Солонгос Улсад 13 настай Монгол охин хүчирхийлэлд өртөж зургаан цагийн турш зодуулсан хэрэг нийгмийг цочроосон. Тэгвэл Солонгос улс дахь гадаад иргэдийн эрхийг хамгаалах байгууллага охины хэрэгт Олон Улсын хүүхдийн мэргэшсэн өмгөөлөгч авч ажиллахаар болсон байна.
Тус байгууллага охины ээжтэй анх уулзан бичлэгийг Солонгосын хэвлэл мэдээллийн байгууллагуудад өгч цацуулсан. Энэ талаар тус байгууллагаас тодруулахад “Монгол Улсад энэ бичлэгийг задрааснаас илүү Солонгос Улсад цацвал илүү эрх нь хамгаалагдана” гэлээ.
БНСУ-ын Ерөнхийлөгчид уламжлах хэмжээний иргэний /200 мянган/ санал бүрдэж, 2022 оны нэгдүгээр сард уламжлахаар болсон аж.