NBA-ийн 2021-2022 оны улирлын плэй-оффын тоглолтууд үргэлжилж байна. Бостон Селтикс Милуаки Бакс багуудын хоёрдугаар шатны зургаа дахь тоглолт болж 108:95 харьцаагаар Бостон Селтикс хожив.
Бакс цувралын тав дахь тоглолтод хожсоноороо 82% хувьтай дараагийн шатанд шалгардаг давуу талыг өөртөө аваад байсан хэдий ч бууж өгдөггүй Селтикс тоглолтын турш илүүрхэж ийнхүү цувралыг тэнцүүллээ.
Өнөөдрийн тоглолтод Селтиксээс Жэйсэн Тэйтум 46 оноо авч шилдэг тоглолтоо үзүүллээ. Харин Милуаки Баксаас Яннис 44 оноо авсан хэдий ч баг нь хожигдол хүлээлээ.
Ингэснээр Бостон-Милуакигийн цуврал 3:3 харьцаатайгаар үргэлжилж байна. Дараагийн шатанд шалгарах сүүлчийн тоглолтыг хоёр багийн хөгжөөн дэмжигчид амьсгаа дараан хүлээх л үлдлээ.