Өчигдөр орон нутгийн цагаар 22:00 цагийн үед Унгарын нийслэл Будапешт хотын дундуур урсдаг Дунай мөрнөөр аялж явсан жуулчны завь өөр усан онгоцтой мөргөлдсөний улмаас осолджээ.
Осол Будапештын төвд, Элизабетын гүүрний ойролцоо болсон аж.
Завин дээр нийт 33 жуулчин явсан бөгөөд есөн гэр бүлийн, 40-50 насны голдуу хүмүүс, мөн нэг хүүхэд байжээ. Тэдний ихэнх нь Өмнөд Солонгосын иргэд байснаас долоо нь живж, 19 нь сураггүй болсон байна.
Өмнөд Солонгосын ерөнхийлөгч Мүн Жэ Ин тусгай аврах багийг өнөөдөр өглөө Унгарын нийслэл рүү илгээжээ.
А.МӨНХЗУЛ