Америкийн Шинэ Орлеан хотноо болсон “Miss Universe 2022” тэмцээнд АНУ-аас оролцсон Р.Бонни Габриэль тэргүүн байр эзэллээ. Харин хоёрдугаар байранд Венесуэлийн бүсгүй, гуравт нь Доминиканы эмэгтэй оржээ.
Оросын мисс Анна Линникова, Украины мисс Виктория Апанасенко нар оролцогч 88 бүсгүйчүүдээс эхний 16-д шалгарч чадалгүй уралдааныг орхисон байлаа. Орос бүсгүй өөрөө загварын бизнестэй учир хагас финалд 50 мянган хагас үнэт чулуу шигтгэн оёсон цагаан даашинзаар гоёжээ.
Кино болон телевизийн салбарын шилдгүүдийг тодруулдаг “Алтан бөмбөрцөг” наадмын 80 дахь удаагийн шагнал гардуулах ёслол Беверли-Хиллз хотын “Беверли-Хилтон” зочид буудалд болж, “NBC” телевиз шууд дамжуулан үзүүллээ. Энэ жилийн наадмын гол шагналыг найруулагч Стивен Спилберг, жүжигчин Кейт Бланшетт, жүжигчин Остин Батлер нар хүртлээ.
Стивен Спилберг “The Fabelmans” киногоороо “Алтан бөмбөрцөг”-ийн шилдэг найруулагчийн шагналыг хүртсэн байна. Холливудын алдарт найруулагч уг киногоо өөрийн өсвөр насны хүсэл эрмэлзэл, кино найруулагч болох замналынхаа эхний алхмыг хийсэн үеэ эргэн дурсаж бүтээжээ. Энэ төрөлд алдарт кино найруулагч Жеймс Кэмерон (The Way of Water, 2022), Дэн Кван болон Дэниэл Шайнерт (Everything Everywhere All at Once, 2021), Баз Лурман (Elvis, 2022), Мартин Макдона (The Banshees of Inisherin, 2022) нар өрсөлдсөн байна.
Австралийн жүжигчин Кейт Бланшетт “Tar” (2022) кинонд бүтээсэн дүрээрээ энэхүү нэр хүндтэй шагналын эзэн болжээ. Америкийн найруулагч Тодд Филдийн бүтээсэн уг кинонд хөгжимчдийнх нь нэг нь амиа хорлосны дараа амжилттай амьдрал нь аюулд орж байгаа Берлиний Филармонийн найрал хөгжмийн удирдаач Лидия Тар гэдэг эмэгтэйн тухай өгүүлдэг байна. Энэ төрөлд мөн Их Британийн жүжигчин Оливия Колман (Empire of Light, 2022), Америкийн жүжигчин Виола Дэвис (The Woman King, 2022), Куба, Испани гаралтай жүжигчин Ана де Армас (Blonde, 2022), АНУ-ын жүжигчин Мишель Уильямс (The Fabelmans, 2022) нар өрсөлжээ.
Остин Батлер алдарт дуучин Элвис Преслигийн тухай Баз Лурманы найруулсан “Элвис” кинонд бүтээсэн дүрээрээ шилдэг эрэгтэй гол дүрийн шагналыг хүртлээ.
“Инээдмийн болон мюзикл киноны шилдэг эмэгтэй гол дүр” төрөлд “Everything Everywhere All at Once” кинонд тоглосон Малайзын жүжигчин Мишель Йео “Алтан бөмбөрцөг” хүртэв. Түүнтэй Аня Тейлор-Жой (The Menu, 2022), Лесли Мэнвилл (Mrs. Harris Goes to Paris, 2022), Марго Робби (Babylon, 2022), Эмма Томпсон (Good Luck to You, Leo Grande, 2022) нар өрсөлдсөн байна.
“Драм цуврал киноны шилдэг жүжигчин” төрөлд Америкийн жүжигчин, дуучин Зендея (Эйфория), “инээдмийн болон мюзекл цуврал киноны шилдэг эмэгтэй гол дүр” төрөлд Кинта Брансон (Abbott Elementary, 2021) нар шалгарчээ.
“Шилдэг инээдэм/мюзикл кино” төрөлд шилдэг эрэгтэй гол дүрийн шагналыг Ирландын жүжигчин Колин Фаррелл “The Banshees of Inisherin” эмгэнэлт инээдмийн кинонд бүтээсэн дүрээрээ хүртлээ.
Стивен Спилбергийн “Fabelmans” ( 2022) кино “шилдэг драм кино” төрөлд шагнал хүртжээ. Спилбергийн кино Жеймс Кэмероны “Avatar: The Way of Water”, Баз Лурманы “Elvis”, Тодд Филдийн “Tar” болон Жозеф Косинскийн “Top Gun: Maverick” кино өрсөлдсөн байна. Энэ төрөлд ялагчийг Оскарын шагналт найруулагч, кино зохиолч Квентин Тарантино зарлажээ.
“Шилдэг мюзикл болон инээдмийн кино”-гоор Мартин Макдонагийн “The Banshees of Inisherin” (2022) шалгарсан бол Аргентин, Их Британи, АНУ-ын хамтарсан бүтээл болох “Аргентин, 1985” кино гадаад хэлээрх шилдэг кино төрөлд “Алтан бөмбөрцөг” хүртлээ.
“Шилдэг драм цуврал кино” төрөлд “Алтан бөмбөрцөг”-ийн шагналыг “Хаадын тоглоом” цувралын өмнөх үйл явдал болох “House of the Dragon” (2022) цуврал хүртэв.
“Avatar: The Way of Water” кино дэлхий дахины кинотеатруудын дэлгэцнээ гарч эхэлсэн гурав дахь долоо хоногтоо “Maverick” киноны 2022 онд тогтоосон амжилтыг эвдэж, дэлхийн зах зээлээс 1.51 тэрбум ам.долларын орлого олоод байгааг “Box Office Mojo” цахим хуудасны мэдээлэл харуулжээ. Ингэснээр “Avatar 2” 2022 оны хамгийн их ашиг орлоготой кино болж, бүх цаг үеийн хамгийн их ашиг орлого олсон кинонуудын жагсаалтын эхний 10-т бичигдэж эхэлжээ. Харин 2015 онд үзэгчдийн хүртээл болсон “Furious 7” уран сайхны кино 11 дүгээр байр луу ухарсан байна.
Соёл урлагийн салбарын шинжээчид, “Avatar”-ын шинэ ангийг ойрын хугацаанд эрчээ алдахгүй гэж таамаглаж байгаа бөгөөд ирэх сард “Ant-Man and the Wasp: Quantumania” киног нээлтээ хийх хүртэл тасалбарын борлуулалтаараа тэргүүлсэн хэвээр байна гэсэн таамаглалыг дэвшүүлж байгаа ажээ.
Энэхүү киноныхоо нээлтийг хийхийн өмнөхөн өгсөн ярилцлагадаа “зардлаа нөхөхийн тулд наад зах нь хоёр тэрбум ам.долларын орлого олох шаардлагатай” гэж хэлж байсан Ж.Камероны хувьд энэ нь таатай мэдээ юм.
Г.АМАРСАНАА
УДЭТ-ын Уран бүтээлийн хэлтсийн даргаар Б.Хишигзаяа, найруулагчаар М.Батболд, туслах найруулагчаар С.Ариунжаргал, Б.Сандуйжав нарыг тус тус томилжээ. Тэд оны өмнөхөн шинэхэн ажилдаа орсон байна.
Найруулагч М.Батболд “Фауст”, “Гэм зэм” жүжгийг найруулан тавьсан юм. Тэрбээр хамгийн сүүлд АНУ-ын зохиолч Жон Патрикийн “Everybody loves Opal” жүжгийг “Опал” нэртэйгээр “Орфей” театрын тайзнаа амилуулсан билээ.
Ташрамд дурдахад, УДЭТ-ын урхан бүтээлчид “Сычуаны сайн
Лхагва гаригийн байдлаар найруулагч Жэймс Камероны “Avatar” цувралын хоёр дахь кино болох “Avatar: The Way of Water” дэлхийн кино театрын зах зээлээс $1.5 тэрбумыг олж, 2022 онд гарсан дэлгэцийн уран бүтээлүүдийг орлогоороо тэргүүлжээ.
Уг бүтээл арван хоёрдугаар сарын 16-ны өдөр дэлхий даяар нээлтээ хийсэн юм.
Өнгөрсөн оны хавар нээлтээ хийсэн “Top Gun: Maverick” $1.489 тэрбумын орлоготой 2022 оны кинонуудыг тэргүүлж байсан бол “Avatar 2” түүнийг гуравхан долоо хоногийн дотор орлогоороо гүйцэж түрүүлсэн байна.
Гэхдээ АНУ-ын зах зээлд $718 саяын орлоготой “Top Gun: Maverick” тэргүүлсэн хэвээр байгаа. Камероны шинэ бүтээл АНУ-ын кино театруудаас өнгөрсөн хугацаанд $465 саяыг л олжээ.
Гэхдээ түүнд гүйцэж түрүүлэх хангалттай хугацаа бий.
Дэлхийн киноны хамгийн том зах зээлд тооцогддог Хятадад хэдийгээр цар тахлын нөхцөл байдал хүнд байгаа ч “Avatar 2”-ын орлого $162 саяыг даваад байна. Өмнөх “Avatar” энэ улсын зах зээлээс нийтдээ $262 саяыг олж байжээ.
“Avatar” цувралын 2009 онд гарсан эхний кино дэлхийн кино театрын зах зээлээс $2.9 тэрбумыг олсон амжилтаар бүх цаг үеийн дэлгэцийн бүтээлүүдийг тэргүүлж байгаа.
Харин хоёр дахь “Avatar” энэ амжилтыг эвдэх эсэх нь удахгүй харагдах юм.
Эх сурвалж: Business Insider
Дэлхийн хөл бөмбөгийн шилдэг тоглогчдын нэг Португалийн Кристиано Рональдо 2025 оныг хүртэл Саудын Арабын Аль Насср клубт тоглох гэрээг байгуулжээ.
Тэрбээр Английн Манчестер Юнайтад клубт харьяалагдаж байгаад хэвлэлд өгсөн ярилцлагатай холбоотой маргааны улмаас тус клубээс явсан юм.
Рональдог хөл бөмбөгийн түүхэнд хамгийн өндөр цалингаар буюу жилийн 177 сая фунт стерлингээр Саудын Арабын клубт тоглох болсон тухай эх сурвалжууд мэдээлж байна.
37 настай тэрбээр “өөр улс орны өөр лигийн клубт шинэ зүйл мэдрэх, туршлага олж авах хүсэлтэй” байгаагаа ярьжээ.
Саудын Про Лигийн есөн удаагийн аварга Аль Насср клуб Рональдотой байгуулсан гэрээгээ “түүхэн үйл явдал” гэж онцолсон байна.
Гэрээ нь тус улсын мэргэжлийн лигийн тамирчид төдийгүй ард түмэн, хойч үе, охид хөвгүүдэд урам зориг өгөх ач холбогдолтойг онцолжээ.
Өнгөрсөн зун Саудын өөр нэг клуб Аль Хилалын тавьсан 305 сая фунт стерлингийн гэрээний саналаас Рональдо татгалзаж байв.
Тухайн үед тэр Манчестер Юнайтед клубт сэтгэл хангалуун байгаагаа мэдэгдэж байжээ.
Харин арваннэгдүгээр сарын эхээр Пиерс Морганы ярилцлагын шоунд оролцохдоо Рональдо тус клубийн дасгалжуулагч Эрик тен Хагтай санал зөрөлддөг, таагүй харилцаатай байгаагаа ярьсан нь маргаан үүсгэж, Манчестер Юнайтедаас явахад хүргэж байв.
Тэрбээр 2021 оны наймдугаар сард Манчестер Юнайтед клубт орсноосоо хойш 346 тоглолтод оролцохдоо 145 гоол оруулсан юм.
Долоо хоногт 500,000 фунт стерлинг авах Юнайтед клубтэй байгуулсан гэрээ нь дуусахад долоон сарын хугацаа үлдээд байсан ч Рональдо “харилцан зөвшилцсөний үр дүнд” ярилцлагынхаа дараа тус клубээс явж байжээ.
Саяхан тэр Катар 2022-т оролцоод таван өөр дэлхийн аваргын шалгаруулах тэмцээнд гоол оруулсан түүхэн дээд амжилтыг тогтоосон юм.
Эх сурвалж: BBC
Шинэ жилийн баяраар үзэхэд тохиромжтой баярын тухай, түүнтэй холбоотой кинонуудыг хүргэж байна
Love Actually
“Хайр дурлал бидний эргэн тойронд. Үнэхээр хаа сайгүй” гэсэн үгээр эхэлдэг энэ киног 100 удаа үзсэн ч уйдахгүй байх. Өөрийн гэрийн үйлчлэгчид дурласан зохиолч, хөгширч буй рок-од, уйдсан ерөнхий сайд, бэлэвсэн эхнэр нөхрүүд, порно-жүжигчид зэрэг киноны баатрууд маань нэг чухал юмны гэрч болох шиг. Тийм ээ тийм хэтрүүлж байна. Амьдралд ийм байдаггүй. Гэхдээ энэ бол кино-мөрөөдөл учир шүүмжлэгч нар минь бүү сандар.
Home Alone
1990 онд Крим Коламбусын хийсэн энэ киногүйгээр шинэ жилийн өдрүүд өнгөрнө гэж үгүй. Өөрийнх нь эсрэг дайсагнаж байгаа томчуудын ертөнцийн үл бүтэх нэгэн хэсэгтэй тэмцэж ялж буй бяцхан хүүгийн хөгжилтэй тулаан бидний сэтгэлд үнэхээр гүн шингэжээ.
The Holiday
Аливаа өөрчлөлт ихэнхдээ сайн зүйл авчирдаг гэдгийг үзүүлсэн жинхэнэ өвлийн, сэтгэлд нэг л ойр дулаахан, сайхан кино билээ. Ялангуяа амралтын өдөр эсвэл кино үзэх үедээ ч утсаа унтраахаасаа айдаг орчин цагийн бидэнд бүр ч сургамжтай. Киноны дараа Камерон Диаз, Кейт Уинслет нар шиг хаашаа ч юм хол газар явж элдэв адал явдалтай учирмаар ч юм шиг.
The Polar Express (2004)
Зул сарын тухай хүүхэлдэйн кинонууд дундаас хамгийн өвөрмөц, сонирхолтой, гайхалтай дүрслэлтэй гэвэл үүнийг хэлэх биз ээ. Хойд туйл руу хийх зүүдний юм шиг мартагдашгүй аялал, замдаа олон саад бэрхшээлтэй тулгарах ч тэр тусмаа хамгийн гайхалтай мэдрэмжийг төрүүлэх болно.
How The Grinch Stole a Christmas (2000)
Царай муутай, зул сарыг бүхнээс илүү үзэн яддаг, ногоон өнгөтэй тэр хэн бэ? Мэдээж тэр Гринч шүү дээ. Тэр энэ зул сарын баярыг хулгайлж, бусниулахыг хүссэн ч юу түүнд саад болж, аз жаргал, сэтгэл хөдлөлөөр дүүрэн жижигхэн хотын хэн гэгч баатар түүнд ухаарал хайрлан, зул сарыг аврах бол?
The Santa Clause 2 (2002)
Скот найман жилийн турш Сантагийн “үүрэг гүйцэтгэж”, үнэнч одой нар нь түүнийг хамгийн сайн өвлийн өвгөн гэж итгэнэ. Гэнэт Зул сарын ертөнцөд санаанд оромгүй өөрчлөлтүүд гарч, Скот өвөөд олон бэрхшээл тулгарна. Түүний хүү муу хүүхдүүдийн жагсаалтад орж, Санта Клаусын үүргээ хүлээлгэж өгөх шаардлатай болдог байна.
Elf (2003)
Нялх балчир байхаасаа Хойд туйлд өссөн Бадди өөрийгөө анаахай гэж итгэдэг. Гэвч өсөж томрох тусам бяцхан одой нараас биеийн өсөлт, биеэ авч яваа байдал гээд бүх зүйлээр ялгарч эхэлдэг. Тэр Хойд туйлыг өөрийнхөө байх ёстой газар биш гэдгийг хүлээн зөвшөөрч жинхэнэ гэрээ олохоор Нью-Йорк хотыг зорьсноор киноны үйл явдал өрнөдөг.
“A Very Murray Christmas”
2015 онд дэлгэцнээ гарсан инээдмийн мюзикл кино.
A Christmas carol
Бидний жагсаалтанд зүй ёсоор орсон цорын ганц хүүхэлдэйн кино. Шинэ жилийн уур амьсгалыг үнэртүүлсэн, үлгэрийн гэмээр энэхүү хүүхэлдэйн кино нь Чарьз Диккенсийн зохиолоос сэдэвлэн бүтээгдсэн юм. Гол дүр болох санхүүч Скружа энэ дэлхийд хамгийн их гутаж гунихарсан, итгэл алдсан хүнийг ч шинэ жил дахин сэргээж, баярлуулж чаддаг гэдэгт итгүүлнэ.
Charlie And The Chocolate Factory
Тим Бертоны энэхүү кино бүх л зүйлээрээ гайхамшигтай. Тайз засал, тусгай эффект, алиа хошин, гүн ухаан, тун буурьтай бодож хийсэн шоколадны үйлдвэр гээд л… Тийм ч учраас энэ кино хүнд жинхэнэ баяр, хөөр, сайхан сэтгэгдэл бэлэглэдэг бизээ.
Lost Christmas
Бидний урьд өмнө үзээгүй шинэ жилийн үдшийн тухай түүх. Энд ид шид, эмгэнэлт явдал холилдох ба кинонд тийм ч их шинэ жилийн тайз засал, улаан хацарласан Санта Клаус гараад байхгүй ч… та энэ киног үнэн сэтгэлээсээ үзэж , кинондоо сүлэлдэн уусч байж тэрхүү гүн гүнзгий, агуу чухал зүйлийг мэдрэх болно.
МҮОХ-ны тэргүүн дээд шагнал гардуулах “Бөртэ чоно-2022” ёслол өнөөдөр Чингис хаан музейд болно.
Энэ жил 20 дахь удаагаа зохиогдох тус ёслол уламжлал ёсоор 16 номинацаар шилдгүүдээ тодруулна. Оны шилдэг тамирчдыг спортын сэтгүүлчдийн саналаар шалгаруулдаг билээ.
Өнгөрсөн жил Монгол Улсын гавьяат тамирчин М.Уранцэцэг олимпын наадам болон ДАШТ-ээс хүрэл медаль хүртсэн амжилтаараа “Бөртэ чоно”-ын эзэн болсон юм.
Стресс, бухимдал нь хүний эрүүл мэндэд сөргөөр нөлөөлөх эрсдэлт хүчин зүйлийн нэг юм. Хааяа бидний ажил бүтэхгүй, амьдрал болохгүй үе байдаг. Ийм үед хэн нэгэнд уур, бухимдлаа өөрийн мэдэлгүй гаргачихдаг. Эсвэл дотроо тээгээд, шаналж явах нэгэн байхад архи, тамхи хэрэглэж түүр зуур зовлонгоо мартахыг хүсэх хүмүүс ч олон.
Тиймээс стресс тайлах шалгарсан аргуудыг уншигч та бүхэнд хүргэж байна.
Та өөрөөсөө ямар нэгэн сайхан зүйлийг олж харахыг хичээ. Толинд хар, сайхан хувцас өмс, өөрийнхөө сайн чанарыг, сайхан явсныг сана. Өөрийгөө зөв үнэл. Шүүмжлэлтэй хандсан ч бүр “ухах” хэрэггүй.
Стрессийн шинж тэмдгүүд
Жил бүрийн арванхоёрдугаар сарын 25-ны өдөр Зул сарын баярыг дэлхий даяараа тэмдэглэдэг уламжлалтай билээ. Тэр дундаа европ болон зүүн азийн улс орнууд маш өргөн дэлгэр тэмдэглэдэг байна. Merry Christmas хэмээх мэндчилгээний үг нь “Христ мэндэлсний баяр хүргэе” гэсэн үг аж.
2000 жилийн тэртээ Есүс Христ Израйлын Бэттлхэмд төрж, Христосийн шашинд “Ертөнцийг аврагч” хэмээн өргөмжлөгдөж байсан гэдэг домог бий. 300-аад оны сүүлээр Христийн шашинтнууд Ромын эзэнт гүрнийг хамарч эхэлснээр 1100 оны үед Кристмасын баяр шашны хамгийн өргөн хэмжээний ёслол болон хувирчээ. АНУ-д Зул сарыг 1870 онд үндэсний баяр болгосон байдаг. Азийн тивийн хувьд Өмнөд Солонгос, Филиппин, Макао, Тайвань улсууд Зул сарын баярыг өргөн хүрээнд тэмдэглэдэг.
Түүнчлэн Африк тивийн цөөн орон Зул сарын баярыг шашны хүрээнд тэмдэглэн өнгөрүүлдэг байна. Зул сарын баярыг Санта Клаусгүйгээр төсөөлөх аргагүй. Улаан өмсгөл, цагаан сахал, хөгжилтэй царайтай энэ өвгөн Зул сарын баярын өмнөх шөнө бэлэг тараадаг гэдэгт олон орны хүүхдүүд итгэн хүлээдэг. Түүнчлэн хүүхдүүд Санта Клаус цаа буга хөлөглөсөн чаргаар Хойд туйлаас нисч ирдэг гэдэгт итгэдэг. Санта Клаусын түүх гуравдугаар зуунаас эхтэй. Санта Клаусыг одоогийн Туркийн Мира хэмээх газар амьдарч байсан гэгээн Николай гэгч санваартан гэх нийтлэг ойлголт байдаг. Үлгэр, домогт өгүүлснээр сайхан сэтгэлт санваартан Николай ядууст тусалдаг, өгөөмөр нэгэн байжээ. Зул сарын баяраар мөнх ногоон гацуурыг элдэв тоглоом, саа, гэрэл зэргээр чимэглэдэг уламжлалтай.
Зул сарын модны тухай анхны бичвэр XVI зуунд хамааралтай. Германы Страсбург хотын иргэд өвөл цагт гацуур модыг өнгийн цаас, жимс, ногоогоор чимдэг байсан энэ уламжлал Европ даяар тархсан аж. Одоо Христосчууд энэхүү баярыг нэг тогтсон заншлаар бус хүссэн хэв маягаараа тэмдэглэн өнгөрүүлдэг болжээ. Тэднээс заримыг сонирхуулбал, Иордан дах Амман католик сүмд Иракийн итгэгчид залбирч, Энэтхэгийн хойд зүгт орших Аллахабад хотын нэгэн оршин суугч духан дээрээ энэтхэг хэлээр “Зул сарын мэнд” хэмээн бичсэн нь олон хүний таашаалд нийцжээ. Болгарын нийслэл Софи дах Александр Невскийн сүмийн итгэгчид лаа асааж мөргөл үйлддэг нь томоохон хэмжээний ёслолд тооцогддог байна. Суданы нийслэл дэх Жуба сүмд зул сарын баяраар олон зуун итгэгчид мөргөл үйлддэг аж. Хавайд очсон жуулчид хүртэл Санта Клаусын хувцас өмсөн, сүлд мод засч зул сарын баярыг тэмдэглэдэг.
Голландчууд зул сарын баяраараа жил бүр “Лааны шөнө”- ийг тэмдэглэн өнгөрүүлдэг байна. Харин Индонезийн Жакартагийн хүүхдүүд сүмийн магтан дуу дуулж баярладаг байна. Польшийн нэгэн сүмд Христийн тухай жүжигчилсэн тоглолт хийдэг бол Католик шашны их лам Сиен О Маллей Массачуэтсийн орон гэргүйчүүдийг хооллож буян үйлдэж зул сарын баярыг өнгөрүүлдэг гэнэ. Францын орон гэргүйчүүд автобусанд зул сарын ёслол үйлдэж хүндэтгэл үзүүлж байна. Мянмарын Яангон дахь цуглааныхан ч зул сарын баярыг тэмдэглэдэг ажээ.