Category: энтертаймент-ертөнц

Categories
мэдээ энтертаймент-ертөнц

Энэ хавар, зуны тренд болох 6 өнгө || DNN.mn

Энэ оны хавар, зуны улиралд таны анхааралдаа авах хэрэгтэй гол өнгөнүүдийг нэгтгэн хүргэж байна.

Ирэх улиралд анхааралдаа авах 6 өнгө:

Номин цэнхэр

2020 оны хавар-зуны улиралд тренд болоод байсан номин цэнхэр өнгө ирэх улиралд ч мөн зонхилох хандлагатай байна. Загварын орднууд номин цэнхэр өнгө ашиглахдаа сонирхол татам эсгүүр, зөөлөн торго болон үслэг материалтай хувцас, урт бээлий зэргийг урласан байлаа.

Солонгон

Chloé, Botter, Dries van Noten, Christopher John Rogers зэрэг брэндүүд эрх чөлөө болон эерэг хандлагын бэлгэдэл болсон солонгон өнгийг шинэ улирлын цуглуулгууддаа онцолсон юм.

Пастель шар

Пастель шар өнгө хэзээ ч моданаас гарахгүй гэдгийг загвар зохион бүтээгчид улирал бүр баталсаар байна. Jil Sander, Victoria Beckham ажил хэрэгч бүсгүйчүүдэд тохиромжтой загваруудыг танилцуулсан бол Emilio Pucci өдөр тутмын топ болон юбканы хослол, харин MGSM романтик хэв маягтай даашинз урлажээ.

Тод улбар шар

Сүр жавхлантай байдлын илэрхийлэл болох улбар шар өнгө хэд, хэдэн цуглуулгад шингэсэн байлаа. Шинэ улиралд зориулж Coperni брэнд улбар шар өнгийн спорт стилийн футболка танилцуулсан бол Proenza Schouler сул өмсгөлтэй макси даашинзыг урлаж, харин Dior классик хэв маягийн хослол толилуулсан байна.

Very Peri

Pantone өнгөний институт 2022 онд зориулж түүхэндээ анх удаагаа бэлэн байгаа өнгөний сонголтуудаас биш, харин цоо шинэ 17-3938 гэх кодтой өнгийг зохиосон бөгөөд үүний үр дүнд “Very Peri” хэмээх шинэ өнгийг гаргасан билээ. Ерөнхийдөө нил ягаан өнгийг санагдуулах тус өнгийн хувцас, аксесуарууд шинэ улиралд маш эрэлттэй байх нь ойлгомжтой.

Усан ягаан

Энэ оны хавар-зуны улиралд эмэгтэй хүний зөөлөн, уян хатан чанарыг төгс илэрхийлэх усан ягаан өнгөөр төрхөө бүрдүүлэхийг зөвлөж байна.


М.САЙНЗАЯА

Categories
мэдээ энтертаймент-ертөнц

Монголын эмэгтэй уран бүтээлчид “Саарал хайрцаг” үзэсгэлэн нээнэ || DNN.mn

Монголын Урчуудын Эвлэлийн 80 жилийн ой, Олон Улсын эмэгтэйчүүдийн эрхийг хамгаалах өдрийг тохиолдуулан “Саарал хайрцаг” Монголын эмэгтэй бүтээлчдийн үзэсгэлэнг МУЭ-ийн арт галерейд энэ сарын 7-нд олон нийтэд толилуулна.

Дүрслэх урлагийн салбар дахь эмэгтэйчүүдийн оролцоо, тэдний дуу хоолойг түгээх, хүний эрхийн асуудлуудыг тунхаглахад хүн бүрийн оролцоо чухлыг онцлон энэхүү үзэсгэлэнг дэлгэж буй юм.

Уг үзэсгэлэнгийн зорилго нийгэм эдийн засгийн өөрчлөлт, хөгжлийн үйл явц, эмэгтэйчүүдийн тэгш оролцоог дэмжих, сургалт, сурталчилгаа бүхий нөлөөллийн ажлууд, өнөөгийн нийгэмд тулгамдаж буй экологийн тэнцвэргүй байдал, уур амьсгалын өөрчлөлт, байгаль орчны доройтол, агаар орчны бохирдол, төлөвлөлтгүй хот, хүн амын бөөгнөрөл, гэр бүл, хүүхэд хамгаалал, нийгмийн харилцаа хандлага зэрэг асуудлыг хөндсөн, тулгарч буй саад бэрхшээлийг даван гарах гэсэн эмэгтэйчүүдийн оролцоог нэмэгдүүлэхэд гол анхаарлаа хандуулж, сэдвийн хүрээнд манлайлагчид байж, урлагаар дамжуулж нийгэмтэйгээ харьцахад оршиж байна.

Уран бүтээлчид бүтээлдээ сайн сайхныг магтан дуулсаар, нөгөө талд нийгэм дэх хүчирхийлэл буурахгүй байсаар байна. Яагаад эмэгтэйчүүдийн бүтээл үргэлж цэцэг навч, гоо үзэмж, гоё ганган, хөөрхөн сайхны тухай дүрслэх ёстой гэж? Яагаад бодит байдлаа илчилдэггүй, илэрхийлдэггүй, тодруулбал хашгирдаггүй юм бэ? Эмэгтэйчүүдийн эрхийн төлөө хэн дуугарч, тэдний эрхийг хэн хамгаалах ёстой гэж? Эмэгтэйчүүдийн эрхийн өдөр, бүхий л үзвэр яагаад наран, саран, хатан, ижий гэсэн нэртэй байдаг юм бол? энэ мэт олон, олон яагаад ийм, тийм юм бэ? хэмээсэн асуултын хариултыг өөрсдөөсөө, дотроосоо, нухацтай, судалгаатай эрж хайсан бүтээлүүдийг дэлгэх юм.

Тус үзэсгэлэнг дэмжин Соёлын яам, Монголын Эмэгтэйчүүдийн сан, Монгол арт галерей хамтран ажиллаж байна.

Үзэсгэлэн энэ сарын 18-ныг хүртэл үргэлжлэх бөгөөд энэ сарын 9-нд Керамик урлагийн мастер класс, 10-нд Уран бичлэг, бэхэн зургийн мастер класс, 10-нд Арьсан урлагийн мастер класс, 14-нд Уран зургийн мастер класс, 15-нд Эсгий урлагийн мастер класс тус тус зохион байгуулах юм.

Categories
мэдээ нийгэм энтертаймент-ертөнц

“Forbes Mongolia Women’s summit- 2022” болно || DNN.mn

“Forbes Mongolia” сэтгүүл нь Монгол Улсын шийдвэр гаргах түвшин дэх эмэгтэйчүүдийн оролцоог сайжруулах, салбар бүр дэх манлайллыг дэмжихэд чиглэсэн “Forbes Mongolia Women’s Summit” арга хэмжээг Олон Улсын Эмэгтэйчүүдийн Баярыг тохиолдуулан хоёр дахь удаагаа зохион байгуулах гэж байна.

“Forbes Mongolia Women’s Summit – 2022” арга хэмжээ гуравдугаар сарын 07-ны өдөр Шангри-Ла зочид буудлын Их танхимд болно. Үүгээр бизнес, нийгэм дэх манлайлагч эмэгтэйчүүдийн дуу хоолойг нэгтгэж, ялангуяа шийдвэр гаргах түвшинд эмэгтэйчүүдийн оролцоог нэмэгдүүлж, тэгш байдлыг хангах замаар тогтвортой засаглал – тогтвортой өсөлтийг бий болгох боломжуудыг эрэлхийлсэн форум хэлэлцүүлгүүд өрнүүлнэ гэж зохион байгуулагчид мэдэгдлээ.

Арга хэмжээний үеэр “Бодлого тодорхойлоход эмэгтэйчүүдийн оролцоо”, “Эдийн засгийн сэргэлт ба бизнесийн тогтвортой хөгжил”, “Нийгэм дэх эмэгтэйчүүдийн оролцоо” гэсэн сэдвээр хэлэлцүүлэг өрнүүлэх юм. Мөн эдийн засаг, бизнес, бодлого тодорхойлох болон шийдвэр гаргах түвшний удирдагч, манлайлагч эмэгтэйчүүд, олон улсын болон төрийн бус байгууллагуудын төлөөлөл, нэр хүнд бүхий эрхмүүд оролцох юм байна.

Арга хэмжээний хүрээнд Бизнес, боловсрол, санхүү эдийн засаг, нийгэм зэрэг нийт найман салбарын манлайлагч, лидер эмэгтэйчүүдийг шалгаруулж, Forbes Woman Summit цомыг гардуулан өгөх хүндэтгэлийн хүлээн авалт мөн болох юм байна.

“Forbes Mongolia Women’s Summit” нь өмнө нь 2019 онд “Өсөлтийн менежмент ба Эмэгтэйчүүдийн манлайлал” сэдвийн дор зохион байгуулагдаж нийгэм, бизнес, улс төрийн салбаруудад удирдах албан тушаалд ажиллаж буй эмэгтэйчүүд мөн эдийн засагчид, бие даасан шинжээчид оролцож Монгол Улсад эмэгтэйчүүд бизнес эрхлэхэд тулгардаг асуудлуудыг хэрхэн шийдвэрлэх талаар зөвлөлдөж байсан билээ.

Энэ жилийн арга хэмжээний ерөнхий ивээн тэтгэгчээр Худалдаа, хөгжлийн банк, хамтран зохион байгуулагчаар Блүүмберг ТВ Монголиа, Нэйшнл Ньюс Корпоршейшн зэрэг байгууллага ажиллаж байна.

Categories
мэдээ энтертаймент-ертөнц

“Гэм зэм” жүжгийг дахин тоглоход нэг хоног үлдлээ || DNN.mn

Улаанбаатар хот дахь Оросын шинжлэх ухаан, соёлын төв (РЦНК) дэргэдээ Монголын уран бүтээлчидтэй хамтран театр байгуулсан. Энэхүү “Орфей” театрынхаа нээлтийг Оросын нэрт зохиолч Фёдор Михайлович Достоевскийн “Гэм зэм” романаас сэдэвлэсэн ижил нэрт жүжгээр хийсэн билээ.

Үзэгчдийн хүсэлтээр жүжгийг энэ сарын 3-наас өдөр бүр 19:00 цагаас “Орфей” театрын дахин тоглох гэж байна. Жүжгийн Ерөнхий найруулагчаар Москвагийн театрын урлагийн сургуулийн төгсөгч Мягмарнарангийн Батболд ажиллаж буй юм.

Энэ удаагийн тоглолтод шинээр:

  • Пульхерия Александровна буюу ээжийн дүрд МУГЖ Б.Нармандах
  • Разумихин буюу өмгөөлөгчийн дүрд жүжигчин Э.Ууганбаяр
  • Сэтгэцийн эмч Зосимовын дүрд жүжигчин Л.Дөлгөөн
  • Мөрдөгч Порфирий Петровичийн дүрд СТА Т.Ариунчимэг нар тоглоно.

Ёс журамтай, ухаантай, сайхан сэтгэлтэй ч гэмт хэрэгтэн болон хувирах 23 настай оюутан залуу, түүнийг өмгөөлөх ангийн найз, гэр бүлийнхээ төлөө өөрийгөө худалдсан 20 настай бүсгүй, өнөөдрийн Улаанбаатар эсхүл XIX зууны бүүдгэр, дүнсгэр Петербургийн тухай өгүүлэх эл жүжгийг гуравдугаар сарын 27-ныг хүртэл тоглох юм.

Тасалбарын үнэ 50-100 мянган төгрөгийн үнэтэй бөгөөд www.ticket.mn сайтаас худалдан авах, “Орфей” касс руу 80025742, 90025742 дугаарт холбогдож захиалах боломжтой.

“Гэм зэм” жүжгийг Монгол Улс, ОХУ хооронд дипломат харилцаа тогтоосны 100 жилийн ой, нэрт зохиолч Ф.М.Достоевскийн мэндэлсний 200 жилийн ойд зориулан олны хүртээл болгож байна.

Categories
мэдээ энтертаймент-ертөнц

Жангар жүжиг гэгээн “Муза-16” наадамд оролцож байна || DNN.mn

Завхан аймагт өнөөдөр “Гэгээн муза-16” олон улсын театрын их наадмын нэгдүгээр шатны шалгаруулалт болж байна.

Манай театрын уран бүтээлчдийн “Жангар” хүүхдийн жүжиг шалгаруулалтад орж буй. Жангар хүүхдийн жүжгийн тухайд гэвэл Монгол Улсын Ерөнхийлөгчийн “баатарлаг туульсуудыг дэмжин дэлгэрүүлэх тухай” 13 дугаар зарлиг, Монгол Улсын Засгийн газрын “Хүүхдийн хөгжил хамгааллын үндэсний хөтөлбөр 2017-2021, Завхан аймгийн Засаг даргын санаачилсан Үндэсний бахархал-Монгол өв соёл үйл ажиллагаа хөтөлбөрүүдийн хүрээнд бүтээгдсэн. 2020 оны нэгдүгээр сараас “Жангар” хүүхдийн жүжгийг тайзнаа туурвихаар төлөвлөн бэлтгэл ажилдаа орсон юм.

Цар тахлын улмаас тодорхой хугацаанд зогсож, энэ онд тайзнаа тавиад буй бүтээл юм. Жангар туулийг жүжиг болгон хүргэснээр хүүхдүүдэд өвөг дээдэс, соёл уламжлалаараа бахархах, соёлын биет болон биет бус өвийн утга бэлгэдэл, хэрэглээнд суралцаж, өвлөн авч хадгалан хамгаалж, түгээн дэлгэрүүлэхэд чухал ач холбогдолтой. Жүжгийг орчин үеийн шинэлэг сценографик тайз декрацын шийдэл, найруулга зүйн өөр, өөр хэв маяг, багт театрын төрлөөр тайзнаа амилуулаад байгаа. Жангар хүүхдийн жүжгийн ерөнхий найруулагчаар ОХУ-ын театр урлагийн дээд сургуулийн төгсөгч УДЭТ-ын найруулагч, Монгол Улсын Соёлын тэргүүний ажилтан Э.Ёндоншарав, ерөнхий зураачаар Л.Ванганы нэрэмжит Хөгжимт жүжгийн театрын зураач С.Ариунболд, хөгжмийн зохиолчоор залуу хөгжмийн зохиолч Ё.Эрдэнэбаатар, хөгжмийн удирдаачаар Б.Мөнхжаргал, жүжгийн зохиолчоор Д.Мэндсайхан, туслах найруулагчаар Завхан аймгийн Хөгжимт жүжгийн театрын ерөнхий найруулагч Б.Сандуйжав нар ажиллалаа. Жүжигчдийн тухайд “Өндөр гэгээн жүжиг”-ийн “Өндөр гэгээн Занабазар”-ийн дүрээр “Шилдэг эрэгтэй гол дүр”-ийн шагнал авч байсан Хөгжимт жүжгийн театрын жүжигчин Ч.Лхагвадорж. Мөн “Өндөр гэгээн жүжиг”-ийн Тойн ламын дүрээр “Шилдэг эрэгтэй туслах дүрийн шагналт жүжигчин, Монгол Улсын Соёлын тэргүүний ажилтан Б.Сандуйжав, жүжигчин С.Нямжав, А.Цэрэнбалжир, Б.Ариунзаяа, Ө.Мөнхнасан болон ХЖТ-ын дуучид, бүжигчид, хөгжимчид дүр бүтээн оролцсон байгаа. Мөн жүжигт Улиастай сумын ерөнхий боловсролын Дэвшил сургуулийн сурагч бяцхан жүжигчин Б.Өнөрбаяр Жангарын бага насны дүрийг бүтээсэн гэж аймгийн Хөгжимт жүжгийн театраас мэдээлэв.

Categories
мэдээ энтертаймент-ертөнц

“Walt Disney” болон “Warner Bros” компани өөрсдийн киног ОХУ-д гаргахыг хориглов || DNN.mn

Украинд үүсээд буй нөхцөл байдалтай холбогдуулан Америкийн “The Walt Disney” компани кинонуудаа ОХУ-ын нутаг дэвсгэрт гаргахыг хориглосон талаар CNBC мэдээлжээ.

“The Walt Disney” компанийн төлөөлөгч “ОХУ Украин руу үндэслэлгүйгээр халдан довтолж улсын аюулгүй байдалд халдлаа. Иймээс бид ОХУ-ын кино театруудад өөрийн киног гаргахыг хориглож байна. Цаашид Украин дахь нөхцөл байдал хэрхэн өрнөхөөс хамаарч дараа дараагийн шийдвэр гарна” гэв.

Харин “The Walt Disney” мэдэгдэл гаргасны дараа Warner Bros компани “The Batman” киноны ОХУ дахь нээлтийг хойшлуулж байгаагаа мэдээлэв.

Categories
мэдээ энтертаймент-ертөнц

Энэ хавар тренд болох гуталнууд || DNN.mn

Улирал солигдож байгаатай зэрэгцэн хувцасны шүүгээгээ шинэчлэх талаар бодож байгаа хүмүүстээ зориулан энэ хаврын онцлох гутлуудыг нэг дор цуглууллаа. Бид сонголт хийхдээ загварын хувьд эрэлттэй бөгөөд хаврын эрс тэс нөхцөлд өмсөхөд тохиромжтой байх шаардлагуудыг тавьсан юм.

Хэрэв та лофер загварын гутал өмсөх дуртай ч хаврын цаг агаар саад учруулж байгаа бол Испанийн Hereu болон Cecile Bahnsen брэндийн хамтран гаргасан доод хэсгээрээ лофер шиг атлаа дээд хэсгээрээ челси түрийтэй гутлыг анхааралдаа аваарай. Энэхүү гутал нь хар, саарал, усан ягаан өнгөний сонголттой бөгөөд бүх төрлийн хувцастай зохицдог давуу талтай. Hereu болон Cecile Bahnsen брэндүүд нь тус гутлаар ч зогсохгүй Франц шик, Скандинавын минимал хэв маяг хосолсон загваруудаараа сүүлийн үед эрчээ аваад байгаа юм.

Түүнчлэн энэхүү жагсаалтад Bottega Veneta брэндийн Puddle гутлыг оруулах нь зүйтэй. Bottega Veneta ордон яг л усны гутал шиг харагдах тэрхүү загвараа хавар-зун 2022 цуглуулгаараа дамжуулан танилцуулсан бөгөөд байгальд шингэдэг полимер материалаар хийгдсэн гэдгээрээ онцлог юм. Мөн бүтээлч захирал Дэниэль Ли Puddle гутлыг streetwear хувцастай загварчлахаас гадна мини даашинз, саатай юбкатай хослуулж стилистик аргачлалуудын хэд хэдэн хувилбарыг харуулсан байгаа.

Загвар болон практик талын шаардлагад нийцдэг дараагийн төрөл бол мэдээж ковбой гутал бөгөөд хавар-зун 2022 загварын долоо хоногийн хүрээнд Isabel Marant, Khaite, Vic Matie зэрэг брэндүүд энэхүү гутлын төрөл бүрийн загварыг толилуулсан юм.

Харин өсгийтэй гутал сонирхогчдод Miista брэндийн улаан, шаргал өнгөтэй загвар таалагдах нь гарцаагүй. Тус гутлыг сул загварын жийнсэн өмд, миди, макси юбка зэрэг хувцастай загварчлах боломжтой. Мөн та Maison Margiela-гийн дугуй хоншоортой, богино түрийтэй гутал болон Miu Miu-гийн цагаан оруулгатай, 60-аад оны хэв маягтай бестселлер гутлыг анхааралдаа аваарай.

М.САЙНЗАЯА

Categories
мэдээ цаг-үе энтертаймент-ертөнц

“Хөх сувд” мөсний баярын бэлтгэл ажил 80 хувьтай байна || Dnn.mn

Хөвсгөл аймагт өвлийн аялал жуулчлалыг хөгжүүлэх зорилготой “Хөх сувд” мөсний баяр энэ сарын 3, 4-ны өдрүүдэд буюу энэ пүрэв, баасан гарагт Хөвсгөл аймгийн Хатгал тосгон Хүй толгойн урд Хайчийн ам хэмээх газар болно. Энэ үеэр мөсөн шагай, мөсөн сурын харваа, мөсөн тэшүүр, мөс мөргөлдүүлэх тэмцээн болон тахтай морин чарга болон тахтай хатирч морьдын уралдаан, “Аав ээж би”, мөсөн дээрх буухиа, олс таталт, волейбол, сүмо бөхийн тэмцээн, хамгийн сайхан морин чаргатай уяачийг шалгаруулах тэмцээн болно. Мөн үүнээс гадна олон ястны урлагийн тоглолт, “Хөх цом” яруу найргийн наадам, “Өвлийн гоёл” үндэсний хувцасны загвар шалгаруулах тэмцээн, “Хөх сувдын орон” шоу тоглолт, “Хаан их сарьдаг, Хатан далай ээжээ хүндэтгэх бөөгийн тахилга ёслол, Далай ээжид хүндэтгэл үзүүлэх ёслол зэрэг соёлын арга хэмжээнүүд зохиогдох юм.

10 мянга орчим иргэн, 3000 гаруй машин ирнэ гэж тооцоолжээ

Жил бүр уламжлал болгон зохион байгуулдаг гадаад, дотоодын олон аялагч жуулчин сонирхон оролцдог Монголын аялал жуулчлалын салбарын өвлийн хамгийн том арга хэмжээ “Хөх сувд-2022” мөсний баярыг энэ жил 20 дахь жилдээ “Цэнгэгээс цэнгэг, цэврээс цэвэр” уриан дор зохион байгуулж буй юм. Тус баярыг сонирхохоор 10 мянга орчим иргэн, 3000 гаруй машин ирнэ гэж тооцоолж буй бөгөөд нуурын гадна талбайд зогсоолын асуудлыг шийдвэрлэсэн байна. 2020, 2021 онд цар тахлын улмаас зохион байгуулаагүй бөгөөд 2019 онд мөсний баярыг гадаад, дотоодын 20 гаруй мянган үзсэн гэсэн мэдээлэл бий. “Хөх сувд-2022” мөсний баярын бэлтгэл ажлын талаар Хөвсгөл аймгийн Засаг даргын орлогч, Мөсний баярыг зохион байгуулах комиссын дарга М.Хуягбаатараас тодруулахад баярын бэлтгэл ажил 80 хувьтай үргэлжилж байгааг хэллээ. Мөн зохион байгуулах комиссынхноос буудал, амралтын газрын дүүргэлтийн талаар тодруулахад “Хөх сувд” мөсний баярын үеэр ажиллах жуулчны баазуудын ихэнх нь дүүрсэн” гэдэг мэдээллийг өглөө.

Мөсөн хотхоныг 80 гаруй хүний бүрэлдэхүүнтэй урлаж байна

Мөсний баярыг зорин ирж буй иргэдийн хамгийн их сонирхдог зүйл бол мөсөн хотхон юм. Энэ жил мөсөн хотхоныг Хөвсгөл нуураа хайрлан хамгаалах сэдвийн хүрээнд Улаанбаатар хотоос дөрвөн баг, Увс аймгаас нэг баг, Хөвсгөл аймгаас 10 баг нийт 80 гаруй хүний бүрэлдэхүүнтэй урлаж байгаа юм. Өнөөдрийн байдлаар мөсөн хотхоны бүтээн байгуулалт 70 хувьтай байна. Үлдсэн өдрүүдэд бүрэн хийж дуусгах бөгөөд маргааш гэхэд мөсөн хотхоны бүтээн байгуулалт дуусна гэж албаныхан хэллээ.

Анх удаа яруу найргийн тэмцээн болно

Энэ жилийн хувьд “Болор цом”-ын эзэн яруу найрагч Б.Мягмаржавын нэрэмжит “Хөх цом” яруу найргийн наадам болохоороо онцлогтой. Наадмыг Хөвсгөл аймгийн Засаг даргын тамгын газар, Хөвсгөл аймгийн соёл урлагийн газар хамтран зохион байгуулна. Наадамд яруу найрагчид гурван шүлэг ирүүлэх бөгөөд өнөөдрийг дуустал бүтээлийг хүлээж авах юм. Сүүлийн шатанд шалгарсан 15 найрагч Хөвсгөл нуурын хөвөөнд мөсний баяраар шүлгээ уншиж шилдгүүдээ тодруулна. “Хөх цом” яруу найргийн наадмыг мөсний баярын үеэр жил бүр уламжлал болгон зохион байгуулахаар төлөвлөж байгаа аж.

“Хөх сувд-2022” мөсний баярын үеэр Мөрөн суманд ажиллах зочид буудлын жагсаалт

“Хөх сувд-2022” мөсний баярын үеэр Мөрөн суманд ажиллах зочид буудлын мэдээллийг танилцуулж байна.

Categories
мэдээ энтертаймент-ертөнц

ОХУ фэйсбүүк хандалтыг хязгаарлаж байна || DNN.mn

АНУ-ын технологийн фирм Meta Platforms пүрэв гарагт Оросын эрх баригчид Оросын төрийн өмчит дөрвөн хэвлэл мэдээллийн байгууллагын фэйсбүүк хуудсанд нийтлэгдсэн мэдээллийг шалгах, шүүхийг зогсоох тушаал өгсний хариуд Мета татгалзсан гэдгээ мэдэгдлээ.

Тодруулбал, ОХУ-ын Украин руу түрэмгийлсэнтэй холбоотой ташаа мэдээлэл тархахаас сэргийлэхийн тулд Мета фэйсбүүк хуудсанд тавих хяналтаа чангатгасан байна.

Оросын эрх баригчид энэ үйлдлийг цензургүй, хууль бус үйлдэл гэж үзсэн тул тус улсын хэмжээнд Facebook-ийн хандалтыг хязгаарлажээ. Хязгаарлалт нь Facebook хэрэглэгчдийн үйлчилгээнд нэвтрэх хурдыг удаашруулж магадгүй гэж Америкийн хэвлэлүүд мэдээлж байна.

Метагийн Глобал харилцаа, харилцаа холбооны тэргүүн Ник Клегг “Жирийн Орос иргэд өөрсдийнхөө үзэл бодлыг илэрхийлж, үйл ажиллагаагаа зохион байгуулахын тулд манай программыг ашигладаг. Бид тэднийг ямар нэг саадгүйгээр дуу хоолойгоо үргэлжлүүлэн хүргээсэй гэж хүсч байна” гэж мэдэгджээ.

Categories
мэдээ нийгэм энтертаймент-ертөнц

“Улаан цэцэг” кино мартын 8-нд үзэгчдэд хүрнэ || DNN.mn

1 хүн болон бичвэр гэх мэтийн зураг байж болно

С.Удвал гуайн амьдралын үүх түүх, дурсамж дурдатгалд үндэслэсэн “Улаан цэцэг” УСК гуравдугаар сарын 8, Олон улсын эмэгтэйчүүдийн эрхийг хамгаалах өдрөөс эхлэн үзэгчдийн хүртээл болох нь.

Тус бүтээлд жүжигчин, продюсер Г.Ундармаагийн “UFilm” продакшн ажилласан бөгөөд Монголын эмэгтэйчүүдийн холбоо анхлан санал тавьсан гэдэг. Тэгвэл, кинонд С.Удвал агсны дүрд Г.Ундармаа өөрөө дүр бүтээжээ. Найруулагчаар С.Батмөнх ажилласан байна.