Мюнхен хотноо Их Долоогийн дээд хэмжээний уулзалтыг эсэргүцсэн цуглаан боллоо. Мюнхен хотын Цагдаагийн газраас мэдээлсэнээр түүнд 34 мянган оролцсон байна. Эсэргүүцлийн цуглаан “TTIP-г зогсоох, байгаль орчныг аврах, ядууралтай тэмцэх” гэсэн уриан дор болжээ. Мөн Их долоо дээд хэмжээний уулзалтын үеэр АНУ, Европын Холбоо хоёр худалдааны чөлөөт бүс байгуулах гэрээг байгуулах гэж байгааг жагсагчид эсэргүүцсэн байна.
Ю.Дэлгэр
БНСУ-д коронавируст халдварынлабораториор батлагдсан30 тохиолдол бүртгэгдэж, 2 хүн нас барсан байна. Үүнээс 27 тохиолдол нь анхны өвчтний гэр бүлийн гишүүд, эмнэлэгт хамт хэвтэн эмчлүүлсэн хүмүүс байна. Ойрын хавьтлын 1369 хүнийг илрүүлж, биеийн байдлыг хянаж байна.
Эх сурвалж: ДЭМБ
Балбын цагдаагийнхан хүчтэй газар хөдлөлтийн улмаас гэр оронгүй
гудамжинд үлдсэн эмэгтэйчүүд, хүүхдүүдэд жүдо зааж эхэлсэн тухай BBC
News мэдээлэв.
Майхант лагерьт амьдарч байгаа эмэгтэйчүүдийг хүчиндэх явдал газар авч
байгаа учраас эмэгтэйчүүд, хүүхдүүдэд жүдо зааж эхэлсэн гэж
Катмандугийн хөндийн цагдаагийн газрын орлогч дарга Тара Деви Тапа
(Tara Devi Thapa) мэдэгдэв.
Эмэгтэйчүүд, хүүхдүүдэд гар, хөлөөрөө цохих зэргийн жүдогийн үндсийг
зааж байгаа, одоохондоо өөрийгөө хамгаалах хичээлийг Балбын нийслэлд
зааж байгаа бөгөөд удалгүй орон даяар зааж эхлэх ажээ. Одоо Катмандугийн
майхант лагерьт 100 мянга орчим хүмүүс амьдарч байна.
Дөрөвдүгээр сарын 25-нд Балбад 7,9 магнитудтай газар хөдөлөлт болсон
бөгөөд түүний төв нь Катманду хотоос 82 км-ын зайтай байв. Хүчтэй газар
хөдлөлтийн тараа зуу орчим дагалдсан чичирхийлэл бүртгэгджээ. Энэ гамшиг
8000 гаруй хүний аминд хүрчээ.
Хятадын Хөх мөрөнд осолдсон 456 хүнтэй хөлөг онгоцонд амьд хүн үлдсэн
гэх найдлага тасарчээ. Өнөөдрийн байдлаар 29 хүний цогцосыг Хятадын
аврах албаныхан олсон бөгөөд хэн гэдэг нь тогтоогдоогүй байгаа аж.
Үүнээс үүдэн зорчигчдын ар гэрийнхэн бухимдан эсэргүүцэл зарлаад байна.
Ослоос 14 хүний амийг аварсан бөгөөд Хөх мөрөнд эрлийн баг ажиллуулж
зорчигчдын цогцосыг хайж байгаа аж. Аврах ажиллагааг Хятадын төрийн
зөвлөлийн ерөнхий сайд Ли Кэцян удирдан явуулж байгаа бөгөөд хөх мөрний
эрэгт жагссан иргэдийг шөнийн цагаар хориглосон бүс рүү нэвтрүүлэхгүйн
тулд цагдаа нар хүч нэмэн ажиллаж байна. Осолдсон хөлөг онгоц Наньжин
хотоос Чуньцин хүрэхээр аялж явжээ.
АНУ-ын “Doppler Labs” компани тусгай чихэвч болон ухаалаг утасны
аппликейшнээр дамжуулан орчин тойрны дууг тохируулж сонсох боломжтой
технологи бүтээжээ. Ингэснээр та хол байгаа чимээг хажууд байгаа юм
шигээ сайн сонсож эсвэл бүх зүйлийн чимээг аажуухан, бараг сонсохгүй
хэмжээнд ч аваачиж болох юм. Хэрвээ таныг барилгын ажлын чимээ залхааж
байвал та чихэвчээ зүүгээд тохируулахад л хангалттай. Мөн орчны шум,
машины сигнал, хүмүүсийн утсаар чанга ярих чимээ гэх мэт тээр болдог
олон чимээнүүдийг чихэвч болон аппликэйшний тусламжтайгаар
сонсогдохооргүй болгох боломжтой аж. Мөн хол сонсогдож буй зарим чимээг
илүү тод, ойртуулж сонсгодог байна. Чихэвчний гадна талд орчин тойрны
дууг таних микрофон байрлах бөгөөд таны сонсохыг хүсэхгүй байгаа чимээ,
сонсохыг хүсч байгаа чимээг таньж ялгах юм байна. Тоон дохио
боловсруулагч нь тэр чимээг тодорхой давтамжын тусламжтайгаар арилгадаг
аж. Одоогийн байдлаар чихэвч нь өргөн, зузаан хэлбэртэй учир удаан
хугацаанд зүүхэд чих өвдөж магадгүй бөгөөд компанийн зүгээс эцсийн
хувилбартаа нарийхан, чихэнд тохирсон хэлбэртэй гаргахаар төлөвлөж
байгаа гэжээ. Чихэвчний худалдаанд гарах үнэ нь 179 ам.доллар юм байна.
Тавдугаар сарын 29-нд болсон Олон улсын хөлбөмбөгийн холбоо буу
ФИФА-гийн 65-р Их хурлаас тус холбооны ерөнхийлөгчөөр сонгогдсон Йозеф
Блаттер өөрийн хүсэлтээр албан тушаалаасаа огцрохоор болсон талаар
өчигдөр /06.02/ мэдэгджээ.
Тэрбээр холбооны ерөнхийлөгчийн албан тушаалаа өгөх болсон шалтгаанаа
“Өнгөрсөн долоо хоногт болсон ФИФА-гийн ерөнхийлөгчийн сонгуульд
өрсөлдөхдөө би хөлбөмбөгийн төлөө дахин хүчин зүтгэх боломж надад үлдсэн
гэдэгт бүрэн итгэлтэй байсан. Гэхдээ ФИФА-гийн бүтцэд өөрчлөлт хэрэгтэй
гэж би бодлоо. Тиймээс энэ шийдвэрийг гаргаж, бүх эрх мэдлээ хүлээлгэн
өгөх шуурхай хурал зарлахаар боллоо” гэж тайлбарлажээ.
Дэлгэрэнгүй мэдээллийг удахгүй хүргэнэ.
Өмнөд Солонгост “MERS” нэртэй вирус тархжээ. “SARS” вирустэй төстэй уг ханиадны вирус ямар ч эмчилгээгүй байгаа аж. Өмнөд Солонгост энэ вирусаар өвчилсөн гэх сэжигтэй хэд хэдэн тохиолдсон илрээд байсан юм. Өчигдөр гэхэд уг вирусаар 58 настай эмэгтэй, 71 настай эрэгтэй нас барсан гэсэн мэдээллийг “BBC” дамжууллаа. Халдвар авсан үед өндөр халуурах, ханиалгах, загатнах зэрэг шинж тэмдэг илэрдэг байна. Энэ вирус гар болон амьсгалын зам, агаараар дамжин халдварладаг аж. Тиймээс ам болон гараа сайн угааж ариутгах, амны хаалт хэрэглэхийг Дэлхийн эрүүл мэндийн байгууллагаас анхааруулж байна. Монгол иргэдийн хувьд Өмнөд Солонгост олноор ажиллаж, амьдарч, зорчдог тул сонор, сэрэмжтэй байхыг холбогдох албаныхан сануулж байна.
“Microsoft” компани үйлдлийн системийнхээ дараагийн хувилбар болох “Windows 10”-ийг ирэх сарын 29-нд гаргах гэж байна. “Windows 7” болон “Windows 8.1”-ийг ашиглаж байгаа хэрэглэгчид “Windows 10” үйлдлийн системийг үнэгүй татаж авч хэрэглэх боломжтой аж. Нэг дор дэлхийн 190 оронд ашиглах боломжтойгоор нээлтээ хийнэ гэж компанийнхан мэдээлжээ. Долдугаар сарын 29-нөөс хойш худалдаалагдах “Microsoft”-ийн төхөөрөмжүүдэд энэ үйлдлийн системийг суулгасан байна. 2018 он гэхэд “Windows 10” үйлдлийн системийг дэлхий даяар нэг тэрбум төхөөрөмжид ашиглана гэж “Microsoft” компани тооцоолсон аж.
АНУ-ын Төрийн нарийн бичгийн дарга Жон Керри Францад Альпийн нуруунд дугуй унаж яваадтүнхээ хугалсан билээ. Түүнийг нисдэг тэргээр Швейцарьт эмнэлэгт авчири яаралтай тусламж үзүүлсэн юм. Харин өчигдөр Ж.Керри Бостонд очиж нисэх онгоцны буудлаас шууд эмнэлэгт очсон байна.
Ю.Дэлгэр
Хятадын Янцы буюу Хөх мөрөнд даваа гаригийн орой “Дорнын од” нэртэй хөлөг онгоц живсэн байна. “Синхуа”-гийн мэдээлснээр хөлөг онгоцонд 458 хүн зорчиж явжээ.
Хөлөг хүчтэй шуурганд дайрагдан богино хугацаанд живсэн гэж аврагдсан ахмад нь хэлжээ. Осолдсон онгоцонд багийн 47 гишүүн, 405 жуулчин, жуулчны агентлагийн таван ажилтан явсан аж. Одоогоор Хөх мөрөнд аврах ажиллагаа явагдаж байна. Бороо, хүчтэй салхи аврах ажиллагаанд хүндрэл учруулж байгаа гэнэ. 20 хүнийг аварсан гэх мэдээлэл байна.