Category: энтертаймент-ертөнц

Монголын хүннү рок “The Hu” хамтлагийнхан Европ дахь аялан тоглолтоо ирэх аравдугаар сард эхлүүлэхээр болжээ. Хамтлагийн тоглолтын хуваарь энэ оныг дуустал гарсан байна.

Тэд энэ сард “Rumble of Thunder” нэртэй хоёр дахь цомгоо худалдаанд гаргаад буй. Шинэ цомогт “Учиртай гурав”, “Шихихутаг”, “Татар дайчин”, “Хар аянга”, “Байгаль эх” гэх мэт нийт 13 дуу багтжээ.

Хамтлагийн залуус тоглолтоо Норвеги улсад аравдугаар сарын 26-нд эхэлж, арванхоёрдугаар сарын 9-нд Английн Лондон хотноо болсноор өндөрлөх аж. Хамтлаг 2019, 2021 онуудад Европ, Хойд Америкийн орнуудаар аялан тоглосон. Түүнчлэн өнгөрсөн дөрөвдүгээр сард “Coachella” хөгжмийн наадамд оролцсон.

“The Hu” хамтлаг 2016 онд байгуулагдсанаасаа хойш богино хугацаанд олон улсад танигдаж чадсан Монголын амжилттай хамтлаг. Хамтлагийн гаргасан дуу бүхэн “Youtube”-д өндөр хандалт авч, дэлхийд эх орныхоо нэрийг цуурайтуулж явна.

“Парис-2024” олимпийн нээлт, хаалтын ёслолын найруулагчаар “Dramatique National d’Angers” театрын захирал, найруулагч Томас Жолли томилогдсон байна. Түүний бүтээлч, зоримог зан чанарыг харгалзан энэхүү хариуцлагатай албанд томилсон болохыг зохион байгуулагчид онцолжээ.

Францчууд нутагт нь зохиогдох олимпын нээлтийг цэнгэлдэхэд хийх уламжлалт арга барилаас татгалзаж, Сена мөрний эрэг дээр, 600 мянган үзэгчийн өмнө зохион байгуулахаар шийдсэн. Орон орны тамирчид цагаан толгойн дарааллаар завьтай жагсан орж ирнэ гээд урьд өмнөхөөс тэс өөр, өвөрмөц нээлтийн ёслолыг хийхээр зохион байгуулагчид төлөвлөөд буй.

“Нээлт, хаалтын ёслолын ерөнхий төлөвлөгөөг анх сонсоод маш их сэтгэл хөдөлж байлаа. Харин одоо би өөрөө энэ агуу арга хэмжээг найруулахаар боллоо. Парисын олимп, нээлт гайхамшигтай сайхан болно гэсэн хүлээлт олон хүнд бий. Бид дахин давтагдашгүй, ер бусын нээлт, хаалтын ёслолыг дэлхий дахинд толилуулж чадна гэдэгтээ итгэлтэй байна” хэмээн Жолли ярьжээ.

Өдгөө 40 настай Жолли 2007 онд хувийн театр болох “La Piccola Familia”-г үүсгэн байгуулсан. Түүний анхны жүжиг “Arlequin Poli par l’Amour de Marivaux” олны анхаарлыг маш их татаж, шинэ залуу авьяастанд олгодог тусгай шагналын эзэн болж байв.

Улмаар Шекспирийн сонгодог жүжгүүдийг амжилттай найруулсан нь түүнийг олимпын найруулагчаар сонгох үндэс болсныг “Парис-2024” олимпын Зохион байгуулах хорооны дарга Тони Эстанге хэлсэн байна.

Монголын кино урлагийн салбарын хөгжилд бодитой хувь нэмрээ оруулж ирсэн 14 дэх удаагийн “Улаанбаатар” Олон Улсын Кино Наадам (УБОУКН) 2022 оны 10-р сарын 17-23-ний өдрүүдэд Улаанбаатар хотноо зохион байгуулагдах гэж байна.

Монголын Урлагийн Зөвлөл (МУЗ) нь Нийслэлийн Засаг Даргын Тамгын Газар, Нийслэлийн Соёл, Урлагийн Газар, Кино Урлагийн Зөвлөл, Швейцарын Хөгжлийн Агентлаг, Номадиа Пикчерс ХХК-тай хамтран БНФУ-ын Элчин Сайдын Яам, БНСУ Элчин сайдын яамны дэмжлэгтэйгээр Монголын кино урлагийн салбарыг хөгжүүлэхэд хувь нэмэр оруулах, кино уран бүтээлчдийн олон улсын хамтын ажиллагааг нэмэгдүүлэх зорилготой аж.

Энэ жилийн наадмын онцлох орноор Бүгд Найрамдах Солонгос Улс сонгогдсон ба зохион байгуулагчид Канн, Берлин, Венец, Торонто зэрэг дэлхийн А зэрэглэлийн кино наадмын шагналт, 2021-2022 онд бүтээгдсэн Солонгос, Франц, Герман, Турк, Швед, Финланд, Иран, Испани, Исланд, Итали, Польш, Румын, Швейцар болон Монголын 17 бүрэн хэмжээний уран сайхны киног үзүүлэхээр бэлтгэж байна.

Наадмын уламжлал ёсоор “Хангарьд” Монгол киноны уралдаан нь УБОУКН-ын “Шилдэг кино”, “Шилдэг найруулагч”, “Шилдэг зохиол”, “Шилдэг продюсер”-ыг шалгаруулна. Шалгарсан бүтээлүүд надмын албан ёсны Монгол кино хөтөлбөрт багтан үзэгчдэд хүрэх юм.

“Үзэхийн хязгаар” хэсгийг Б.Сумхүү найруулагчийн “Хань” (1975) киног англи орчуулгатайгаар нээж, 79-р Венецийн олон улсын кино наадмын “Orizzonti” уралдаант хэсгээс “Шилдэг богино хэмжээний кино” шагналыг авсан П.Лхагвадулам найруулагчийн “Есдүгээр сарын цас” богино хэмжээний киноны Монгол дахь нээлтээр үргэлжилнэ.

Кино үзвэрээс гадна наадмын хүрээнд кино уран бүтээлчдийн чадавхыг дээшлүүлж, бүсийн хамтын ажиллагааг өргөжүүлэх зорилготой “Ирж яваа цаг” олон улсын кино форум, “Авдраа уудал” киноны туслах найруулагчийн ур чадварыг дээшлүүлэх сургалтыг 2022 оны 10-р сарын 20-21-ний өдрүүдэд Тэнгис кино театрт болох ба кино уран бүтээлчид, кино урлагийг сонирхогчид, олон нийтэд нээлттэйгээр зохиогдоно.

Саяхан нээлтээ хийсэн “Хувьсал” продакшны бүтээл “Ноён эмэгтэй” УСК энэ жилийн хамгийн анхны 100.000 давсан үзэгчтэй Монгол киногоор шалгарлаа.

Кино театруудын дунд явуулсан менежментийн компанийн гаргасан судалгаагаар энэ жилийн хамгийн олон үзэгчтэй киногоор “Ноён эмэгтэй” УСК тодорчээ.

Нээлтээ хийгээд удаагүй байгаа ч ийнхүү танхим дүүрэн үзэгчийг цуглуулж чадсан тус киноноос эмэгтэй хүний амьдралын олон өнгийг харж болно. Эмзэг нандин хэрнээ эр хүн шиг хүчирхэгжсэн бүсгүйчүүдийн түүхийг сонирхолтойгоор өгүүлэх тус кино цаашид ч энэхүү амжилтаа бататгасаар байх биз ээ.

НСУ-ын “Squid Game” цуврал Америкийн телевизийн урлагийн шилдгүүдийг шалгаруулах “Primetime Emmy Awards” наадмаас драм цувралын шилдэг эрэгтэй жүжигчин, шилдэг найруулагч шагнал хүртсэн анхны гадаад хэлээрх телевизийн цуврал боллоо.

Даваа гарагт АНУ-ын Лос-Анжелес хотын “Microsoft” театрт болсон 74 дэх удаагийн шагнал гардуулах ёслолоос “Squid Game” цувралын продюсер, зохиолч, найруулагч Хван Дон Хюк “Драм цувралын шилдэг найруулагч” шагналын эзэн болжээ.

Тэрбээр энэхүү шагналын төлөө “Succession” цувралын найруулагч Марк Майлод, Кэти Ян, Лорен Скафариа, “Severance” цувралын найруулагч Бен Стиллер, “Ozark” цувралын найруулагч Жейсон Бейтман, “Yellowjackets” цувралын найруулагч Карин Кусама нартай өрсөлджээ.

Америкийн телевизийн салбарынхны хүсэн хүлээдэг “Emmy” шагналын эзнээр гадаад хэлээрх телевизийн цувралын найруулагч тодорсон анхны тохиолдол энэ болж байна. Хван Дон Хюк шагналаа гардан авах үеэрээ, олон улсын үзэгчдэд уран бүтээлээ хүргэх боломжийг олгосон “Netflix” платформд талархал илэрхийлжээ.

“Бид бүгд түүх бүтээж чадсан гэдгийг хэлэх хэрэгтэй гэж бодож байна. “Squid Game” гадаад хэлээрх цувралууд цаашид “Emmy” шагнал хүртэх эхлэлийг тавьж байна гэдэгт итгэлтэй байна. Энэхүү нэр хүндтэй шагналын эзнээр дахин тодорно хэмээн найдаж байна” гэж тэрбээр хэлжээ. Мөн цувралын хоёрдугаар бүлгээр үзэгчидтэйгээ эргэн уулзана гэсэн байна.

“Squid Game” цувралын гол дүрийн жүжигчин Ли Жон Жэгийн хувьд “Драм цувралын шилдэг эрэгтэй жүжигчин” шагналын төлөө “Ozark” цувралын Жейсон Бейтмэн, “Succession” цувралын Брайан Кокс, Жереми Стронг, “Better Call Saul” цувралын Боб Оденкирк, “Severance” цувралын Адам Скотт нартай өрсөлдөн шилдгээр шалгарчээ.

Ингэснээр Ли Жон Жэ Америкийн соёл урлаг, энтертайнментын салбарын дөрвөн томоохон наадмын нэг болох “Emmy”-гийн шагнал хүртсэн анхны БНСУ-ын жүжигчин болжээ. Энэхүү цувралд тэрбээр 45.6 тэрбум воны төлөө Солонгос хүүхдүүдийн уламжлалт тоглоомоор өөр хоорондоо өрсөлдөх нууцлаг тэмцээнд оролцож буй дунд эргэм насны эрэгтэйн дүрд тогложээ.

Шагналаа гардан авах үеэрээ Ли Жон Жэ дэлхий дахины үзэгчдэд хүлээн зөвшөөрөгдсөн цуврал бүтээсэн найруулагч Хван Дон Хюкт талархал илэрхийлжээ. Тэрбээр, “Бид бүгдийн амьдралдаа тулгардаг бодит асуудлуудыг гайхалтай зохиол, дүрслэлээр дэлгэцэн дээр бүтээлчээр амилуулсан найруулагчдаа баярлалаа” гэж хэлсэн байна.

“Squid Game” цуврал “Emmy” наадмаас нийтдээ зургаан шагнал хүртсэнээс хоёрыг нь даваа гарагт болсон наадмаас, дөрвийг нь өнгөрсөн долоо хоногт болсон “Creative Arts Emmys” наадмаас хүртжээ. Тус цуврал энэ оны “Emmy” наадмуудын 14 шагналд нэр дэвшсэн байна.

“Netflix”-ийн хамгийн шилдэг цувралаар шалгарсан “Squid Game” цуврал үзэгчдийн хүртээл болсноос хойших эхний дөрвөн долоо хоногт 1.65 тэрбум цаг үзсэн амжилт үзүүлжээ. Энэхүү цувралын хоёрдугаар бүлгийг бүтээх ажил үргэлжилж байгаа юм.

Их Британийн Хатан хаан Елизабет 96 насандаа таалал төгслөө. 70 жилийн турш хаан ширээнд суусан түүний суудлыг ханхүү Чарльз өвлөн авлаа.

НАМТАР: Элизабет (гэрийнхэн өхөөрдөж «Лилибэт» гэж дууддаг байжээ) охин Йоркийн гүн ба гүнгийн авхай нарын гэр бүлд төржээ (дараа нь хаан VI Жорж, хатан хаан Элизабет болсон).

1930 оны 8 дугаар сарын 21-нд түүний цорын ганц охин дүү гүнж Маргарет төржээ. Түүний эцэг 1936 онд өөрийн дүү VIII Эдвардыг хаан ширээнээс буусны дараа хаан ширээг залгамжласан байна.

Елизабет бага насандаа багш хөлсөлж гэртээ боловсрол эзэмшсэн ажээ. Лилибэт охин багаасаа Морь сонирхож, морь унах дуртай болсон байна.

Дэлхийн 2 дугаар дайны үед эмэгтэйчүүдийн нутаг дэвсгэрийн туслах албанд эмнэлэгийн машины жолооч болж 5 сар цэргийн алба хааж нийгмийн ажилд оролцож байжээ.

1948 оны 5 дугаар сард Элизабет гүнж, хунтайж Филипп нар анхны албан ёсны гадаад айлчлалаа эхлүүлж Парис хот оржээ.

1951 онд эцэг хаан VI Жоржийн эрүүл мэнд муудаж эхэлсэн тул Элизабет олон нийтийн арга хэмжээнд эцгээ орлож оролцож эхэлсэн байна. 1951 оны 10 дугаар сард нөхөр хунтайж Филиппын хамт Төрийн айлчлалаар Канад, АНУ-д зочилж Вашингтон хотноо АНУ-ын Ерөнхийлөгч Харри Трумэнтэй уулзсан байна.

Эцэг VI Жорж хаан 1952 оны 2 дугаар сарын 6-нд нас барахад II Элизабет амарч байсан Кени Улсаас яаралтай Лондонд ирж 1952 оны хоёрдугаар сарын 8-нд хорин таван настайдаа тангараг өргөж хаан ширээнд суужээ. Хатан хаанд өргөмжлөх албан ёсны арга хэмжээ Вестминстерын эдлэнд 1953 оны 6 дугаар сарын 2-нд болсон байна. Анх удаа энэхүү томоохон ёслолын үйл ажиллагааг телевизээр шууд дамжуулж байсан байна.

Тэр үед тэрбээр Хамтын нөхөрлөлийн тэргүүн, Их Британи, Канад, Австрали, Шинэ Зеланд, Өмнөд Африк, Пакистан, Цейлон гэсэн долоон улсын хатан хаан болсон.

Бага залуу наснаасаа эхлэн хаан ширээнд өргөмжлөгдсөн түүний амьдралыг гэрэл зургаар ийн өгүүлжээ.

Хатан хаан эцэг, эх болох VI Жорж, хатан Элизабет нарын хамт 1926 он

1926 оны 12-р сар

1930 он. Дөрвөн настай Элизабет

1937 он. Тагтан дээрээс гараа даллаж буй гүнж Элизабет

1940 он

1940 он. 2002 онд нас барсан дүү Маргаретийн хамт

1941 он. Ээж болон дүүгийн хамт

Дайны үед түргэн тусламжийн машин жолоодож буй гүнж Элизабет

1942 он. Дайнд алба хаахаар бүртгүүлж буй Элизабет

HMS Vanguard усан онгоц дээр ахмадуудтай хөгжилдөж буй гүнж

1947 он. Ханхүү Филиптэй хуримлав

Хуримын ёслолын дараа Букингемийн ордны тагтан дээр гарч ирж буй нь

1953 он. Хаан ширээнд өргөмжлөгдөв

1960 он. Гэр бүлийн хамт

1969 оны 10-р сард Аполло 11-ийн сансрын нисэгчдийг угтан авахаас өмнө

1975 он. Хатан хаан Элизабетийг Дондонд Маргарет Тетчер угтан авч буй нь

1977 он. Мөнгөн ойгоо тэмдэглэж буй хатан

1981 онд хунтайж Чарльз, гүнж Диана нарын хуримын үеэр

1981 он. Гэрлэлтээ батлуулсан залуу хосуудын хамт

Хунтайж Уилльям, Харри нарын хамт

1997 он. Диана гүнжийн хөвгүүд болох Уилльям, Харри нарын хамт гашуудаж буй нь

2008 оны 11-р сарын 20-нд хуримынхаа Diamond ойг тэмдэглэхээр Бродландад дахин айлчилж буй нь

2018 оны 7-р сар. Ханхүү Харри, гүнгийн авхай Меган Маркл нарын хамт агаарын нисэх хүчний 100 жилийн ойд зориулсан үзүүлбэр үзэж буй нь

2021 он. Нөхрийнхөө оршуулах ёслолын үеэр

2022 оны дөрөвдүгээр сар

2022 оны тавдугаар сар

2022 6-р сар