Category: гадаад

Испанийн эрдэмтдийн буй болгосон
залуужуулах үрлийн талаар олон орны эрдэмтэд хэлэлцүүлэг өрнүүлж эхлэв.
Испанийн эрдэмтдийн бүтээсэн энэхүү эм хүний насыг 135 жил болгон
уртасгаж чадах юм. Одоогоор эрдэмтэд энэхүү эмийг хулгана дээр туршиж,
65 хувийн амжилттай байгаа гэжээ. Гайхамшигт эмийг Овьедо их сургуулийн
анагаахын салбарын эрдэмтэд тун санамсаргүйгээр бүтээсэн байна. Тэд
хүнийг маш хурдан хөгшрөлд хүргэдэг ховор төрлийн өвчнийг судалж байхдаа
хулгана дээр эсийн уураг хаагч хоёр молекулийн үйл ажиллагааг
зохицуулах эмийг туршиж үзсэн байна. Гэтэл энэхүү эмийн нөлөө нь
гайхамшигтай үр дүн үзүүлсэн гэнэ. Өөрөөр хэлбэл зөвхөн эсийн
хөгшрөлтийг зогсоогоод зогсохгүй зарим эсийг сэргээж байсан аж.
Судалгааны дүнг “Nature Cell Biology” сэтгүүлд хэвлэсэн байна. Тиймээс
эрдэмтэд өнөөдөр “залуужуулах үрэл” бүтээх ажилдаа оров.

Тэдний хэлснээр ганц хоёрхон судалгааны
дараа энэ эм бэлэн болж худалдаанд гарч чадах гэнэ. Юуны өмнө судлаачид
хөгшрөлтийн процессыг хариуцдаг бие махбодийн эсийг уураг
ялгаруулагчаас ялгахаар оролдож эхэлсэн гэнэ. “Бид энэ өвчний талаар
судалж байхдаа хулганад ч энэ шинж тэмдэг илэрдэг учраас судалгаа хийхэд
тун тохиромжтой юм хэмээн үзсэн. Туршилтын энэ боломж нь онолын хувьд
бидэнд эмнэлзүйн туршилт хийх үндэслэл болж чадсан.”хэмээн судалгааны
багийн ахлагч Фернандо Гарсия Осорио хэлэв. Өмнө нь эрдэмтэд хорт
хавдрын эсийн хөгжлийн механизмыг зогсоох төсөл дээр ажиллаж байсан юм.
Тэд хорт хавдар нь хүний уургийн сүлжээ гэмтсэний улмаас идэвхждэг гэсэн
судалгаа гаргаж байсан юм.

Холливудын нэрт жүжигчин Женнифер Анистон жүжигчин, найруулагч
Жастин Терутай гэр бүл болжээ. Хуримын ёслол Ж.Анистоны Лос-Анжелес хотын
Бель-Айр дүүрэгт орших харшид болсон байна. Хосуудын хамаатан садан, дотно найз
нөхөд гээд 74 хүн цайллаганд уригджээ. Тэд хэвлэл мэдээллийнхнээс энэ бүхнээ
нуух гэсэн боловч чадсангүй, гэрэл зурагчид хэд хэдэн зураг дарж амжсан байна.

Хойд Солонгосын эрх баригчид өөрийн цагийн бүстэй
болж, одоо хэрэгжиж байгаа цагаа 30 минутаар ухраах болсноо зарласан байна. Одоогоор Хойд, Өмнөд Солонгос,
Япон улсууд нь нэг цагийн бүсэд буюу GMT+9 (Гринвичийн цагаас 9 цагийн урд)
гэсэн цагийн бүсэд байдаг юм. Гэхдээ
энэ цагийн бүсийг хоёр Солонгос нэгдмэл, Японы бүрэлдэхүүнд байх үед (1910-1945
он) шийдэж байж. Хойд Солонгочууд ийнхүү “Пьёньяны цаг” гэсэн өөрийн шинэ
бүстэй болсноор Японы колончлолын үеэс өвлөж үлдсэн ёсоос салж байгаагаа давхар
харуулж байгаа гэнэ. Шинэ
цагийн бүс наймдугаар сарын 15-наас буюу Солонгосыг Японы колончлолоос
чөлөөлсний 70 жилийн ойн өдрөөс хэрэгжиж эхэлнэ.

Өвөрмонголд хүчтэй аадар бороо орж, мөндөр буусны улмаас хамгийн багадаа 10 сая ам.долларын хохирол
учирч, 6 хүн амь үрэгдэж, 43 мянган хүн гэмтэж бэртсэн талаар “Чайна Ньюс”-т мэдээллэжээ. Орон
нутгийн эрх баригчид аадрын улмаас гамшиг болсон бүс нутгаас 200 орчим
хүнийг нүүлгэн шилжүүлсэн байна. Мөн мөндөр 8 га гаруй тариаланг сүйтгэснээс 3 орчим га нь үр тарианы тариалан байсан аж. Одоогийн байдлаар Өвөр
Монголд аврах үйл ажиллагаа явуулж тусламж хэрэгтэй байгаа хүмүүст хүрч
ажиллаж байгаа аж.

АНУ-ын Теннесси муж дахь “Nashville” кино театрт холливуудын нэрт жүжигчин Чарлез Терон, Том Харди нарын хамтран тоглосон “Mad Max” киноны үеэр нүүрээ халхалсан гэмт этгээд халдлага үйлдсэн тухай “www.dailymail.co.uk” мэдээллээ. Гэмт этгээд киноны үеэр үзэгчид рүү гал нээсэн байна. Халдлагын үеэр гурван хүн шархтжээ. Тэднийг эмнэлэгт хүргэсэн бөгөөд 58 настай эмэгтэйн биеийн байдал муу байгаа гэнэ. Гэмт этгээд үзэгчид рүү буудсаныхаа дараа хэргийн газраас зугтаасан аж. Цагдаа нар гэмт этгээдийг кино театраас 100 метрийн цаана толгой руу нь буудаж аюулгүй болгожээ.

Түүнийг Эдвард гэдэг бөгөөд 29 настай, тодорхой эрхэлсэн ажилгүй, хэд хэдэн удаа гэмт хэрэгт холбогдож, саатуулагдаж байжээ. Цагдаагийнхан гэмт этгээдийн гэр болон байнга очдог кафед шалгалт явуулж байгаа гэнэ. “Залуугийн цахим сүлжээг шалгахад эртнээс халдлага үйлдэхээр төлөвлөж байсан нь тогтоогдсон” хэмээн Теннесси мужийн захирагч хэлжээ

Уржигдар
Вашингтон хотын төв дэх Ж.Кеннедигийн нэрэмжит урлагийн төвийн хажууханд үл таних
этгээд гал нээсэн байна. Цагдаагийн газраас мэдээлснээр тус төвийн хажууханд зогсч
байсан машинаас буудсан аж. Хэргийн газраас гар буу олдсон байна. Гэрчүүдийн мэдүүлснээр
машинд байсан хүмүүс хоорондоо муудалцаж бие бие рүүгээ гал нээжээ. Хууль сахиулах
байгууллагынхан гал нээсэн байж магадгүй хэмээн сэжиглэж байгаа хүнийг саатуулсан
тухай мэдээллээ.

Энэтхэгийн
Махдья-Прадеш мужийн нэгэн гүүрэн дээр хоёр галт тэрэг мөргөлдөж ус руу унасан байна.
Эх сурвалжуудын мэдээлж байгаагаар 10-15 вагон голд живсэн аж. Үүний улмаас ойролцоогоор
32 хүн амь үрэгдэж, таван хүн сураггүй болоод байна. Аврах ажиллагааг удирдан явуулж
буй мужийн Цагдаагийн газраас мэдээлснээр 40 гаруй хүн гэмтэж эмнэлэгт хүргэгджээ.
Осол шөнө гарсан тул аврах ажиллагаанд нэлээд бэрхшээл учирсан байна.

БНСУ-ын хэвлэлүүд өчигдөр Их Хурлын гишүүн Шим Ханг Бук хүчингийн хэрэгт холбогдон шалгагдаж байгаа талаар мэдээллэжээ. Шим Ханг Бук нь өнгөрсөн долоо хоногт нэгэн бүсгүйг зочид буудалд дуудан хүч хэрэглэсэн хэмээн хохирогч бүсгүй цагдаагийн газар мэдээллэснээр уг хэрэг шалгагдаж эхэлсэн талаар “Ёнхап” мэдээллэсэн байна.

Гишүүн Шим нь сайхь бүсгүйд 300 мянган вон өгсөн нь батлагдаж, түүний зочид буудалд орж буй, удалгүй хохирогч бүсгүй түүний амарч буй өрөөнд орж буй бичлэгийг цагдаагийнхан нотолгоо болгон бүрдүүлжээ.

Дээрх байдалтай холбогдуулан Их Хурлын Шим Ханг Бук нийт иргэдээсээ уучлалт гуйжээ. Тэрээр “Би намынхаа үйл ажиллагаа, нэр төрд бараан толбо үлдээж байгаадаа маш их харамсаж байна. Би цаашид Сенүри намын гишүүн байх эрхгүй тул намаасаа сайн дураараа гарлаа” гэж мэдэгдсэн байна.

Түүнийг дээрх хэрэгт холбогдсон даруй Сенүри намын гишүүд “Их Хурлын гишүүн хүн гэр бүлээсээ гадуур харьцаа үүсгэх нь байж боломгүй явдал юм. Их Хурлын гишүүн хүн, хувийн харьцаа үүсгэх зорилгоор зочид буудлын хаалга татсан бол түүний гишүүний эрхийг цуцлах хэрэгтэй” гэж мэдэгджээ.

Пуэрто-Рикогийн эрх баригчид энэ сарын 1-ний өдөр олон улсын зээлдүүлэгчдэд 58 сая ам.долларын зээлээ эргэн төлөх байсан ч өнөөдрийн байдлаар зөвхөн хагас сая ам.долларыг шилжүүлжээ. Тус улс 2006 оноос хойш эдийн засгийн хүнд байдалд орж эхэлсэн бөгөөд одоогийн байдлаар олон улсын зээлдүүлэгчдэд 72 тэрбум ам.долларын өртэй юм байна. Пуэрто-Рикогийн улсын өр сүүлийн 10 жилийн дотор хоёр дахин нэмэгдэж, ДНБ-ийнх нь 93 хувьтай тэнцэж байгаа юм.

Дэлхийн зах зээл дээр газрын тосн үнэ буурсаар байна. Ираны эсрэг хоригийг хүчингүй болгож тус улс нь гнефть олборлолтоо нэмэгдүүлж эхэлсэнээс хойш Нью-Йорк болон Лондон хөрөнгийн бирж дээр газрынг тосны үнэ 0.67 хувиар буурчээ. Ийнүү нэг баррель нефть 51.86 ам.доллараар зарагдах болжээ. Зарим мэргэжилтнүүдийн ярьснаар хэрвээ Иран олборлолтоо нэмэгдүүлэх юм бол газрын тосны үнэ улам унах гэнэ.