Одон орончид нарны аймгийн гадна орших “K2-18b” хэмээх гариг дээр амьдрал оршин байх боломжтой гэсэн дүгнэлт хийжээ. Уг гариг нь дэлхийгээс 8.6 дахин их масстай, 2.6 дахин их радиустай байна. Нарны аймгаас гадна усан агаар мандалтай гариг илрүүлсэн анхны нээлт болсноос гадна, онолын хувьд нарны аймгаас гадна амьдрал оршин байх магадлалтай анхны гариг болоод байгаа аж.
Samsung Electronics компани АНУ-ын Сан-Франциско хотноо болсон арга хэмжээний үеэр 6.9 инчийн ультра дэлгэцтэй, дөрвөн камертай “Galaxy 20” загварын шинэ ухаалаг гар утас болон эвхэгддэг “Galaxy Z Flip” шинэ загвараа танилцуулжээ. “Galaxy Z Flip” загвар нь 6.7 инчийн дэлгэцтэй, гаднах хүрээ нь 1.1 инч бөгөөд эвхэгдсэн үедээ 73.6 х 87.4 мм хэмжээтэй болох юм байна. “Samsung Electronics” шинэ загвараа энэ сарын 21-нээс зах зээлд худалдаалж эхлэх юм. “Galaxy S20” загварын гар утасны үнэ 999 ам.доллар, харин “Galaxy S20+” загвар нь 1200 ам.доллар бол “Galaxy Z Flip”-ийнх нь үнэ 1400 ам.доллар байх аж.
Их Британид төвтэй брэнд үнэлгээ, стратеги зөвлөгөөний тэргүүлэгч БРЭНД ФАЙНАНС олон улсын байгууллагаас Huawei брэндийг анх удаа хамгийн үнэ цэнтэй топ 10 брэндийн нэгээр нэрлэснийг энэ даваа гарагт Huawei компани зарлав. Саяхан нийтлэгдсэн Brand Finance Global 500 2020 тайланд Huawei нь 65.084 тэрбум ам.долларын брэндийн үнэлэмжээр жагсаалтад байгаа Хятадын гурав дахь компани болж байгаа бөгөөд тус брэндийн үнэ цэн жил бүр 4.5 %-иар өсөж байгаа аж.
“Олон нийтийн магтаал маргаан дунд байнгын анхаарлын төвд байдаг Хятадын аварга компани хөгжин урагшилсаар байгаа ба 65.1 тэрбум ам.долларын брэндийн үнэлэмжээр анх удаа дэлхийн хамгийн үнэ цэнтэй топ 10 брэндийн жагсаалтад багтлаа” гэж Брэнд Файнанс тайландаа цохон тэмдэглэжээ.
Шилдэг 500 брэндийн 45.4 %-ийг бүрдүүлж буй 205 компани нь АНУ-ын компаниуд бөгөөд тэдний нийт брэндийн үнэлгээ 320.4 тэрбум ам.доллар болсноор эдийн засгийн хувьд хамгийн хүчирхэг улсаар тодорсон. Хятад улс удаалж тус жагсаалтын 18.9 %-ийгэзэлж байгаа тус улсын 70 компанийн нийт брэндийн үнэ цэн 133.4 тэрбум ам.доллар болсон байна.
Технологийн салбар нь хамгийн үнэ цэнтэй салбар хэвээрээ байгаа ба хамгийн үнэтэй 500 брэндийн 46 нь буюу 14% нь технологийн салбараас гаралтай. Тэдгээр технологийн салбарын компаниудын нийт үнэ цэн 986.5 тэрбум ам.доллароор үнэлэгдэж байна. Huawei нь Хятадын цорын ганц технологийн брэнд болж хамгийн үнэ цэнтэй топ 10 брэндийн жагсаалтад багтсан.
2019 онд Huawei компанийг 240 сая ширхэг ухаалаг гар утас үйлдвэрлэж, дэлхийн хоёр дахь том ухаалаг утас үйлдвэрлэгч гэсэн байр сууриа хадгална гэсэн таамаглалыг бодит болгож чадсан. Тус компани 44 сая гаруй ширхэг HUAWEI Mate цуврал, HUAWEI P цувралын утас борлуулсан бөгөөд энэ нь өнгөрсөн оны мөн үеийнхтэй харьцуулахад 50%-иар өссөн үзүүлэлт байсан. Чухал, дэвшилтэт технологийг амжилттай нэвтрүүлсний үр дүнд2019 оны 12 дугаар сарын байдлаар Huawei компанийн 5G ухаалаг гар утасны борлуулалт 6,9 сая ширхэгт хүрсэн.
Мөн онд Huawei компани нь тодорхой хэмжээгээр олонд танигдсан HiLink экосистемийн таблет, хувийн компьютер, IoT төхөөрөмж зэрэг олон төрлийн шинэ бүтээгдэхүүнийг нэвтрүүлж зах зээлд танилцуулсан.
Website: https://consumer.huawei.com/mn
Facebook: https://www.facebook.com/huaweimobilemn/
Instagram: https://www.instagram.com/huaweimobilemn
Самсунг компани тав дахь үеийн сүлжээнд холбогдох боломжтой анхны Galaxy Tab S6 5G таблетаа танилцуулжээ. Өмнөд Солонгост өчигдрөөс худалдаалж эхэлсэн тус таблетын үнэ ойролцоогоор 850 ам.доллар аж. Энэхүү загвар нь өнгөрсөн онд гарсан Galaxy Tab S6 таблет дээр суурилжээ. Техникийн хувьд Snapdragon X50 5G модемтой гэдгээрээ онцлог юм байна.
БНСУ-ын “Samsung” компани ухаалаг гар утас хэрэглэгчдэд зориулан “үл үзэгдэгч” компьютерын гар хөгжүүлсэн байна. “SelfieType” программ хангамж нь гар утасны урд камерын тусламжтайгаар хэрэглэгчдийн хуруунуудыг таньж “Qwerty” товчлууруудын хаана дарахаас хамааран бичвэр бичих боломжийг олгож байна. Ухаалаг гар утсаар текст шивэхэд товчлуурын хэмжээ жижиг тул зарим тохиолдолд хүндрэл учирдаг бол “үл үзэгдэгч” компьютерын гар уг асуудлыг шийдэх юм. “Samsung” энэхүү шинэ технологийнхоо талаар энэ долоо хоногийн мягмар гарагт буюу нэгдүгээр сарын 7-нд АНУ-ын Невада муж улсын Лас-Вегас хотноо эхэлсэн Хэрэглээний цахилгаан барааны үзэсгэлэнгийн /CES/ үеэр танилцуулсан байна. Уг үзэсгэлэн энэ сарын 7-10-ны өдрүүдэд үргэлжилнэ.
У.МӨНХ-ЭРДЭНЭ
БНСУ-ын “Samsung” компани шинэ загварын бүтээгдэхүүнээ ирэх сарын 11-нд АНУ-ын Калифорни муж улсын Сан-Франциско хотод танилцуулахаа албан ёсоор мэдэгджээ.
Ажиглагчдын таамаглаж байгаагаар, “Samsung” компани “Galaxy S11”-ийн гурван шинэ загварыг /хэмжээний хувьд/, тэр дундаа эвхэгддэг ухаалаг утсаа танилцуулах төлөвтэй байна. Үүний зэрэгцээ “Galaxy Note 10”-ын загвар, 5000 mAh зай хураагуур, 108 мегапикселийн камер, “5G” сүлжээ зэрэг нь удахгүй танилцуулах шинэ загварын бүтээгдэхүүнд багтсан гэх шуум дэгдээд байгаа билээ.
“Samsung” компанийн “5G” сүлжээтэй, эвхэгддэг загвар нь энэ оны хамгийн анхаарал татсан ухаалаг утасны нэг байх болов уу. Мөн түүнчлэн гэрэл зурагт хоббитой хүмүүст камерын дэвшил таалагдах нь дамжиггүй юм. “Samsung”-ийн “Galaxy Note 10” болон А цувралын ухаалаг гар утасны борлуулалт сайн байгаатай холбоотойгоор тус компанийн ухаалаг утаснаас олох орлого нэмэхтэй байгаа хэдий ч компанийн нийт орлого хасахтай байна.
Германы автомашин үйлдвэрлэгч “Mercedes-Benz” компани цахилгаан хөдөлгүүртэй “eSprinter” ачааны бүхээгтэй тэргээ танилцуулжээ.
Энэхүү шинэ автомашин нь нэг удаагийн цэнэглэлтээр 168 км зам туулах бөгөөд цагт 120 км хурдалдаг байна.
Түүнчлэн хурдан цэнэглэгчийн тусламжтайгаар цахилгаан машины батарейг ердөө хагас цагийн дотор тэгээс 80 хувь хүртэл цэнэглэх боломжтой гэнэ. “Mercedes-Benz”-ийн “eSprinter”-ийн худалдаалагдах үнэ одоогоор тодорхойгүй байна.
Гарааны бизнес эрхэлж буй залуучуудыг бүхий л боломж нөөцөөрөө дэмжих зорилготой “Бизнесийн инкубатор хөтөлбөр”-ийн 2020 оны бүртгэл албан ёсоор эхэллээ.
Инкубаторын үндсэн зорилго нь инновацын тэргүүлэх салбаруудад шинэ, дэвшилтэт санааг бүтээгдэхүүн үйлчилгээ болгон хувиргах, шинэ хэрэгцээг эрж олох, технологид суурилсан бизнесийг хөгжүүлэх, гарааны компанид ажлын таатай орчин, менежментийн иж бүрэн дэмжлэг туслалцаа үзүүлэх замаар тэднийг санхүүгийн болон үйл ажиллагааны хувьд тогтворжсон дотоод гадаадын зах зээлд өрсөлдөх чадвартай болгон өсгөн бойжуулахад орших аж.
Монгол Улсын Засгийн газраас Шинжлэх Ухаан технологийн салбарын 2019 оны “Технологийн дэвшлийн шагнал”-ыг академич Б.Бямбаад олгохоор шийдвэрлэж, 100 сая төгрөгөөр шагнахаар шийдвэрлэсэн билээ. Энэ дагуу Монгол Улсын Ерөнхий сайд У.Хүрэлсүх уг шагналыг “Паразиттах өвчтэй малыг эмчлэх, сэргийлэх дэвшилтэт технологи” бүтээлээрээ хүртэж буй Шинжлэх ухааны гавьяат зүтгэлтэн, академич Б.Бямбаад Төрийн ёслол хүндэтгэлийн өргөөнд биечлэн гардуулж, эрдэм судлалын ажилд нь амжилт хүсэж, үг хэлэв.
Тэрбээр, Танд болон танаа хамт олон, судлаачдын багт дахин баяр хүргэж, эрдэм судлалын их ажилд нь амжилт хүсье. Шинжлэх ухааны гавьяат зүтгэлтэн, академич Б.Бямбаагийн тус бүтээл нь Мал эмнэлгийн хүрээлэнд сүүлийн 20 гаруй жилийн хугацаанд хийгдсэн эрдэм шинжилгээ, туршилт, зохион бүтээх ажлын үр дүн юм. Тус бүтээл нь үндэсний баялаг болсон мал сүргийг паразиттах өвчнөөс эрүүлжүүлэх төдийгүй паразит зооноз, бэтэг, финоз зэрэг хэд хэдэн аюулт өвчнөөс хүн амыг хамгаалах, цаашлаад үндэсний үйлдвэрлэлийг сэргээн хөгжүүлэх талаар төрөөс баримталж буй бодлогыг хэрэгжүүлэхэд томоохон үр нөлөө үзүүлэх ажил болсон гэж Монгол Улсын Засгийн газар үзэж байна.
Академич Б.Бямбаагийн бүтээсэн Авермонмек, Альмонзол эм бэлдмэлүүд үйлдвэрлэлд нэвтэрч, дотооддоо үйлдвэрлэх болсноор гадаадын ижил төстэй бүтээгдэхүүн худалдаж авах үнэтэй харьцуулахад даруй 147.4 тэрбум төгрөгийн хэмнэлтийг бий болгосон гэж эдийн засагчид тооцоолон гаргасан нь энэхүү бүтээлийн үнэ цэнэ, ач холбогдлыг илтгэн харуулж байгаа юм.
Цаашид Монгол Улсын Засгийн газраас шинжлэх ухааны салбарт гарч байгаа дэвшилтэт, шинэлэг ажлууд, эрдэмтэн мэргэдийнхээ шинэ мэдлэг, оюуныг бий болгох хичээл зүтгэлийг дэмжиж хамтран ажиллах болно гэлээ.
Академич Б.Бямбаа хэлэхдээ уг шагнал нь шинжлэх ухаанчдад урам зориг, итгэл хүлээлгэж байна гээд, Төрөөс шинжлэх ухааны салбарт анхаарлаа хандуулж, салбарын нэгдсэн чуулганыг зохион байгуулж, бодлогын болон санхүүжилтийн дэмжлэг үзүүлж буй Ерөнхий сайд, салбарын сайд нарт талархал илэрхийлээд, хичээн ажиллана гэсэн юм.
“Паразиттах өвчтэй малыг эмчлэх, сэргийлэх дэвшилтэт технологи” бүтээлийн мөн чанар нь нэг нь нөгөөгийнхээ үр дүнг нөхөн улам бүр лавшруулан залгамжит байдлыг хангасан иж бүрдэл, үйлчилгээний өндөр идэвхитэй эм бэлдмэлийг үйлдвэрлэх хэд хэдэн цуврал технологийг бий болгосонд оршино.
Монгол Улсын мал сүрэгт шимэгчлэн амьдарч үхэл хорогдол, эдийн засгийн ихээхэн хохирол учруулдаг гадар 54, дотор 178, нийт 232 зүйлийн шимэгчээр үүсгэгддэг паразиттах өвчнийг эмчлэх, сэргийлэх технологийг бий болгохдоо тэдгээр шимэгчдийн биологийн онцлог, оршин амьдрах ерөнхий зүй тогтлыг нээн илрүүлж, амьдралыг нь малын бие махбодид таслан зогсоох онолын шийдлийг олж тогтоосон явдал юм.
Малын гадар, дотор паразитийг устгах, тэдгээрээс сэргийлэх үйлчилгээтэй “Авермонмек”, цагаан хорхойг малын биеэс гадагшлуулан туулгах үйлчилгээтэй “Альмонзол” бэлдмэлүүдийн технологи нь шинжлэх ухаан, технологийн хөгжлийн орчин үеийн тэргүүний түвшинд зохион бүтээгдсэнийг Монгол Улсын малын эм бэлдмэл шалгах, баталгаажуулах улсын лаборатори болон дэлхийн референт (лавлагаа) лабораторид хянан магадлагаа хийж тогтоожээ.
Энэхүү технологи нь шинжлэх ухаан, технологийн хөгжлийн өнөөдрийн түвшинд бий болсон түүхий эдийн шинж чанарт үндэслэн, олон найрлагат эм бэлдмэлийг зохион бүтээх орчин үеийн технологи, техник хэрэгсэл, ноу-хауг ашигласнаараа хүн ам, байгаль орчинд сөрөг нөлөөгүй, хаягдалгүй, экологийн хувьд цэвэр технологи болсон байна гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Данийн эрдэмтэд чулуун зэвсгийн үеийн хус модны давирхайнаас түүнийг бохь болгон зажилж байсан хүний мэдээллийг генетикийн аргаар сэргээж чадсанаа өчигдөр зарлажээ. Уг “бохь”-нд 5,700 орчим жилийн өмнө амьдарч байсан хүнийг тодорхойлоход хангалттай генетикийн материал хадгалагдаж байсан гэнэ. Судалгааны үр дүнд давирхайг зажилж байсан хүн нь Европын эх газраас Скандинавын хойгийн төв хэсэгт нүүдэллэн амьдарч байсан хүмүүсийн нэг байсныг тогтоожээ.