Их Британи улсад зохион байгуулагдсан Европын холбооноос гарах эсэхийг шийдэх бүх нийтийн санал асуулгын дүн гарсан талаар “www.dailymail.co.uk” мэдээллээ. Уг санал асуулгад 30 сая хүн оролцож, 71.8 хувийн ирцтэй явагдсан байна.
Саналаа өгсөн нийт иргэдийн 52 хувь нь Европын холбооноос гарахыг дэмжсэн бол 48 хувь нь Британи Европын холбоонд үлдэх нь зөв хэмээжээ. Харин Шотланд болон Лондонгийн иргэд Британийг Европын холбооноос гарахыг дэмжээгүй гэнэ.
“Саналын урдчилсан дүн гарах үед фунт-стерлингийн ханш гурван хувиар унасан” талаар “CNN” агентлаг онцлов. Тусгаар тогтнолын нам энэ өдрийн тусгаар тогтнолын өдөр болгоно зарлаж буйгаа зарлаж, Лондон хотноо баярын жагсаал зохион байгуулжээ.
Тус нам 1994 оноос хойш Британийг Европын холбооны нөлөөнд хэтэрхий автаж байна хэмээн буруутгадаг байсан юм.