Category: шинжлэх-ухаан-технологи

Монголын зах зээлд “Самсунг” компанийн Galaxy S8, S8+ утас өнөөдөр албан ёсны нээлтээ хийлээ. Дэлхийн зах зээлд Galaxy S8 утас нь өнгөрсөн гуравдугаар сард танилцуулагдсан. Монголын зах зээлд Төв Азийн бүх оронд нэгэн зэрэг өнөөдөр нээлтээ хийж байна. Ингэснээр энэ сарын 5-аас Монгол дахь “Самсунг”-ийн албан ёсны дэлгүүрүүдээр болон “Мобиком”, “Юнитель”, “Нэкст электроникс”-ээр эдгээр утас нь худалдаалагдахаар боллоо.

“Samsung Electronics” компани өөрийн Galaxy цуврал бүтээгдэхүүний нэг болох шинэ “Galaxy S8” ухаалаг гар утсаа хэрэглэгчдэд танилцууллаа. Энэхүү шинэ загвар нь урьд өмнө гаргаж байгаагүй “Bixby” гэдэг дуу хоолойг таниж хөрвүүлэх систем бүхий шинэ үеийн технологи ашигласан мөлчгөр гялалзсан загвартай юм.

Энэ шинэ бүтээгдэхүүн нь дээд зэргийн чанарын шил болон металлаар хийгдсэн хоёр хувилбараар гарах ба нэг нь спорт загварын 5.8 инчийн дэлгэцтэй, нөгөө нь түүнээс том 6.2 инчийн дэлгэцтэй байх аж.

Аль аль нь Супер AMOLED буюу өнгөний нягтрал сайтай дэлгэцтэй байх ба огт хүрээгүй байх юм. Үүгээрээ “Galaxy S7” ухаалаг гар утаснаас ялгаатай бөгөөд хавтгай эсвэл нумарсан дэлгэцгүй гэсэн үг.

“Galaxy S7”-той харьцуулахад “Galaxy S8” цуврал нь арай илүү урт, арай нимгэн юм. Нүүрэн талын хуруу мэдрэгчийн үүрэг гүйцэтгэж байсан Home товчлуурыг байхгүй болгосноор дэлгэцийг илүү том харагдуулж байна. Хуруу мэдрэгчийг утасны ард талд нь байрлуулснаар Home товчлуур ил харагдахгүйгээр хэрэглэгчийн хурууны даралтыг мэдэрч идэвхжих ажээ.

Энэхүү шинэчлэл нь дэлгэцийг илүү цэгцтэй харагдуулж, тоглоом тоглож, бичлэг үзэх дуртай ухаалаг утас хэрэглэгчдийн тоог нэмэгдүүлнэ гэж ажиглагчид үзэж байна.

Galaxy S8 болон Galaxy S8 Plus-гар утаснуудад салдаггүй 3,000 mAh болон 3,500 mAh-ын зайг суулгасан нь аюулгүй байдлын үүднээс батарейны хүчин чадлыг нэмэхээс “Samsung” татгалзаж байгааг харууллаа.

Дахин цэнэглэх үед гал авалцаж байсны улмаас “Galaxy Note 7”-г зах зээлээс эргүүлэн татаж, үйлдвэрлэхийг бүрмөсөн зогсоож байсан юм. Note 7 нь 3,500 mAh-ын хүчин чадал бүхий батарейтай байсан юм.

Мексикийн Найка хотын ойролцоох агуйн аварга том талстуудаас нян авч амилуулжээ. Тэдгээр бичил биет наад тал нь 10, магадгүй 50 мянган жилийн өмнө “унтсан” гэнэ. Амьд бие махбодь таагүй орчинд дасан зохицох чадвартайг ийнхүү дахин нотоллоо. Генийн сан мэдээлэл нь байхгүй нянгууд гэдэг утгаараа гайхалтай ажил боллоо” гэж АНУ-ын Калифорни муж улсын Моффет-Филд нисэх буудал дахь сансрын НАСА агентлагийн Одон орон, биологийн хүрээлэнгийн захирал, профессор Пенелопа Бостон тайлбарлажээ.

Грэл нэвтэрдэггүй ийм орчинд амьд организм хемосинтезийн аргаар буюу уулын хөрснөөс л шаардлагатай тэжээлээ авах ёстой аж. Тэрээр энэ удаагийн нээлтээ харь гаригийн амьдралтай холбоотой эсэхийг судлах гэнэ.

О.ӨНӨР

Сүүлийн 11 жилийн турш Охины орд орчмын сансрын обьектуудыг залгиж байгаа асар том хар нүхийг АНУ-ын одон орон судлаачид илрүүлжээ. Энэхүү нүх нь манай гаригаас хоёр тэрбум гэрлийн жилийн зайтай орших Охины ордын аймагт байдаг аж. Энэ нүхийг санамсаргүй илрүүлсэн бөгөөд ордын төвд оршин замдаа таарсан бүхнийг залгидаг болохыг эрдэмтэд тогтоосон байна. Олон гариг, сансрын хогийг татагч тэр нүх ертөнцийн хамгийн “ховдог”-оор хүлээн зөвшөөрөгдөөд байна.

Исландын баруун эрэгт орших галт уулын тогоог өрөмдөх ажил дуусчээ. Геологчид 4659 метр гүн өрөмдлөг хийж, галт уулын хамгийн гүн цооногийг бий болгосон байна. Энэхүү цооногийг газрын гүнээс гарах уурыг ашиглан эрчим хүч гаргаж авах зорилгоор өрөмджээ.

Тооцоогоор цооногийн гүнд Целсийн нэмэх 427 хэм байгаа бөгөөд илүү өргөтгөснөөр дулаан нь нэмэгдэх аж. Төслийг 700 жилийн өмнө дэлбэрч байсан галт уулын бүсэд хэрэгжүүлжээ. Удахгүй төслийн дараагийн шат болох цооногт хүйтэн ус шахсанаар цооногийг нээх ажлыг гүйцэтгэх аж. Үүний дараагаар цооног дахин халахыг хүлээх аж.

О.ӨНӨР

Хүний биеийн эд эрхтэнг гахайны биенд ургуулах зорилготой “хагас хүн, хагас гахай” гэх нэртэй төслийг эхлүүлсэн талаар олон улсын ВВС агентлаг мэдээлж байна. Тодруулбал, хүний цөөн хэдэн эсийг гахайн биед буюу үр хөврөлийн эсэд нь суулгаж жирэмслэлтээр дамжуулан зулзагад нь эд эрхтэнг шинээр бүрдүүлэх туршилт аж.

Гахайн ген нь ДНХ-г автоматаар устгадаг онцлогтой тул зөвхөн хүний эд эрхтэн болох нойр булчирхай, элэг, бөөр зэрэг эрхтнүүд л энэхүү туршилтын үр дүнд бүрэлдэх юм байна.

Номхон далайн эргийн хамгийн өндөр
барилга баригдаж дууслаа. АНУ-ын Калифорни мужийн Лос-Анжелес хотноо
сүндэрлэсэн “Вилшейр Гранд Центр” хэмээх энэхүү барилга нь ойролцоогоор
73 давхар, 338 метрийн өндөртэй баригджээ. Түүнчлэн барилгын
инженерүүдийн хэлж байгаагаар уг барилга нь газар хөдлөлтийн хамгийн
идэвхтэй бүсэд байрлаж байгаа ч, хамгийн хүчтэй газар хөдлөлтөд
тэсвэртэй баригдсан гэдгийг хэлж байгаа юм.

Нийт 1.2 тэрбум долларын өртгөөр боссон
“Вилшейр Гранд Центр”-т тансаг зэрэглэлийн зочид буудал, оффисууд болон
ресторан, дэлгүүрүүд байрлах юм. Зочид буудал л гэхэд тус төвийн 70
дугаар давхраас эхлэн нийт 900 өрөө бүхий байх юм байна. Харин оффисын
зориулалттай 365 мянган хавтгай дөрвөлжин талбайг эзлэн орших бол 45
мянган хавтгай дөрвөлжин талбайд бусад үйлчилгээний зориулалттай
байгууллагууд байрлана.

Түүнчлэн 16 цахилгаан лифт ажиллаж,
зорчигчдыг тээвэрлэн ажиллах аж. Харин АНУ-ын хамгийн өндөр барилга нь
Нью-Йорк хотод байрладаг “Эмпайр Эстейт Бюлдинг” юм. Зиккурат буюу
дээшлэх тусмаа нарийсч шаталсан цамхаг шиг хэлбэртэй арт деко хэв
маягийн барилга нь 1931 онд баригджээ.

Уг барилга нь нийт 102 давхар, 381
метрийн өндөртэй бөгөөд телевизийн антенны урттай нийлүүлбэл 443 метрт
хүрдэг. “Эмпайр Стейт Билдинг” нь Нью-Йоркийн уран барилгын голлох
барилгуудын нэгд зүй ёсоор багтдаг юм.

Монгол Улсад орчин үеийн шинжлэх ухааны байгууллага үүсч хөгжсөний 95, Шинжлэх Ухааны Академи үүсгэн байгуулагдсаны 55 жилийн ой, Шинжлэх ухааны ажилтны өдрийг тохиолдуулан “Шинжлэх ухаан, технологи, инноваци-2016” үзэсгэлэн, худалдаа Монголын уран зургийн Галерейн үзэсгэлэнгийн танхимд энэ сарын 23-24-ний өдрүүдэд болно.

Мөн “Шинжлэх ухааны ажилтны өдөр”-ийн нэгдсэн хурал энэ сарын 25-ны өдөр зохион байгуулагдах гэж байна.

Судалгаа боловсруулалтын ажлын үр дүн, шинэ технологийг үйлдвэрлэлд нэвтрүүлэх, оюуны бүтээлийг эдийн засгийн эргэлтэнд оруулах, инновацийн үйлчилгээ бий болгох, төр-хувийн хэвшлийн уялдаа холбоог сайжруулах, шинжлэх ухааны ололт амжилтыг түгээн дэлгэрүүлэх, сурталчилах зорилгоор дээрх арга хэмжээ зохион байгуулагдах юм.

Үзэсгэлэнд эрдэм шинжилгээний байгууллага, их дээд сургууль, тэдгээрийн дэргэдэх гарааны компани, лаборатори, төрийн бус байгууллага, өндөр технологийн компанийн төлөөлөл болсон 80 гаруй байгууллага оролцоно.

“Шинжлэх ухааны ажилтны өдөр”-ийн нэгдсэн хуралд эрдэм шинжилгээний байгууллагуудын төлөөлөл оролцож, шинжлэх ухааны салбарын шагнал гардуулах ёслолын үйл ажиллагаа явагдана.

ХӨТӨЛБӨР
/2016 оны 11 дүгээр сарын 23-ны өдөр/

09:00 “Шинжлэх ухаан, технологи-Инноваци-2016” үзэсгэлэн эхэлнэ.
09:30-10:00 Монгол Улсын хөдөлмөрийн баатар, Академич Б.Ширэндэвийн хөшөөнд цэцэг өргөх ёслол.
11:10-11:30 “Шинжлэх ухаан, технологи-Инноваци-2016” үзэсгэлэнгийн албан ёсны нээлт.
11:30-17:00 “Шинжлэх ухаан, технологи-Инноваци-2016” үзэсгэлэн үргэлжилнэ.

/2016 оны 11 дүгээр сарын 24-ны өдөр/

09:00-15:30 “Шинжлэх ухаан, технологи-Инноваци-2016” үзэсгэлэн үргэлжилнэ.
15:30-16:00 “Шинжлэх ухаан, технологи-Инноваци-2016” үзэсгэлэнгийн шилдэг бүтээл шалгаруулах, шагнал гардуулах арга хэмжээ.
16:00-17:00 “Шинжлэх ухаан, технологи-Инноваци-2016” үзэсгэлэн үргэлжилнэ.

/2016 оны 11 дүгээр сарын 25-ны өдөр/

“Шинжлэх ухааны ажилтны өдөр”-ийн нэгдсэн хурал /Улсын драмын эрдмийн театр/
16:00-16:30 “Шинжлэх ухааны ажилтны өдөр”-ийн нэгдсэн хурлын нээлт.
16.30-17.00 Шинжлэх ухааны салбарын шагнал гардуулах ёслол.
17.00-18.00 “Шинжлэх ухааны ажилтны өдөр”-ийн хүндэтгэлийн концерт.

Өмнөд Солонгосын улсын эмнэлгүүдэд физик, сэргээн засах эмчилгээний тасгуудад 2017 оноос эхлэн төрөл бүрийн роботуудыг ашиглахаар болжээ. Тэдгээр роботууд нь үйлчлүүлэгчдэд мэдээлэл өгөх, тухайн өвчтөний цай хоол, эм тариаг нь, мөн цагаан хэрэглэлийг зөөж өгөхөөс гадна зарим тохиолдолд өвчтөнүүдийг физик эмчилгээ хийлгэхэд нь тэднийг өргөх, сандал дээр суулгах, хэвтэх зэрэгт нь туслах зэрэг үйлчилгээг үзүүлэх юм байна.

Тус улсын Эрүүл мэндийн яамнаас 2020 он гэхэд нийт 80 эмнэлгийн физик, сэргээн засах эмчилгээний тасгуудад тус бүр 5-10 ширхгийг нийлүүлэх ажээ. Эмнэлэгт робот ажилласнаар сувилагчийн оролцоо шаардлагагүй зарим нэгэн үйлчилгээ илүү түргэн шуурхай болохоос гадна өвчтөн болон үйлчлүүлэгчид нь өөрсдөд хэрэгтэй дэлгэрэнгүй мэдээллийг роботоос авч болох юм байна.

Google компани өнөөдрөөс PhotoScan нэртэй аппликэшнийг Android, iOS системүүдэд зориулан гаргалаа.

Уг аппликэшн нь таны гэр бүлийн цомогт байгаа хуучин гэрэл зурагнуудыг чанартайгаар “сканердаж” гар утсанд оруулах юм. Ингэхдээ зургийг хэсэг хэсгээр хуулаад дараа нь machine learning технологийн тусламжтайгаар эвлүүлж, нэгэн бүхэл гэрэл зураг болгодог.

Өмнө нь та гар утасны камераар цаасан дээр байгаа зургийг авахад гэрэл ойсон, чанар муу, тэгш хэмтэй бус зураг бий болдог байсан. Тэгвэл энэхүү аппликэшн нь энэ бүх асуудлыг шийдэж өгсөн байна.

Аппликэшнийг эхлээд ажиллуулаад оруулах зураг руу чиглүүлэхэд дөрвөн хэсэг цэг гарч ирнэ. Тэдгээр цэгүүд дээр ээлж ээлжээр камераа шилжүүлэхэд зургийг бүхэлд нь оруулж дуусах юм.

Ганцхан хувь үлдсэн, үрэгдэж гээгдэх магадлалтай, ховор гэрэл зургуудаа ийм аргаар дижитал болгож болохоор болжээ.