Монгол Улс, БНХАУ, ОХУ-ын Засгийн газар хоорондын “Азийн авто замын сүлжээний АН-4 чиглэлийн авто зам” буюу БНХАУ-ын Шинжаань Уйгарын Өөртөө Засах Орны Өрөмч хотоос эхэлсэн гурван улсын туршилтын тээвэрлэлт амралтын өдрөөр Ховд аймгийн Булган боомтоор амжилтай нэвтэрлээ.
Тус чиглэлд гурван улсын нийт есөн тээврийн хэрэгслээр ачаа тээвэрлэжээ. Гурван улсын тээвэр нь БНХАУ-ын Шинжаань Өрөмч хотоос эхэлж, Монгол Улсын баруун бүс буюу Ховд аймгийн Булган, Баян-Өлгий аймгийн Цагааннуур боомтоор дамжин өнгөрч, ОХУ-ын Новосибирск хот хүртэл тээвэрлэлт гүйцэтгэх юм.
Монгол Улсаас “Монгол тээвэр нэгдэл транзит ХХК, Монложистик ХХК, Монтир транс ХХК-иуд тээвэрлэлтийг гүйцэтгэж байгааг ЗТХЯ мэдээлэв.