Category: гадаад

Цар тахлын үр дагавар, инфляц, мөнгөний бодлогын чангаралт, түүнчлэн Украины дайн зэрэг нь Олон улсын валютын санг /ОУВС/ энэ оны дэлхийн эдийн засгийн өсөлтийн талаарх таамаглалаа 3.2 хувь, ирэх жилийнхийг 2.9 хувь болгон бууруулахад хүргэжээ. ОХУ-аас Европ руу хийн нийлүүлэлт бүрэн зогсож болзошгүй байгааг шинжээчид эрсдэлийн нэмэлт хүчин зүйлээр нэрлэж байна.

ОУВС-гийн судалгааны газрын захирал Пьер-Оливье Гуринча Вашингтон хотноо сэтгүүлчдэд тайлангаа танилцуулахдаа, “Дөрөвдүгээр сард бидний ярьж байсан аюул биеллээ олж байгааг бид харж байна” гэж мэдэгдлээ.

Түүний хэлснээр, цар тахлын үр дагавраас сэргэж амжаагүй байгаа дэлхийн эдийн засаг өндөр инфляц, ялангуяа АНУ болон Европын тэргүүлэх орнуудын мөнгөний бодлогын чангаралт, Хятадын эдийн засгийн удаашрал, түүнчлэн Украины дайн зэрэг хэд хэдэн цочролыг нэг дор мэдэрч байна.

“ОХУ Европ руу хий нийлүүлэхээ бүрэн зогсоож болзошгүй байгаа нь эрсдэлийн нэмэлт хүчин зүйл болж байна. Өнөөдрийн таамаг дөрөвдүгээр сарынхаас илүү бүрхэг харагдаж байна” гэж Гуринча мэдэгджээ.

“Дэлхий дахин удахгүй дэлхий нийтийг хамарсан эдийн засгийн хямралын ирмэгт ирж магадгүй. Энэ оны хоёрдугаар улиралд дэлхийн үйлдвэрлэл буурсан нь юуны түрүүнд Хятад, Оросын уналттай холбоотой. АНУ-д хэрэглэгчдийн идэвхжил хүлээгдэж байснаас доогуур байв” гэж тэрбээр хэлсэн байна.

Японы ерөнхий сайд асан Шинзо Абэгийн гэргий Акиэ Абэ автомашины осолд оржээ.

Тодруулбал, өчигдөр буюу долдугаар сарын 25-ны өдөр Токио хотын Чиёода тойрогт өглөөний 8 цагийн орчимд Акиэ Абэг хамгаалж явсан цагдаагийн машин түүний машины араас мөргөжээ.

Тэгвэл Акиэ Абэгийн автомашиныг мөргөсөн цагдаагийн түрүүч мэдээлэл өгөхдөө “Ямар нэгэн зорилготой мөргөөгүй. Тойргоор эргэх гэж байгаад гаргасан санамсаргүй алдаа” хэмээжээ. Нийслэл Токио хотын цагдаагийн газраас энэ төрлийн осол дахин гарахаас сэргийлж, сургалт, судалгаа хийж, урьдчилан сэргийлэхэд анхаарч ажиллах талаараа мэдэгдээд байна.

НҮБ-ын Аюулгүйн Зөвлөл /АЗ/ долоодугаар сарын 29-нд Украины асуудлаар хуралдана гэж АЗ-ийн долоодугаар сарын өргөтгөсөн нэмэлт ажлын хөтөлбөрт дурджээ.

Энэ удаагийн хурлаар долоодугаар сарын 22-нд Истанбул хотноо хүрсэн Украины үр тариа, мөн Оросын хүнсний бүтээгдэхүүн, бордооны экспортын талаарх хэлэлцээрийн хэрэгжилтийг хэлэлцэх төлөвтэй байна.

Долоодугаар сарын 22-нд Истанбулд Туркийн Ерөнхийлөгч Режеп Тайип Эрдоган, НҮБ-ын Ерөнхий нарийн бичгийн дарга Антониу Гутерриш нарыг байлцуулан Украины боомтуудаас үр тариаг аюулгүй тээвэрлэх тухай хэлэлцээрт гарын үсэг зурсан билээ. Уг баримт бичигт Украин, ОХУ, НҮБ, Туркийн төлөөлөгчид гарын үсэг зурсан юм.

Францад ган гачиг улам бүр газар авч байгаа бөгөөд ням гаригт тус улсын 88 мужид усны хэрэглээнд хязгаарлалт тогтоожээ.

“BFMTV” сувгаар мэдээлснээр, өдрийн цагаар цэцэрлэг, зүлэг услахыг хориглож, хүн амд боломжтой бол усаа хэмнэхийг, ялангуяа усан сангаа дүүргэхгүй байхыг уриалж байна.

Хэдийгээр улс орон үндсэндээ бүхэлдээ ган гачигт өртсөн ч Пеи-де-ла-Луар, Пуату-Шаранта бүс нутгууд илүү их нэрвэгдээд байна гэж тус суваг онцолжээ.

Хэдэн долоо хоног үргэлжилсэн ер бусын хуурай, халуун цаг агаар болон өнгөрсөн өвөл хур тунадас бага унасны улмаас усны нөөцийг нөхөж гүйцээх боломжгүй болсон гэж “BFMTV” тайлбарлав.

Ойрын өдрүүдэд нөхцөл байдал сайжрах найдвар бага байгаа бөгөөд цаг уурын мэдээгээр Пиреней, Альпийн нуруунаас бусад газруудад ирэх долоо хоногт бороо орох төлөвгүй байна гэж тус суваг мэдээлжээ.

Францын эх газрын нутаг дэвсгэр 96 мужид хуваагддаг байна.

Энэтхэгийн Пунжаб мужийн захирагч Багвант Манн бусдадаа ариун голыг усыг цэвэр гэдгийг харуулахын тулд уснаас нь уусан ч хордож, эмнэлэгт хүргэгджээ. Тус улсын дөрвөн муж 80 гаруй тосгон, зургаан хот дамжин урсдаг, ариун гэгддэг Кали Бейн гол нь 100 гаруй миль урсдаг аж.

Энэ сарын эхээр Багвант Манн тус голын усыг цэвэршүүлж эхэлсний 22 жилийн ойг тохиолдуулан голын уснаас нэг аягыг уусан аж. Гэвч ердөө хоёр хоногийн дараа түүний гэдэс хүчтэй өвдөж, гэрээсээ шууд эмнэлэг рүү хүргэгджээ. Манн онгоцоор Дели хотын Индрапраста Аполло эмнэлэгт хүргэсэн бөгөөд өнгөрөгч Пүрэв гаригт шинжилгээ өгч, эмнэлгээс гарчээ.