Category: энтертаймент-ертөнц

Шинэ жилийн баярын тухай дуунуудыг тоолоод баршгүй. Бидний чихэнд хоногшсон маш олон уран бүтээл байдаг. Гэхдээ энэ удаад хүн бүрийн мэддэгээс арай өөр уран бүтээлүүдийг онцолж байна. Цас хаялсан өвлийн өдрүүд тэр тусмаа, шинэ жилийн баяр дөхөж буй эдгээр өдрүүдэд сонсохгүй өнгөрч болохгүй дуунуудыг онцоллоо.

1. Хамгийн түрүүнд онцлох дуу бол “Let it snow”.
   Учир нь аль ч цаг үед хуучирдаггүй уран бүтээл гэж үүнийг л хэлэх байх. Сонсох төдийд л олон дурсамж сэргээдэг энэ уран бүтээлийг цас хаялсан шинэ жилийн өдрүүдэд сонсохгүй өнгөрөөж боломгүй.
2. Mariah Carey – All I want for Christmas is you Энэ дуу сүүлийн 30 жилд бүтээгдсэн хамгийн алдартай зул сарын дуу ч байж мэднэ. Энэ дууг Мерайя Кэри, Уолтер Афанасьефф нар зохиожээ. Энэ дуу 1994 оны намар бичигдсэн ба дууг зохиоход 15 минут л зарцуулсан гэдэг.
3. Энэ дууг сонсоход таны нүдэнд “Coca Cola” харагдаж байна уу. Сонсоод бүжиглээрэй. Дууны клип таныг өөрийн мэдэлгүй инээхэд хүргэнэ гэдэгт итгэлтэй байна.

4.Abba – Happy New year

Жил болгоны баярын үдэш дэлхийн өнцөг булан бүрт эгшиглэдэг энэхүү дуу 1980 оны нэгдүгээр сард бичигдсэн “Happy new year” дуу нь анх мьюзиклд зориулж бичигдэж байжээ. Уг дууг анх “Ааваа шинэ жилийн өдөр бүү уугаарай” хэмээн хөгжилтэй, баярын шинжтэйгээр нэрлэж 1980 онд бичүүлж байв. Харин Англи хэл дээрх хувилбар нь сүүлд 1999 онд бичигдсэн ба энэхүү хувилбараараа хит болжээ.

5. Энэ дууг халуун шоколад уунгаа цонхоор цас хаялахыг харангаа сонсоод үзээрэй. Болоод өнгөрсөн олон зүйлийг бодон ирэх жилдээ ямар шинэ дурсамжийг бүтээх талаар эргэцүүлээрэй.

6.Шинэ жилийн өдрүүдэд найз нөхөдтэйгөө уулзан элдвийг ярилцан хөгжилдөх ч сайхан шүү. Хамтдаа хөгжилдөнгөө сонсоорой.

7.Жил жилийн шинэ жилээр уламжлал юм шиг хаа сайгүй сонсогддог тоотой хэдэн дуу байдгийн нэг бол яах аргагүй “Jingle bell rock” юм. Гэхдээ энэ удаад арай өөрөөр сонсоод үзэх үү.

8.Мэдээж шинэ жилээр заавал сонсох дууны жагсаалтанд монгол дуу орохгүй байж болохгүй тийм үү. Чихэнд хоногшсон олон бүтээлүүдийг онцлохын оронд өвөрмөц хоолойтой дуучин бүсгүйн “Зул сарын бэлэг” хэмээх дууг онцоллоо.

9.Гадуур алхангаа сонсоорой.

10.

11.

12.

“Шрек” цуврал анимэйшнээс онцлон хөгжүүлэлт хийсэн “Dream works” студийн “Гуталт муур” бүрэн хэмжээний анимэйшн 2011 онд нээлтээ хийж байсан. Тус киноны хоёрдугаар анги 11 жилийн дараа үзэгчдэд хүрэхээр болсон бөгөөд энэ сарын 29-нд нээлтээ хийнэ.

“The Croods: A New аge” киноны найруулагч Жоэл Кроуфордын найруулсан уг бүтээлийн гол дүр Гуталт муурт Антонио Бандерас дахин дуу оруулсан бол Гуталт муурын хамтрагч Киттигийн дүрд жүжигчин Сальма Хайек дуу оруулжээ.

ЮНЕСКО-гийн Ерөнхий захирал Одри Азулей 11 дүгээр сарын 25-ны өдөр тус байгууллагын төв байранд Хүннү рок чиглэлээр бүтээл туурвидаг “The Hu” хамтлагт “ЮНЕСКО-гийн Энх тайвны төлөөх уран бүтээлч” цолыг гардуулан өгөв.

Монгол Улс ЮНЕСКО-гийн гишүүнээр элссэний 60 жилийн ойг тохиолдуулан ЮНЕСКО-гийн Ерөнхий захирал Одри Азулейн манай улсад ажлын айлчлал хийх үеэр яригдсан асуудал ийнхүү ажил хэрэг болж Монгол Улсын Соёлын Элч “The Hu” хамтлаг Нэгдсэн Үндэстний Байгууллагын боловсрол, шинжлэх ухаан, соёлын байгууллага /ЮНЕСКО/-ын нэр хүндтэй цолыг хүртлээ.

“The Hu” хамтлагийн хөгжмийн хэв маяг, илэрхийлж буй санаа нь ЮНЕСКО-гийн үнэт зүйл, үйл ажиллагаанд нийцэж буйгаас гадна өөрсдийн улсын бүрэн эрхт байдал, үндэсний эв нэгдлийг бататган бэхжүүлэх, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж буй тул энэхүү цолыг авч буй анхны Монгол урлаг соёлын төлөөлөгчид болж байна.

2016 онд үүсгэн байгуулагдсан тус хамтлаг нь үеэс үед уламжлагдан ирсэн Монголын соёлын биет бус өв, уламжлалт хөгжмийн хэв маяг ба элементүүдийг орчин үеийн рок, хүнд метал хөгжимтэй хослуулсан “Хүннү рок” хөгжмийн жанрыг бий болгосон билээ. Монголчууд бидний бахархал болсон хөөмий, цуур, лимбэ, морин хуур зэрэг нь ЮНЕСКО-ийн “Хүн төрөлхтний соёлын биет бус өвийн Төлөөллийн жагсаалт”-д бүртгэгдсэн байдаг.

Энхүү цолыг авснаар “The Hu” хамтлаг нь ЮНЕСКО-гийн үйл ажиллагаа, үнэт зүйлсийг дэлхий дахинд таниулан сурталчлах үүрэг хүлээх бөгөөд, ялангуяа хүн төрөлхтний “амьд өвийг” хамгаалахын ач холбогдлын талаарх мэдлэг, ойлголтыг олон нийтэд түгээн дэлгэрүүлэх үүргийг хүлээх соёлын элч, төлөөлөгчид болж байна.

Nomadic ballet продакшнаас ах, дүү Гриммийн шидэт үлгэр “Цасангоо ба долоон одой” сонгодог бүжгэн жүжгийг тоглохоор товложээ. Тодруулбал, тус бүжгэн жүжгийг энэ сарын 27-нд Соёлын төв өргөөнд тоглохоор болжээ. Тоглолт тус өдрийн 14:00, 17:00 цагаас тоглогдох бөгөөд билет нь Соёлын төв өргөөний билетийн кассаар борлуулагдах аж.

“MGL art media” группийн уран бүтээлчид “Бэхэн зүрх” уран сайхны киноны нээлтээ арваннэгдүгээр сарын 18-нд хийлээ. Киноны ерөнхий продюсероор С.Бат-Ирээдүй, ерөнхий зураглаачаар “Black zebra” студийн үүсгэн байгуулагч Б.Базаррагчаа, ерөнхий зураачаар П.Бэрхээдэй, хөгжмийн зохиолчоор Г.Онон нарын чадварлаг уран бүтээлчид хамтарч ажилласан юм.

Харин ерөнхий найруулагчаар жүжигчин, найруулагч А.Баттүшиг ажиллаж буй бөгөөд эл кино нь түүний ерөнхий найруулагчаар ажиллаж буй бүрэн хэмжээний анхны уран сайхны кино гэдгээрээ онцлог.

Киноны гол дүрүүдэд О.Оюун, Э.Чинзориг, О.Дуламсүрэн, Б.Уянга тэргүүтэй туршлагатай уран бүтээлчид, О.Самданпүрэв, Ц.Цэлмэг, Б.Энхсайхан, Д.Өсгүүнбилэг, Ц.Сувд нарын залуу жүжигчин, түүнчлэн “Hi-Fi” рекордсын захирал, “Playtime” олон улсын хөгжмийн наадмын санаачлан зохион байгуулагч Ц.Нацагдорж тогложээ.

“Бэхэн зүрх” кино нь уран бүтээлч хүний амьдрал, хайр дурлалын үнэ цэн, нэр алдар, төлөөсийн талаар өгүүлсэн байна.