БНСУ-ын Сөүл хотын Ганнам дүүрэгт барилгын нураалтын ажил хийж байсан хоёр Монгол иргэн нурангид дарагджээ.
Осол өнөө өглөө орон нутгийн цагаар 09:58 цагийн үед гарсан бөгөөд аврах багийнхан ирж яаралтай ажилласны эцэст нэг монгол иргэнийг гарган авчээ.
Харин газар доор B3 давхарт ажиллаж байсан 37 настай А-г гурван цаг гаруйн дараа олж, эмнэлгийн тусламж үзүүлсэн байна. Тэрээр нурангад дарагдсанаас болж хөл, толгойндоо хүнд бэртэл авсан байна.