Category: шинжлэх-ухаан-технологи

Бүхий л улсын тэргүүнүүд, удирдагчид хэзээнээс хүлгийн дээдийг унаж ирсэн түүхтэй. Орчин цагт хурдан морьдын халааг автомашин залгаж авчээ. БНХАУ-ын удирдагч Си Жиньпин, АНУ-ын Ерөнхийлөгч Доналд Трамп хоёр улсдаа үйлдвэрлэгдсэн автомашиныг сонгож унадаг бол, зарим орны удирдагчид сум нэвтрүүлдэггүй шилтэй, хуягласан байдлыг нь харж сонгодог байна.

Нэгэн цагт бидний зайлшгүй хэрэгцээ байсан зүйлс технологийн хөгжлийг даган орхигдон мартагдах нь бий. Видео болон аудио хуурцаг, пейжер холбоо, компьютерийн уян диск зэргийг энд нэрлэж болно. Тэгвэл дараагийн хорин жилд таны хэрэгцээнээс бүрэн гарах зүйлсийг танилцуулж байна.

Машины хажуугийн толь

Audi компани 2019 он гэхэд хажуугийн тольгүй машин үйлдвэрлэхэд бэлэн болжээ. Цаашид автомашины бүх үйлдлийг камерын системээр хянадаг болно. Мөн бензин хөдөлгүүр ч мартагдаж, цахилгаан машиныг өргөнөөр хэрэглэнэ.

Англид энэ оноос бүх барилга цахилгаан автомашины цэнэглэгчтэй болох бөгөөд эрх баригчид 2035 гэхэд хүн амын ихэнхийг байгаль орчинд ээлтэй тээврийн хэрэгсэл ашигладаг болгохоор төлөвлөж байна.

Алсын удирдлага

Smart Home технологи нь бидний өдөр тутмын амьдралын нэг хэсэг болж байна. Та гэрийнхээ цахилгаан хэрэгслүүдийг таблет эсвэл ухаалаг утас ашиглан хянаж болно.

Бэлэн мөнгө ба зээлийн картууд

Зузаан хэтэвч бүхий бэлэн мөнгийг банкны карт орлох болсоор удлаа.Тэгвэл одоо картны ч хэрэгцээ үгүй болох нь. Ухаалаг утас, цаг зэрэг төхөөрөмж байхад та бүхий л төлбөр тооцоогоо саадгүй хийнэ.

Түлхүүр

20 жилийн хугацаанд энгийн түлхүүр бүрэн мартагдана. Мэдээж ухаалаг төхөөрөмжийн тусламжтайгаар орон гэрийнхээ аюулгүй байдлыг бүрэн хянах боломжтой.

Чихэвч

Технологи хөгжүүлэгчид утасгүй чихэвчийг бидэнд санал болгоод төдий л удаагүй. Харин дараагийн ээлжинд утас чихэвчээ радио долгион эсвэл Wi Fi ашиглан цэнэглэдэг болох нь.

Тариур

Энэ мэдээ сайн, муу хоёр талтай. Ирээдүйд ямар ч тариур хэрэгцээгүй болж, шинэ технологи зүү тариурыг орлоно. Эрдэмтэд 2 сонголт санал болгож байна. Jet injections гэх технологи нь шингэнийг агшин зуур арьсанд нэвчүүлж танд өвдөлт мэдрүүлэхгүй онцлогтой. Дотроо бичил зүү агуулах капсул нь шаардлагатай эм тэжээлийг цусны урсгалд агшин зуур хүргэх онцлогтой.

Хүргэлтийн үйлчилгээ

Олон оронд хүргэлтийн үйлчилгээг хүмүүс биш тусгай дроноор гүйцэтгэдэг болж байна.

Гарын үсэг

Цаас аль хэдийн хоёрдогч үүрэг гүйцэтгэж, биометрийн системийг өргөнөөр ашигладаг болж байна. Ухаалаг гар утас, АТМ машин ч аль хэдийн нүүрний онцлогоор хүмүүсийг таних боломжтой болсон.

Гялгар уут

Байгальд задартлаа хэдэн зууныг элээдэг тул хүмүүс аль болох гялгар уутнаас татгалзах болсон. Дараагийн 20 жилд дэлхий нийтээр нийлэг уутнаас бүрэн татгалзана.

Компьютерийн хулгана

Гар болон нүдний хөдөлгөөнөөр компьютерийг удирдах боломжтой. Шинэ технологи удахгүй таны байнгын хэрэглээ болно.

“Калашников” корпорацийн хэрэгжүүлж буй “Кортеж” төслийн “Иж” брэндийн мотоциклыг ОХУ болон гадаадын зах зээлд чөлөөт хэлбэрээр гаргана гэж “Ростек” корпорацийн тэргүүн Сергей Чемезов мэдэгдлээ.

“Иж” брэндийн нэрээр гаргаж буй уг мотоциклийг олон улсын зах зээлд чөлөөт хэлбэрээр гаргах төлөвлөгөөтэй байгаа бөгөөд энэ юу гэхээр хэн дуртай нь уг мотоциклыг худалдан авах боломжтой гэсэн үг юм. ЗХУ-ын үеэс үүсэлтэй уг брэндийг одоо “Калашников” корпораци шинэчлэн гаргаж байна. Гэвч энэ мотоцикл “Кортеж”-ийн мотоциклуудаас ялгаатай байх боловч загвар болон техникийн шийдлүүдийн хувьд адилхан байх болно” гэж тэрбээр мэдэгдэв.

Энэхүү мотоциклын туршилт 2019 оноос нааш дуусахгүй гэж тэрбээр өмнө нь мэдэгдэж байсан боловч өнгөрсөн тавдугаар сард тэрбээр ОХУ-ын Ерөнхийлөгч Владимир Путинтэй уулзахдаа, “Кортеж” төслийн мотоциклууд бараг бэлэн болсон, зарим тохируулга хийх үлдсэн гэж мэдэгджээ. Мөн тэрбээр, энэхүү мотоцикл Өрнөдийн орнуудын мотоциклоос дутахааргүй гайхалтай болсон гэсэн байна. Үүний хариуд В.Путин, гадаадын мотоциклуудаас илүү байх ёстой гэж мэдэгджээ.

Шинээр гаргаж буй “Иж” брэндийн энэхүү мотоцикл нь 3.5 секундэд 100 км/цагийн хурд авах хүчин чадалтай бөгөөд 290 см урт, 94 см өргөн, 125 см өндөр, 510 кг жинтэй ажээ. Дээд хурд нь 250 км/цаг, хөдөлгүүр нь 110 кВт-ын хүчин чадалтай юм.

“Кортеж” төслийн хүрээнд ОХУ-ын томоохон албан тушаалтнуудад зориулсан цуврал автомашинуудыг үйлдвэрлэдэг байна.

Америкийн “Тесла” компанийнхан Европт үйлдвэрээ барихаар Герман, Нидерландын Засгийн газрын төлөөлөгчидтэй яриа хэлэлцээ хийж эхлээд байна. Теслагийнхан Европт зай хураагуур, цахилгаан автомашин угсрах үйлдвэр барихаар төлөвлөж байгаа аж. Тус компани өнгөрсөн хоёрдугаар сард түүхэндээ хамгийн их алдагдалтай ажилласнаа мэдээлж байсан.

“Форбс” сэтгүүлийн мэдээлж байснаар, 2017 оны дөрөвдүгээр улирлын дүнгээр тус компанийн алдагдал 675 сая ам.долларт хүрсэн байна.

Хятадын ухаалаг утас үйлдвэрлэгч “Хуавей” компани ухаалаг гар утасны борлуулалтаараа “Apple” компанийг анх удаа гүйцэж, дэлхий даяар хамгийн олон утас борлуулсан компаниудын хоёрдугаарт жагссан байна.

“Хуавей” компани өнгөрсөн улиралд 54 сая гар утас борлуулсан нь өмнөх оны мөн үетэй харьцуулахад 40 хувиар өссөн үзүүлэлт болсон байна. Энэхүү тоо нь “Apple” компанийг ардаа орхиход хангалттай байсан хэдий ч ухаалаг гар утасны борлуулалтаараа тэргүүлэгч “Самсунг” компанийн 70 сая утас борлуулсан амжилтад хүрэхэд нэлээд дутсан ажээ. Ингэхдээ “Самсунг” компанийн өнгөрсөн улирлын борлуулалт өнгөрсөн оны мөн үетэй харьцуулахад 10 хувиар буурсан байна.

“Beeline” гарааны компани мотоцикль болон унадаг дугуй сонирхогчдод зориулан шинэ төрлийн луужингийн төхөөрөмж танилцуулаад байна. Энэ бол хуучны уламжлалт луужингийн төхөөрөмжөөс тэс өөрөөр ашиглагдахаар бүтээгдсэн боловч ашиглахад хамгийн амархан ухаалаг “GPS” юм.

Ус чийг болон доргилтоос хамгаалагдсан энэ “GPS” нэг сар буюу 30 өдрийн турш цэнэгээ барьдаг. Дэлгэцэн дээр очих газрын зүг чигийг заасан өвөрмөц хэлбэртэй зүүтэй. Хэдэн км газар яваад хаашаа хэрхэн эргэхийг цаг тухай бүрт нь мэдээлдэг аж.

Үүнийг ухаалаг гар утасныхаа тусламжтайгаар ашиглах боломжтой юм. Утсаараа дамжуулан өөрийнхөө очихыг хүсэж байгаа газрын мэдээллийг авч болно. Мөн өмнө, хойно, баруун болон зүүн зүгийг төвөггүй зааж өгдөг тул жолоо барьж байхдаа хаашаа явж байгаагаа мэдэхэд хялбар юм байна.

Зохион бүтээгчид нь энэ шинэ төрлийн луужингаа зах зээлд худалдаалахын тулд үйлдвэрлэлд шаардлагатай хөрөнгө санхүүгээ Кикстартерийг ашиглан босгож буй аж.

Анхандаа 60000 фунт стерлинг хангалттай хэмээн тооцоолж байсан бол төлөвлөгөөгөө давуулан биелүүлж бараг хоёр дахин илүү санхүүжилт авч чаджээ. Зах зээл дэх үнийн хувьд 129 ам.доллар байх болно гэж мэдээллээ.

Өнгөрсөн жил “Инстаграм”(Instagram)-ыг өдөрт 250 сая хүн ашигладаг гэсэн судалгаа гарчээ. Уг тоо энэ жил 400 сая болон өсжээ. Энэ нь “Снайпчат” (Snapchat)-аас хоёр дахин их хэрэглэгчтэй болохыг харуулж байна. Хамгийн сүүлийн үеийн мэдээллээр өнгөрсөн улиралд 191 сая хүн снайпчат хэрэглэжээ.

2016 онд “Инстаграм түүх” (Instagram story)-тэй болох үед олон хүмүүс үүнийг Снайпчатын хуулбар хэмээн харж байв. Хуваалцсан зураг, бичлэг нь 24 цагийн дараа устаж, цэцэг, титэм зэрэг өөр бусад тусгай шүүлтүүр дэлгэцэн дээр нэмж харагддаг байна. Снайпчат Фэйсбүүкийг тэргүүлэх үе удаан үргэлжилсэнгүй. Инстаграмын түүх найман сарын дотор Снайпчатын нэг өдрийн идэвхтэй хэрэглэгчдийн тоог давжээ.

Үргэлжлүүлэн, найзуудын нийтлэл дээр “GIF” буюу хөдөлгөөнт зураг нэмэх, найзуудыгаа дурдах зэрэг олон төрлийн үйлдлүүдийг Инстаграм нэмсээр байна.

Нэг сард Инстаграмыг тэрбум хүн идэвхтэйгээр хэрэглэдэг.

“Bloomberg-ийн судлаачдын тооцоолсноор “Инстаграм” бие даасан хувьцаат компани байсан бол 100 тэрбум доллараар үнэлэгдэх байжээ. 2012 онд Фэйсбүүк компани энэхүү програмыг нэг тэрбум доллараар худалдан авсан байна.

Өнгөрсөн дөрөв дэх өдөр “Инстаграмын түүх”-нд шинээр хөгжим нэмж оруулах боломжтой болсныг зарлалаа.

Өнгөрсөн сард “IGTV“ гэх шинэ үйлдлийн инстаграм нэвтрүүлсэн билээ. IGTV-г хүн бүр ашиглах боломжтой. Бичлэг нь 10 минутаар хязгаарлагдсан байдаг. Харин 10 мянгаас дээш дагагчтай хүмүүс нэг цаг хүртэлх бичлэгийг хуваалцах боломжтой ажээ.

Э.АНХМАА

Apple компани AirPods утасгүй чихэвчний шинэ хувилбарыг гаргахаар ажиллаж байна. Энэ тухай “Bloomberg” агентлаг мэдээлэв.

Шинэ хувилбар нь зүрхний цохилтыг хянахад зориулагдсан биометрийн мэдрэгчээр тоноглогдохоос гадна ус нэвтрэхээс хамгаалагдсан байх аж.

Шинэ чихэвч нь өмнөх хувилбараас илүү үнэтэй байх бөгөөд үүнийг 2019 оноос өмнө худалдаанд гаргахаар төлөвлөж байна.

Хятадын хиймэл оюун ухаант техник зохион бүтээгч томоохон компани болох “Байду” корпораци пүрэв гарагт автомат жолоодлоготой хоёр машинаа Тяньжин хот дахь ашиглалтад хараахан ороогүй байгаа хурдны зам дээр туршсан тухай “Синьхуа” агентлаг мэдээлэв.

“Байду” компанийн хувьд ийм төрлийн туршилтыг анх удаагаа хийж буй нь энэ аж. “Туршилтаар автомат жолоодлоготой автомашины байрлал тогтоох, орчин тойрноо мэдрэх чадвар хийгээд удирдлагын ажиллагааг шалгасан” гэж компанийн ахлах инженер Ван Сяолун мэдэгджээ.

Туршилт явагдсан “Таншань-Ланфан” хурдны зам энэ оны сүүлээр ашиглалтад орох гэнэ. “Байду” компани нь автомат жолоодлого бүхий технологийг бүтээх салбарын шинэ төлөөлөгчдийн нэг болж байгаа бөгөөд энэ онд Лас-Вегас хотноо болсон Хэрэглээний электроникийн олон улсын үзэсгэлэн дээр “Аполло 2.0” хэмээх автомат жолоодлоготой тээврийн хэрэгслийн хурдыг нэмэгдүүлэх хөтөлбөрөө танилцуулсан билээ.