Бразилын Шинжлэх ухаан, техник, аюулгүй байдлын яамны комисс ОХУ-ын “Спутник V” вакциныг аюулгүй гэж хүлээн зөвшөөрчээ.
Ийнхүү тус улсад Оросын гаргаж авсан коронавирусийн эсрэг вакцин “Спутник V”-гийн арилжааны үйлдвэрлэлийг баталсан байна. Мөн “Шинжлэх ухаан, техник, инновацийн яамны био аюулгүй байдлын үндэсний техникийн комисс “Гам-КОВИД-ВАК” нэртэйгээр вакцины арилжааны хувилбарыг баталсан” гэж мэдэгджээ.
Бразил улсын хувьд ОХУ-аас коронавирусийн эсрэг вакцин авах хүсэлтээ “Спутник V” вакциныг гаргаж авснаа зарласан үеэс нь хойш илэрхийлсэн юм. Тус улсад цар тахлын нөхцөл байдал хүнд байгаа аж. Бразилд өвчлөл 14.3 саяд хүрчээ. Хоногт 32572 тохиолдол илэрч, 1305 хүн нас барсан байна.