Зуншлага сайтай байдаг Булган аймгийг энэ жил мөн л гантай байна. Нийт нутгийнх нь 10 хувь л зуншлага боломжийн гэнэ. Үүнээс болж, 330 мянган толгой мал оторт явж буй аж. Малчдын хувьд гайгүй гэж үзэн ус бэлчээр даган очсон зарим газар нь төдий л зуншлага сайтай биш байх тохиолдол ч бий. Үүнээс болж, хаашаа нүүдэл отор хийх вэ гэдэг талаар аймгийн удирдлагууддаа ч хандах болжээ.
Цахим хурлыг техникийн саатал гарсан Баянхонгороос бусад аймагтай бүгдтэй нь хийв. Улмаар Хүнс хөдөө, аж ахуй хөнгөн үйлдвэрийн сайд П.Сэргэлэн өвөлжилтийн бэлтгэл хангахтай холбоотой үүрэг даалгавар өглөө. Үүнд хадлан тэжээл бэлтгэх газраа оновчтой болгох, отор нүүдэл хийх газраа эртнээс аймгийн удирдлагууд ярилцаж, тодорхой болгох. Хөвсгөл, Баянхонгор, Өвөрхангай гэсэн гуравхан аймаг эрүүл бүс тул өөр газраас ирж байгаа малд анхаарах. Мал, мах экспортлох ажлыг зөв зохион байгуулах зэрэг хэд, хэдэн чиглэлээр даалгавар өгөв.