“Мөнхийн Үсэг” группын “Мөнх спорт төв”-өөс санаачлан “Улс, аймгийн алдар цолтой бөхчүүдийн сагсан бөмбөгийн лиг”-ийн тэмцээнийг зохион байгуулахаар болжээ. Улс, аймгийн алдар цолтой бөхчүүдийн сагсан бөмбөгөөр хичээллэх сонирхлыг нэмэгдүүлэх, ур чадварыг дээшлүүлэх, хамт олны уур амьсгалыг сайжруулах, багийн спортыг хөгжүүлэх зорилготой энэхүү тэмцээнийг ОУ-ын сагсан бөмбөгийн холбооны дүрмийн дагуу зургаан минутаар, дөрвөн үе тоглох журмаар зохион байгуулна.
Энэ тэмцээнд нэг аймгаас хэдэн ч баг оролцох боломжтой бөгөөд багийн эзэн, дасгалжуулагч, 10 тоглогчийн бүрэлдэхүүнтэй байх юм. Баг тус бүр 800 мянган төгрөгийн бооцоотой бөгөөд түрүү баг алтан медаль, мөнгөн шагнал, шилжин явах цом, дэд байр мөнгөн медаль, мөнгөн шагнал, гутгаар байр хүрэл медаль, мөнгөн шагнал гардана. Энэхүү тэмцээн дөрөвдүгээр сарын 22-29-ийг дуустал “Мөнхийн Үсэг” группын “Мөнх спорт төв”-д болно.