонгуульд өрсөлдөх талаараа олон хүнтэй зөвлөлдөх шаардлагатай. Тиймээс ч хурдан хугацаанд шийдвэр гаргах болно. Хүмүүс намайг дэмжиж байгаагаа илэрхийлсээр байна” гэжээ. “Нью-Йорк таймс” сонинд бичсэнээр 2016 оны Ерөнхийлөгчийн сонгуульд өрсөлдөхөө албан ёсоор зарлаагүй Жэб Буш сэтгүүлчидтэй уулзалт хийхдээ “хэрэв” гэх үгийг орхиж ярьсан байна. Тиймээс тэрбээр Висконсин мужийн захирагч Уокер, Нью-Жерси мужийн захирагч Кристи нарын хуурмаг багийг хуулав. Тэд улс төрийн үйл ажиллагааны комисс байгуулж, их хэмжээний хөрөнгө мөнгө цуглуулж, Америк даяар лекц уншин яваа атлаа өдгөөг хүртэл Ерөнхийлөгчийн сонгуульд нэр дэвшигч гэх дуудлагаас татгалзсаар байгаа хэмээн Нью-Йоркийн хэвлэлд онцолжээ.
АНУ-ын Пенсильвани мужийн Филадельфи хотод зорчигч тээврийн галт тэрэг замаасаа гарч осолдсон байна. Энэ үеэр таван хүн амь үрэгдэж, 50 хүн гэмтэж бэртсэнээс зургаагийнх нь биеийн байдал нэлээд хүн байгаа тухай мэдээллээ. Нью-Йоркоос Вашингтоныг зорьж явсан галт тэргэнд 240 хүн сууж 
Балбад өчигдөр Рихтерийн шаталбараар 7.3 магнитудын хүчтэй газар хөдөлсөн билээ. Хамгийн сүүлд авсан мэдээллээр үүний улмаас ойролцоогоор 65 хүн амь үрэгдэж, 2000 хүн гэмтэж бэртсэн байна. Балбын нийслэлийн оршин суугчид дахин газар хөдөлж магадгүй хэмээн болгоомжилж өнгөрсөн шөнийг гадаа өнгөрөөжээ. Өнөөдөр өглөөнөөс аврагчид нурангид дарагдсан хүмүүсийг аврах ажиллагааг эхлүүлсэн байна. 
Украины зүүн хязгаарт болсон хоёр том тулаанд Оросын 220 цэрэг амь үрэгдсэн хэмээн Москвагийн сөрөг хүчнийхэн мэдээлэв. Оросын 150 цэрэг өнгөрсөн наймдугаар сард Донецкийн Иловайскийн тулаанд амь үрэгдэж, дараа нь хоёрдугаар сарын Дебальцево хотын байлдаанд 70 орос цэрэг амь үрэгдсэн аж. Иловайскийн тулаанд амь үрэгдсэн цэргүүдийн ар гэрийнхэнд тус бүр нь хоёр сая рублийн нөхөн олговор өгсөн хэмээн мэдээлжээ. Оросын эдийн засагч Сергей Алексашенкогийн тооцоолсноор Украины зүүн хязгаарын бослогыг санхүүжүүлэхэд ОХУ 53 тэрбум рубль зарцуулсан гэнэ.