Category: шинжлэх-ухаан-технологи

Технологийн шинэ дэвшилтэд бүтээлүүд хурдацтай хөгжсөөр байна. Эдгээрээс нисгэгчгүйгээр нисэх чадвартай төхөөрөмж буюу дрон улам боловсронгуй, ашиглахад хялбар болсон нь анхаарал татаж байгаа юм. Энэ удаад шинэ төрлийн нисдэг дроны талаар онцоллоо. Энэ бол дан ганц агаарт хөөрч нислэг үйлдэх чадвартайгаас гадна усны гүнд ч шумбах боломжтой “SPRY” нэртэй дрон юм.

SPRY стартапынхан усан спортоор хичээллэх хүсэл сонирхолтой охид залууст зориулан энэ шинэ төрлийн дроныг бүтээсэн. Агаарт нисгэнгээ залгуулаад усанд ч шумбуулах боломжтой болгосноор зугаацах хэлбэрийн өөр шинэ мэдрэмжийг бий болгожээ. Нисдэг дрон нь ус нэвтэрч ажиллагаагүй болно гэх айх айдасгүй байна гэдэг мэдээж сайхан. Усны нам гүн дор агаарын даралт тэсвэрлэх боломжтой ус нэвтрүүлэхээс хамгаалсан хайрцагтай. Дрон нисгэгч өөрийнхөө харах өнцгийг дурын объектоос харж болно. Мэдээж энэ дрон өөртөө дүрс бичлэгийн камертай. Камер нь 4к/30fps үзүүлэлт бүхий 12 мегапиксел нягтшилтай. Дүрсээ SD санах ойн картад ачаалж дамжуулна. Удирдлагын хувьд Wi-Fi холболтыг ашигласан. Агаарт ч, усны гүнд ч хийж байгаа дүрсээ шууд дрон нисэгчийн удирдлагын хяналтын төхөөрөмжид илгээнэ. Spry дрон 70 км цагийн хурдтай нислэг үйлдэх чадвартай.

Нэг удаагийн дүүрэн цэнэгээрээ 17 минут тасралтгүй ажилладаг. Хэд хэдэн давуу талуудтай болсон талаар үйлдвэрлэгч талаас онцолсон. Жишээ нь, дрон нисэгч эзэн дээрээ хаанаас ч гэсэн автоматаар өөрөө нисэж хүрч очих, эргэн тойрныхоо орчныг бүхэлд нь бие даан бичиж авах гэх мэт.

Үнийн хувьд Spry стартапын хөрөнгө оруулагчдын талаас өгсөн мэдээллээр бол 729 ам.доллар гэжээ. Гэхдээ энэ үнэ нь дахиад 200 ам.доллараар нэмэгдэж магадгүй хэмээн мэдээлсэн. Хүссэн захиалагчид тус дроныг энэ оны сүүлээр гэхэд гар дээрээ хүлээж авах боломжтой. Далайн эргийн амралтын газар, нуур цөөрөм, голын усанд сэлэх, зугаацах хүсэл сонирхолтой залууст илүү тохирсон төхөөрөмж. Магадгүй судалгааны зориулалтаар ашиглахыг үгүй гэх газаргүй шүү дээ.

Эрдэмтэд анх удаа 3 хэмжээст хэвлэгч ашиглан тал бөмбөрцөг хэлбэртэй гадаргуу дээр гэрэл мэдрэгчүүдийг суулгаж чадсан нь хиймэл нүд буюу “бионик нүд” бүтээх чиглэлд том алхам болжээ.

Ингэснээр хараагүй хүмүүс хиймэл нүдтэй болж, хорвоо дэлхийг тольдох боломж нээгдэх юм. Миннесотагийн Их сургуулийн судлаачид уг амжилтынхаа тухай “Advanced Materials” сэтгүүлд нийтлүүлжээ.

Өмнө нь 3 хэмжээст хэвлэгч ашиглан хавтгай гадаргуу дээр гэрлийн мэдрэгчүүдийг суулгаж чаддаг байсан бол хагас бөмбөлөг хэлбэртэй гадаргууд суурилуулж чаддаггүй байсан юм.

“Бионик нүд өмнө нь уран зөгнөлд тооцогддог байсан бол одоо бид үүнийг бүтээхэд ойрхон боллоо” гэж судалгааг ахалсан Механик Инженерчлэлийн дэд профессор Майкл МакАльпин ярьжээ.

Түүний багийнхан өмнө нь бионик чих, бионик арьс зэргийг бүтээж байсан юм. 3 хэмжээст хэвлэгчээр бионик нүд бүтээх санааг МакАльпин нэг нүд нь хараагүй ээжээсээ олж авсан гэнэ. Түүний ээж “Чи надад хэзээ бионик нүд бүтээж өгөх гэж байна?” хэмээн үе үе асуудаг байжээ.

Одоо МакАльпиний багийнхан хүний нүдэнд суулгахад тохиромжтой зөөлөн материал дээр гэрэл мэдрэгчүүдийг хэвлэх аргыг олохоор ажиллаж эхэлсэн байна.

Шинэ эрхтэн нь хүний дархлааг дэмжин аливаа өвчлөлтэй тэмцэхэд тусалдаг ба тунгалагийн зангилааны дээд хэсэгт байрладаг гэнэ.

Австрали улсын Гарваны анагаах хүрээлэнгийн эрдэмтэд энэ ер бусын нээлтийг хийсэн байна. Хүний биенд урьд өмнө мэдээгүй эрхтэн тул энэ судалгаа шинжлэх ухааны нээлт болж байна. Гэхдээ нүдэнд үл үзэгдэх, маш нимгэн хавтгай бүтэцтэй, зөвхөн микроскопоор л харах боломжтой тул микро эрхтэн гэж нэрлэж байна.

Микро эрхтэнг эхлээд хулганаас илрүүлээд дараа нь хүний биеэс олжээ. Гэхдээ энэ эрхтэн өвчинтэй тэмцэх, бие махбодь эсэргүүцэл үзүүлэх шаардлагатай үед л гарч ирдэг, хүний биед дандаа байдаггүй эд гэж эрдэмтэд дүгнэж байна.

“Таван Богд” ХХК-ний захиалгын дагуу Toyota-н үйлдвэрт тоноглолын сайжруулалт хийгдсэн хот хөдөөгийн алинд ч унах боломжтой LC200 GX.R petrol high V6, AT үнэ 161.0 сая төг, лизингийн урьдчилгаа 10%, хугацаа 8 жил, сарын хүү 1.25%, зээл олголтын шимтгэлгүй.

Үйлдвэрийн тоноглол:

-арьсан суудал

-6 шатлалт хурдны хайрцаг

-LED гоёлын гэрэл

-PTC салоны цахилгаан халаагуур

-4 бүсийн халаалт

-евро2 хөдөлгүүр

-лебёдкагүй

-ухрахын камер

-суудлын удирдлага

-тольны удирдлага

-220В цахилгааны эх үүсвэр

-дифференциал түгжигч

-хайлшин обуд

-дээврийн нээлхий

-урд хойд зайн мэдрэгч

-138 л-н шатахууны сав

Урамшуулалд:

-өвлийн 5 ш Bridgestone дугуй дагалдуулах

-зуны 5 ш Bridgestone дугуй сольж суурилуулах

-3.0 сая төг-н бүтээгдэхүүн, үйлчилгээний эрх

-BlackVue нэрийн автомашины хар хайрцаг

-EGR нэрийн копутны, борооны, их гэрлийн хаалт

-Weathertech нэрийн 4 хос шалавч /сонголтоор 3D 4 хос шалавч/

-Trac Grabber нэрийн цас, шаварнаас гаргагч /4 дугуйнд/

-60 сувгийн ТВ суурилуулалт /1 жилийн эрхтэй/

-хүүхдийн суудал

-цонхны хар хальс суурилуулалт

-100 л шатахуун

-4 жил, 40,000 км дотор 9 удаагийн тос, шүүр солих үйлчилгээ

Утас: 9511-3333, 9510-1111, 9510-2222, 9510-4444, 9510-5555, 9510-6666, 9510-7777, 9510-8888, 9511-9511, 9511-4444, 9511-5555, 9910-9431, 7577-7979.

Toyota үзэсгэлэнгийн танхим өдөр бүр 09:00-21:00 цагийн хуваарийн дагуу ажиллаж байна.

Хаяг: CБД, 1-р хороо, Олимпийн гудамж, Таван Богд ХХК-ийн Toyota төв.

Facebook хуудас: Toyota-Tavan Bogd /Таван Богд ХХК/

Веб сайт: www.toyota-tavanbogd.mn

Business Insider сэтгүүл ухаалаг утасны зах зээлийг 2018 онд байлдан дагуулсан шинэ бүтээгдэхүүнүүдийн чансааг тодорхойлжээ. Энд үнэ ба чанар гэсэн үзүүлэлтээр таван шилдэг утсыг нэрлэв.Чансааны тэргүүнд зайны хүчин чадал, чанартай камер, Qualcomm Snapdragon 845 процессор, 6 гигабайт шуурхай ой зэрэг үзүүлэлтээрээ OnePlus 6 утас бичигджээ.

Мөн Samsung Galaxy Note 9, Samsung Galaxy S9, LG G7 Thinq, Moto G6 утаснууд удаах байрт оров.iPhone X-ийн амжилтыг эвдэнэ гэж тооцоолж зах зээлд нийлүүлсэн Samsung-ийн шинэ загвар Galaxy S8 загвараа ч давсангүй.

Apple ирэх 9 сард гурван шинэ загвараа танилцуулах тул хараахан энэ жагсаалтад багтаагүй аж.Үүний зэрэгцээ, Business Insider аравдугаар сар хүртэл хүлээхийг зөвлөн, Google Pixel 3 гарахыг сануулжээ.

Харин Оросын Чанарын байгууллагын шинжээчид Samsung Galaxy S9 ба Samsung Galaxy S9+ утаснуудыг 2018 оны шилдэг бүтээгдэхүүн гэж үзсэн байна.

Автомат жолоодлоготой машиныг хөгжүүлэхэд туслах зорилгоор АНУ-ын “Uber” компанид 500 сая долларын хөрөнгө оруулалт хийнэ гэж “Toyota Motor” компанийн төлөөлөгч мэдэгдлээ.

Автомат жолоодлоготой машиныг зах зээлд гаргах өрсөлдөөн эрчимжиж байгаа энэ үед уг хөрөнгө оруулалт нь хоёр компанийн түншлэлийг бэхжүүлэх юм гэж “Toyota Motor” компани мэдэгдлээ.

Үүний зэрэгцээ “Toyota” группын сэлбэг үйлдвэрлэгч дөрвөн компани хамтарсан компани байгуулж, автомат жолоодлоготой машинд зориулсан программ хангамжийг хөгжүүлэхээр болсон байна. Энэхүү программ хангамжийг “Toyota” болон автомашин үйлдвэрлэгч бусад компанид нийлүүлнэ гэж тэд мэдээлжээ.

Хурдны замаар явах зориулалттай автомат жолоодлоготой машиныг 2020 он гэхэд худалдаанд гаргах зорилготой байна гэж “Toyota Motor” компани өмнө нь мэдэгдэж байсан билээ.

Цаг агаарын ямар ч нөхцөлд авто зам нөхөх “Битуфикс” бүтээгдэхүүнийг “Битумина Монголиа” ХХК Орхон аймгийн удирдлагуудад танилцууллаа. Уг бүтээгдэхүүн нь -25 хүртэлх хэмд авто замын нүхнүүдийг нөхөж, бөглөх боломжтой юм.
Эрс, тэс уур амьсгалтай Монгол оронд авто замын ажлыг зөвхөн дулааны улиралд хийдэг. Тэгвэл Английн шилдэг технологийг монголдоо нутагшуулж буй “Битумина Монголиа” ХХК “Битуфикс” хэмээх хүйтэн асфальт үйлдвэрлэж зах зээлд гаргаж эхлээд байна. Уг хүйтэн асфальтаар нэг м.кв талбайг ердөө 10 минутын хугацаанд нөхөх бөгөөд 2-3 уут /60-90 кг/-ыг хэрэглэнэ. Харин одоо ашиглаж байгаа уламжлалт технологиор нэг м.кв талбайг нөхөхийн тулд асфальтаа халуунаар нь /140 хэм/ авчран индүүдэгч техник ажиллуулах зэрэг цаг хугацаа их зарцуулдаг байна. Орхон аймаг асфальтын нэг үйлдвэртэй ч тэр нь хуучны технологиор ажилладаг ажээ.

Энэ жил Орхон аймаг 2214 м.кв авто замыг нөхсөн. Үүнд 100 орчим сая төгрөг зарцуулсан. Авто замын эвдрэл, нөхөөсийн хэмжилтийг хавар эрт хийдэг ч гүйцэтгэх хугацаа хүртэл нэмж томрох, өөр газарт шинээр үүсэх тохиолдол их байдаг аж. Хэрэв дээрх технологи монголын цаг агаарын нөхцөл, авто замын ачааллын “шалгуур”-ыг давж чадвал зөвхөн Улаанбаатар хотын авто замыг нөхөхөд зарцуулдаг 6 тэрбум төгрөг Монголын эдийн засагт эргэлдэх боломжтой юм. Үндсэн түүхий эд нь хайрга гэнэ.
Өөрсдийн бүтээгдэхүүн, үйлчилгээндээ хоёр жилийн баталгаа өгч буй “Битумина Монголиа” ХХК өдөрт 60 тонн хүйтэн асфальт үйлдвэрлэх хүчин чадалтай ажээ.

Энэ оны эхний хагас жилийн байдлаар хамгийн их борлуулалттай байгаа машинаар “Toyota Corolla” маркийн машин тодорсон байна.

Хагас жилийн хугацаанд энэ загварын машин дэлхий даяар 611 мянган ширхэг зарагдсан байна. Харин “Ford F-Series” маркийн автомашин 537 мянган ширхэг борлогдсоноор удаах байрт орсон бол 442 мянган ширхэг борлогдсон “Volkswagen Golf” маркийн машин жагсаалтын 3 дугаар байрт бичигджээ.

Эхний тавд “Honda Civic”, “Toyota RAV4” маркийн машинууд орсон бол түүний араас “Volkswagen Tiguan”, “Volkswagen Polo”, “Honda CR-V”, “Toyota Camry”, “Chevrolet Silverado” маркийн машинууд хамгийн их борлуулалттай машинуудын эхний аравт багтсан байна.

Ookla компанийн Speedtest Global Index интернэт хурдны үзүүлэлтийн долдугаар сарын тайлан үр дүнгээ танилцуулжээ. Тайланд дэлхийн 132 орны хэрэглэгчдийн мобайл болон суурин интернэтийн хурдыг харьцуулан үнэлдэг юм. Энэ оны долдугаар сарын байдлаар Монгол улсын мобайл интернэтийн хурд download=15.15 Mbps, upload=11.02 Mbps үзүүлэлтээр 91 дүгээрт, суурин интернэтийн хурд download=22.88 Mbps, upload=22.24 Mbps үзүүлэлтээр 66 дугаарт жагсжээ.

Манай интернэтийн хурд өмнөх сараасаа хоёул буурсан дүнтэй байна. Тухайлбал мобайл хурдны үзүүлэт 8 байраар, суурин интернэтийн хурд 2 байраар ухарчээ.

Дэлхийн дундаж хурд нь мобайлын хувьд download=22.81 Mbps, upload=9.13 Mbps, суурин холболтын хувьд download=46.41 Mbps, upload=22.48 Mbps тус тус байна.

Суурин интернэтийн хурдаар жагсаалтыг Сингапур тэргүүлж, араас нь Хонг Конг, Исланд, Румынь, Өмнөд Солонгос эхний таван байранд оржээ. Сингапурын суурин интернэтийн хурд нь download=181.47 Mbps, upload=46.41 Mbps байгаа юм.

Улс орнуудын интернэтийн хурдыг шалгахдаа тухайн улсын суурин интернэтийн 3,333-аас дээш тооны ялгаатай хэрэглэгч, мобайлын 670-аас дээш ялгаатай хэрэглэгчийн Speedtest шалгуураар орсон үр дүнг ашиглан гаргадаг юм.

Өмнөд Солонгосын Samsung Electronics компани ухаалаг гар утасны дараагийн шинэ загвар болох Galaxy Note 9 гар утсаа танилцууллаа.

Шинээр танилцуулж байгаа Galaxy Note 9 гар утас нь бичлэг дүрсний чанарыг илтэд сайжруулсан диафрагма солих тусгай камертайгаас гадна авсан зураг сэлтийг илүү тодотгох интеллектуал системтэй юм. Энэ систем зургийн чанаранд автоматаар тохиргоо хийж, дүрсийг сайжруулдаг байна. Түүнчлэн 4 мянган мАч-ийн чадалтай шинэ зайтай юм. Шинэ ухаалаг гар утас нь $1,000 доллараар худалдаанд гарч байна.

Өмнөд Солонгосын Samsung Electronics компани нь өнөөдөр ухаалаг гар утасны зах зээлд дэлхийд тэргүүлэн, 20%-ийг дангаар эзэлж байгаа юм. Тэгвэл Samsung-ийн араас Хятадын Huawei орж, өнгөрсөн хагас жилийн байдлаар Apple компанийг ардаа орхисон байна. Гэхдээ Apple компани ухаалаг утасны зах зээл дэх тэргүүлэгч байр сууриа алдахгүйн тулд ирэх намар iPhone-ны шинэ загварын утсаа гаргахаар төлөвлөж байна.