Рэп дуучин Снуп Догг Италийн хилээр 422 мянган ам.долларыг бэлнээр авч гарахыг завдсан байна. Тэрээр мөнгөө “Louis Vuittion” брэндийн цүнхэнд хийсэн байсныг цагдаа нар илрүүлжээ. Дуучин Их Британи руу хувийн онгоцоор нисэх гэж байсан бөгөөд гаалийн ажилтнууд мөнгөний талыг нь эргүүлэн өгч үлдсэн хэсгийг нь хураасан байна.
Хуульд зааснаар Европын Холбооны гишүүн орнуудын хооронд зорчихдоо 10 мянган еврогоос илүү мөнгө бэлнээр авч явахыг хориглодог аж. Дээр дурдсанаас илүү ихийг авч яваа тохиолдолд урьдчилан мэдэгдсэн байх ёстой. Рэп дуучны өмгөөлөгч нь үүнтэй холбогдуулан мэдэгдэл хийхдээ Европын орнуудаар хийсэн аялан тоглолтоос олсон орлого байсан гэжээ. Снуп Догг нь АНУ-ын баруун эргийн бүс нутагт нэлээд алдартай рэп дуучин юм.
Америкийн тагнуулын алба Японы Ерөнхий сайд Шинзо Абэ болон тус улсын томоохон корпорациудын удирдлагыг чагнаж тагнасан байна. Үүнтэй холбогдуулан Японы тал АНУ-д асуулга тавих гэнэ. Энэ тухай Японы Засгийн газрын танхимын нарийн бичгийн дарга Ёсихидо Суга мэдэгдэл хийхдээ “Энэ нь үнэн бол үнэхээр харамсалтай байна. Бид эсэргүүцэл илэрхийлэх ёстой. Гэхдээ Японы Засгийн газар эхлээд энэ мэдээллийг шалгана” гэжээ.
Малайзийн нийслэл Куала Лумпурт болж буй Олон улсын олимпийн хорооны (ОУОХ) чуулганаар 2011 онд тусгаар тогтнолоо зарласан Өмнөд Судан улсыг Олон улсын олимпийн хөдөлгөөний хамгийн отгон гишүүнээр бүртгэв. Ийнхүү ОУОХ нийт 206 гишүүнтэй боллоо.
Балбад их хэмжээний бороо орж, хоёр тосгонд хөрсний нуранги үүссэнээс 20 гаруй хүн амь насаа алджээ. Мөн хэдэн арван хүн сураггүй болсон тул амь насаа алдсан хүний тоо нэмэгдэх бололтой. Балбад энэ онд хоёр удаа хүчтэй газар хөдлөлт болж, 9000 гаруй хүн амь насаа алдсан билээ. Энэ гамшгийн үеэр уул толгодын энгэрийн хөрс тогтворгүй болж, зургадугаар сараас есдүгээр сарын хооронд үргэлжилдэг борооны улирлын үеэр хөрсний нуранги үүсэх эрсдлийг улам нэмэгдүүлснийг мэргэжилтнүүд өгүүлжээ.
Хятадын шоронд хоригдож буй Колумбын иргэн, 22 настай Жулиана Лопез цаазаар авах ял сонссон байна. Телевизийн од, загвар өмсөгч, хөлбөмбөгч гэдгээрээ Колумб улсад алдартай Лопез бүсгүй лаптопдоо уут дүүрэн хар тамхи хийж яваад баригджээ.
Туркийн Пюгедон компани хаягдал шил лаазыг дахин боловсруулж нохойн хоол болгох анхны ухаалаг машиныг бүтээжээ. Ийм төрлийн машиныг Истанбулд байрлуулжээ.
Дэлхийн хүн амын тоо энэ зууны сүүлчээр 11,2 тэрбум болно гэж НҮБ-ын Хүн ам зайн илтгэлд өгүүлжээ. Энэ үзүүлэлт 2030 онд 8,5 тэрбум, 2050 онд 9,7 тэрбум болох гэнэ. Одоо дэлхийн хүн ам 7,3 тэрбум байна гэж 
Энэтхэгийн далай дахь Францын Реюньон арал руу Малайзи шинжээчдийг яаралтай илгээв. Арлын хавиас өнгөрсөн онд сураггүй болсон Boeing 777 онгоцных байж болох далавчны хэсэг олджээ. Реюньон арал руу мэргэжилтнүүдийг илгээснээ Вашингтонд айлчилж байгаа Малайзийн Тээврийн сайд Лиоу Тионг Лай мэдэгджээ. Тэрээр далайгаас олдсон онгоцны сэг нь чухам юуных гэдгийг хурдан тогтооно гэсэн найдлагатай байгаагаа хэлжээ. Лхагва гаригт уг олдворын зургийг судалсан АНУ-ын нисэхийн удирдлагын төлөөлөгч далавчны хэсэг нь Малайзийн өнгөрсөн онд сураггүй болсон онгоцных байж магадгүй гэсэн таамгийг дэвшүүлжээ. Далайн давалгаагаар эрэгт хаягдсан хэсэг нь Boeing 777 онгоцны далавчны флаперон эсвэл элерон бололтой.
Виталий Чуркин
Афганистанд хуримын үдэшлэг дээр буудалцаан болсны улмаас 20 хүний амь үрэгдсэн талаар “Синьхуа” агентлаг мэдээллэв. “Десал дүүргийн тосгонд зохион байгуулагдсан хуримын үдэшлэг дээр байшинд байсан залуус хоорондоо буудалцсан. Энэ хэрэг явдал шөнө дунд болсон” хэмээн орон нутгийн цагдаагийн төлөөлөгч ярьжээ. Хууль сахиулагчдын хэлснээр, нутгийн залуус буудуулсны улмаас газар дээрээ нас барсан байна.