Австрали улсын шинэ ерөнхий сайд Малколм Турнбулл хилийн чанад дахь асуудлуудад юун түрүүнд анхаарал хандуулна гэдгээ мэдэгдлээ. Үүний хүрээнд өмнөд Хятадын тэнгис дэх нөхцөл байдалд урьдынхаасаа илүү нөлөөтэй оролцож, бүс нутгийн орнуудын тэнгисийн маргааныг аль болох энхийн замаар шийдвэрлэхийг оролдох гэнэ.
“Хятад улс өмнөд тэнгист цэрэг, дайны зориулалтаар хөгжүүлэлт явуулахаа азнах хэрэгтэй” гэж шинэ сонгогдсон ерөнхий сайд өгүүлсэн байна.
Хятад улс сүүлийн жилүүдэд өмнөд тэнгис орчимд хиймэл арлууд байгуулж, үүн дээр усан флотын хүчирхэг анги, нэгтгэлүүд байрлуулах болсон нь хөрш зэргэлдээ орнуудын болгоомжлол, дургүйцлийг хүргэж байгаа. Хэрэв энэ асуудалд Австрали оролцвол Хятадын түрэмгий гэгдээд буй бодлогод хязгаарлалт тавьж чадна гэж ажиглагчид үзсэн юм. Учир нь Австрали бол Хятадын хамгийн том худалдааны түншүүдийн нэг билээ.
Турнбулл энэ асуудлаар “Би АНУ-Австрали-Хятад тэргүүтэй орнуудын худалдааны балансыг тогтвортой барих бодлогыг хэрэгжүүлэхээр хичээх болно. Хятад улсын дипломат нөхөрлөл бүс нутгууддаа үргэлж зөв алхам хийхэд хүчин нөлөө болж ирсэн” гэж Турнбулл ярьсан байна.
Энэ долоо хоногийн эхээр Марк Зукерберг “dislike” товч, гэхдээ утга нь өөр байхаар нэвтрүүлэх гэж бэлдэж байгаагаа зарласан. Тэгвэл тус компаний 2014 оны 12 дугаар сарын 23-нд авсан патент уг товчийг хэрхэн шийдэхийг харуулж байж магадгүй байна.
Олон улсын олимпын
АНУ-ын энтертайнмент фирм алдарт дуучны 3D зургуудыг бүтээж, тэдгээрээс бүрдсэн холограм хийж байна. “Hologram USA” компани Уитни Хьюстоны холограм бүтээх эрхээ патентжуулсан зохион бүтээгчид энэхүү бүтээлүүдээ 2016 онд дэлхий дахинтай танилцуулах аж. “Амьд холограмын хувьд уулзалтанд дүрсийг дамжуулахад тусгай камер, ногоон өнгийн дэлгэц л хэрэгтэй. Харин амьгүй биеийг холограм болгоно гэдэг асар их хүч хөдөлмөр, хөрөнгө зарцуулах ажил” гэж “Hologram USA”-ийнхэн ярьсан байна.
Хойд Солонгос ирэх аравдугаар сард болох коммунист намын баярын ойгоор хиймэл дагуулын пуужингууд хөөргөхөөр зэхжээ. Хойд Солонгосын “Хөдөлмөрийн нам” үүсгэн байгуулагдсаны 70 жилийн ойг ирэх аравдугаар сард тэмдэглэх аж. Баяраар хиймэл дагуул ачсан алсын тусгалтай пуужингуудыг хөөргөхөөр бэлтгэлээ хангасан хэмээн Хойд Солонгосын албаныхан мэдээлжээ. Тэд цаг агаарыг ажиглах сансрын хиймэл дагуулыг хөөргөхөөр бэлтгэсэн байна. Энэ тухай “KCNA” агентлаг мэдээлэхдээ “Энхийн зорилгоор сансрын технологи хөгжүүлэх нь тусгаар улсын хууль ёсны эрх. Хойд Солонгос энэ эрхээ эдлэхэд бусад улс юу гэх нь хамаагүй” хэмээжээ.
АНУ-ын Засгийн газар Иракийн хэт даврагч “Халифын вант улс” бүлэглэлийг химийн зэвсэг ашиглаж, Ойрхи Дорнодыг заналхийлж байна гэж буруутгасан байна. “Энэхүү мэдээллийг Сирийн Засгийн газарт ажилладаг нэрээ нууцалсан гэрч мэдээлсэн” хэмээн АНУ-ын Засгийн газрын хэвлэлийн албанаас “ВВС” агентлагт уламжилжээ. Хэт даврагчид Ирак, Сири улсад халдлага үйлдэх үеэрээ бактерлогийн зэвсэг ашигласан байна. Тус улсуудад болсон сүүлийн дөрвөн халдлагын үеэр хэт даврагчид иргэдийн эсрэг химийн зэвсэг ашигласан хэмээн албаныхан батлав. Сирийн удирдлагууд энэхүү мэдээллийг бататгаж, хэт даврагчид химийн зэвсэг ашиглаж буй эсэхийг тогтоохыг НҮБ-ын химийн мэргэжилтнүүдээс хүсчээ.
Аль-Каида бүлэглэл ISIS буюу Исламын улсын эсрэг дайн зарлаж буйгаа мэдэгдлээ. Хэдхэн хоногийн өмнө Аль-Каидагийн удирдагч Айман аль-Завахиригийн шинэ аудио бичлэг ил болсон байна. Тэрээр уг бичлэгтээ Исламын улсын толгойлогч Абу Бакр аль-Багдадиг үймээн самуунд турхирагч хэмээн шүүмжилжээ. Мөн Абу Бакр аль-Багдади өөрийгөө исламын шашинтнуудын удирдагч, “халиф” хэмээн өргөмжилснийг тэрээр найцаасан байна.
Засгийн эрхийг баригч хүчин Ардын нам (PAP) Сингапур улсын парламентын сонгуульд 70 хувийн үнэмлэхүй ялалт байгууллаа. Сингапур 1965 онд тусгаар тогтнолоо олсноос хойш сонгууль бүрт ялалт байгуулж ирсэн Ардын нам ийнхүү парламентад 83-89 суудал өөрийн болгоод байгаа юм.
Твиттерийн хятад хуулбар гэгддэг “Weibo”-д 2.5 сая дагагчтай Гуо Мей бүсгүй шүүхээс таван жилийн хорих ялаар шийтгүүлсэн тухай “www.dailymail.co.uk” мэдээллээ.