Category: эдийн-засаг

Categories
мэдээ эдийн-засаг

“Улаанбаатар эдийн засгийн форум- 2020” хоёрдугаар сарын 07-нд болно

“Улаанбаатар эдийн засгийн форум- 2020” хоёрдугаар сарын 07-нд болно

Улаанбаатар хотод тулгамдаж буй олон асуудлыг талуудын оролцоотойгоор хэрхэн шийдэж болох гарц, боломжуудын талаар эрэлхийлдэг “Улаанбаатар эдийн засгийн форум- 2020” арга хэмжээг хоёрдугаар сарын 07-нд Корпорейт конвеншн центрт зохион байгуулна. 2015 оноос хойш зохион байгуулагдаж буй энэхүү үйл ажиллагааны талаар өнөөдөр нийслэлийн Засаг даргын Тамгын газрын дарга Р.Батрагчаа, Улаанбаатар хотын худалдааны танхимын ерөнхийлөгч Ч.Ганхуяг, Улаанбаатар хотын хөгжлийн корпорацийн гүйцэтгэх захирал Ж.Билэгсайхан болон бусад холбогдох албаны төлөөлөл НЗДТГ-т мэдээлэл хийлээ.

Энэ жилийн “Улаанбаатар эдийн засгийн форум- 2020” нь:

  • Улаанбаатар хотын эдийн засаг, хөрөнгө оруулалт
  • Улаанбаатар хотод хэрэгжих томоохон төсөл
  • Улаанбаатар хотын хөгжил
  • SMART CITY
  • “Нэг хот- Нэг стандарт” гэсэн үндсэн сэдвийн хүрээнд явагдана.

Форумын үеэр нийслэл хотод хэрэгжиж буй томоохон төслийг оролцогчдод танилцуулахаас гадна хувийн хэвшилтэй хамтарч хийх төсөл хөтөлбөр, бизнес эрхлэгчдэд олгож буй боломжоо танилцуулах аж. Мөн хотын удирдлага, газар хэлстийн дарга нар оролцогчидтой уулзаж, шууд ярилцан тулгарч буй асуудлаараа санал солилцох боломж олгоно.

Нийслэлийн Засаг даргын Тамгын газрын дарга Р.Батрагчаа “Форумыг зохион байгуулахаар ажлын хэсэг ажиллаж байна. Саяхан НИТХ-аар Төр, хувийн хэвшлийн түншлэлийн дэд хөтөлбөрийг баталсан тул энэ удаагийн форумаар энэхүү бодлогын баримт бичгийг хэрхэн үр дүнтэй хэрэгжүүлэх талаар чухалчлан хөндөхөөр төлөвлөсөн. Манай холбогдох агентлаг, газрууд хоёрдугаар сарын 07-ныг хүртэл форумтай холбоотой мэдээллийг иргэдэд хүргэсээр байх болно” хэмээн ярилаа.

Улаанбаатар хотын худалдааны танхимын ерөнхийлөгч Ч.Ганхуяг “Улаанбаатар худалдааны танхим 2015 оноос хойш үйл ажиллагаа явуулж ирсэн. Улаанбаатарт үйл ажиллагаа явуулдаг аж ахуйн нэгжүүдэд тулгамдаж байгаа асуудлыг зохицуулах, хөрөнгө оруулагчдыг татах чиглэлээр ажиллаж байна. Үр дүн гарч байгаа боловч цаашид илүү нягт ажиллаж, Улаанбаатарчууд өөрсдөө бүтээн байгуулалтад хувь нэмрээ оруулах нь илүү чухал. Өнөөдөр тулгамдсан маш олон асуудал байгаа учраас энэ бүгдийг форумаар дамжуулан ярилцах хэрэгтэй” гэлээ.

Улаанбаатар хөгжлийн корпорацийн гүйцэтгэх захирал Ж.Билэгсайхан “Форум хотын эдийн засаг, хөрөнгө оруулалт болон “Ухаалаг хот” гэсэн үндсэн хоёр хэсгээс бүрдэнэ. Улаанбаатар хотын хөгжлийн корпораци дээр бүртгэл явагдаж байгаа. Ирэх долоо хоногоос бүх төрлийн бүртгэлийн системүүдээ ашиглалтад оруулж эхэлнэ. Мандатын үнийг бүртгэл эхэлхэд эцэслэн гаргана. Нийт 1000 оролцогчтой байхаар төлөвлөсөн. Улаанбаатар хотын худалдааны танхим гардан зохион байгуулж байгаа учраас гадаад, дотоодын хөрөнгө оруулагчид оролцох саналаа ирүүлж байна” гэсэн юм.

Categories
мэдээ нийгэм эдийн-засаг

НӨАТ-ын буцаан олголтыг ирэх хоёрдугаар сард багтааж олгоно

Image result for НӨАТ-

2019 оны НӨАТ-ын буцаан олголтоор 900 мянга орчим иргэнд 139 тэрбум төгрөгийн урамшуулал олгох ба буцаан олголтыг ирэх хоёрдугаар сард багтаан олгоно. Энэ жилээс НӨАТ-ын буцаан олголтыг улирал бүр олгохоор болж, тухайн улирал дууссанаас хойш 45 хоногийн дотор буцаан олголтын урамшуулал иргэдийн дансанд шилжих аж.

Categories
мэдээ эдийн-засаг

НӨАТ-ын буцаан олголтын талаар тайлбар мэдээлэл өгнө

Засгийн газрын ээлжит хуралдаан үргэлжилж байна.

Өнөөдрийн хурлаар 20 асуудал хэлэлцэн шийдвэр гаргана гэж Засгийн газрын ХМОНХХ-ээс мэдээллээ.

Мөн Сангийн сайд Ч.Хүрэлбаатар өнөөдөр 15:50 цагт НӨАТ-ын буцаан олголтын талаар тайлбар мэдээлэл өгөхөөр болжээ.

Урамшуулал олгох болсноос хойш НӨАТ-ын буцаан олголтод 2016 онд 35.1 тэрбумыг олгож байсан бол 2019 онд 121.6 тэрбум төгрөг олгосон. Харин энэ онд 146 тэрбум төгрөгийг буцаан олгохоор байгааг Татварын ерөнхий газраас мэдээлээд байгаа.

Categories
мэдээ эдийн-засаг

2019 оны НӨАТ-ын буцаан олголтод 139 тэрбум төгрөг зарцуулах тооцоолол гарчээ

Иргэд бид 2016 оноос эхлэн худалдан авалт хийсэн баримтаа системд бүртгүүлэн НӨАТ-ын буцаан олголт авч хэвшээд байна.

2019 оны НӨАТ-ын буцаан олголтыг 907,000 иргэнд өгөх бөгөөд энэ нь 139 тэрбум төгрөг болно гэсэн тооцоолол гарчээ.

НӨАТ-ын буцаан олголтын мөнгийг нэгдүгээр улиралд олгоно гэж журамд заасан байдаг. Гэхдээ ирэх хоёрдугаар сард багтаан олгохоор ажиллаж байгаа тухай Татварын ерөнхий газрын хэвлэлийн төлөөлөгч хэлэв.

Статистик:

  • 2016 онд НӨАТ-аас улсын төсөвт 493 тэрбум төгрөг төвлөрч үүнээс 35.1 тэрбум төгрөгийг,
  • 2017 онд 734 тэрбум төгрөг төвлөрснөөс 77.7 тэрбум төгрөгийг
  • 2018 онд 898 тэрбум төгрөг цугларч, үүнээс 128.8 тэрбум төгрөгийг буцаан олголтод тус тус зарцуулсан байна.
Categories
мэдээ эдийн-засаг

Дэлхийн Банкны Зүүн ази, Номхон далайн бүс нутаг хариуцсан дэд ерөнхийлөгч Монголд хийсэн айлчлалаа өндөрлөлөө

Нэгдүгээр сарын 13-14-ний өдрүүдэд Дэлхийн Банкны Зүүн ази, Номхон далайн бүс нутаг хариуцсан дэд ерөнхийлөгч Викториа Кваква Монгол Улсад албан айлчлал хийлээ. Тэрээр айлчлалынхаа хугацаанд Монгол Улсын Ерөнхийлөгч Х. Баттулга, Сангийн сайд Ч. Хүрэлбаатар, Хүнс, хөдөө аж ахуй, хөнгөн үйлдвэрийн сайд Ч.Улаан, Монгол Банкны Ерөнхийлөгч Б.Лхагвасүрэн нартай албан уулзалт хийжээ. Хатагтай Кваква төсвийн сахилга бат улсын хэмжээнд сайжирсан нь дараагийн зорилго, зорилтыг хэрэгжүүлэхэд түлхэц болж өгөхийг онцолсон.

“Макро эдийн засгийг тогтворжуулах, эдийн засгийг төрөлжүүлэх, засаглалыг бэхжүүлэх замаар дундаас дээш орлоготой орон болох зорилтын хэрэгжилтийг эрчимжүүлэхэд нь Монгол улсад дэмжлэг үзүүлэхэд Дэлхийн Банк ямагт бэлэн байх болно,” хэмээн Дэлхийн Банкны дэд ерөнхийлөгч хатагтай Кваква хэлсэн юм.


Дэлхийн Банкнаас Монгол Улстай хамтран хэрэгжүүлж буй зээл, тусламжийн хэмжээ одоогийн байдлаар 349 сая гаруй ам.долларыг даваад байгаа бөгөөд уг төсөл, хөтөлбөрүүд нь уул уурхайн бус салбарын экспортыг дэмжих, ажил эрхлэлтийг нэмэгдүүлэх, санхүүгийн тогтвортой байдлыг хангах, эрчим хүч, боловсрол, мэдээлэл харилцаа холбооны салбарыг хөгжүүлэх, төв болон орон нутгийн засаглалын чиглэлээр хэрэгжиж байна.

Хамгийн сүүлд Дэлхийн Банкнаас Монгол улсын өрийн тогтвортой байдлыг сэргээх, нийгмийн хамгааллын тогтолцоог бэхжүүлэх, өрсөлдөх чадварыг сайжруулахад чиглэгдсэн Монгол улсын бодлогын шинэчлэлийг дэмжин “Монгол Улсын Эдийн засгийн удирдлагыг дэмжих хөтөлбөр”-ийн 2 дахь шатны санхүүжилт болох 100 сая ам. долларын зээлийг батлаад байна.

Дэлхийн Банкнаас Монгол улстай цаашид хамтран ажиллах Түншлэлийн стратегийг 2020 онд багтаан боловсруулна.

Эх сурвалж: Дэлхийн банк

Categories
мэдээ нийгэм эдийн-засаг

Улаанбаатар хотын дулаан хангамжийн төслийг Европын сэргээн босголт хөгжлийн банк санхүүжүүлнэ

Улаанбаатар хотын дулаан хангамжийн төслийг Европын сэргээн босголт хөгжлийн банк санхүүжүүлнэ

Монгол Улсын Засгийн газар, Европын сэргээн босголт хөгжлийн банкны хооронд байгуулсан Санхүүжилтийн ерөнхий хэлэлцээрийн хүрээнд “Улаанбаатар хотын дулаан хангамжийн төсөл”-ийг хэрэгжүүлэхээр боллоо. Энэхүү төсөл 4 жилийн хугацаанд, 10 сая долларын хөнгөлөлттэй зээл, 5 сая долларын буцалтгүй тусламжийн хөрөнгөөр хэрэгжих юм. Улаанбаатар хотын төвлөрсөн дулаан хангамжийн шугам хоолойг өргөтгөж, хүчин чадлыг нэмэгдүүлэх, хангамжийн хамрах хүрээг тэлэх зэрэг ажлууд хийгдэх юм.

Сангийн сайд Ч.Хүрэлбаатар “3.8 км магистралын шугамыг өргөтгөнө. Ингэснээр 1, 3, 4, 10 дугаар хороолол, Хан-Уул дүүргийн 11, 15, Баянзүрх дүүргийн зарим хорооллын дулаан хангамжийг сайжруулах боломж бүрдэж байгаа. Үүнээс гадна 7.6 км дулааны шугам татсанаар Баянзүрх дүүргийн 10 дугаар хороо, Амгалан орчим, 3, 4 дүгээр хорооллын эцэс, 6 дугаар бичил хороолол, Толгойтод шинээр орон сууц барих боломжуудыг бүрдүүлж өгч байгаа”

УБДС ТӨХК-ийн гүйцэтгэх захирал Г.Баярсайхан “Бид энэ гэрээг хэрэгжүүлснээр 10 сая ам.долларын хөнгөлөлттэй зээл, 5 сая ам.долларын буцалтгүй тусламжаар Улаанбаатар хотын томоохон шугам сүлжээг өргөтгөх, шинэчлэх мөн шинээр суурьшлын бүсүүд рүү шугам татах ажлууд хийгдэнэ.

Европын сэргээн босголт, хөгжлийн банкны Евразийн дэд бүтэц хариуцсан захирал Екатерина Мирошник “Энэ бол бидний дулаан хангамжийн салбарт хамтран ажиллаж байгаа анхны төсөл. Энэ чиглэлд хөрөнгө оруулалт маш их хэрэгтэй байгаа. Төслийн санхүүжилтээр одоо байгаа дулааны шугам сүлжээг сэргээн засварлаж, шинэ дүүргүүдийг төвийн шугамд холбох ажлууд хийгдэнэ. Энэ төсөл нь нүүрстөрөгчийн ялгарлыг бууруулж, Улаанбаатар хотыг цэвэр агаартай болгох үр дагавартай тул энэ чиглэлийн хөрөнгө оруулалт маш их хэрэгтэй байгаа. Түүнчлэн бид хөдөө орон нутагт төсөл хэрэгжүүлэхээр Сангийн яамтай үргэлжлүүлэн ажиллах болно. Ингэхдээ дэд бүтэц, дулаан, усны хангамж, нийтийн тээврийн салбарыг анхаарч ажиллана.

Мөн Европын сэргээн босголт хөгжлийн банкны Техник хамтын ажиллагааны хүрээнд 1.5 сая долларыг компанийн чадавхыг хэмжих, сэргээгдэх эрчим хүчний судалгаа хийхэд зарцуулахаар шийдвэрлэсэн байна.

Categories
мэдээ нийгэм эдийн-засаг

Хөнгөн цагаан лааз, хуванцар савыг 20 төгрөгөөр авч байна

Image result for Хуванцар хаягдал

Монгол Улс жилд дунджаар 20 мянган тонн хуванцрын хаягдал гаргадаг. Үүний дийлэнх буюу 15 мянган тонныг ундаа усны сав эзэлдэг бөгөөд 30 хувийг нь л дахин боловсруулж, үлдсэнийг байгальд хаядаг. Шалтгаан нь олон нийтийн газарт хогийг ангилж хаях сав хангалттай байдаггүйтэй холбоотой. Харин “Экобин” ХХК-аас эх орондоо хуванцар хог хаягдлыг зөв боловсруулж хэвших соёлыг дэлгэрүүлэхээр RVM буюу хаягдлыг төлбөртэй хүлээн авагч машиныг ажиллуулж эхэлсэн байна. Тус машинаар үйлчлүүлж буй иргэд хуванцар хаягдлынхаа жин болон доторх шингэний үлдэцийг хянаж хийгээд, тохирсон мөнгөн дүн бүхий QR кодтой тасалбар авах аж. Ингээд тус кодыг “Mongol chat” аппликейшнаар уншуулж өөрсдийн дансандаа бэлэн мөнгө болгож авах юм байна.

Тус автомат машин хөнгөн цагаан лааз, ундааны сав, жижиг цаасан хайрцаг гэсэн хог хаягдал хүлээн авна. Хаягдлыг 20 төгрөгөөр авч байгаа ба 1,2 литр хэмжээтэй буюу түүнээс том савыг авах боломжгүй аж.

Байрлах цэгүүд нь:

-Хангарьд ордны нэгдүгээр давхар

-Улсын их дэлгүүрийн Номин салбар

-Ривер гардан хотхоны Номин салбар

-Наадам центрийн Номин салбар

-Аравдугаар хорооллын Өнөр хорооллын Номин салбар

-19-р хорооллын Номин.

Categories
мэдээ улс-төр эдийн-засаг

УИХ: Эрүүгийн багц хууль болон Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн эцсийн хэлэлцүүлгийг хийж байна

Image result for УиХ Чуулган

УИХ-ын чуулганы нэгдсэн хуралдаанаар Эрүүгийн багц хууль болон Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн эцсийн хэлэлцүүлгийг хийж байна.

Өнөөдрийн хуралдаанаар хэлэлцэх асуудлын жагсаалт:

  • Эрүүгийн хуульд өөрчлөлт оруулах тухай хуулийн төсөл болон хамт өргөн мэдүүлсэн Зөрчлийн тухай хуульд нэмэлт оруулах тухай хуулийн төсөл /анхны хэлэлцүүлэг/;
  • Эрүүгийн хуульд нэмэлт, өөрчлөлт оруулах тухай, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай, Шүүхийн шийдвэр гүйцэтгэх тухай хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай, Зөрчил шалган шийдвэрлэх тухай хуульд нэмэлт, өөрчлөлт оруулах тухай хуулийн төслүүд болон хамт өргөн мэдүүлсэн бусад хуулийн төсөл /эцсийн хэлэлцүүлэг/;
  • Эрүүгийн хуульд нэмэлт, өөрчлөлт оруулах тухай хуулийг дагаж мөрдөх журмын тухай хуулийн төсөл /анхны хэлэлцүүлэг/;
  • Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төсөл болон хамт өргөн мэдүүлсэн бусад хуулийн төсөл /эцсийн хэлэлцүүлэг/;
  • Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуулийг дагаж мөрдөх журмын тухай хуулийн төсөл болон Хууль тогтоомжийн хэрэгжилтийг хангах арга хэмжээний тухай Улсын Их Хурлын тогтоолын төсөл /анхны хэлэлцүүлэг/;
  • “Зарим газар нутгийг улсын тусгай хамгаалалтад авах, хилийн заагт өөрчлөлт оруулах тухай” Улсын Их Хурлын тогтоолын төсөл /Засгийн газар өргөн мэдүүлсэн, хэлэлцэх эсэх/;
  • “Прокурорын байгууллагын 90 жилийн ойн баярыг тэмдэглэх тухай” Улсын Их Хурлын тогтоолын төсөл; Үдээс хойших хуралдаан:
  • Улсын Их Хурлын гишүүн Н.Амарзаяагаас Монгол Улсын Ерөнхий сайдад хандан “Монгол Улсын усны нөөц, ус ашиглалт болон уг салбарт баримталж буй бодлогын талаар” тавьсан асуулгын хариуг сонсоно.
Categories
мэдээ нийгэм эдийн-засаг

Монголбанкнаас тэтгэврийн зээлийн үлдэгдлийг мэдээлэв

Банкууд 2019 оны арванхоёрдугаар сарын 31-ний өдрийн байдлаар 228.7 мянган зээлийн дансанд 757.9 тэрбум төгрөгийн тэтгэврийн зээлийн үлдэгдэлтэй байна. Энэ нь 2018 оны эцэстэй харьцуулахад 167.5 тэрбум төгрөг буюу 18.1 хувиар буурсан үзүүлэлт юм. Нэг зээлдэгчид ногдох тэтгэврийн зээлийн хэмжээ дунджаар 3.3 сая төгрөг байна.

Тэтгэвэр барьцаалсан зээлдэгчдийн 20.1 хувь нь 3.0 сая хүртэлх төгрөгийн, 55.1 хувь нь 3.0-6.0 сая хүртэлх төгрөгийн, 15.4 хувь нь 6.0-10.0 сая хүртэлх төгрөгийн, 9.4 хувь нь 10.0 саяаас дээш төгрөгийн зээлийн үлдэгдэлтэй байжээ.

2018-2019 оны тухайн сард олгосон тэтгэвэрийн зээл дүнг зурагт харуулав. 2019 оны 12 дугаар сард өмнөх саруудын дундажтай ижил хэмжээний буюу 55 тэрбум төгрөгийн зээл шинээр гарчээ. Энэ нь өмнөх оны 11 дүгээр сараас 1 тэрбум төгрөгөөр бага дүн юм.

Зураг 1. Тухайн сард олгосон тэтгэвэрийн зээл, тэрбум төгрөгөөр

 

Эх сурвалж: Банкуудын зээлийн тайлан, Монголбанк

Categories
мэдээ улс-төр эдийн-засаг

Д.Сарангэрэл: Тэтгэврийн зээлгүй ахмадуудад нэг сая төгрөгийн ваучер олгох саналыг хэлэлцэж байна

Тэтгэврийн зээлгүй ахмадуудад нэг сая төгрөгийн ваучер олгох саналыг Иргэдийн тэтгэвэр барьцаалсан зээл, зээлийн хүүгийн өрийн дарамтаас чөлөөлөх, байгалийн баялгийн орлогын өгөөж болох Салхитын мөнгө, алтны ордын орлогоос нэг удаа төлөх хуулийн төсөл боловсруулах үүрэг бүхий ажлын хэсгээс гаргажээ. Энэхүү саналыг Ажлын хэсэг МАН-ын бүлэгт танилцуулсан талаар Эрүүл мэндийн сайд Д.Сарангэрэл хэллээ. Тэрээр “Тэтгэврийн зээлгүй 194 мянган ахмад бий. Тийм учраас 194 тэрбум төгрөгийн санхүүжилт босгох асуудал яригдана. Санхүүжилтийг хэрхэн бүрдүүлэхийг шийдсэнээр ахмадуудад хавар нэг сая төгрөгийн ваучер олгох талаар бүлэг хэлэлцэж байна” гэжээ.