Гадаад харилцааны яамны Консулын газрын захирал Л.Мөнхтүшиг “Есдүгээр сарын 9-ний өдөр үйлдэгдэх байсан Токиогийн нислэгт өөрчлөлт орж есдүгээр сарын 12-ны өдөр үйлдэгдэхээр болсон гэдгийг мэдэгдье. Өнгөрсөн хугацаанд нийт 66 удаагийн нислэгээр 13600 мянган иргэнийг эх оронд нь авчраад байна.
БНСУ-д халдварын хоёрдахь давалгаа эрчимтэй явагдаж байгаа энэ үед халдвар хамгааллын дэглэмийг чангатгасан. Манай иргэд энэ халдвар, хамгааллын дэглэмийг сахих хэрэгтэй байна. Монгол Улсаас БНСУ-д суугаа Элчин сайдын яамны үүдэнд манай иргэд суулт хийж байгаа. Ингэж өөрсдийн аюулгүй байдлыг эрсдэлд оруулахгүй байхыг хүсч байна.
Мөн гадаад улсын иргэдийн авчирсантай холбоотой шүүмжлэл гарсан. Зөвхөн гадаадын иргэдийг авчрах нэг удаагийн тусгай үүргийн нислэг үйлдэж 16 улсын 100 иргэнийг авчран “Рамада” зочид буудалд тусгаарласан. Үүний цаана эдийн засгийг дэмжих маш олон арга хэмжээ, ажил явагдаж байгаа гэдгийг ойлгохыг хүсч байна” гэлээ.
Тусгаарлах байрны зөрчил тасрахгүй байгаа тухай цагдаагийн байгууллагаас мэдээлэл хийлээ. Тухайлбал “Байрны орчин бохир”, “Интернет байхгүй”, “Эх орондоо ирээд бид хятадын буудалд байрлахгүй” зэрэг яриа, өгүүлэл байнга гаргаж байгаа аж.