Өмнөд Солонгост дэгдээд буй “MERS” буюу титэм вирусын халдвар авсан тохиолдол ойрын өдрүүдэд нэмж бүртгэгдээгүй юм байна. Вирусын гаралтай уг өвчнөөр нас барагсдын тоо 35 хэвээр, вирусын тархалт намжсан гэж тус улсын эрүүл мэндийн байгууллагаас мэдээлжээ. БНСУ-ын Засгийн газраас халдварыг цаашид нэмэгдүүлэхгүй байх талаар олон талт арга хэмжээг авч байгаа аж.
Category: гадаад
ОХУ-ын Дагестан улсын Каспийск хотод дэлхийн 5 удаагийн аварга
А.Алиевийн нэрэмжит 46 дахь удаагийн олон улсын уламжлалт тэмцээн
А.Алиевийн нэрэмжит Спортын ордонд болж өнгөрлөө. Тус тэмцээнд ОХУ-ын
бүрэлдэхүүний улсууд, Азербайжана, Беларусь, Гүрж, Казахстан, Латви,
Польш, Серб, Тажик, Узбек, Украин, Унгар зэрэг орнуудын 171 бөх
оролцжээ.
Жин тус бүрт түрүүлсэн бөхчүүдэд 5, хоёрдугаар байр эзлэсэн бөхчүүдэд
3, хүрэл медаль авсан бөхчүүдэд 1, түрүүлсэн бөхийн дасгалжуулагч нарт
тус бүр 1 мянган ам.долларын шагнал олгосон байна.
ДБНХ-ны Швейцар улсын Лозанн хот дахь төв байр нь байрладаг эртний
Корзте-сюр-Вевье шилтгээний гаднах цэцэрлэгт хүрээлэн дотор 2011 оны
зургаадугаар сард зөвлөлтийн нэрт бөх А.Алиевт зориулсан хөшөө босгосон
нь уг цэцэрлэгт хүрээлэн дотор барьсан анхны хөшөө болж байжээ.
57 кг
1. Исмаил Мусукаев (Дагестан)
2. Рустам Караханов (Москва)
3. Рамазан Ферзалиев (Дагестан)
3. Артас Санаа (Казахстан)
61 кг
1. Ахмед Чакаев (Дагестан)
2. Магомед Магомедов (Дагестан)
3. Рустам Абдурашидов (Дагестан)
3. Муршид Муталимов (Дагестан)
65 кг
1. Жошкун Азимов (Азербайджана)
2. Алибеггаджи Эмеев (Дагестан)
3. Магомед Курбаналиев (Дагестан)
3. Гажимурад Абакаров (Дагестан)
70 кг
1. Магомедхабиб Кадимагомедов (Дагестан)
2. Хабиб Магомедов (Дагестан)
3. Магомед Хизриев (Умард Осет)
3. Камал Маликов (Дагестан)
74 кг
1. Ахмед Гажимагомедов (Дагестан)
2. Якоб Макарашвили (Гүрж).
3. Кахабер Хубежты (Умард-Осет)
3. Жигер Закиров (Казахстан)
86 кг
1. Шамиль Кудиямагомедов (Дагестан)
2. Даурен Куруглиев (Дагестан)
3. Збигнев Борановский (Польш)
3. Адлет Даулумбаев (Казахстан)
97 кг.
1. Радослав Баран (Польш)
2. Магомед Мусаев (Киргиз)
3. Юрий Белоновский (Красноярск)
3. Магомедгаджи Нуров (Македони)
125 кг
1. Биляль Махов (Дагестан, дэлхийн 3 удаагийн аварга)
2. Мурадин Кушхов (Дагестан, европийн аварга)
3. Георгий Саканделизе (Гүрж)
3. Давид Модзманашвили (Гүрж, олимпийн мөнгөн медальт)\
Ойрхи Дорнодод хяналтаа тогтоохыг санаархаж буй хэт даврагч “Халифын вант улс” бүлэглэл ганцхан жилийн дотор 3000 хүн цаазалсан байна. Хэт даврагчид 10-18 насны 74 хүүхэд, 86 эмэгтэйг цаазалжээ. Зөвхөн цаазын ялаар 3000 хүнийг хороосон байна. Харин дайн тулаан, халдлагаар 10 мянга орчим хүний аминд хүрчээ.
НҮБ-ын ерөнхий нарийн бичгийн дарга Бан Ги Мүн хэт даврагчдад хандаж, гэмгүй иргэдийг хохироохгүй байхыг уриалж, “Нэг нэгнээ хайрлах нь хүний ёс. Бусдаас харгис байх нь ёс бус” гэж мэдэгджээ. Энэ долоо хоногт хэт даврагчид ижил хүйстэн гэх 19 залууг өндөр барилгаас шидэж цаазалжээ. Исламын шашнаас урвасан хэмээн 21 эмэгтэйг дүүжилсэн байна.
Нөгөөдөр Грект олон улсын санхүүгийн байгууллагаас тавьж буй шаардлагыг хүлээн авах асуудлаар бүх нийтийн санал асуулга болох юм. Үүнтэй холбогдуулан тус улсын Ерөнхий сайд А.Ципрас мэдэгдэл хийлээ. Европын Комисс болон ОУВС-гаас тавьж буй шаардлагыг хүлээн авахгүй хэмээн саналаа өгөхийг урилажээ. Тэгээд ч уг саналыг хүлээн авахгүй бол Грекийг еврогийн бүсээс гаргана гэсэн ярианд итгэхгүй байхыг анхааруулжээ.
Ю.Дэлгэр
Сүүлийн үед АНУ,Кубын харилцаа сайжирч байгаа билээ. Хоёр тал харилцан Элчин сайдын яамдуудаа нээхээр тохиролцсон тухай албан эх сурвалжууд мэдээллээ. Үүнтэй холбогдуулан Ерөнхийлөгч Б.Обама, Төрийн нарийн бичгийн дарга Ж.Керри, Кубын албан ёсны төлөөлөгчид энэ тухай мэдэгдэл хийх юм байна. АНУ-ын Төрийн Департамент нь Конгрессоор баталуулсанаас 15 хоногийн дотор ЭСЯ нээхээр ёстой юм. Хавана хотод болох АНУ-ын Элчин сайд яамны нээлтэд Төрийн нарийн бичгийн дарга Ж.Керри оролцохоор төлөвлөжээ.
Ю.Дэлгэр
Индонезид цэргийн тээврийн “Hercules” онгоц осолдсоны улмаас 140 гаруй хүн нас баржээ. С-130В маркийн “Hercules” онгоц нь Натун арлыг зорьж явсан бөгөөд Медан хотын нэгэн зочид буудал дээр унасан байна. Агаарт хөөрснөөсөө хэдхэн минутын дараа осодсон бөгөөд үүний өмнөхөн онгоцны нисгэгч техникийн асуудал гарсан тул газардах зөвшөөрөл хүсчээ. Онгоцонд 122 хүн сууж явсан байна.
АНУ-ын Ерөнхийлөгч Б.Обама дэлхийн нэртэй сэтгүүлч, телевизийн хөтлөгч Дэвид Аттенборогоос ярилцлага авсан байна. Америкийн төрийн тэргүүнийг түүнийг Цагаан ордонд урьж авчирсан аж. Дэвид Аттерборог хүндлэн дээдэлдэг гэдгээ хэлээд манай дэлхийн ирээдүйтэй холбоотой асуудлаар түүнтэй ярилцжээ.
Буддын шашны тэргүүн Далай лам Их Британийн Гластонбери хотноо болж буй рок хөгжмийн наадам оролцсон байна. Тэрээр оролцогсдод хандан тайзан дээрээс сургаал айлдахдаа хайр энэрэл, тэвчээр, бусдыг уучлах нь зөрчилдөөнийг арилгахад чухал болохыг онцолжээ. Далай лам ирэх долдугаар сарын 6-ны өдөр 80 нас хүрэх тул рок хөгжмийн наадам оролцогсод түүнд урьдчилан баяр хүргэж төрсөн өдрийн дуу дуулж өгсөн байна. Тэрээр ирэх ёсдүгээр сард буюу БНХАУ-ын дарга Их Британид айлчлахын өмнөхөн дахин Их Британид ирэх гэж байгаагаа хэлжээ.
Ю.Дэлгэр
Тайваны нийслэл Тайпей хотын Бали дүүрэгт байрлах соёл амралтын хүрээлэнгийн дэргэдэх “Formosa” хэмээх усан паркад гал гарч, 200 гаруй хүн түлэгдсэн тухай “CNN” агентлаг мэдээллээ. “Галын шалтгааныг тодруулаагүй байна” хэмээн Тайпей хотын Онцгой байдлын яамны хэвлэлийн төлөөлөгч мэдэгджээ.
Түймэрийн үеэр тус паркад 8000 орчим хүн байсан бөгөөд аврагчид шуурхай ажилласны үр дүнд ихэнх иргэдийг аварчээ. Бали дүүрэгт өчигдөр 20.00 цагт хэд хэдэн барилгат гал гарч, 87 хүн түлэгджээ.
Гал түймэртэй тэмцэх байгууллагын тэргүүн “Аврагчид галын шалтгааныг тодруулахаар ажиллаж байна. Бали дүүрэгт ойролцоогоор 1000 аврагч ажиллаж, гал түймрийг унтраахаар ажилаж байгаа. Бидний таамаглаж буйгаар усан паркад гарсан гал цахилгааны утастай холбоотой байж болзошгүй” гэж хэлжээ.
Иракийн хэт даврагч “Халифын вант улс” бүлэглэл Кувейтийн нийслэл Кувейт хотноо өчигдөр 14.00 цагийн үед халдлага үйлдсэн тухай “Ройтерс” агентлаг мэдээллээ. Халдлагын үеэр 27 хүн амиа алдаж, 15 хүн шархтсан тухай албаныхан мэдэгдэв.
Амиа золиослогч сүмийн гадна өөрийгөө дэлбэлсэн байна. Халдлага гарсан сүмд ойролцоогоор 57 хүн байсан хэмээн гэрчүүд ярьжээ.
Шархтсан хүмүүсийн биеийн байдал тун муу байгаа учир амиа алдагсдын тоо нэмэгдэж болзошгүйг албаныхан санууллаа. Халдлага Кувейт хотын зүүн хэсгийн Аль-Савабер дүүрэг дэх Имам Садик сүмд болсон байна. Энэхүү халдлагын дараа “Халифын вант улс” бүлэглэл мэдэгдэл хийж, сүмийн халдлагыг зохион байгуулснаа мэдэгдсэн аж. Кувейт хотын захирагч Табет аль Муханна нийслэл хотноо хөл хорио тогтоох шийдвэр гаргасан байна. Тэрбээр “Хэт даврагчдад заавал хариуг нь барих болно. Харамсалтайгаар амиа алдасан иргэдийнхээ амийг нэхэхээ мэдэгдэж байна” гэж хэлжээ.