Орон нутгийн замд хөдөлгөөнд оролцож буй жолооч нар гэрлээ шилжүүлэхгүйн улмаас зам тээврийн осол гарах хандлага буурахгүй байгаа статистик байна. Ослыг бууруулах зорилгор Замын цагдаагийн газрын албанаас буруу талдаа жолооны хүрдтэй автомашинд зориулагдсан гэрлийн гялбааг сааруулагчийг нааж эхэлжээ.
Уг наалт гэрлийн тусгалын гялбуулах хэсгийг сарниулдаг эерэг нөлөөтэй аж. Олон улсад хүлээн зөвшөөрөгддөг “anti lights”-ыг зарим автомашинд үнэгүй нааж өгч байгаа юм байна. Мөн энэ үеэрээ гэрлийн гялбааны талаар жолооч нарт хэрэгтэй инфографик бүхий мэдээллийн зурагт санамжийг тарааж байгаа гэсэн.
Шөнийн цагаар гарч буй зам тээврийн ослын 60 хувь нь энэ төрлийн үйлдлээс болдог ажээ. Ялангуяа буруу талдаа жолооны хүрдтэй автомашины гэрлийн хийц нь эсрэг талын автомашины жолоочийн нүдийг хүчтэй гялбуулдаг сөрөг нөлөөтэй юм байна.