2017-2018 оны Монголын сагсанбөмбөгийн улирлын тоглолтууд үргэжилсээр байгаа. Энэ улирлын “Бүх одод”-ын тоглолтод О.Ууганбаяр ахлагчтай баг Ш.Сэдбазар ахлагчтай багийн эсрэг хүч сорьсон. Спортын төв ордонд цугласан сагсанбөмбөг сонирхогчдын уухайн дуу, алга ташилт тасартгүй үргэлжилсэн энэ үдэш “Цагаанууд” илүүрхэн 104:101 харьцаатай хожсон юм.
О.Ууганбаяр ахлагчтай баг “Цагаан”, Ш.Сэдбазар ахлагчтай баг “Хар” өмсгөлөөр гоёсон байв. Багийн бүрэлдхүүнд “хар”-ууд: Ш.Сэдбазар, Т.Санчир, Reid, О.Очирбат, Д.Мөнхтүвшин, Maxwell, О.Сэргэлэн, Г.Баттөр, П.Болортулга, Wright Acx, О.Эрдэнэцогт, Ц.Ганболд нар багтсан бол “Цагаан”-уудад: О.Ууганбаяр, Б.Билгүүн, Т.Mannasa, Б.Болдбаатар, С.Өрнүүнбилэг, А.Энхтүвшин, Б.Батжавхлан, Г.Насанжаргал, Ц.Азбаяр, М.Wilson, Ц.Сэргэлэнбаатар, M.J.Hammonds нар байлаа.
Тоглолтын салхийг Б.Билгүүн хагалж анхны оноог авсан. Тоглолт эхнээсээ маш сонирхолтой үргэлжилж СТО-д цугласан үзэгчид тасралтгүй хоёр багийг дэмжиж байв. Нэгдүгээр үе 24:27-ийн харьцаатай “Хар”-уудын давамгайллаар өндөрлөлөө. Эхний хагаст нэлээдгүй үзэгчдийг хөөргөсөн довтолгоо, Slam dunk-ийн үзүүлбэрийг харуулсан сонирхолтой довтолгоо их өрнөсөн. Хоёрдугаар үе 52:46-аар “Цагаан”-уудын давамгайлал дор өндөрлөв. Сүүлийн хагасын эхний үед багууд самбарт довтлох, тохох үзүүлбэрээр олныг гайхуулсан үе байлаа. Самбарын довтолгоо бүр амжилттай болж үзэгчид ч алга ташилтаа таслаагүй. Харин тоглолтын төгсгөлийн үед багууд эрчимтэй довтолгоо өрнүүлж, онооны давамгайллыг ээлжилж авсаар цаг дуусахаас 14.02 секунтын өмнө 102:101 харьцаатай болж, О.Ууганбаярын дасгалжуулагч Д.Эрдэнэбаатар завсарлага авч сүүлийн довтлогоогоо боловсруулан заавар өгсөн. Тоглогчид дамгалжуулагчийнхаа итгэлийг алдалгүй амжилттай болгож чадсан. Сүүлийн довтолгоог Ш.Сэдбазар цаг дуусахаас 0,04 доль дутуу байхад гурвын зайнаас шидсэн ч амжилтгүй болж 104:101 оноогоор О.Ууганбаярын баг болох “Цагаан”-ууд хожсон юм.
С.ОТГОНБАЯР
