Сагсан бөмбөгийн үндэсний супер лигийн энэ улирлын бүх оддын тоглолт Эрдэнэт хотод эхэлсэн бол, өнөөдөр Хандгайт дахь сагсан бөмбөгийн ордонд үргэлжилж байна. Тоглолтод дэлхийн бага олимп гэгддэг Универсиад наадамд гурван тивийн багийн сөхрүүлсэн Монгол улсын залуучуудын шигшээ баг Үндэсний супер лигийн америк легионеруудын шигшээ багтай халз тоглолт хийх юм.
“Бүх Оддын Тоглолт”-н гарааны тоглогчид дасгалжуулагчдын саналаар тодорсон.
Тодруулбал Үндэсний Супер Лигийн найман багийн дасгалжуулагчдын санал асуулгаар
Сhris Jones – 6, Дархантөгс -6, Мөнхтүвшин – 6, Дорж-Арилд – 5, Билгүүн -6, Санчир – 6, Болортулга -7, Ууганбаяр -6, Очирбат -7, Онвукамучэ -7 санал тус тус авсанаар, ийнхүү гарааны тоглогчид болсон байна. Ур чадвар, Холын зайн шидэлт, Цагариган дээрээс довтлох тэмцээний аваргууд мөн энэ өдөр тодрох болно. Тухайлбал Үндэсний супер лигийг статистик үзүүлэлтээр 3-н шугамын араас хамгийн шилдэг найман тамирчин “Бүх Оддын Тоглолт”-н холын зайн шидэлтийн тэмцээнд оролцохоор тодроод байна. Супер лигтээ эргэн ирээд удаагүй байгаа Хүлэгүүд багийн Н.Золжаргал аваргаа хамгаалан оролцох бол хоёр удаагийн шидэлтийн аварга Ирвэсүүд багийн Э.Цэвэлдорж мөн шилдэг легионер тамирчдын хамт өрсөлдөх юм. Сагсан бөмбөг сонирхогч та бүхэн Хандгайт дахь сагсан бөмбөгийн ордныг зориорой.