Монголын боксын үндэсний шигшээ багийн тамирчид Казахстан улсын нийслэл Алмата хотноо энэ сарын 8-13 ны өдрүүдэд зохиогдож буй “Казахстан улсын ерөнхийлөгчийн цом” Олон улсын “А” зэрэглэлийн тэмцээнд өрсөлдөж байна. Тэмцээнд ОХУ, Куба, Украйн, Казахстан зэрэг хорь орчим орны тамирчид өрсөлдөж байна. Олимп, дэлхийн аварга болон медальт тамирчид 18 оролцож байгаа нь тус тэмцээний чанарыг илтгэн харуулж байна. Манай багийн бүрэлдэхүүн гавьяат тамирчин, хөдөлмөрийн баатар Э.Бадар-Ууганаар ахлуулж гавьяат дасгалжуулагч, ардын багш Д.Банди багшаар зөвлүүлж, Үндэсний шигшээ багийн ахлах дасгалжуулагч ОУХМ Д.Батсүрэн, Шигшээ багийн дасгалжуулагч Б.Эрдэнэбаяр нараар уяа сойлгоо тохируулуулсан шигшээ багийн тамирчид болох ОУХМ. Г.Ган-Эрдэнэ /49 кг/ СМ. А.Нурлан /52 кг/ МУГТ. Н.Төгсцогт /56 кг/.ОУХМ. Д.Отгондалай /60 кг/.ОУХМ. Б.Чинзориг /64 кг/.ОУХМ. Б.Түвшинбат /69 кг/.ОУХМ. Ж.Отгонжаргал /75 кг/.ОУХМ.С.Эрдэнэбаяр /81 кг/.СМ.Т.Ерболат /91 кг/ нар эх орноо төлөөлөн өрсөлдөж байна.
МУГТ Н.Төгсцогт Тажикстаны Авзалшоевийг оноогоор,ОУХМ.Д.Отгондалай Казахын Сапиулинг оноогоор,ОУХМ.Б.Чинзориг Филиппиний Галванг оноогоор,ОУХМ.Ж.Отгонжаргал Киргизийн Канявекулуг оноогоор тус тус яллаа гэж Алмата хотоос боксын шигшээ багийнхан мэдээллээ. Тэд мэдээллийнхээ төгсгөлд
МӨНХ ТЭНГЭРИЙН ДОР
МОНГОЛЫН БОКС БАДАРТУГАЙ гэжээ.